Timhaka ta mabhuku ma tako ka Cibhukwana ca Mutlhangano
7-13 KA SETEMBRO
TITSHOMBA TI NGA KA MHAKA YA NUNGUNGULU | EKSODUSI 23-24
‘U nga landzeli a citshungo’
(Eksodusi 23:1) U nga tshuki u wulawula timhaka ta mawunwa; u nga hlengeli ni wa kubiha u maha kustumunyu wo hemba.
Loku uzwa mahungu, wa hlola ku lisine ke?
Wa zvi randza ku va rumelela timesaji ni tie-mail a vanghana va wena? Loku u wona mahungu yo tsakisa kutani kuzwa tshango go hlawuleka, wo nyawukela u tekela ku gi haxa hi kuhatlisa ke? Na u nga se rumela e-mail, ti wutise lezvi: ‘Ndza tiyiseka ku a mahungu lawa lisine? Ndza li tiva lisine lontlhe ke?’ Loku u nga tiyiseki, u tava u hangalasa mawunwa. Hikwalaho, loku u nga zvi tivi ku a mahungu yo kari lisine kutani a hi lisine, u nga rumeli. Vhinya!
Ku na ni cigelo cin’wani ci mahako ku zvi hi ni mhango a ku rumela tie-mail ni timesaji na u nga rangangi hi ku ehleketa. Ka matiko yo kari, a mufumo wu va vekela mimbhingano a vamakabye va hina yi yelanako ni ku maha mitiro ya moya. A zvikhati zvin’wani vaza va va betela futsi. A vakaneti va hina ka matiko lawo va nga ha xwanya mahungu ya mawunwa hi kungo ga ku hi chavisela kutani ku hi maha hi nga tsumbani. Ehleketa hi lezvi zvi nga maheka le União Soviética. A maphoyisa yo tira na ma nga hi na tinguwo ta wuphoyisa, ma nga vitaniwa ku i KGB, ma no xwanya mawunwa yaku a vamakabye vokari vo tiveka nguvhu va jikele vanhu va Jehovha. (Wona tlhamuselo wa lahasi.) A co biha hi ku, a kutala ka vamakabye va kholwile mawunwa lawo va tlhela va tsika hlengeletano ya Jehovha. A votala va gumesile va wuya hlengeletanweni, kanilezvi a vokari va yi tsikele teto. Va tsikile mawunwa lawo ma daya kukholwa kabye. (1 Timote 1:19) Hi nga yi potsisa kuyini mhango leyo? Hi nga yi potsa hi ku kala hi nga xwanyi mawunwa kutani mavalivali. U nga kholwi ni cihi u ci zwako. Wutshan’wini ga lezvo, hlola kasi u tiyiseka lezvaku a mhaka leyo lisine hakunene.
(Eksodusi 23:2) U nga landzeli a ntlawa lowu wu mahako kubiha; u nga hlengeli ni cidlemo hubyeni, leci ci hambukisako a nongameto.
it-1175 ¶5
Aroni
Zvi laha kubaseni lezvaku ka makhati wontlhe ya manharu, Aroni a hi yena a nga sangula ku maha zvo biha, kanilezvi a kucetelo wo biha wa van’wani wu mu mahile a tsika ku maha zvo lulama. Ka khati go sangula a nga hambunyeta a nayo, i wa fanele ku tirisa tshinya ga nayo gi nge: ‘U nga landzeli a ntlawa lowu wu mahako kubiha.’ (Ek 23:2) Hambulezvo, a vito gakwe ga kumbukiwa lomu ka Bhibhiliya hi ndlela yo dzundzeka, niku a cikhati leci Jesu a nga hi laha misaveni i wa gi tiva a wukulo ga wupristi ga Aroni. — Lis 115:10, 12; 118:3; 133:1, 2; 135:19; Mat 5:17-19; 8:4.
(Eksodusi 23:3) U nga tsetsi a cisiwana mhakeni ya cona le hubyeni.
it-1479 ¶5
Wukhumu
A kuhanbunyetiwa ka nayo hi kota ya wukanganyisi ku wa yimelwa hi wukhumu. A nayo wu wa nga seketeli a wukanganyise go kota ku fidha mulamuli, ku mu nyika zvinyikiwo, hakuva a zvilo lezvo zvi nga maha ku a mulamuli a nga ha xuxi timhaka hi fanelo. A wukanganyisi gi ‘vhala a mahlo ya lava va wonako’. (Ek 23:8) ‘A zvinyikiwo zva tsopetisa a mahlo ya titlhari.’ (De 16:19) Hambu loku a mulamuli a hi ni wutlhari go kota kwihi, a nga kangayisiwa hi zvinyiwo zva lava va nga ni timhaka. A nayo wa Nungungulu wu wa nga kumbuki a wukhumu hi kota ya ku nyikiwa zvinyikiwo basi, kanilezvi ni kutizwa kambe, hakuva wu waku: ‘Mu nga hambanyisi nongameto laha kulamuleni ka nwina; u nga cuwuki a nghohe ya cisiwana, hambu ku yimelela ciganyi.’ (Le 19:15) Hikwalaho, hi kota ya kutizwa loko a mulamuli i wa nga faneli ku yimelela munhu hi kota ya lezvi a nga ganya. — Ek 23:2, 3.
Kela titshomba ta moya
(Eksodusi 23:9) U nga xanisi a muluveli; n’wina ma tiva malakanyo ya muluveli, hakuva n’winawu mu wa hi valuveli le Gibhite.
“Mu nga rivali ku amukela vafambi”
Ahandle ko laya vaIzrayeli lezvaku va komba cichawo a vanhu va matiko man’wani, Jehovha i wa lava kambe lezvaku va alakanya lezvi zvi bayisisako zvona ku hanya ka tiko gin’wani. (Gondza Eksodusi 23:9.) Hambu a cikhati leci a vaIzrayeli va nga kala va nga se maha tikhumbi Gibhite, a vaGibhite va wa sina va va venga hi kota ya lezvi va nga hambane navo. (Genesisi 43:32; 46:34; Eksodusi 1:11-14) A vaIzrayeli va xanisekile nguvhu kuhanyeni kabye kota valuveli. Makunu Jehovha i wa lava lezvaku va alakanya lezvo va tlhela va kombisa wunene ka valuveli lava va nga hanya navo. — Lev. 19:33, 34.
(Eksodusi 23:20, 21) Languta, ndza ruma a ngelozi ya mina mahlweni ka wena, kasi yi fela ku ku hlayisa lomu ndleleni, yi ku chiketa tikweni legi ndzi gi longisileko. 21 Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka n’wina, hakuva yona yi na ni vito ga mina.
it-2828
Mikayeli
1. Ahandle ka Gabriel, ku na ni ngilozi yin’we yi kumbukiwako hi vito ku nga “ngilozi ya hombe.” (Judha 9) A vito legi gi kumbukiwa hi khati go sangula ka Daniel cipimo 10 laha Mikayeli a tlhamuselwako kota “yin’we ya tihosana ta hombe” yi tileko yi ta vhunetela a ngilozi ya yi tsongwani leyi yi nga xanisiwa hi “hosana ya mufumo wa Persia”, Mikayeli i vitanilwe ku ‘i hosana ya vanhu va [Dhaniyeli]’, “a hosana le ya hombe yi yimelako a vana va tiko ga [Dhaniyeli].” (Da 10:13, 20, 21; 12:1) Lezvo zvi komba ku hi Mikayeli a ngilozi leyi yi nga rangela a vaIzrayeli lomu ciwuleni. (Ek 23:20, 21, 23; 32:34; 33:2) Lezvi zvi seketelwa hi kota ya lezvi ‘Mikayeli, a ngelosi ya hombe, a nga kanetana na Satani hi cirumbi xa Mosi’. — Judha 9.
14-20 KA SETEMBRO
TITSHOMBA TI NGA KA MHAKA YA NUNGUNGULU | EKSODUSI 25-26
“Kungo tshinya ga tabhernakeli”
(Eksodusi 25:9) Mu ta maha a tabhernakeli ni zvibya zvontlhe zva gona khwatsi hi mufananiso lowu ndzi ku kombisileko.
it-1180
Arke ga Civhumelwano
Lezvi gi nga mahisilwe zvona. A nchumu wo sangula lowu Jehovha a nga byela Mosi a cikhati a nga mu nyika a zvileleto zva maakela ya tabhernakeli, kuve lezvi a Arke gi nga fanele ku mahisiwa zvona kota lezvi gi nga maha a cipandze ca lisima ca tabhernakele, ni ca mutlhangano wontlhe wa Izrayeli. A kaxa lego gi wa hi ni 2.5 wa mikono a kuleha, ni 1.5 wa mikono a kuanama, ni 1.5 wa mikono a tlakuka. (kwalomo ka 111 x 67 x 67 cm). Gi wa mahiwa hi sinya ya munga na gi totelwe hi ouro yi basileko lomu ndzeni ni lahandle. Gi wa fanele ku ‘mahelwa kwenge’ kutani ku sasekiselwa hi ouro lomu ‘mareveni ya gona’. A cipandze ca wumbiri ca Arke, a tapa, ci wa mahiwa hi ouro wutshan’wini ga ku totelwa a ouro ntsena niku ci wa fenengeta gontlhe a Arke. Le hehla ka tapa ya Arke ku wa mahiwa makerubhima mambiri ya ouro, na ma cuwukeni, ma byeketa tihloko na ma vhulile tipapa ta wona hehla ka Arke. (Ek 25:10, 11, 17-22; 37:6-9) A tapa leyo yi wa tiviwa kota ‘Citshamu ca wuxinji’. — Ek 25:17; Mah 9:5; wona TAMPA PROPICIATÓRIA.
(Eksodusi 25:21) U ta tlhateka a citshamu ca wuxinji hehla ka Arke, a ndzeni ka gona u ta veka a Wumboni legi ndzi ta nga ku nyika gona.
it-1181 ¶1
Arke ga Civhumelwano
A arke gi wa tira kota wutshamu ga gi nene kasi ku hlayisa kona a timhaka to basa, kutani wukustumunyu, niku a cipandze tshinya ca timhaka leto ku wa hi timbila timbiri ta maribye kutani 10 wa milayo. (Ek 25:16) A ‘mbita ya ouro leyi yi nga hi ni manna, ni nhonga ya Aroni leyi yi nga hluka’ zvi wa vekiwa lomu ka Arke, kanilezvi zvi gumesile zvi susiwa mahlweni ka ku akiwa ka tempeli ya Solomoni. (Mah 9:4; Ek 16:32-34; Mitse 17:10; 1Tih 8:9; 2Kr 5:10) Na Mosi a nga sefa, i nyikele a ‘bhuku ga nayo’ ka vapristi va vaLevhi ni zvileletelo zva ku va fanele ku gi veka, na ku nga hi lomu ndzeni kanilezvi laha ‘tlhelweni ga arke ga civumelwano ca Jehovha Nungungulu wa wabye . . . kota kustumunyu mahlweni kabye.’ — De 31:24-26.
(Eksodusi 25:22) Ndzi ta ti wonekisa ka wena kwalomo hi le citshan’wini ca wuxinji, cikari ka makerubhima lawa ma nga hehla ka Arke ya civumelwano, ndzi wulawula na wena hi zvileletelo zvontlhe lezvi ndzi ta nga zvi nyika vaIzrayeli ha wena.
it-1181 ¶2
Arke ga Civhumelwano
Gi wa yelana ni kuva kona ka Nungungulu. A arke gi wa yelana ni ku va kona ka Nungungulu matin’wini wontlhe ya gona. Jehovha i no tsumbisa lezvi: ‘Ndzi ta ti wonekisa ka wena kwalomo hi le citshan’wini ca wuxinji, cikari ka makerubhima lawa ma nga hehla ka Arke ga civumelwano, ndzi wulawula na wena hi zvileletelo zvontlhe lezvi ndzi ta nga zvi nyika vaIzrayeli ha wena.’ ‘Ndzi ta ti wonekelisa hi refu le hehla ka citshamu ca wuxinji.’ (Ek 25:22; Le 16:2) Samuweli i tsalile lezvaku Jehovha ‘i tshamile cikari ka makerubhima’ (1Sa 4:4); hikwalaho, a makerubhima ma wa ‘yimela a movha’ wa Jahovha. (1Kr 28:18) ‘Loku Mosi a nghena lomu ka tenda ga mutlhangano a ku ya wulawula na Nungungulu, i wa zwa a gezu na gi wulawula naye, na gi zwala hi le citshanwini ca wuxinji, leci ci nga hi hehla ka arke ga civhumelwano, hi lomu cikari ka makerubhima mambhiri; zvinghaho Jehovha i lo wulawula naye.’ (Mitse 7:89) Andzhako ka cikhati, Joxuwa zvin’we ni mupristi wa hombe Fineyasi va no wutisa Jehovha mahweni ka Arke. (Jox 7:6-10; Val 20:27, 28) Kanilezvi, Mupristi wa Hombe basi a nga fanele ku nghena ka Wutshamu go Basa-Basa, a tlhela a wona a Arke hi siku gin’we hi lembe na ku nga hi ku ya wulawula na Jehovha, kanilezvi ku wa hi ku gi humesa lahandle ka Siku ga Miphahlo ya ku tsetselelwa zviwonho. — Le 16:2, 3, 13, 15, 17; Mah 9:7.
Kela titshomba ta moya
(Eksodusi 25:20) A makerubhima ma ta tshambuluta a tipapa ta wona le hehla, ma fenengeta citshamu ca wuxinji hi ti papa ta wona na ti xungetene, a tinghohe ta makerubhima na ti cuwuka a citshamu ca wuxinji.
it-3361 ¶2
Kerubhima
A makerubhima yo fanekisela ma wa patseka ka zvibya zva tabhernakeli gi mahilweko le ciwuleni. Lomu magumo ya tapa ya Arke ku wa hi ni makerubhima ma nga mahilwe hi ouro. Ma wa cuwukene na ma khizamile na ma ku khwatsi mo khongela. A gin’we ni gin’wani gi wa hi ni tipapa timbiri ti nga vhululekile tiya hehla ti vhala tapa hi ndlela ya ku vhikela. (Ek 25:10-21; 37:7-9) A pano ya tendha ga tabhernakeli ni kortina legi gi nga hambanisa a wutshamu go basa ni go Basa-Basa gi wa rungelwe a makerubhima yo fanekisela. — Ek 26:1, 31; 36:8, 35.
(Eksodusi 25:30) Laha mezeni u ta veka a zvibaba zva zvikombiso, zviva kona wontlhe masiku.
it-3158
Tipawa ta zvikombiso
Ku wa vekiwa a 12 wa tipawa ka meza yi nga hi ka wutshamu go basa lomu tabhernakelini, ti wa ciciwa sabhadho ni sabhadho. (Ek 35:13; 39:36; 1Tih 7:48; 2Kr 13:11; Ne 10:32, 33) A gezu ga ciHebheru gi wulako ku tipawa ta zvikombiso gi wula kambe ku “tipawa ta nghohe”. A gezu “nghohe” ka zvikhati zvin’wani gi wula a “kuva kona” (2Tih 13:23), hikwalaho a tipawa ta zvikombiso ti wa vekiwa laha phambeni ka nghohe ya Jehovha kota munyikelo. (Ek 25:30) A tipawa ta zvikombiso ti wa wuliwa ku (2Kr 2:4), “tipawa ta munyikelo” (Mar 2:26), kutani ku wula ntsena ku “tipawa” (Mah 9:2).
21-27 KA SETEMBRO
TITSHOMBA TI NGA KA MHAKA YA NUNGUNGULU | EKSODUSI 27-28
“Zvini hi nga gondzako ka tinguwu ta wupristi?”
(Eksodusi 28:30) Zvonake u ta veka Urim ni Tummim lomu ka ngenge yo tsema timhaka, kasi zva tshama hehla ha mbilu ya Aroni loku aya mahlweni ka Jehovha; zvonake Aroni i ta rwala a kulamula ka vanana va ka Izrayeli ngengeni yakwe mahlweni ka Jehovha kala kupindzuka.
it-3758
Urim ni Tummim
A kutala ka titlhari ta ku tlhamusela a Bhibhiliya ti wa kholwa lezvaku a Urim ni Tummim zvi wa hi tihlolo. Ka wuhundzuluseli ga Eksodusi 28:30 hi ciNgizha ca James Moffat, gi wula ku “tihlolo to basa”. A van’wani va wula lezvaku ti wa hi ni zvipandze zvinharu, a cin’we ci wa wula ku “ina”, a cin’wani ci wa wula ku “ahihi”, niku leci cin’wani ci wa nga wuli nchumu. A tihlolo leto ti wa ta humesiwa, niku ti wa nyika a hlamulo mayelano ni ciwutiso leci ci nga mahiwa, ahandle ka loku a cipandze leci co kala ku wula nchumu ci humesiwa, ka zviyimo lezvi ku nga kala ku nga hi na hlamulo. A van’wani va alakanya lezvaku ma wa hi maribye yo sasekiselwa yo basa ka tlhelo gin’we, legi gin’wani ga tima. Loku ma hoxeliwa a matlhelo lawo yo basa ma wa yimela “ina”, a matlhelo lawa ya tima ma wa yimela a “ahihi”, makuno loku a gin’we giwa hi tlhelo go basa legi gin’wani hi tlhelo ga tima zvi wa wula lezvaku a ku na hlamulo. Ka khati go kari, a cikhati leci Sawule a nga wutisa vapristi lezvaku i wa fanele kuya alwa ni vafilistiya, a nga kumangi hlamulo. Na a lakanya lezvaku a mun’we wa vavanuna vakwe i onhile i no khongela a ku: ‘Nungungulu wa Izrayeli! Hi nyiki tummim,’ Sawule na Jonatani va no suka, andzhako ka lezvo, va no hoxela a tihlolo kasi va maha ciboho wona vambiri. Mhakeni leyi, lezvi a nga khongele a ku hi nyike “tummim” zvi wonekisa ku khwatsi ku wa hi cona cipandze ci nga hoxelwa ca tihlolo, hambu lezvi kaku kuzvilava ku wa hi ni kuyelana ko kari ka zvipandze lezvi zva zvimbiri. — 1Sa 14:36-42.
(Eksodusi 28:36) Zvonake u ta maha a xapa hi ouro yi hlutilweko, u tsala ka yona hi ku kehla, khwatsi hilezvi ku kehliwako zvona laha ka phera, u tsala timhaka leti: Ku basiselwe Jehovha.
it-3703 ¶5
Cimombo
Mupristi wa hombe wa Izrayeli. Le Izrayeli, a cihuku ca Mupristi wa hombe ci wa hi ni bhara ga ouro laha phambeni, ‘ku nga cikombiso co basa ca ku ti nyiketela’ niku ci wa ‘kehlilwe’ ku tsaiwala timhaka leti: “Ku basiselwe Jehova.” (Ek 28:36-38; 39:30) Kota lezvi a mupristi wa hombe a nga hi yena muyimeli wa hombe wa wukhozeli ga Jehovha le Izrayeli, zvi wa lava lezvaku a wutihlamuleli gakwe gi tshama gi basile, niku a mutsalo lowu wonawu wu wa hi cialakanyiso ka vaIzrayeli vontlhe lezvaku va tshama va basile ntirweni wa Jehovha. Wu wa tira kambe kota cikombiso co mbhelela ca Mupristi wa hombe, Jesu Kristu, loyi a yimisilweko hi Jehovha Nungungulu ka ntiro wu yimelako kubasa ka Jehovha. — Mah 7:26.
(Eksodusi 28:42, 43) U ta va rungela ni mabhuluku ya wukene, kasi va fihla a wumbyiri gabye; ma ta bohiwa kusukela ciwunwini kala ma chikela madzolweni. 43 Aroni ni vana vakwe va ta ma ambala loku va enghena lomu tendeni ga mutlhangano, ni loku va tshinela laha alatini ku ya tira mitiro lomu ka wutshamu go basa, kasi va nga dzuki va kuma nandzu, vafa. Ci tava cileletelo ca kala kupindzuka, ci nyikilweko ka Aroni ni zvizukulwana zvakwe.
w08 15/8 15 ¶17
Dhumisa Jehovha hi ku kombisa a cichavo
Hi fanele ku kombisa cichavo nguvhunguvhu loku hi khozela Jehovha. Mutshawuteli 5:1 i wula lezvi: ‘Hlayisa a kondzo wa wena loku uya lomu ndlwini ya Nungungulu.’ Mosi na Juxuwa va byelilwe ku va wa fanele ku tlhatlha zvilato loku va hi ka wutshamu go basa. (Ek 3:5; Jox 5:15) A ku maha lezvo ku wa hi ndlela ya ku kombisa a cichavo ca hombe. A vapristi va vaIzrayeli va wa fanele ku boha mabhuluko ya wukene kasi “va fihla a wumbyiri gabye.” (Ek 28:42, 43) Lezvo zvi wa vhikela ku ku ngavi ni nchumu wo kala ku hlazveka a cikhati va nga tira lomu alatini. Zvontlhe a zviro zva ngango wa wupristi zvi wa fanele ku khomelela ka tshinya lego go basa ga cichavo.
Kela titshomba ta moya
(Eksodusi 28:15-21) U ta maha a nguwo yo tsema ha yona timhaka ya laha cifuveni, hi ntiro wa wutlhari; u ta yi maha hi ndlela yin’we ni efode; u yi maha hi ouro, ni wukuxe, ni kuzirila, ni kupswhuka, ni wukene go saseka gi khatilweko. 16 Yi tava ni mune wa matlhelo, yi ku khwatsi cikhwehle; a kuleha ka yona ni kuanama ka yona ku ta ringana ni kuanama ka canja. 17 U ta yi mehela a maribye ya tsengo wa hombe; ku tava ni mune wa tixaxa ta maribye: a ka yo ranga ku ta engheniswa sardoni, ni topazi, ni karbunkeli; 18 ka lixaxa la wumbiri, i emeralda, ni safire, ni daimani; 19 ka lixaxa la wunharu, jakinte, ni agata, ni ametista, 20 ka lixaxa la wumune, i krisolite, ni onikisi, ni jasperi; ma ta tiyiswa matshanwini ya wona hi nzalama. 21 A maribye ma ta vekiwa hi kulandzelana ka mavito ya vana va ka Izrayeli va khume ni vambiri; ma tava khume ni mambiri khwatsi hi tsengo wa mavito yabye; a gin’we ni gin’wani gi tava ni vito ga lixaka la ka Izrayeli, a mavito ma ta tsaliwa hi ku kehla kota phera ya cifungo.
w12 1/8 26 ¶1-3
U wa zvi tiva?
Ma wa ta hi kwihi a maribye ya lisima ya Mupristi wa Hombe wa Izrayeli?
Andzhaku ka loku a vaIzrayeli va humele Gibhite na va ha hi ciwuleni, Nungungulu i va nyikile zvileletelo xungetano hi lezvi va nga wa ta ma veketelisa zvona a maribye lawo. (Eksodusi 28:15-21) Ku wa hi ni maribye ya sardhoni, ni topazi, ni esmeraldha, ni safire, ni dhaimani, ni jakinte, ni agata, ni ametista, ni krisolite, ni onikisi, ni jasper. Xana a vaIzrayeli va wa hi ni ndlela ya ku kuma a maribye lawo yo hlawuleka?
Cikhatini ca ku tsaliwa ka Bhibhiliya, a vanhu va wa ma nyika nguvhu lisima a maribye yo hlawuleka ni ku va wa ma xavisa. Hi cikombiso a vaGibhite va cikhatini ci hundzileko, va wa kuma a maribye lawo yo lhawuleka ka wutshamu ga le kule nguvhu go kota Irã, Afeganistão kuzvilava ni le Indiya. A ku tala ka maribye lawo yo hlawuleka ma wa keliwa lomu ka migodhi ya ouro ya le Gibhite. Ka matiko lawa ma nga khozisiwa hi Gibhite, ku wa hi ni vanhu va nga yimisilwe kasi ku tirela a vaGibhite lomu ka migodhi ya ouro. Joba i tsalile zvokari xungetano hi lezvi a migodhi leyo yi nga kelisiwa zvona kasi ku kuma a maribye yo hlawuleka. Joba i wulawulile nguvhu hi safira ni topaze ka maribye wontlhe lawa ma nga kari ma keliwa. — Joba 28:1-11, 19.
A matimu ya Exsodhusi ma komba ku laha a vaIzrayeli va nga suka le Gibhite, va no ‘kombela ka vaGibhiite’ a zvibya zvabye zvo hlawuleka. (Eksodusi 12:35, 36) Makuno zva koteka ku a maribye yo hlawuleka lawa ma nga laveka ka mupristi wa hombe va ma kumile le Gibhite.
(Eksodusi 28:38) Ci tava laha cimombyeni ca Aroni; Aroni i ta rwala a zvivi lezvi zvi ta nga namarela ka zvinyikiwo zvo basa zvi ta nga nehiwa hi vanana va ka Izrayeli, laha na va neha miphahlo yabye yi basileko. Ci tava cimombyeni cakwe contlhe cikhati, kasi va amukeleka mahlweni ka Jehovha.
it-3 529 ¶1
Kubasa
Zvihari ni mihandzo ya masimu. A zvihari zva matewula zva vamatsuni a tiyivhu, ni tihomo, ni timbuti zvi wa woniwa na zvi basile ka Jehovha niku zvi wa nga faneli ku tirulwa. Zvi wa fanele ku nyikelwa kota miphahlelo niku a cipandze cin’wani ca nyama ci wa giwa hi vapristi. (Mitse 18:17-19) A mihandzu yo sangula ni zva wukhume zvi wa basile a ku fana ni miphahlo ni zvinyikiwo lezvi zvi nga nyikelwa ntirweni wo basa. (Ek 28:38) Zvontlhe zvilo zvo hlazweka zvi wa basile ka Jehovha niku zvi wa nga faneli ku tirisiwa hi ni cihi cighelo kutani hi cumbu hi munhu, kutani hi zvighelo zvo biha. A cin’we ca zvikombiso ca lezvo ku wa hi nayo wa zva wukhume. Loku a munhu a vekisa a cipandze cokari ca mihandzu yakwe kasi ku nyikela kota zva wukhume, a gumesa yena kutani munhu mun’wani wa laha ngangweni wakwe a zvi tirisa, a munhu loyi i wa woniwa kota loyi a hambunyetileko a nawo wa Nungungulu wu nga yelana ni zvilo zvo basa. Wutshan’wini ga ku humesa a mbuti ya matsuni kota muphahlo, a nayo wu wa koxa lezvaku ku humesiwa a mali yo ringana ni munyikelo, ni 20 porcento. Hikwalaho ku wa hi ni cichawo ca hombe hi zvilo zvo basa lezvi zvi nga lumba Jehovha. — Le 5:14-16.
28 KA SETEMBRO-4 KA OUTUBRO
TITSHOMBA TI NGA KA MHAKA YA NUNGUNGULU | EKSODUSI 29-30
“Ku maha minyikelo ka Jehovha”
(Eksodusi 30:11, 12) Zvonake Jehovha i lo wulawula ka Mosi, aku: 12 Loku u hlaya a vanana va ka Izrayeli hi mitsengo yabye, mun’we ni mu’nwani i ta maha muphalho hi muhefemulo wakwe mahlweni ka Jehovha a siku lego u va hlayako, kasi ku nga dzuki ku huma nzhere cikari kabye laha na u va hlaya.
it-3396-397
Citsalela
Le Sinayi. Hi kuya hi cileletelo ca Jehovha, a citsalela co sangula ci mahekile le citsungeni ca Sinayi, ka hweti ya wumbiri hi lembe ga wumbiri loku va humile hi Gibhite. Kasi ku vhunetela Mosi kumaheni ka ntiro lowu, ku wa langiwa a hloko ya lixaka lin’nwe ni lin’wani kasi ku tsalela a maxaka yakwe. A hi vontlhe a vanhu va wa nga hi ni 20 wa malembe kutani kuva ni matshamela ma nga laveka va nga laveka kasi ku tira buthwini ga yimpi. A nayo wu wa kuca kambe lava va tsalelweko lezvako va humesa a mali yokari ya khupo kasi yi tirisiwa lomu tabhernakeline. (Ek 30:11-16; Mitse 1:1-16, 18, 19) Vontlhe va nga tsalelwe va wa hi 603 550, na ku nga kontiwi a vaLevhi lava va nga wa ta kala ku danja a tiku gi tsumbisilweko. Lavo va wa nga hakheli a khupo ne va wa nga sindzisiwi a ku tira ka butho ga yipi. — Mitse 1:44-47; 2:32, 33; 18:20, 24.
(Eksodusi 30:13-15) Vontlhe lava va ta nga hlayiwa va ta humesa a khihlanya ga cekeli hi lipimo la cekeli gi basileko (gi nga ni makume mambiri ya magera), a khihlanya ga cekeli munyikelo wa Jehovha. 14 A mun’we ni mun’wani wa lava va hlayiwako, ku sangula hi ka va 20 wa malembe, kuya mahlweni, va ta humesa a munyikelo lowu ka Jehovha. 15 Loyi a fumileko ngha a nga engeteli, ni cisiwana ngha ci nga hunguli lomu ka khihlanya ga cekeli, loku va humesa munyikelo wa Jehovha wa ku maha a nzhiho wa wutomi ga n’wina.
it-1550
Munyikelo
A minyikelo yo kari yi wa londziwa hi nayo. A cikhati leci Mosi a nga maha citsalela ca vaIzrayeli, vontlhe a vavanuna va nga hi ni 20 wa malembe kuya hehla va wa fanele ku humesa muphahlo wokari wa wutomi gabye wu nga hi ‘khihlanya ga xekeli’ [kuzvilava ku wa hi 1.10 wa madholare] “hi lipimo la xekeli gi basileko”. Ku wa hi ‘munyikelo wa Jehova’ kasi va maha miphahlo ya ku tsetselelwa a zviwonho zvabye ni ku ‘tira hi yona a ntiro wa tenda ga mutlhangano’. (Ek 30:11-16) Hi kuya hi mutsali wa matimu wa muJudha waku hi Josefo (The Jewish War [A Guerra Judaica], VII, 218 [vi, 6]), a ‘munyikelo lowu wo basa’ wu sangulile kwalaho ku humesiwa lembe ni lembe. — 2Kr 24:6-10; Mat 17:24; wona IMPOSTO.
(Eksodusi 30:16) U ta teka a maJi ya ndzhiho leyi yi humesilweko hi vanana va ka Izrayeli, u tira ha yona a ntiro wa tenda ga mutlhangano; ci tava cialakanyiso ka vanana va ka Izrayeli mahlweni ka Jehovha, a ku maha a ndzhiho wa wutomi ga n’wina.
w11 1/11 19 ¶1-2
U wa zvi tiva?
A mali ya ku seketela a mitiro ya le tempeleni ya Jehovha le Jerusalema yi wata hi kwihi?
A ku tala ka mitiro ya le tempeleni yi wa seketelwa hi mukhupo, nguvhunguvhu a munyikelo wa cikurumetwa wa zva wukhume. Ku wa tirisiwa kambe a tindlela tin’wani ta ma hakhelela ya khupo. Hi cikombiso, a cikhati ku nga akiwa a tabhernakeli, Jehovha i leletele Mosi kasi a hlengisa a vaIzrayeli vontlhe va nga tsalelwe a khihlanya ga xekeli ga ndzalama kota “munyikelo wa Jehova” — Eksodusi 30:12-16.
Zvi wonekisa ku khwatsi a muJudha mun’we ni mun’wani i wa tolovela ku nyikela a mali leyo kota khupo wa lembe ni lembe wa le tempeleni. I khupo walowo Jesu a nga byela Pedro lezvaku a hakhela hi cingerengere a nga wa ta ci kuma lomu kanwini ka njhanjhi.— Matewu 17:24-27
Kela titshomba ta moya
(Eksodusi 29:10) Zvonake u ta tshineta a rogana mablweni ka tenda ga mutlhangano, Aroni ni vana vakwe va ta tlhateka mandla laha hlokweni ya gona.
it-2762 ¶9
Mandla
Kutlhateka mandla. A mandla ma wa tirisiwa kambe kasi ku maha zvilo zvin’wani zvo tala zvo kota ku tlhateka ka munhu kutani ka nchumu wo kari. Va wa maha lezvo kasi ku a munhu loye kutani nchumu lowo wu tivekisiwa kutani ku wa vhumelelwa. Na va kari va maha mutlhangano wa Mupristi wa hombe, Aroni ni vana vakwe va no tlhateka a mandla ka hloko ya cihon’wana ni ka tiyivhana timbiri kasi ku va maha hi tona a muphahlo, a zihari lezvo zvi wa nyikelwa kasi va ta maha vaPristi va Jehovha Nungunglu. (Ek 29:10, 15, 19; Le 8:14, 18, 22) A cikhati leci Mosi a nga yimisa Joxuwa kota yena a nga wa ta mu valeta, i no mu tlhateka mandla hi kuya hi cileletelo ca Nungungulu, niku Joxuwa i no tala hi ‘wutlhari’ niku i zvi kotile a ku rangela khwatsi vaIzrayeli. (Dhe 34:9) A munhu i wa tlhatekiwa a mandla loku a lava ku katekisiwa. (Gen 48:14; Mar 10:16) Jesu i khumbile a tlhela a henya a vanhu vo kari lava a nga va hanyisa. (Mat 8:3; Mar 6:5; Luk 13:13) Ka zviyimo zvo kari a cinyikiwo ca moya wo basa ci kumilwe hi ku tlhatekiwa mandla ya vapostoli. — Mit 8:14-20; 19:6.
(Eksodusi 30:31-33) Zvonake u ta byela a vanana va ka Izrayeli, uku: Laya hi wona a ma fura ma basileko yo tola, ma tava ya mina ka zvontlhe zvizukulwana zva n’wina. 32 Ma nga dzuki ma toliwa cumbu hi munhu; mu nga mahi man’wani yo fanana ni laya. Ma basile, a mave laya ma basileko ka n’wina. 33 Kani hi wihi a mahako yo fanana ni laya, kutani loyi a totako wamatiko ha wona, i ta humeswa cikari ka lixaka labye.
it-3753 ¶10
Ku totiwa
Ka nayo lowu Jehovha a nga nyika Mosi, i wa tsalile lezvi a mafura ya ku tota ma nga fanele ku tshamisa zvona. Ma wa fanele ku mahiwa hi — mira, ni kinamona, tihlanga to nuhela, kasia, mafura ya olivha. (Ek 30:22-25) Ku wa hi ciwonho ca hombe a ku maha mafura lawo kasi ku ma tirisa ka zvilo zvin’wani zvo kala zvi nga yelaniko ni ku tota. (Ek 30:31-33) Lezvo zvi wa komba a lisima ni kubasa ka ciavelo ca ku totiwa hi ku tirisa a mafura ya ku basa.