Tirisa pajina go sangula ga JW.ORG kuchumayeleni

A pajina go sangula ga saite ya hina gi na ni tindzima ni tivhidhio ti mahelweko ku koka mahlo ya vanhu va timbilu ti nene laha va yileko. (Miti. 13:48) A kutala ka zvikhati gi kombisa mahungu ma haxiwako ka cikhati leco kutani lawa a vanhu va wulawulako nguvhu hi wona kutani mawonela yabye.

U nga gi tirisisa kuyini a pajina go sangula ga jw.org kuchumayeleni?

• Tolovela ku nghena. Tiva mahungu lawa ma kombisiwako laha kusaguleni u tlhela u ehleketa hi lezvi u nga ma tirisisako zvona ka loyi a kombisako kutsakela. (Kasi u kuma mahungu man’wani ma nga chelilwe laha ka pajina go sangula, thitha laha ka ku “Ver Mais.”) Loku u tolovela ku nghena ka saite ya hina zvi ta ku vhuna ku u tshama u hi ni mabhulo maswa kuchumayeleni.

• Tirisa tindzima ni tivhidhio ti nga laha kusanguleni kasi ku sangula bhulo. A mahungu lawo ma nga hi nyika mongo wa lezvi kuzvilava zvi nga maalakanyweni ya vanhu va lomu cipandzeni ca hina.

• Va kombe pajina go sangula ga saite ya hina. Va tlhamusele a mahungu yokari ma nga laho u tlhela u va komba lezvi va nga ma kumisako zvona a mahungu lomu ka saite.

• Rumela link. A vokari a va tlhatlheki a ku bhula na hina hi nghohe ni nghohe. Kanilezvi va vhumela ku nghena ka saite ya hina. Makunu, u nga kanakani ku rumela link ka lava va zvi lavako — ku ngava link ya pajina go sangula kutani ya vhidhio kutani ya ndzima yo kari yi nga kona.