MIHLAMULO YA BIBLIA
A wukhongeli gontlhe ga mu dumisa Nungungulu?
Na u kari u ingisela mahungu ya tiko, kuzilava wa tshuka u wona lezaku a vanhu va maha zilo zo biha hi vito ga wukhongeli. A hi wukhongeli gontlhe gi humileko hi ka Nungungulu wa lisine. (Mateu 7:15) Hi lisine, a vanhu vo tala va khohliswa. — Gonza 1 Johani 5:19.
Hambulezo, Nungungulu wa va wona vanhu va timbilu ti nene lava va ranzako za zi nene ni lisine. (Johani 4:23) Nungungulu i ramba vanhu lavo lezaku va gonza lisine lomu ka Mhaka yakwe, a Biblia. — Gonza 1 Timote 2:3-5.
U nga gi tivisa kuyini a wukhongeli ga lisine?
Jehova Nungungulu i kari a tlhanganyisa vanhu va humako hi ka wukhongeli go hambanahambana hi ku va gonzisa lisine ni ku va gonzisa a kuva va ranzana. (Mika 4:2, 3) Hikwalaho, u nga tiva a vanhu lava va nga ka wukhongeli ga lisine hi lezi va khatalelisanako zona. — Gonza Johani 13:35.
Jehova Nungungulu i tsombanyisa vanhu va midawuko yontlhe hi kutirisa a wukhongeli ga lisine. — Tisimu 133:1
A mahanyela ya vakhozeli va lisine ni lezi va zi kholwako zi seketelwa lomu ka Biblia. (2 Timote 3:16) Va tlhela va dumisa vito ga Nungungulu. (Tisimu 83:18) Niku va huwelela a Mufumo wa Nungungulu kota wona woce wu to lulamisa a zikarato zontlhe za vanhu. (Danieli 2:44) Va pimanyisa Jesu hi ku tsika ‘kuwonekela kabye ku woninga,’ va maha za zi nene ka vaakelani vabye. (Mateu 5:16) Hikwalaho, a maKristu ya lisine ma nga tiviwa hi maenzo lawa va ma mahako mitini ya vaakelani vabye kasi ku va bhulela mahungu yo saseka ya Mufumo wa Nungungulu. — Gonza Mateu 24:14; Mitiro 5:42; 20:20.