Gondzela ku avelana ni van’wani

A cikhati leci hi gondzako hi tizwa khwatsi. Kanilezvi hi tizwa khwatsi nguvhu a cikhati leci hi bhulelako van’wani a titshomba to tiyisa leti hi ti kumako a cikhati leci hi gondzako. Mavingu 11:25 i wula lezvi: “Loyi a tangalisako van’wani i ta tangalisiwawu”.

A cikhati leci hi bhulelako van’wani lezvi hi nga gondza zvi hi vhuna ku hi zvi alakanya hi ku olova zvi tlhela zvi maha ku hi zvi zwisisa khwatsi. Kota lezvi a titshomba leto ti nga vhunako van’wani zvi maha ku zvi hi tsakisa a ku va bhulela. — Miti. 20:35.

Ringisa ku maha lezvi: Ka vhiki gi tako, zama ku hlota tindlela ta ku bhulela wokari lezvi u gondzileko. U nga bhulela ciro ca ngango wa wena, makabye wo kari wa laha bandleni, mutiri-kuloni, cigondzani-kuloni, muakelani, kutani lava u va kumako kuchumayeleni. Zama ku va byela mahungu lowo hi magezu ya wena yo olova ni yo dlunyateka.

Alakanya lezvi: Bhulela van’wani lezvi u nga gondza kasi ku va tiyisa na ku nga hi ku fela ku va renderisa. — 1 Kor. 8:1.