Ximaho zi nga ringaniko ku xi luza

Ka wusiku ga mahlweni ka kufa kakwe, Jesu i lo laya vapizani vakwe vo tsumbeka lezaku va alakanya, kutani ku maha xialakanyiso xa kufa kakwe. Hi ku tirisa xibaba xo kala comelo ni vinya legi va nga hi nago, i lo yimisa lezi zi vitanwako Xilalelo xo gumesa kutani Xilalelo xa Hosi zonake aku: “Mahani lezo, mu nzi alakanya ha zona.” — Luka 22:19.

Lembe ni lembe, a Timboni ta Jehova misaveni yontlhe ta tlhangana lezaku ti alakanya a kufa ka Jesu hi siku legi a ngafa hi gona. Hi 2014, a Xialakanyiso xi tava hi Muvulo wa 14 ka Abril, anzhako ka kupela ka gambo.

Wa rambiwa hi matsenya lezaku u tava kona Xialakanyisweni lexo, laha ku to tlhamuselwa zinwani xungetano hi lisima la kufa kakwe. A ku nghena mutlhanganweni lowo mahala. A ku mahiwi mihlengo. Loyi a nga ku nyika revista legi a nga ku byela a xikhati ni wutshamu legi a xialakanyiso xi to mahiwa ka gona, kutani u nga ha kamba ka site ya hina, jw.org. Tsala a ximaho lexo hi rinzelako lezaku u nga xi luzi.