U na ni kukholwa?

Kasi hi tsakisa Jehovha, hi fanele kuva ni kukholwa. Hambulezvo, a Bhibhiliya gi wula lezvaku “a hi vanhu vontlhe va nga ni kukholwa”. (2 Tes. 3:2) Mupostoli Pawule i wa wulawula hi lava va nga mu xanisa, a “vanhu va xapi ni vo biha” lava a nga lava kutlhatlhisiwa ka vona. Kanilezvi lezvi a zvi wulileko xungetano hi kukholwa zva tira ni ka van’wani vanhu. A vanhu vo kari a va kholwi a zvikombiso zvo dlunyateka zva lezvaku ku na ni Nungungulu — a Muvangi wa zvilo zvontlhe. (Rom. 1:20) A van’wani va nga wula lezvaku va kholwa nchumu wo kari kutani munhu wo kari wa ntamu nguvhu. Kanilezvi a kukholwa loko koce a hi kona ku lavekako kasi ku tsakisa Jehovha.

Hi fanele ku tiyiseka lezvaku Jehovha i kona niku ‘muchachazeli’ wa lava va nga ni kholwa ko tiya. (Mah. 11:6) A kukholwa wun’we wa mihandzu ya moya wakwe wo basa. A ku khongela ka Jehovha zvi nga vhuna munhu lezvaku a kuma moya lowo. (Luka 11:9, 10, 13) A ndlela ya ku kuma hi yona moya wo basa ku lera Mhaka ya Nungungulu yi pimiselweko. Hi kulandzela, hi fanele ku ehleketa hi lezvi hi lerako hi tlhela hi zama ku hanya hi zvona. A moya wa Jehovha wu nga hi rangela wutomini ga hina, wu hi vhuna lezvaku hiva ni kukholwa ku lavekako kasi ku mu tsakisa.