Loku hiku xeweni, zonake ku hlamula nwanana

Loku hiku xeweni zonake ku hlamula nwanana, hi fanele ku kombela ku wulawula ni vapswali vakwe. A mahela legi gi kombisa xichawo hi wuhloko gabye. (Mav 6:20) Loku a nwanana aku nghenani, hi nga vumeli. Loku a vapswali vakwe va nga hi kona, hi fanele ku tlhela hi xinwani xikhati.

Loku a nwanana loye a hi wa hombana, kuzilava wa 15 kala 19 wa malembe, za ha laveka ku hi kombela ku wulawula ni vapswali vakwe. Loku va nga hi kona, hi nga ha mu wutisa ku a vapswali vakwe va mu tsika a hlawula hi yece lezi a zi lavako ku lera ke. Loku aku ina, hi nga mu nyika mabhuku kutani ku mu kongomisa ka jw.org.

A xikhati lexi hi tlhelelako a muswa loyi a kombisileko kutsakela, hi fanele ku kombela ku wulawula ni vapswali vakwe. Lezo zi ta hi vululela ndlela ya ku tlhamusela kungo ga kuva hi va enzele ni ku va komba wusungukati ga gi nene ni go tsumbeka gi nga lomu ka Biblia gi yako ka mingango. (Tis 119:86, 138) A ku kombisa xichawo ni ku chela kota hi vapswali zi tava wukustumunyu gi nene niku zi nga hi vululela tinwani tindlela ta ku bhula hi mahungu yo saseka ni ngango lowo. — 1 Pe 2:12.