Mixuvo muni u nga nayo ka lembe legi ga giswa ga ntiro?

A mixuvo ya moya ku ngava ni cihi hi nga ti karatako hi maha kasi ku engetela lezvi hi mu tirelisako zvona Jehovha ni ku mu tsakisa. A mixuvo ya moya yi hi vhuna ku buvha kota maKristu niku zva ringana futsi a ku hi ti karata hi yi tatisa. (1 Tim. 4:15) Hikuyini hi faneleko ku hlola mixuvo ya hina hi kukhandzakanya? Hi ku a zviyimo zva cica. A mixuvo yo kari hi nga hi nayo zvi nga maha na zvi nga ha koteki a ku hi yi tatisa, kutani zvi nga maha na hi yi tatisile futsi, makunu na zvi lava ku hi ti vekela yin’wani.

A cikhati ca ci nene ca ku ti vekela mixuvo hi loku ku lava ku sangula lembe giswa ga ntiro. Zvi ngo yini ku ka wukhozeli ga n’wina ga ngango mu hlola mixuvo ya n’wina mu wona leyi a munhu ni munhu a nga yi tatisako ni leyi mu nga yi tatisako kota ngango?

Ka zvipandze lezvi zvi landzelako, hi yihi mixuvo ya wena niku zvini u lavako ku maha kasi ku yi tatisa?