Xana wa tolovela ku kamba a kwadru ga zitiviso?

A madota, malanza ya wutireli, ni vanwani va nga ni wutihlamuleli bandleni va tolovela ku kamba a kwadru ga zitiviso kasi ku wona a ku hi rini va nga ni xiavelo. Kanilezi, vontlhe laha bandleni va ta kuma a mahungu ya lisima kwalaho. Wa zi tiva ku hi rini a bandla ga nwina kutani a ntlawa wa nwina wu to maha a basiselelo ya Salawu ya Mufumo? Xana a muwoneleli wa xipanze kutani a hofisa ya ravi yi rumele papilo bandleni ga nwina? Wa yi tiva a hloko ya mhaka ya kanelo ya viki legi kasi u zi kota ku ramba a xigonzani xa wena xa Biblia? Xana kuve ni kucica ko kari ka xikhati xa mitlhangano kutani ka ntlawa wa nwina wa simu? A wunyingi ga mahungu lawo ma nga ta ha tivisiwa ka mitlhangano, niku zi nga karata ku a madota ma tivisa a muhuweleli munwe ni munwani. Hikwalaho, hi fanele ku tolovela ku kamba mahungu ka kwadru ga zitiviso. Loku hi wona kwadru ga zitiviso xontlhe xikhati, a zilo zontlhe zi ta mahiwa hi “fanelo ni nayo.” — 1 Kor. 14:40.