Jehovha i hi laya hi ku wa hi randza

A ku laya zvi yelana nguvhu ni ku gondzisa. Kanilezvi, zva yelana kambe ni ku kawuka ni ku tsayisa. Jehovha i hi laya kasi hi mu khozela kota lezvi a zvi lavisako zvona. (Rom. 12:1; Mah. 12:10, 11) Ka zvikhati zvin’wani a ku layiwa zva bayisa. Kanilezvi, zvi hi vhuna ku hi ololoka hi maha zva zvi nene hi tlhela hi kuma makatekwa. (Mav. 10:7) Zvini va faneleko ku zvi alakanya lava va layako ni lava va layiwako?

Lava va layako: A madhota, ni vapswali, ni van’wani va ti karatela ku laya yi ndlela ya yi nene ni ya lirandzo, a ku fana na Jehovha. (Jer. 46:28) Lisine ku ni lava va layako loyi a nga maha cihoxo ca hombe va fanele ku kuciwa hi lirandzo. Hambulezvo, a va faneli ku mu nyenyeleta ne ku mu laya hi ndlela yo hundzeleta. — Tit. 1:13.

Loyi a layiwako: Kani hi layiwa hi ndlela muni, a hi faneli ku ala. Hi fanele vhumela hi tlhela hi tekela ku ingisa. (Mav. 3:11, 12) Kota vanhu vo kala ku mbhelela, hontlheni hi lava ku layiwa; niku hi nga layiwa hi tindlela to hambanahambana. Hi nga layiwa hi lezvi hi gondzako lomu ka Bhibhiliya kutani lezvi hi zvi zwako mitlhanganweni. Ka zvikhati zvin’wani, a vokari zvi lava ku va layiwa hi kometi ya kulamula. Kanilezvi, loku hi ingisa lezvi hi layiwako, hi ta hanya khwatsi hi tlhela hi kuma wutomi ga pindzukelwa. — Mav. 10:17.

WONA A VHIDHIO “JEHOVHA I LAYA LOYI A MU RANDZAKO”, U GUMESA U HLAMULA ZVIWUTISO LEZVI:

• 

  Kusanguleni Canon i wa hanyisa kuyini? I gumile a cica a hanya wutomi muni?

• 

  Jehovha i mu kawukisile kuyini hi lirandzo?

• 

  Hi gondza yini ka tshango legi?