Mawonela Ya Lezvi U Nga Gondzisako Zvona

Tiva zvo ranga hi zvona u gondza

Hontlheni hi ni cikhati ci pimilweko ca ku maha a cigondzo ca munhu wutsumbu. Hi nga ci tirisisa kuyini khwatsi a cikhati leco? Co sangula, u nga leri hi kutsutsuma. U ta vhuneka khwatsi hi ku gondza mahungu matsongwani a ku hundza ku gondza zvotala lezvo na u tsutsuma.

Hi kulandzela, tiva zvo zvi rangisa. (Efe. 5:15, 16) Mawonela u nga ma tirisako:

• Lera Bhibhiliya siku ni siku. (Lis. 1:2) Zvi nga vhuna a ku sangula ku lera hi zvipimo lezvi hi gondzako vhiki ni vhiki ka mutlhangano wa laha cikari ka vhiki.

• Longisela a cigondzo ca Murindzeli ni mutlhangano wa laha cikari ka vhiki. Ti longisele khwatsi kasi u hlamula. — Lis. 22:22.

• Loku u kuma cikhati, zama ku lera kutani ku sixtira a mahungu man’wani zva moya yo kota a marevhista ya vanhu vontlhe, ni tivhidhio, ni mahungu ma humesiwako ka jw.org.

• Gondza hi timhaka ti ku tsakisako. U nga maha a piskiza xungetano hi cikarato u kumanako naco, ciwutiso u nga naco, kutani mhaka yo kari ya Bhibhiliya u lavako ku yi zwisisa khwatsi. Kasi ku wona a mawonela man’wani nghena ka “Exercícios Bíblicos” ka jw.org.