Mawonela ya lezvi u nga gondzako

Tiferamenta ta ku gondzisa hi tona vana

A vapswali va na ni wutihlamuleli ga hombe ga ku gondzisa vana vabye xungetano hi Jehovha. (Efe. 6:4) Kasi ku vhuna vapswali, a hlengeletano ya Jehovha yi humesa a tindzima to tala, tivhidhio ni tisimu. U nga zvi tirisisa kuyini lezvo kasi ku gondzisa a vana va wena?

• Ndlela yo kuma tiferamenta leto. Lomu ka JW.ORG u nga kuma zvontlhe zvi sinako zvi humesilwe kasi ku vhuna vana, zvo kota tivhidhio ni maexercício lawa va nga tsalako kutani ku dhezenyara zvokari.a Kasi ku kuma mahungu lawo thitha laha ka ku lava, u tsala ku “Vanana” kutani ku “Vaswa”.

• Hlawula lezvi zvi lavekako nguvhu ka vana va wena. Lezvi zvi humesiwako ka cipandze leci ca ku “vanana” zvi nga ku vhuna ku hlawula maexercício ma lavekako nguvhu ka vana va wena. Kasi ku kuma maexercício lawo, nghena laha ka ku “Projetos Para a Adoração em Família”.

• Ti nyike cikhati ca ku bhula ni vana va wena hi mahungu lawo. Potsa ku tirisa a tivhidhio leto ni maexercício lawo kasi ku hungatela hi zvona a vana va wena loku va nga hi na zvo maha. Wutshan’wini ga lezvo, bhula ni vana va wena hi mahungu lawo u tlhela u va vhuna ku maha wunghana na Jehovha.