BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • w20 Maio pp. 8-11
  • Tihosi ti lwisanako cikhatini leci ca kugumesa

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • Tihosi ti lwisanako cikhatini leci ca kugumesa
  • A Murindzeli i huwelela a Mufumo wa Jehovha — 2020
  • Mahungu yo yelana ni lawa
  • “A hosi ya le n’walungu” cikhatini leci ca kugumesa
    A Murindzeli i huwelela a Mufumo wa Jehovha — 2020
  • Himani a “hosi ya le n’walungu” nyamutlha?
    A Murindzeli i huwelela a Mufumo wa Jehovha — 2020
  • Zvini lezvi a bhuku ga Kuvhululelwa gi wulako ka valala va Nungungulu?
    A Murindzeli i huwelela a Mufumo wa Jehovha (Wa cigondzo)—2022
  • Gondza ka zviphrofeto zva Bhibhiliya
    A Murindzeli i huwelela a Mufumo wa Jehovha (Wa cigondzo)—2023
A Murindzeli i huwelela a Mufumo wa Jehovha — 2020
w20 Maio pp. 8-11

Tihosi ti lwisanako cikhatini leci ca kugumesa

A zviphrofeto lezvi zvi kumbukiwako laha a zvokari zvi tlhamusela a zvimaho zvi mahekako hi cikhati caleci ca cin’we. Zvontlhe zvi komba lezvaku hi hanya ‘cikhatini ca magumo’. — Dan. 12:4.

I gráfico gi kombako a zviphrofeto gi tlhela gi tivekisa a hosi ya le n’walungu ni hosi ya le dzongeni kusukela hi 1870 kala masikwini ya hina.
  • A gráfico 1 ka 4 gi komba a zviphrofeto zvi mahekileko hi kama wun’we cikhatini leci co gumesa, kusukela hi 1870 kala 1918. A malembe ya kusukela hi 1914 kuya mahlweni ma tivekisiwa kota masiku yo gumesa. Ciphrofeto 1: Civandza ca 7 wa tihloko leci ci humileko mahlweni ka malembe lawa ma kombisiwako laha ka gráfico. Ka Yimpi yo Sangula ya Misava a hloko ya wu 7 yi no bayisiwa. Kusukela 1917 kuya mahlweni a hloko ya wu 7 yi no hanyisiwa, a civandza ci tlhela civa ni ntamu. Ciphrofeto 2: Hi 1870 ku no tiveka a hosi ya le n’walungu ni hosi ya le dzongeni. Ku tlhela ku humelela hosi yiswa ya le n’walungu, ku nga Alemanya. Kusanguleni a hosi ya le dzongeni ku wa hi Grã-Bretanha, kanilezvi hi 1917 yi no vhaletiwa hi Mufumo wa Misava Yontlhe wa Anglo-América. Ciphrofeto 3: Kusukela 1870, Charles T. Russell ni vanghana vakwe va no tiveka kota ‘ntsumi’. Kusanguleni ka 1880, ‘A Torre de Vigia’ yi no sangula ku kuca lava va nga lera mabhuku yabye lezvaku va chumayela mahungu ya ma nene. Ciphrofeto 4: Kusukela hi 1914 kuya mahlweni, i nguva ya kutshovela. A nyasavari a hambanisiwa ni trigo. Ciphrofeto 5: Kusukela hi 1917 kuya mahlweni ku sangulile kufuma a mikondzo ya simbi ni wumba. Zvin’wani zvi kombisiwako: Zvimaho zva misava yontlhe zva kusukela hi 1914 kala 1918, Yimpi yo Sangula ya Misava. Zvimaho zvi khumbako vanhu va Jehovha: Kusukela hi 1914 kala 1918, a Zvigondzani zva Bhibhiliya le Grã-Bretanha ni Alemanya zvi no vhalelwa. Hi 1918, a vamakabye va le Tsindza ga Misava Yontlhe va no vhalelwa.
    Ciphrofeto 1.

    Mitsalo: Kuv. 11:7; 12:13, 17; 13:1-8, 12

    Ciphrofeto: A “civandza” ci kari ci fuma misava hi cipimo ca 3000 wa malembe ni kuhundza. Cikhatini ca magumo, ku no bayisiwa a hloko ya cona ya wu 7. Hi ku famba ka cikhati, a hloko leyo yi no hanyisiwa niku makunu a “misava yontlhe” yi landzela civandza. Sathani i tirisa a civandza leco kasi ‘kulwa ni lava va seleko’.

    Kutatiseka: Andzhako ka Ntalo, ku no sangula ku humelela a mifumo ya vanhu leyi yi nga vhukela Jehovha. Andzhako ka malembe yo tala, yimpini yo sangula ya misava, a mufumo wa Grã-Bretanha wu no luza a ntamu. Kanilezvi wu no tlhela wuva ni ntamu a cikhati wu nga patsana ni Estados Unidos. Nguvhunguvhu cikhatini leci ca magumo, Sathani i tirisa a mifumo yontlhe ya misava kasi ku xanisa a vanhu va Nungungulu.

  • Ciphrofeto 2.

    Mitsalo: Dan. 11:25-45

    Ciphrofeto: Cikhatini leci ca magumo a hosi ya le n’walungu ni hosi ya le dzongeni ta lwisana hi wuhosi.

    Kutatiseka: A Alemanya ni Anglo-América va lwisana. Hi 1945 a União Soviética ni matiko lawa ma nga mu seketela ma nova hosi ya le n’walungu. Hi 1991 a União Soviética i nowa. Hi ndzhako ka cikhati, Rússia ni matiko lawa ma mu seketelako ma nova hosi ya le n’walungu.

  • Ciphrofeto 3.

    Mitsalo: Isa. 61:1; Mala. 3:1; Luka 4:18

    Ciphrofeto:Jehovha i no rumela a “ntsumi” wakwe kasi ku “longisela a ndlela” a Mufumo wa wuMesiya na wu nga se yimisiwa. A ntsumi lowo wu no sangula ku ‘kanela a mahungu yo saseka ka lava va vhumalako’.

    Kutatiseka: Kusukela hi 1870, C. T. Russell ni vanghana vakwe va no tira hi kuhiseka kasi ku tlhamusela lisine la Bhibhiliya. Hi 1881 va no sangula ku khanyisa lezvaku a malandza ya Nungungulu ma fanele ku chumayela. Va no humesa a tindzima to kota leti: “Precisam-se 1000 pregadores” ni leyi yaku: ‘Ungidos Para Pregar.’

  • Ciphrofeto 4.

    Mitsalo: Mat. 13:24-30, 36-43

    Ciphrofeto: A nala wokari i no byala a nyasavari lomu ka simu ga trigo, a kula a fihla trigo kala cikhatini ca kutshovela. A nyasavari a gumesa a hambanisiwa ni trigo.

    Kutatiseka: Kusukela hi 1800, ku no sangula a ku woneka a kuhambana cikari ka maKristu ya lisine ni maKristu mawunwa. Cikhatini leci ca magumo, a maKristu ya lisine ma hlengeletiwa ma tlhela ma hambanisiwa ni maKristu ya mawunwa.

  • Ciphrofeto 5.

    Mitsalo: Dan. 2:31-33, 41-43

    Ciphrofeto: Mikondzo ya simbi ni wumba ya cifananiso ci mahilweko hi tisimbi to hambanahambana.

    Kutatiseka: A wumba gi yimela a vanhu laha va yileko lava va fumiwako hi Mufumo wa Misava Yontlhe wa Anglo-América, lava va vhukelako a mufumo lowo. Hi kota ya vanhu lavo a mufumo lowu a wu zvi koti ku fuma hi ntamu wa wona wontlhe.

  • Gráfico 2 ka 4 gi komba a zviphrofeto zvi mahekileko hi kama wun’we cikhatini leci co gumesa, kwalomu ka 1919 kala 1945. Alemanya a tivekisiwa kota hosi ya le n’walungu kala 1945. A Mufumo wa Misava Yontlhe wa Anglo-América wu tivekisiwa kota hosi ya le dzongeni. Ciphrofeto 6: Hi 1919, a maKristu ma totilweko ma hlengeletiwa ka bandla gi basisilweko. Kusukela 1919 kuya mahlweni, a ntiro wa kuchumayela wu no engetela nguvhu wu tlhela wu simama. Ciphrofeto 7: Hi 1920, ku wumbiwa a Liga das Nações yi tlhela yi simama kala Yimpini ya Wumbiri ya Misava. Zvin’wani zvi kombisiwako: Ciphrofeto 1: A civandza ca 7 wa tihloko ca ha hi kona. Ciphrofeto 5: A mikondzo ya simbi ni wumba ya ha hi kona. Zvimaho zva misava yontlhe zva kusukela hi 1939 kala 1945, Yimpi ya Wumbiri ya Misava. Zvimaho zvi khumbako vanhu va Jehovha: Le Alemanya kusukela hi 1939 kala 1945, ku vhalelwe a 11 000 wa Vakustumunyu ni hundza. Le Grã-Bretanha kusukela 1939 kala 1945, ku vhalelwe a cipimo ca 1600 wa Vakustumunyu. Le Estados Unidos, a Vakustumunyu va dhumelwe a 2500 wa makhati ni ku hundza kusukela hi 1940 kala 1944.
    Ciphrofeto 6.

    Mitsalo: Mat. 13:30; 24:14, 45; 28:19, 20

    Ciphrofeto: “A trigo” yi hlengeletiwa “matshaleni” ku yimisiwa a “nandza go tsumbeka ni go tlhariha” hehla ka “malandza”. A ‘mahungu ya ma nene ya Mufumo’ ma sangula ku chumayelwa ka “matiko wontlhe”.

    Kutatiseka: Hi 1919 a nandza go tsumbeka gi no yimisiwa hehla ka vanhu va Nungungulu. Kusukela ka cikhati leco, a Zvigondzani zva Bhibhiliya zvi no chumayela nguvhu. Inyamutlha, a Vakustumunyu va Jehovha va chumayela ka matiko yo hundza 200 wa wona niku va humesa a mabhuku ma seketelwako ka Bhibhiliya hi 1000 wa tirimi ni ku hundza.

  • Ciphrofeto 7.

    Mitsalo: Dan. 12:11; Kuv. 13:11, 14, 15

    Ciphrofeto: A civandza ca timhondzo timbiri ci byela a vanhu lezvaku va maha a “cifananiso ca civandza” ci tlhela ci “pupuxela kuhefemula a cifananiso”.

    Kutatiseka: A Mufumo wa Misava Yontlhe wa Anglo-América wu no rangela a ku wumbiwa ka Liga das Nações. A hlengeletano leyi yi seketelwa hi yin’wani mifumo. Hi 1926, a hosi ya le n’walungu yonawu yi no guma yi nghena ka Liga das Nações kala 1933. A kufana ni lezvi a vanhu va kholwako lezvaku a ma Nações Unidas ma ta tisa kurula misaveni yontlhe — ku nga zvilo zvi to kotiwa hi Mufumo wa Nungungulu basi — a vanhu va wa kholwa ku a Liga das Nações yi wa ta neha kurula misaveni yontlhe.

  • A gráfico 3 ka 4 gi komba a zviphrofeto zvi mahekileko hi kama wun’we cikhatini leci co gumesa, kusukela hi 1945 kala 1991. A União Soviética ni matiko lawa ma nga mu seketela ma no tivekisiwa kota hosi ya le n’walungu kala 1991, andzhako ka lezvo Rússia ni matiko lawa ma mu seketelako vonawu va tivekisiwa kota hosi ya le n’walungu. A Mufumo wa Misava Yontlhe wa Anglo-América wu tivekisiwa kota hosi ya le dzongeni. Ciphrofeto 8: I musi wa bhomba ga hombe wu yimelako a khombo ga hombe gi vangilweko hi Mufumo wa Misava Yontlhe wa Anglo-América. Ciphrofeto 9: Hi 1945 ku no wumbiwa a ma Nações Unidas ma vhaleta a Liga das Nações. Zvin’wani zvi kombisiwako: Ciphrofeto 1: A civandza ca 7 wa tihloko ca ha hi kona. Ciphrofeto 5: A mikondzo ya simbi ni wumba ya ha hi kona. Ciphrofeto 6: Hi 1945 ku wa hi ni 156 000 wa vahuweleli ni hundza. Hi 1991 ku wa hi 4 278 000 wa vahuweleli. Zvimaho zvi khumbako vanhu va Jehovha: Le União Soviética kusukela 1945 kala 1950, a Vakustumunyu vo tala nguvhu va no yisiwa livaleni la xanisa la Sibéria.
    Ciphrofeto 8.

    Mitsalo: Dan. 8:23, 24

    Ciphrofeto: A hosi ya nghohe yo tshisa yi ta “hahlula hi ku hlamalisako”.

    Kutatiseka: A Mufumo wa Misava Yontlhe wa Anglo-América wu daya a vanhu vo tala wu tlhela wu lovisa nguvhu. Hi cikombiso, ka Yimpi ya Wumbiri ya Misava, a tiko ga Estados Unidos gi no hoxela a mabhomba mambiri ya ntamu ka tiko legi gi nga hi nala wa Estados Unidos ni Grã-Bretanha. A mabhomba lawo ma hahlulile nguvhu zvaku cima zvi wa nga se tshuka zvi maheka.

  • Ciphrofeto 9.

    Mitsalo: Dan. 11:31; Kuv. 17:3, 7-11

    Ciphrofeto: A “civandza co pswhuka” ca 10 wa timhondzo ci huma hi lomu nkeleni wo eta wo kala magumo, cona kambe i hosi ya wu 8. A bhuku ga Dhaniyeli gi wulawula hi hosi leyi kota “manyalataniso ya mbangalakasa”.

    Kutatiseka: Yimpini ya Wumbiri ya Misava a Liga das Nações yi no fuva. Andzhako ka yimpi ku no ‘yimisiwa’ a ma Nações Unidas. A kufana ni lezvi zvi nga humelela hi Liga das Nações, a ma Nações Unidas ma ta nyikiwa wudzundzo legi gi ringanako Mufumo wa Nungungulu basi. A ma Nações Unidas ma ta vhukela a wukhongeli.

  • A gráfico 4 ka 4 gi komba a zviphrofeto zvi mahekileko hi kama wun’we cikhatini leci co gumesa ka masiku ya hina kala yimpini ya Armagedhoni. Rússia ni matiko lawa ma mu seketelako ma tivekisiwa kota hosi ya le n’walungu. A Mufumo wa Misava Yontlhe wa Anglo-América wu tivekisiwa kota hosi ya le dzongeni. Ciphrofeto 10: A tihosi ta misava yontlhe ti ta huwelela lezvaku “ku rulile, a matiko ma etlele ”. Kugumesa ku sangula a kuxaniseka ka hombe. Ciphrofeto 11: A mifumo yi ta vhukela a wukhongeli ga mawunwa. Ciphrofeto 12: A mifumo ya misava yontlhe yi ta vhukela a vanhu va Nungungulu. A vatotilweko lava va to ngha va ha hi laha misaveni va taya tilweni. Ciphrofeto 13: Armagedhoni. A Mukhileli wa haxi go basi i ta mbhetisa a kuhlula kakwe. A civandza ca 7 wa tihloko ci ta lovisiwa; a mikondzo ya simbi ni wumba ya cifananiso yi ta fayiwa. Zvin’wani zvi kombisiwako: Ciphrofeto 1: A civandza ca 7 wa tihloko ci ta simama civa kona kala yimpini ya Armagedhoni. Ciphrofeto 5: A mikondzo ya simbi ni wumba yi ta simama yiva kona kala yimpini ya Armagedhoni. Ciphrofeto 6: Nyamutlha ku na ni 8 580 000 wa vahuweleli ni ku hundza. Zvimaho zvi khumbako vanhu va Jehovha: Hi 2017, a mufumo wa Rússia wu vhalele Vakustumunyu wu tlhela wu wutla a tiyindlu ta ravi.
    Zviphrofeto 10 ni 11.

    Mitsalo: 1 Tes. 5:3; Kuv. 17:16

    Ciphrofeto: A mifumo yi ta huwelela lezvaku “ku rulile, a matiko ma etlele” a “10 wa timhondzo” ni “civandza” zvi vhukela a “cibhayi” va tlhela va ci lovisa. Andzhako ka lezvo, ku lovisiwa a mifumo.

    Kutatiseka: A mifumo yi ta huwelela lezvaku yi zvi kotile a ku neha kurula ni kutshamiseka misaveni yontlhe. Hi ku landzela, a mifumo leyi yi seketelako a ma Nações Unidas yi ta lovisa wukhongeli gontlhe ga mawunwa. Lezvo zvi tava kusangula ka kuxaniseka ka hombe. A kuxaniseka loko ku ta gumesa hi ku lovisiwa ka tiko gontlhe ga Sathani yimpini ya Armagedhoni.

  • Ciphrofeto 12.

    Mitsalo: Ezek. 38:11, 14-17; Mat. 24:31

    Ciphrofeto: Goge i ta vhukela a tiko ga vanhu va Nungungulu. A tingilozi ti ta guma ti hlengeleta a “vahlawulilweko”.

    Kutatiseka: A hosi ya le n’walungu yi ta tirisana ni yin’wani mifumo va vhukela vanhu va Nungungulu. Andzhako ka cikhati co kari, a vatotilweko lava va to ngha va ha hi laha misaveni va taya tilweni.

  • Ciphrofeto 13.

    Mitsalo: Ezek. 38:18-23; Dan. 2:34, 35, 44, 45; Kuv. 6:2; 16:14, 16; 17:14; 19:20

    Ciphrofeto: A ‘mukhileli’ wa “haxi go basa” i ta mbhetisa a “kuhlula kakwe” hi ku lovisa Goge ni mabutho yakwe. “A civandza” ci ta ‘hoxiwa lomu tiveni ga ndzilo’, a cifananiso ca hombe ca simbi ci lovisiwa hi ribye.

    Kutatiseka: Jesu, a hosi ya Mufumo wa Nungungulu, i ta ponisa vanhu va Nungungulu. Jesu i ta lovisa a patsano wa matiko ni tiko gontlhe ga Sathani na a hi ni lava va 144 000 a to fuma navo le tilweni, ni tingilozi takwe.

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela