Wa ma tirisa khwatsi a makartawu ya khero ga JW.ORG ke?

Kota lezi a kuxaniseka ka hombe ku tshinelako, a ntiro wa hina wa kuxumayela wu fanele ku mahiwa hi xihatla. (Mav 24:11, 12, 20) Kasi ku vuna vanhu, hi nga tirisa makartawu ya khero ga jw.org lezaku hi yisa kupima ka vanhu lavo ka Biblia ni ka saite ya hina. A kartawu legi gi na ni xifungo xi yisako ka vidiyu Hikuyini u faneleko ku gonza a Biblia? ni ka phajina ga ku kombela xigonzo xa Biblia kutani mahungu manwani. A vanhu vo kari a va ranzi ku amukela mabhuku kanilezi va vumela ku nghena ka saite ya hina. Hikwalaho, u nga kanakani ku va nyika a kartawu ga khero. Hambulezo, u nga siyi a makartawu lawa mitini yi nga hiko na vanhu ge hambu ku nyika lava va kalako va nga ma lavi.

A xikhati lexi u ti mahelako mitiro ya wena ya siku ni siku, u nga vuxa kutsakela ka wokari hi ku wula lezi: “Nzi na ni nchumu nzi xuvako ku ku nyika. A kartawu legi gi na ni khero ga ku nghena hi gona ka saite yi nga ni mahungu ni tividiyu ti wulawulako hi zilo zo tsalangana. A zilo lezi mahala.” (Jo 4:7) Kota lezi a kartawu ga khero gi ringanako ku fumbareta lomu mandleni, u nga fambafamba nawo ni kwihi u yako kasi u nyika vanhu ni ka xihi xikhati.