TINHLAYO

1 Hi siku la ku sungula la wheti ya wumbirhi, hi lembe la wumbirhi loko se va hume ka tiko la Gibita,+ Yehovha a vulavule na Moxe na a li mananga ya Sinayi+ ka tende la ntlhanganu,+ a ku: 2 “Kontani+ Vayisrayele hinkwavu hi ku ya hi mindjangu ya vona, hi ku ya hi mavito ya vavhovho va vona, hi ku ya hi numeru ya mavito ya vavanuna hinkwavu. 3 Wena na Aroni mi fanele mi tsala numeru ya hinkwavu lava nga ni 20 wa malembe ku ya henhla,+ lava nga vaka masonchwa aIsrayele.

4 “Teka wanuna mun’we ka lixaka ha lin’we, lweyi a nga ta va murhangeli wa xib’ongo xa ka vona.+ 5 Hi lawa mavito ya vavanuna lava u nga ta tirha na vona: Ka lixaka la Rubeni, Elizuri+ n’wana wa Xedewuri; 6 ka lixaka la Simiyoni, Xelumiyeli+ n’wana wa Zurixadayi; 7 ka lixaka la Yuda, Nasoni+ n’wana wa Aminadabi; 8 ka lixaka la Isakara, Nataneli+ n’wana wa Suwari; 9 ka lixaka la Zebuloni, Eliyabi+ n’wana wa Eloni; 10 ka vana va Yosefa: Lixaka la Efrayimi,+ Elixama n’wana wa Amiyudi; ka lixaka la Manasi, Gamaliyele n’wana wa Pedazuri; 11 ka lixaka la Benjamini, Abidani+ n’wana wa Gidiyoni; 12 ka lixaka la Dani, Ayiyezeri+ n’wana wa Amixadayi; 13 ka lixaka la Aseri, Pagiyeli+ n’wana wa Okirani; 14 ka lixaka la Gadi, Eliyazafi+ n’wana wa Deweli; 15 ka lixaka la Naftali, Ahira+ n’wana wa Enani. 16 Lava hi lava nga langiwa ka Vayisrayele. I varhangeli+ va tinxaka ta vavhovho va vona, varhangeli va mintlawa* ya Vayisrayele.”+

17 Kutani Moxe na Aroni va teka vavanuna lava, lava nga langiwa hi Xikwembu. 18 Va hlengeleta Vayisrayele hinkwavu hi siku la ku sungula la wheti ya wumbirhi, swaku va tsalisa mavito hi ku ya hi mindjangu ya vona, ku sukela ka lava nga ni 20 wa malembe ku ya henhla;+ 19 ku nga leswi Yehovha a nga byela Moxe. A va tsalisa na a li mananga ya Sinayi.+

20 Vana va Rubeni, ku nga vatukulu va n’wana wa matevula wa Israyele,+ va tsalisiwe va longoloka hi ku ya hi mavito ni mindjangu ya vona. Vavanuna hinkwavu lava nga ni 20 wa malembe ku ya henhla lava nga swi kotaka ku va masonchwa, va kontiwe hi mun’we hi mun’we, 21 naswona hinkwavu lava nga tsalisiwa ka lixaka la Rubeni, a va li 46.500.

22 Vana va Simiyoni+ va tsalisiwe va longoloka hi ku ya hi mavito ni mindjangu ya vona. Vavanuna hinkwavu lava nga ni 20 wa malembe ku ya henhla lava nga swi kotaka ku va masonchwa, va kontiwe hi mun’we hi mun’we, 23 naswona hinkwavu lava nga tsalisiwa ka lixaka la Simiyoni, a va li 59.300.

24 Vana va Gadi+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 25 naswona hinkwavu lava nga tsalisiwa ka lixaka la Gadi, a va li 45.650.

26 Vana va Yuda+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 27 naswona hinkwavu lava nga tsalisiwa ka lixaka la Yuda, a va li 74.600.

28 Vana va Isakara+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 29 naswona hinkwavu lava nga tsalisiwa ka lixaka la Isakara, a va li 54.400.

30 Vana va Zebuloni+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 31 naswona hinkwavu lava nga tsalisiwa ka lixaka la Zebuloni, a va li 57.400.

32 Vatukulu va Yosefa lava a va li vana va Efrayimi,+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 33 naswona hinkwavu lava nga tsalisiwa ka lixaka la Efrayimi, a va li 40.500.

34 Vana va Manasi+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 35 naswona hinkwavu lava nga tsalisiwa ka lixaka la Manasi, a va li 32.200.

36 Vana va Benjamini+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 37 naswona hinkwavu lava nga tsalisiwa ka lixaka la Benjamini, a va li 35.400.

38 Vana va Dani+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 39 naswona hinkwavu lava nga tsalisiwa ka lixaka la Dani, a va li 62.700.

40 Vana va Aseri+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 41 naswona hinkwavu lava nga tsalisiwa ka lixaka la Aseri, a va li 41.500.

42 Vana va Naftali+ va tsalisiwe va longoloka hi ku ya hi mavito ni mindjangu ya vona. Ku kontiwe vavanuna hinkwavu lava nga ni 20 wa malembe ku ya henhla lava va nga swi kotaka ku va masonchwa, 43 naswona hinkwavu lava nga tsalisiwa ka lixaka la Naftali, a va li 53.400.

44 Hinkwavu va tsalisiwe hi Moxe na Aroni ni 12 wa varhangeli va Israyele, murhangeli mun’wani ni mun’wani a a nyimela lixaka la yena. 45 Vayisrayele hinkwavu lava nga ni 20 wa malembe ku ya henhla lava va nga swi kotaka ku va masonchwa, va tsalisiwe hi ku ya hi mindjangu ya vona, 46 naswona hinkwavu lava nga tsalisiwa, a va li 603.550.+

47 Kambe Valevhi+ a va tsalisiwanga hi ku ya hi tinxaka ta vapapayi va vona.+ 48 Se Yehovha a byela Moxe a ku: 49 “Lixaka la Levhi hi lona ntsena u kalaka u nga fanelanga u li tsalisa naswona a wu fanelanga u patsa numeru ya vona ni Vayisrayele lavan’wani.+ 50 U fanele u langa Valevhi swaku va hlayisa tabernakela ya Wumboni+ ni swibya hinkwaswu leswi nga ka yona ni minchumu hinkwayu leyi nga ka yona.+ Va ta rhwala tabernakela ni swibya swa yona hinkwaswu+ naswona va ta tirhela ka yona,+ va ta gwimba matende ya vona matlhelweni ka tabernakela.+ 51 Nkama hinkwawu loko tabernakela yi fanele yi susiwa, Valevhi hi vona va faneleke va yi hahlula;+ loko tabernakela yi fanele yi nyimisiwa, Valevhi va fanele va yi nyimisa; munhu mun’wani ni mun’wani lweyi a nga ta tshuka a tshinela ka yona na a nga li muprista,* a fanele a dlayiwa.+

52 “Muyisrayele mun’wani ni mun’wani a fanele a gwimba tende la yena ka ndhawu leyi a nga tsemeliwa yona, wanuna mun’wani ni mun’wani hi ku ya hi ntlawa wa yena wa tinxaka tinharhu,+ va fanele va tshama hi mintlawa.* 53 Valevhi va fanele va gwimba matende ya vona matlhelweni ka tabernakela ya Wumboni, leswaku ni nga kwateli Vayisrayele;+ naswona Valevhi va fanele va hlayisa tabernakela ya Wumboni+ va tlhela va yi vonelela.”

54 Vayisrayele va yendle hinkwaswu leswi Yehovha a nga byela Moxe. Va swi yendle hi ndlela yoleyo.

2 Yehovha a vulavula na Moxe na Aroni a ku: 2 “Vayisrayele va fanele va gwimba matende ya vona lomu ntlawa wa vona wa tinxaka tinharhu+ wu nga tsemeliwa kona, kusuhi ni marka wa mindjangu ya vona. Matende ya vona ma fanele ma txuvukana ni tende la ntlhanganu, ma gwimbiwa matlhelweni ka tende.

3 “Lava nga ta gwimba matende awuxeni, ku ta va ntlawa wa tinxaka tinharhu leti rhangeliwaka hi Yuda hi ku ya hi mintlawa ya vona ya masonchwa; murhangeli wa vana va Yuda i Nasoni+ n’wana wa Aminadabi. 4 Ntlawa wa yena a wu ni 74.600 wa masonchwa.+ 5 Lixaka la Isakara li ta gwimba matende tlhelweni ka lixaka la Yuda; murhangeli wa vana va Isakara i Nataneli+ n’wana wa Suwari. 6 Ntlawa wa yena a wu ni 54.400 wa masonchwa.+ 7 Ku gama ku landzela lixaka la Zebuloni; murhangeli wa vana va Zebuloni i Eliyabi+ n’wana wa Eloni. 8 Ku tsalisiwe 57.400 wa masonchwa ka ntlawa wa yena.+

9 “Hinkwavu lava nga tsalisiwa ka masonchwa lama rhangeliwaka hi Yuda i 186.400. Hi vona va faneleke va rhanga va suka.+

10 “Ntlawa wa tinxaka tinharhu lowu rhangeliwaka hi Rubeni+ wu ta gwimba matende ya wona a sul* hi ku ya hi mintlawa ya wona ya masonchwa; murhangeli wa vana va Rubeni i Elizuri+ n’wana wa Xedewuri. 11 Ku tsalisiwe 46.500 wa masonchwa ka ntlawa wa yena.+ 12 Lava nga ta gwimba matende ya vona atlhelweni ka lixaka la Rubeni ku ta va lixaka la Simiyoni; murhangeli wa vana va Simiyoni i Xelumiyeli+ n’wana wa Zurixadayi. 13 Ku tsalisiwe 59.300 wa masonchwa ka ntlawa wa yena.+ 14 Ku ta gama ku landzela lixaka la Gadi; murhangeli wa vana va Gadi i Eliyazafi+ n’wana wa Reweli. 15 Ku tsalisiwe 45.650 wa masonchwa ka ntlawa wa yena.+

16 “Hinkwavu lava nga tsalisiwa ka masonchwa lawa ma rhangeliwaka hi Rubeni i 151.450. Va ta va va wumbirhi ku suka.+

17 “Nkama ku nga ta rhurhisiwa tende la ntlhanganu,+ matende ya Valevhi ma fanele ma va xikarhi ka matende laman’wani.

“Va fanele va fambisa leswi va nga gwimbisa xiswona matende ya vona,+ lixaka ha lin’we li va lomu li nga tsemeliwa kona, hi ku ya hi mintlawa ya vona ya tinxaka tinharhu.

18 “Ntlawa wa tinxaka tinharhu lowu rhangeliwaka hi Efrayimi wu ta gwimba matende ya wona awupelambu hi ku ya hi mintlawa ya masonchwa ya wona; murhangeli wa vana va Efrayimi i Elixama+ n’wana wa Amiyudi. 19 Ku tsalisiwe 40.500 wa masonchwa ka ntlawa wa yena.+ 20 Kusuhi ni lixaka la Efrayimi ku ta va ni lixaka ya Manasi;+ murhangeli wa vana va Manasi i Gamaliyele+ n’wana wa Pedazuri. 21 Ku tsalisiwe 32.200 wa masonchwa ka ntlawa wa yena.+ 22 Ku gama ku landzela lixaka la Benjamini; murhangeli wa vana va Benjamini i Abidani+ n’wana wa Gidiyoni. 23 Ku tsalisiwe 35.400 wa masonchwa ka ntlawa wa yena.+

24 “Hinkwavu lava nga tsalisiwa ka mintlawa ya masonchwa lawa ma rhangeliwaka hi Efrayimi i 108.100. Va ta va va wunharhu ku suka.+

25 “Ntlawa wa tinxaka tinharhu lowu rhangeliwaka hi Dani wu ta gwimba matende ya wona a norte* hi ku ya hi mintlawa ya masonchwa ya wona; murhangeli wa vana va Dani i Ayiyezeri+ n’wana wa Amixadayi. 26 Ku tsalisiwe 62.700 wa masonchwa ka ntlawa wa yena.+ 27 Lava nga ta gwimba matende ya vona kusuhi ni lixaka la Dani i lixaka la Aseri; murhangeli wa vana va Aseri i Pagiyeli+ n’wana wa Okirani. 28 Ku tsalisiwe 41.500 wa masonchwa ka ntlawa wa yena.+ 29 Ku gama ku landzela lixaka la Naftali; murhangeli wa vana va Naftali i Ahira+ n’wana wa Enani. 30 Ku tsalisiwe 53.400 wa masonchwa ka ntlawa wa yena.+

31 “Hinkwavu lava nga tsalisiwa ka mintlawa ya masonchwa lawa ma rhangeliwaka hi Dani i 157.600. Va ta va va wugamu ku suka,+ hi ku ya hi mintlawa ya vona ya tinxaka tinharhu.”

32 Lava i Vayisrayele lava nga tsalisiwa hi ku ya hi mindjangu ya vona; hinkwavu lava nga ka matende lava nga tsalisiwa leswaku va ya nyimpini a va li 603.550.+ 33 Kambe Valevhi a va tsalisiwanga+ ni Vayisrayele lavan’wani,+ hi ku ya hi leswi Yehovha a nga mu rhumisa xiswona Moxe. 34 Vayisrayele va yendle hinkwaswu leswi Yehovha a nga rhuma Moxe. Leyi i ndlela leyi va nga gwimba matende hi yona hi ku ya hi mintlawa ya vona ya tinxaka tinharhu,+ ni ndlela leyi a va hahlula matende ya vona hi yona,+ ndjangu wun’wani ni wun’wani a wu yendla leswo hi ku landza swib’ongo swa mindjangu ya wona.

3 Lava a va li va lixaka la Aroni na Moxe nkama lowu Yehovha a nga khuluma na Moxe na a li ka Ntshava ya Sinayi.+ 2 Lawa i mavito ya vana va Aroni: Matevula i Nadabi, ku landzela Abiyu,+ Eliyazari+ na Itamari.+ 3 Lawa i mavito ya vana va Aroni, lava nga cheliwa mafurha swaku va va vaprista.+ 4 Kambe Nadabi na Abiyu va file phambheni ka Yehovha+ nkama va nga nyikela gandzelo* la ku kala li nga fambisani ni nawu wa Yehovha amananga ya Sinayi, naswona va file na va nga na vana. Kambe Eliyazari+ na Itamari+ va tame va va vaprista ni papayi wa vona Aroni.

5 Kutani Yehovha a byela Moxe a ku: 6 “Teka lixaka la Levhi+ u li yisa ka muprista Aroni, swaku li ta mu pfuna ka mintirho.+ 7 Va fanele va yendla mintirho leyi yendliwaka ka tabernakela, hi ku pfuna Aroni ka mintirho ya yena ni mintirho ya hinkwavu lava tirhaka ka tende la ntlhanganu. 8 Va fanele va hlayisa swibya hinkwaswu+ leswi nga ka tende la ntlhanganu ni ku yendlela Vayisrayele mintirho leyi va faneleke va yendleliwa yona ka tabernakela.+ 9 U fanele u yisa Valevhi ka Aroni ni vana va yena. Va fanele va lumba Aroni swaku va ta mu pfuna, va huma ka Vayisrayele.+ 10 U fanele u langa Aroni ni vana va yena swaku va yendla mintirho leyi yendliwaka hi vaprista,+ lweyi a nga ta tshuka a tshinela, kambe na a nga li muprista* a fanele a dlayiwa.”+

11 Yehovha a tlhela a khuluma na Moxe a ku: 12 “Se mina, ni langa Valevhi xikarhi ka Vayisrayele leswaku va pfaleta matevula hinkwawu ya Vayisrayele,+ Valevhi va ta va va mina. 13 Hikusa matevula hinkwawu i ya mina.+ Siku leli ni nga dlaya matevula hinkwawu ka tiko la Gibita,+ ni kwetsimise matevula hinkwawu ya Israyele ku sukela ka munhu ku ya ka swiharhi.+ Ma ta va ya mina. Hi mina Yehovha.”

14 Yehovha a tlhela a khuluma na Moxe na a li mananga ya Sinayi,+ a ku: 15 “Tsalisa vana va Levhi hi ku ya hi swib’ongo ni mindjangu ya vona. U fanele u tsalisa va xinuna hinkwavu ku sukela ka lweyi a nga ni wheti yin’we ku ya henhla.”+ 16 Se Moxe a va tsalisa hi ku landza leswi Yehovha a nga mu byela swona. 17 Hi lawa mavito ya vana va Levhi: Jersoni, Kohata na Merari.+

18 Hi lawa mavito ya vana va Jersoni ni mindjangu ya vona: Libni na Ximeyi.+

19 Vana va Kohata ni mindjangu ya vona a ku li Amirami, Izari, Hebroni na Uziyeli.+

20 Vana va Merari ni mindjangu ya vona a ku li Mahili+ na Muxi.+

Leyi a ku li mindjangu ya Valevhi hi ku ya hi swib’ongo swa vona.

21 Ka Jersoni ku hume ndjangu wa Valibni+ ni ndjangu wa Vaximeyi. Leyi a ku li mindjangu ya Vajersoni. 22 Vavanuna hinkwavu lava nga tsalisiwa va ku sukela ka wheti yin’we ku ya henhla a va li 7.500.+ 23 Mindjangu ya Vajersoni a yi gwimbe matende ndzhaku ka tabernakela+ hi tlhelo la wupeladlambu. 24 Murhangeli wa ndjangu wa Vajersoni a ku li Eliyazafi n’wana wa Layele. 25 Ntirho wa vana va Jersoni+ ka tende la ntlhanganu a ku li ku hlayisa tabernakela, tende,+ swa ku funengeta hi swona+ ku patsa ni kortina+ la nyanghwa wa tende la ntlhanganu, 26 makortina+ lawa ma nga vekiwa ka kintari,* kortina+ leli pfalaka nyanghwa wa kintari lani tabernakela ni altari a swi li kona, magoda ya lona ni mintirho hinkwayu leyi fambisanaka na swona.

27 Ka Kohata ku hume ndjangu wa Vaamirami, wa Vaizari, wa Vahebroni ni wa Vauziyeli. Leyi a ku li mindjangu ya Vakohata.+ 28 Va xinuna hinkwavu lava nga tsalisiwa va ku sukela ka wheti yin’we ku ya henhla a va li 8.600; a va hlayisa ndhawu ya ku kwetsima.+ 29 Mindjangu ya vana va Kohata a yi gwimbe matende hi tlhelo la le sul* ka tabernakela.+ 30 Murhangeli wa mindjangu ya Vakohata a ku li Elizafani n’wana wa Uziyeli.+ 31 Ntirho wa vona a ku li ku hlayisa Areka,+ meza,+ xa ku tlhoma swa ku voninga hi swona,+ maaltari,+ swibya+ leswi a swi tirhisiwa ka ndhawu ya ku kwetsima, kortina+ ni mintirho hinkwayu leyi fambisanaka na swona.+

32 Murhangeli wamukulu wa Valevhi a ku li Eliyazari+ n’wana wa muprista Aroni, lweyi a a rhangela lava a va tirha ka ndhawu ya ku kwetsima.

33 Ka Merari ku hume ndjangu wa Vamahili ni ndjangu wa Vamuxi. Leyi a ku li mindjangu ya Merari.+ 34 Va xinuna hinkwavu lava nga tsalisiwa va ku sukela ka wheti yin’we ku ya henhla a va li 6.200.+ 35 Murhangeli wa mindjangu ya Merari a ku li Zuriyeli n’wana wa Abiyayile. Va gwimbe matende ya vona hi tlhelo la norte* la tabernakela.+ 36 Ntirho wa vana va Merari a ku li ku hlayisa maaru+ ya tabernakela, timhandzi,+ mapilari, swa ku tlhoma mapilari,+ swibya hinkwaswu+ leswi nga ka yona ni mintirho hinkwayu leyi fambisanaka na swona,+ 37 ku patsa ni mapilari hinkwawu lawa a ma li ka kintari ni swa ku tlhoma mapilari swa wona,+ ni switaka ni magoda ya wona.

38 Moxe na Aroni ni vana va yena va gwimbe matende kusuhi ni tabernakela hi le wuxeni, phambheni ka tende la ntlhanganu. A va hlayisa ndhawu leyi kwetsimaka; lowu a ku li ntirho wa vona lowu a va wu yendlela Vayisrayele. Lweyi a a ta tshinela kusuhi na a nga li muprista* a a ta dlayiwa.+

39 Valevhi hinkwavu va ku sukela ka wheti yin’we ku ya henhla, lava Moxe na Aroni va nga va tsalisa hi ku ya hi mindjangu ya vona hi ku landza leswi Yehovha a nga va rhuma swona, a va li 22.000.

40 Se Yehovha a byela Moxe a ku: “Tsalisa matevula hinkwawu ya xinuna ya Vayisrayele, ya ku sukela ka wheti yin’we ku ya henhla,+ ma konti u tlhela u tsala mavito ya wona. 41 U fanele u ni langela Valevhi, va ta pfaleta matevula hinkwawu ya Vayisrayele,+ hi mina Yehovha, u tlhela u ni langela swifuyu swa Valevhi u tshika matevula ya swifuyu hinkwaswu swa Vayisrayele.”+ 42 Se Moxe a tsalisa matevula hinkwawu ya Vayisrayele, hi ku landza leswi Yehovha a nga mu rhuma swona. 43 Matevula hinkwawu ya xinuna, lawa ma nga tsalisiwa hi mavito, ku sukela ka lweyi a nga ni wheti yin’we ku ya henhla, a ma li 22.273.

44 Yehovha a tlhela a khuluma na Moxe a ku: 45 “U fanele u langa Valevhi, u tshika matevula ya Vayisrayele, u tlhela u langa swifuyu swa Valevhi u tshika swifuyu swa matevula swa Vayisrayele, Valevhi va fanele va va va mina. Hi mina Yehovha. 46 Leswaku u kutsula+ 273 wa matevula ya Vayisrayele lawa ma tlulaka numeru ya Valevhi,+ 47 u ta humesela munhu mun’wani ni mun’wani+ kolomuyani ka 57 wa magrama* ya prata hi ku ya hi mapezela ya ndhawu ya ku kwetsima.* Xikele yin’we yi peza kolomuyani ka 12 wa magrama.*+ 48 U fanele u nyika Aroni ni vana va yena male leyi, swaku yi hakelela ku kutsula lava nga tala ku va tlula.” 49 Kutani Moxe a teka male ya ku kutsula swaku a hakelela lava a va tale ku tlula Valevhi. 50 A teke male ka matevula ya Vayisrayele, kolomuyani ka 15 wa makilu* ni hafu ya prata, hi ku ya hi mapezela ya ndhawu ya ku kwetsima. 51 Se Moxe a nyika Aroni ni vana va yena male ya ku kutsula hi ku landza rito la Yehovha, ku nga leswi Yehovha a nga mu byela swona Moxe.

4 Yehovha a vulavula na Moxe na Aroni a ku: 2 “Mi fanele mi konta vana va Kohata+ axikarhi ka vana va Levhi, hi ku ya hi mindjangu ni swib’ongo swa vona, 3 mi konta hinkwavu lava nga ka ntlawa lowu tirhaka ka tende la ntlhanganu+ va ku sukela ka 30+ wa malembe ku ya ka 50.+

4 “Lowu i ntirho wa vana va Kohata ka tende la ntlhanganu.+ I ntirho wa ku kwetsima ngopfu: 5 Nkama ku nga ta rhurhiwa, Aroni ni vana va yena, va fanele va hawula kortina+ va mbhonya areka+ ya Wumboni hi lona. 6 Va ta yi mbhonya hi xikhumba xa foka,* ni hi panu ya azuli, va gama va tlhoma tinhonga ta ku rhwala hi tona.+

7 “Va ta tlhela va yandlala panu ya azuli henhla ka meza wa mapawu ya ku kwetsima,+ va gama va tlhatekela maparatu, tikopo, matijela ni majaru lama tirhisiwaka loko ku yendliwa gandzelo la vhinyu;+ pawu la ku kwetsima+ leli nyikeliwaka siku ni siku, li fanele li tshikiwa ka meza. 8 Va ta swi mbhonya hi panu ya ku pshuka ni xikhumba xa foka, se va tlhoma tinhonga ta ku rhwala hi tona.+ 9 Kutani va ta teka panu ya azuli va mbhonya xa ku tlhoma swa ku voninga hi swona+ ni swa ku voninga hi swona,+ ni swa ku tima swa ku voninga hi swona, swa ku chela ndzilu+ ni swibya hinkwaswu leswi tirhiseliwaka ku chela mafurha ka swa ku voninga hi swona. 10 Va ta swi phutsela ni swibya swa kona hi xikhumba xa foka, va swi tlhateka ka nhonga leyi swi rhwaliwaka hi yona. 11 Va ta mbhonya altari ya woru hi panu ya azuli,+ va yi phutsela hi xikhumba xa foka, va gama va tlhoma tinhonga ta ku yi rhwala hi tona.+ 12 Se va ta gama va teka swibya hinkwaswu+ leswi va tirhaka hi swona ka ndhawu ya ku kwetsima, va swi veka ka panu ya azuli va gama va swi mbhonya hi xikhumba xa foka, se va swi tlhateka ka nhonga leyi swi rhwaliwaka hi yona.

13 “Va fanele va susa nkuma* ka altari,+ va gama va yi mbhonya hi panu ya ku yendliwa hi mavoya ya ku pshuka. 14 Va ta veka swilo leswi va tirhaka hi swona ndzeni ka altari: Swa ku chela ndzilu, magarfu, mafoxolo, matijela ni swibya hinkwaswu leswi tirhisiwaka ka altari;+ se va gama va yi mbhonya hi xikhumba xa foka, kutani va tlhoma tinhonga ta yona ta ku yi rhwala.+

15 “Aroni ni vana va yena va fanele va rhanga hi ku heta ku mbhonya ndhawu ya ku kwetsima+ ni swilo swa yona hinkwaswu na ku nge se rhurhiwa. Loko se va hetile, vana va Kohata va ta tshinela, va fika va swi rhwala,+ kambe a va fanelanga va khumba ndhawu ya ku kwetsima hikusa va ta fa.+ Ntirho* lowu i wa vana va Kohata ka tende la ntlhanganu.

16 “Eliyazari+ n’wana wa muprista Aroni hi yena a nga ta vonelela mafurha ya swa ku voninga hi swona,+ swinun’hwelisu,*+ gandzelo la swakudla leli yendliwaka siku ni siku ni mafurha ya ku kwetsima.+ A ta vonelela tabernakela hinkwayu ni hinkwaswu leswi nga ka yona, ku patsa ni ndhawu ya ku kwetsima ni swibya swa yona.”

17 Yehovha a tama a vulavula na Moxe na Aroni a ku: 18 “Mi nga tshiki lixaka la mindjangu ya Vakohata+ li helisiwa xikarhi ka Valevhi. 19 Kambe va yendleleni leswi swaku va nga fi, hambi va tshinela ka swilo swa ku kwetsima hintamu.+ Aroni ni vana va yena va ta nghena, va yavela mun’wani ni mun’wani wa vona ntirho ni leswi a faneleke a swi rhwala. 20 Va nga tshuki va nghena va vona swilo swa ku kwetsima hambi ko va swa nkamanyana, hikusa va nga fa.”+

21 Yehovha a byela Moxe a ku: 22 “U fanele u konta vana va Jersoni,+ hi ku ya hi swib’ongo ni mindjangu ya vona. 23 U ta tsala hinkwavu lava nga ka ntlawa lowu tirhaka ka tende la ntlhanganu, lava sukelaka ka 30 wa malembe ku ya ka 50. 24 Mindjangu ya Vajersoni yi ta yaveliwa ku rhwala ni ku yendla ntirho lowu:+ 25 Va ta rhwala tipanu ta tabernakela,+ tende la ntlhanganu, makortina ya lona ni xikhumba xa foka lexi mbhonyaka henhla,+ kortina leli pfalaka nyanghwa wa tende la ntlhanganu,+ 26 makortina ya kintari,*+ kortina leli a li pfala nyanghwa wa kintari+ lani ku nga ni tabernakela ni altari, magoda ya tende ni swibya swa kona hinkwaswu ni hinkwaswu leswi tirhisiwaka ka tabernakela. Lowu wu ta va ntirho wa vona. 27 Mintirho hinkwayu ni hinkwaswu leswi rhwaliwaka hi Vajersoni+ swi fanele swi voneleliwa hi Aroni ni vana va yena; mi ta va yavela hinkwaswu leswi va faneleke va swi rhwala, swi ta va ntirho wa vona. 28 Lowu i ntirho lowu nga ta yendliwa hi mindjangu ya Vajersoni ka tende la ntlhanganu,+ naswona ntirho wa vona wu ta voneleliwa hi Itamari+ n’wana wa muprista Aroni.

29 “Se u ta tsalisa vana va Merari+ hi ku ya hi swib’ongo ni mindjangu ya vona. 30 Tsalisa hinkwavu lava nga ka ntlawa lowu tirhaka ka tende la ntlhanganu lava sukelaka ka 30 wa malembe ku ya ka 50. 31 Ntirho wa vona wu ta va wa ku rhwala+ leswi landzelaka, leswi tirhisiwaka ka tende la ntlhanganu: Maaru+ ya tabernakela, timhandzi,+ mapilari,+ swa ku tlhoma mapilari;+ 32 mapilari+ ya kintari, swa ku tlhoma mapilari ya kintari,+ switaka swa tende,+ magoda ya tende ni hinkwaswu leswi tirhisiwaka ku patsa ni hinkwaswu leswi fambisanaka ni mintirho ya kona. Mi fanele mi komba mun’wani ni mun’wani leswi a faneleke a swi rhwala hi ku ya hi mavito ya vona. 33 Lowu i ntirho lowu faneleke wu yendliwa hi mindjangu ya vana va Merari+ ka tende la ntlhanganu, wu ta voneleliwa hi Itamari n’wana wa muprista Aroni.”+

34 Kutani Moxe na Aroni ni varhangeli+ va vanhu va tsalisa Vakohata+ hi ku ya hi mindjangu ni swib’ongo swa vona. 35 Ku tsalisiwe hinkwavu lava a va li ka ntlawa lowu tirhaka ka tende la ntlhanganu,+ lava a va sukela ka 30 wa malembe ku ya ka 50. 36 Hinkwavu lava nga tsalisiwa hi mindjangu ya vona a va li 2.750.+ 37 Lava hi vona lava nga tsalisiwa ka mindjangu ya Vakohata, ku nga hinkwavu lava a va tirha ka tende la ntlhanganu. Moxe na Aroni va va tsalisile hi ku landza leswi Yehovha a nga swi byela Moxe.+

38 Vana va Jersoni+ va tsalisiwe hi ku ya hi mindjangu ni swib’ongo swa vona, 39 hinkwavu lava a va li ka ntlawa lowu tirhaka ka tende la ntlhanganu lava sukelaka ka 30 wa malembe ku ya ka 50. 40 Hinkwavu lava nga tsalisiwa hi mindjangu ni swib’ongo swa vona a va li 2.630.+ 41 Lava hi vona lava nga tsalisiwa ka mindjangu ya vana va Jersoni, hinkwavu lava a va tirha ka tende la ntlhanganu. Moxe na Aroni va va tsalise hi ku landza leswi Yehovha a nga va byela swona.+

42 Vana va Merari va tsalisiwe hi ku ya hi mindjangu ni swib’ongo swa vona, 43 ku tsalisiwe hinkwavu lava a va li ka ntlawa lowu tirhaka ka tende la ntlhanganu,+ lava a va sukela ka 30 wa malembe ku ya ka 50. 44 Hinkwavu lava nga tsalisiwa hi mindjangu ya vona a va li 3.200.+ 45 Lava hi vona lava nga tsalisiwa ka mindjangu ya vana va Merari, lava Moxe na Aroni va nga va tsalisa hi ku landza leswi Yehovha a nga swi byela Moxe.+

46 Moxe na Aroni ni varhangeli va Vayisrayele va tsalise Valevhi lava hinkwavu hi ku ya hi mindjangu ni swib’ongo swa vona; 47 a va sukela ka 30 wa malembe ku ya ka 50 naswona hinkwavu a va yaveliwe ku tirha ni ku rhwala swibya swa tende la ntlhanganu.+ 48 Hinkwavu lava nga tsalisiwa a va li 8.580.+ 49 Va tsalisiwe hi ku landza leswi Yehovha a nga swi byela Moxe, mun’wani ni mun’wani a a nyikiwa ntirho ni leswi a a fanele a swi rhwala; va tsalisiwe hi ku landza leswi Yehovha a nga mu byelisa xiswona Moxe.

5 Yehovha a tama a vulavula na Moxe a ku: 2 “Byela Vayisrayele swaku va mu humesa handle ka matende munhu lweyi a nga ni mavabyi ya nhlokonho,*+ lweyi a humaka chaka ka xirho xa yena xa wununa+ kumbe xa wunsati ni lweyi a kalaka a nga tenganga hi mhaka ya ku khumba ntsumbu.+ 3 Hambi a li wanuna kumbe a li wansati mi fanele mi va humesa handle. Mi fanele mi va humesa ka matende swaku va nga chakisi+ matende ya vanhu lava ni tshamaka xikarhi ka vona.”+ 4 Se Vayisrayele va yendla swoleswo, va va humesa handle ka matende. Va yendle hi ku landza leswi Yehovha a nga swi byela Moxe.

5 Yehovha a tlhela a vulavula na Moxe a ku: 6 “Byela Vayisrayele u ku: ‘Loko wanuna kumbe wansati o tshuka a yendla xidjoho kumbe a nga tshembeki ka Yehovha, a ni nandzu.+ 7 A* fanele a vula+ xidjoho lexi a* nga xi yendla, a tlhela a humesa male hinkwayu swaku a hakela nandzu wa yena naswona a fanele a yengetela 20 pursentu ka male yoleyo;+ a ta yi nyika lweyi a nga mu djohela. 8 Kambe loko lweyi a nga mu djohela a nga na xaka leli nga yamukelaka male leyi ya ku hakela nandzu, male yoleyo yi fanele yi yisiwa ka Yehovha, yi ta va ya muprista, ku patsa ni nyempfu ya xinuna ya ku kombela ku rivaleliwa leyi muprista a nga ta mu kombelela ku rivaleliwa hi yona.+

9 “‘Swilo hinkwaswu swa ku kwetsima leswi Vayisrayele va nga ta swi nyikela+ ka muprista, swi ta va swa yena.+ 10 Lava nga ni swilo swa ku kwetsima swi ta tama swi va swa vona. Lweyi a nga ta nyika nchumu muprista, xi ta va xa muprista yelweyo.’”

11 Yehovha a tlhela a vulavula na Moxe a ku: 12 “Byela Vayisrayele u ku: ‘Ku fanele ku yendliwa leswi loko nsati wa munhu o kala a nga tshembeki ka nuna wa yena kutani a mu djohela 13 hi ku famba masangu ni wanuna mun’wani,+ kambe nuna wa yena a nga swi tivi naswona swi nga tsumbuliwi hi munhu, a tichakisa kambe ku nga na munhu lweyi a nga fakazaka mhaka leyi, naswona wansati lweyi a nge se tshama a kumiwa: 14 Loko nuna wa yena o va ni wukwele a tlhela a pimisela swaku nsati wa yena a mu djohelile kumbe a tichakisile hi wanuna mun’wani kumbe loko wanuna o va ni wukwele a pimisela swaku nsati wa yena a mu djohelile kuve a nga mu djohelanga nchumu, 15 wanuna a fanele a yisa nsati wa yena ka muprista ku patsa ni gandzelo la yena ni kilu* la mpupu wa maxalani.* A nga fanelanga a swi chela mafurha kumbe olibanu,* hikusa i gandzelo la swakudla la wukwele, gandzelo la swakudla la ku khumbukisa munhu xihoxo xa yena.

16 “‘Muprista a ta nyimisa wansati yelweyo phambheni ka Yehovha.+ 17 Muprista a ta kha mati ya ku kwetsima hi khuwani, a ma patsa ni wuthulu leli nga lani ku nga ni tabernakela. 18 A ta nyimisa wansati phambheni ka Yehovha a gama a chunsa misisi ya wansati yelweyo, a veka gandzelo la swakudla la xitsundzuxu ka mavoko ya yena, ku nga gandzelo la swakudla la wukwele,+ se muprista a ta khoma mati ya ku bava lama vangaka xirhuku.*+

19 “‘Se muprista a ta fungisa wansati a ku: “Loko swi ku a wu fambanga masangu ni wanuna mun’wani ku sukela u nga tekana ni nuna wa wena,+ naswona u tshembekile a wu wonhanga nchumu, mati lawa lama vangaka xirhuku a ma nga ta ku yendla nchumu. 20 Kambe loko swi ku a wu tshembekanga ka nuna wa wena naswona u mu djohelile hi ku famba masangu ni wanuna mun’wani . . .”+ 21 Kutani muprista a ta fungisa wansati hi xitshembiso lexi patsaka xirhuku, a tlhela a mu byela leswi: “Yehovha a a yendle swaku vito la wena li va xirhuku xikarhi ka vanhu naswona Yehovha a ta yendla swaku khwirhi la wena li pfimba u tlhela u nga ha psali. 22 Mati lama vangaka xirhuku ma ta nghena ka marhumbu ya wena ma yendla swaku khwirhi la wena li pfimba naswona a wu nge he psali.” Se wansati a fanele a ku: “Amen! Amen!”*

23 “‘Se muprista a fanele a tsala marito lawa ya xirhuku ka buku a tlhela a ma tima hi mati ya ku bava. 24 A ta yendla swaku wansati a phuza mati ya ku bava lama vangaka xirhuku naswona mati lawa ma ta nghena ndzeni ka yena kutani ma mu twisa ku vava. 25 Muprista a fanele a teka gandzelo la swakudla la wukwele+ ka mavoko ya wansati a li fambisa li ya hala ni hala phambheni ka Yehovha, se a gama a li tisa kusuhi ni altari. 26 Muprista a ta nusa hi voko swin’wani ka magandzelo ya swakudla swaku a yendla gandzelo la xitsundzuxu, a swi hisa ka altari,+ a gama a yendla swaku wansati a phuza mati wolawo. 27 Loko a heta ku phuza mati wolawo, naswona a nga basanga hileswi a kalaka a nga tshembekanga ka nuna wa yena, mati lama vangaka xirhuku ma ta nghena ndzeni ka yena ma mu twisa ku vava, se khwirhi la yena li ta pfimba a tlhela a nga ha psali, wansati a ta va a rhukiwile xikarhi ka vanhu va tiko la yena. 28 Kambe loko wansati a nga djohanga naswona a basile, a nge khatisiwi, swi ta koteka swaku a kuma nyimba a tlhela a psala.

29 “‘Lowu i nawu wa wukwele,+ lowu tirhaka ka wansati loko a djoha hi ku tichakisa na a ha tekanile ni nuna wa yena, 30 kumbe loko wanuna a va ni wukwele a pimisela swaku nsati wa yena a nga tshembekanga; a fanele a mu tisa phambheni ka Yehovha se muprista a fanele a yendla hinkwaswu leswi nga tsaliwa ka nawu lowu. 31 Wanuna a ta va a nga na nandzu, kambe nsati wa yena a ta tihlamulela hi mhaka ya xidjoho xa yena.’”

6 Yehovha a tama a khuluma na Moxe a ku: 2 “Byela Vayisrayele u ku: ‘Loko wanuna kumbe wansati a funga swaku a ta va Munaziri*+ wa Yehovha, 3 a nga fanelanga a phuza vhinyu kumbe mabyala man’wani. A nga tshuki a phuza ntsuvi* wa vhinyu kumbe wa mabyala man’wani.+ A nga fanelanga a phuza swa ku yendliwa hi mawuvha, kumbe a dla mawuvha ya ku tsakama kumbe ya ku woma. 4 Loko wa ha li Munaziri, a nga fanelanga a dla minchumu ya ku yendliwa hi mawuvha, minchumu leyi nga yendliwa hi mawuvha ya ku kala ma nga wupfanga ni matluka ya kona.

5 “‘Loko wa ha li Munaziri a nga fanelanga a tsemeta misisi ya nhloko ya yena.+ A fanele a yi tshika yi kula anze ma hela masiku ya yena ya Wunaziri; leswo swi ta kombisa swaku a tibohele ku yendla ntirho wa Yehovha. 6 Ka masiku hinkwawu lawa a nga tiboha swaku a tirhela Yehovha, a nga fanelanga a tshinela kusuhi ni ntsumbu wa munhu. 7 Hambiloko o feliwa hi papayi wa yena kumbe mamani wa yena kumbe makwavu wa yena wa xinuna kumbe wa xisati, a nga fanelanga a tichakisa+ hi mhaka ya leswi misisi ya yena yi kombisaka leswaku i Munaziri wa Xikwembu.

8 “‘Wa kwetsima ka Yehovha masiku hinkwawu ya Wunaziri la yena. 9 Kambe loko ko tshuka ku fa munhu swa kola na kola kusuhi na yena+ a gama a chakisa misisi leyi kombaka swaku a tibohele ku tirhela Xikwembu, a fanele a tsemeta misisi ya nhloko+ ya yena hi siku leli a nga ta basisiwa hi lona. A fanele a yi tsemeta hi siku la wu 7. 10 Hi siku la wu 8 a fanele a tisa matuva mambirhi kumbe swituvani swimbirhi ka muprista ka nyanghwa wa tende la ntlhanganu. 11 Muprista a ta teka lin’we a yendla gandzelo la xidjoho, se lelin’wani a yendla gandzelo la ku hisiwa, a mu kombelela ku rivaleliwa hi mhaka ya xidjoho xa yena+ xa ku khumba ntsumbu wa munhu. Se hi siku lolelo a ta tibasisa nhloko ya yena. 12 A fanele a tlhela a tibohela swaku a ta tirhela Yehovha hi ku tlhela a va Munaziri naswona a ta tisa xinyempfani xa xinuna lexi nga ni lembe lin’we swaku xi va gandzelo la nandzu. Kambe masiku lama nga hundza a ma nge he kontiwi hikusa a chakise Wunaziri la yena.

13 “‘Hi lowu nawu lowu tirhaka ka Munaziri: Loko masiku ya yena ya Wunaziri+ ma hela, a ta yisiwa ka nyanghwa wa tende la ntlhanganu. 14 Se loko a li kolanu, a fanele a yendlela Yehovha magandzelo hi xinyempfani xa xinuna xa ku hanya kahle lexi nga ni lembe lin’we, swaku xi va gandzelo la ku hisiwa;+ xinyempfani xa xisati xa ku hanya kahle lexi nga ni lembe lin’we, swaku xi va gandzelo la xidjoho;+ nyempfu ya ku hanya kahle swaku yi va gandzelo la ku kombela ku rhula,+ 15 ndzhava wa mapawu ya redondu ya ku kala fermentu lama nga hambiwa hi mpupu wa ku siliwa kahle lowu nga patsiwa ni mafurha, pawu la ku woma la ku kala li nga na fermentu, leli nga totiwa mafurha, gandzelo la swona la swakudla+ ni magandzelo ya swona ya vhinyu.+ 16 Muprista a ta swi nyikela ka Yehovha, a mu yendlela gandzelo la xidjoho ni gandzelo la ku hisiwa. 17 A ta nyikela nyempfu ya xinuna ka Yehovha swaku yi va gandzelo la ku kombela ku rhula ku patsa ni ndzhava wa mapawu ya ku kala fermentu, naswona muprista a ta humesa gandzelo la swakudla+ ni gandzelo la vhinyu.

18 “‘Munaziri a fanele a tsemeta misisi ya yena+ ka nyanghwa wa tende la ntlhanganu naswona a ta teka misisi leyi a nga yi fuya na wa ha li Munaziri a yi hoxa ka ndzilu lowu ku yendliwaka gandzelo la ku kombela ku rhula ka wona. 19 Loko Munaziri se a tsemetile misisi leyi a yi komba swaku i Munaziri, muprista a fanele a teka katla la ku swekiwa+ la nyempfu ya xinuna, pawu lin’we la redondu la ku kala fermentu, pawu lin’we la ku womisiwa la ku kala fermentu, a swi veka ka mavoko ya Munaziri. 20 Kutani muprista a fanele a swi fambisa swi ya hala ni hala aphambheni ka Yehovha+ swaku swi va gandzelo leli fambisiwaka. I nchumu xa ku kwetsima ka muprista ku patsa ni xifuva xa gandzelo leli fambisiwaka ni nenge lowu nga nyikeliwa.+ Se hi kona lweyi a a li Munaziri a nga phuzaka vhinyu.

21 “‘Hi lowu nawu wa Munaziri+ lweyi a fungaka: Loko a funga ku nyikela ka Yehovha leswi a nga swi kotaka swaku a yengetela ka leswi laviwaka hi nawu, a fanele a yendla leswi a nga swi funga kuva a kombisa swaku wa wu hlonipha nawu wa Wunaziri la yena.’”

22 Kutani Yehovha a khuluma na Moxe a ku: 23 “Byela Aroni ni vana va yena u ku: ‘Mi ta va katekisa+ hi ndlela leyi Vayisrayele:

24 “Yehovha a a mi katekise+ a tlhela a mi vhikela.

25 Yehovha a a mi kombe swaku wa mi tsakela+ hi ku mi komba timpsalu.

26 Yehovha a a mi kombe wunene, a mi nyika ku rhula.”’+

27 Va fanele va vitana vito la mina ka Vayisrayele+ swaku ni ta va katekisa.”+

7 Siku leli Moxe a nga heta ku yaka tabernakela,+ a yi chele hi mafurha+ a yi kwetsimisa ni hinkwaswu leswi a swi li ka yona, altari ni swibya swa yona hinkwaswu.+ Nkama a nga gama ku chela swilo leswi mafurha ni ku swi kwetsimisa,+ 2 varhangeli va Israyele,+ lava a va nyimela swib’ongo swa vona, va tise minyikelo. Varhangeli lava va tinxaka lava a va vonelela ntirho wa ku tsalisiwa ka vanhu, 3 va nyikela ka Yehovha hi 6 wa tinyolo* leti nga mbhonyiwa ni 12 wa tihomu, varhangeli vambirhi va tise nyolo yin’we, kasi murhangeli mun’wani ni mun’wani a tise homu yin’we; va swi nyikela phambheni ka tabernakela. 4 Se Yehovha a byela Moxe a ku: 5 “Yamukela swilo leswi hikusa swi ta tirhiseliwa ku rhwala swibya swa tende la ntlhanganu, u fanele u swi nyika Valevhi, ha mun’we mun’we hi ku ya hi leswi lavekaka swaku va yendla ntirho wa vona.”

6 Se Moxe a yamukela tinyolo ni tihomu a swi nyika Valevhi. 7 Vana va Jersoni a va nyika tinyolo timbirhi ni 4 wa tihomu, hi ku ya hi leswi a swi laveka ka ntirho wa vona;+ 8 kasi vana va Merari, lava a va rhangeliwa hi Itamari n’wana wa muprista Aroni,+ a va nyike 4 wa tinyolo ni 8 wa tihomu, hi ku ya hi leswi lavekaka ka ntirho wa vona. 9 Kambe a nga va nyikanga nchumu vana va Kohata, hikusa a va tirha ka ndhawu ya ku kwetsima.+ A va rhwala swilo swa ku kwetsima hi makatla.+

10 Se varhangeli va nyikela minyikelo ya vona hi siku leli altari yi nga cheliwa mafurha yi tlhela yi khanguliwa.+ Nkama varhangeli va nga tisa minyikelo ya vona phambheni ka altari, 11 Yehovha a byela Moxe a ku: “A ku te murhangeli mun’we hi siku, a ta nyikela leswi nga ta tirhisiwa loko ku khanguliwa altari.”

12 Lweyi a nga nyikela gandzelo la yena hi siku la ku sungula i Nasoni+ n’wana wa Aminadabi wa lixaka la Yuda. 13 A nyikele hi paratu la prata, leli pezaka 1.482 wa magrama* ni tijela la prata leli pezaka 798 wa magrama,* hi ku ya hi mapezela ya ndhawu ya ku kwetsima,*+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 14 xitijelani xa woru lexi pezaka 114 wa magrama,* na xi tale hi swinun’hwelisu;* 15 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 16 ximbutani xin’we swaku xi va gandzelo la xidjoho;+ 17 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Nasoni n’wana wa Aminadabi.+

18 Hi siku la wumbirhi, Nataneli+ n’wana wa Suwari, murhangeli wa vana va Isakara a tise minyikelo. 19 A nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 20 xitijelani xaxitsongo xa woru lexi pezaka 114 wa magrama, na xi tale hi swinun’hwelisu; 21 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 22 ximbutani xin’we swaku xi va gandzelo la xidjoho;+ 23 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Nataneli n’wana wa Suwari.

24 Hi siku la wunharhu, Eliyabi+ n’wana wa Eloni murhangeli wa vana va Zebuloni, 25 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 26 xitijelani xa woru lexi pezaka 114 wa magrama, na xi tale hi swinun’hwelisu; 27 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 28 ximbutani xin’we swaku xi va gandzelo la xidjoho;+ 29 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Eliyabi+ n’wana wa Eloni.

30 Hi siku la wu 4, Elizuri+ n’wana wa Xedewuri murhangeli wa vana va Rubeni, 31 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 32 xitijelani xa woru lexi pezaka 114 wa magrama, na xi tale hi swinun’hwelisu; 33 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 34 ximbutani xin’we swaku xi va gandzelo la xidjoho;+ 35 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Elizuri+ n’wana wa Xedewuri.

36 Hi siku la wu 5, Xelumiyeli+ n’wana wa Zurixadayi murhangeli wa vana va Simiyoni, 37 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 38 xitijelani xa woru lexi pezaka 114 wa magrama, na xi tale hi swinun’hwelisu; 39 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 40 ximbutani xin’we swaku xi va gandzelo la xidjoho;+ 41 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Xelumiyeli+ n’wana wa Zurixadayi.

42 Hi siku la wu 6, Eliyazafi+ n’wana wa Deweli murhangeli wa vana va Gadi, 43 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 44 xitijelani xa woru lexi pezaka 114 wa magrama, na xi tale hi swinun’hwelisu; 45 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 46 ximbutani xin’we swaku xi va gandzelo la xidjoho;+ 47 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Eliyazafi+ n’wana wa Deweli.

48 Hi siku la wu 7, Elixama+ n’wana wa Amiyudi murhangeli wa vana va Efrayimi, 49 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 50 xitijelani xa woru lexi pezaka 114 wa magrama, na xi tale hi swinun’hwelisu; 51 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 52 ximbutani xin’we swaku xi va gandzelo la xidjoho;+ 53 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi li ni lembe lin’we. Leswi swi nyikeliwe hi Elixama+ n’wana wa Amiyudi.

54 Hi siku la wu 8, Gamaliyele+ n’wana wa Pedazuri murhangeli wa vana va Manasi, 55 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 56 xitijelani xa woru lexi pezaka 114 wa magrama, na xi tale hi swinun’hwelisu; 57 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 58 ximbutani xin’we swaku xi va gandzelo la xidjoho;+ 59 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Gamaliyele+ n’wana wa Pedazuri.

60 Hi siku la wu 9, Abidani+ n’wana wa Gidiyoni murhangeli+ wa vana va Benjamini, 61 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 62 xitijelani xa woru lexi pezaka 114 wa magrama, na xi tale hi swinun’hwelisu; 63 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 64 ximbutani xin’we swaku xi va gandzelo la xidjoho;+ 65 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Abidani+ n’wana wa Gidiyoni.

66 Hi siku la wu 10, Ayiyezeri+ n’wana wa Amixadayi murhangeli wa vana va Dani, 67 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 68 xitijelani xa woru lexi pezaka 114 wa magrama, na xi tale hi swinun’hwelisu; 69 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we kuva swi va gandzelo la ku hisiwa;+ 70 ximbutani xin’we swaku xi va gandzelo la xidjoho;+ 71 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Ayiyezeri+ n’wana wa Amixadayi.

72 Hi siku la wu 11, Pagiyeli+ n’wana wa Okirani murhangeli wa vana va Aseri, 73 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 74 xitijelani xa woru lexi pezaka 114 wa magrama, na xi tale hi swinun’hwelisu; 75 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 76 ximbutani xin’we swaku xi va gandzelo la xidjoho;+ 77 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Pagiyeli+ n’wana wa Okirani.

78 Hi siku la wu 12, Ahira+ n’wana wa Enani murhangeli wa vana va Naftali, 79 a nyikele hi paratu la prata, leli pezaka 1.482 wa magrama ni tijela la prata leli pezaka 798 wa magrama, hi ku ya hi mapezela ya ndhawu ya ku kwetsima,+ swibya leswi haswimbirhi a swi tale hi mpupu wa ku siliwa kahle lowu nga patsiwa ni mafurha, swaku swi va gandzelo la swakudla;+ 80 xitijelani xa woru lexi pezaka 114 wa magrama, na xi tale hi swinun’hwelisu; 81 xihon’wani xin’we xa xinuna, nyempfu yin’we ya xinuna ni xinyempfani xa xinuna lexi nga ni lembe lin’we swaku swi va gandzelo la ku hisiwa;+ 82 ximbutani xin’we swaku xi va gandzelo la xidjoho;+ 83 kasi swa gandzelo la ku kombela ku rhula+ a ku li tihomu timbirhi, 5 wa tinyempfu ta xinuna, 5 wa swiphongo ni 5 wa swinyempfani swa xinuna, hinkwaswu na swi ni lembe lin’we. Leswi swi nyikeliwe hi Ahira+ n’wana wa Enani.

84 Leyi i minyikelo ya ku khanguliwa+ ka altari, leyi nga humesiwa hi varhangeli va Israyele nkama altari yi nga cheliwa mafurha: 12 wa maparatu ya prata, 12 wa matijela ya prata ni 12 wa switijelani swa woru;+ 85 paratu lin’we la prata a li peza 1.482 wa magrama, kasi tijela lin’we a li peza 798 wa magrama, swibya hinkwaswu swa prata a swi peza 27.360 wa magrama* hi ku ya hi mapezela ya ndhawu ya ku kwetsima;+ 86 12 wa switijelani swa woru leswi a swi talile hi swinun’hwelisu, xitijelani xin’we a xi peza 114 wa magrama hi ku ya hi mapezela ya ndhawu ya ku kwetsima, woru hinkwalu li nga tirhisiwa swaku ku yendliwa switijelani leswi a li peza 1.368 wa magrama.* 87 Ku tirhisiwe 12 wa tihomu ta xinuna leswaku ku yendliwa gandzelo la ku hisiwa, 12 wa tinyempfu ta xinuna, 12 wa swinyempfani swa xinuna, hinkwaswu na swi ni lembe lin’we ni magandzelo ya swona ya swakudla ku patsa ni 12 wa swimbutani leswaku swi va gandzelo la xidjoho; 88 tihomu hinkwatu ti nga tirhisiwa swaku ku yendliwa gandzelo la ku kombela ku rhula a ku li 24 wa tona ta xinuna, 60 wa tinyempfu ta xinuna, 60 wa swiphongo ni 60 wa swinyempfani swa xinuna, hinkwaswu na swi ni lembe lin’we. Leyi a ku li minyikelo ya ku khanguliwa+ ka altari loko se yi cheliwile hi mafurha.+

89 Nkama hinkwawu, loko Moxe a nghena ka tende la ntlhanganu swaku a ya khuluma ni Xikwembu,+ a a twa rito li khuluma na yena na li sukela henhla ka tampa+ ya areka ya Wumboni, li huma xikarhi ka makerubu mambirhi;+ se Xikwembu a xi khuluma na yena.

8 Yehovha a khuluma na Moxe a ku: 2 “Byela Aroni u ku: ‘Loko u tlhavika swa ku voninga hi swona, a 7 wa swona swi fanele swi voninga ka ndhawu leyi yi nga phambheni ka xa ku tlhoma swa ku voninga hi swona.’”+ 3 Se Aroni a yendla leswi: A tlhavika swa ku voninga hi swona swaku swi voninga ka ndhawu leyi nga phambheni ka xa ku tlhoma swa ku voninga hi swona,+ hi ku landza leswi Yehovha a nga byela Moxe. 4 Xa ku tlhoma swa ku voninga hi swona a xi yendlisiwe xileswi: A xi yendliwe hi woru, ku sukela hansi ku ya fika lomu xi nga sasekisiwa hi swiluva.+ A xi yendliwe hi ku ya hi leswi Yehovha a nga swi komba Moxe hi ndlela ya singita.*+

5 Yehovha a tlhela a khuluma na Moxe a ku: 6 “Humesa Valevhi xikarhi ka Vayisrayele, u ya va basisa.+ 7 U ta yendla leswi swaku u va basisa: Va n’wan’wasele hi mati,* kutani va tsemeta misisi ya muzimbha hinkwawu hi xisingwani, va hlampsa mpahla ya vona va tlhela va basisa ni muzimbha wa vona.+ 8 Se va ta teka xihon’wani xa xinuna+ ni gandzelo la xona la swakudla+ la mpupu wa ku siliwa kahle lowu nga patsiwa ni mafurha, kutani wena u ta teka xihon’wani xin’wani xa xinuna swaku xi va gandzelo la xidjoho.+ 9 U ta nyimisa Valevhi phambheni ka tende la ntlhanganu, u gama u hlengeleta Vayisrayele hinkwavu.+ 10 Loko u nyima ni Valevhi phambheni ka Yehovha, Vayisrayele va ta tlhateka mavoko ka tinhloko ta Valevhi.+ 11 Kutani Aroni a fanele a nyikela Valevhi ka Yehovha, va va gandzelo leli fambisiwaka+ leli nga susiwa ka Vayisrayele naswona va ta tama va tirhela Yehovha.+

12 “Se Valevhi va ta tlhateka mavoko ya vona ka tinhloko ta tihomu ta xinuna.+ Va ta gama va nyikela yin’we ka Yehovha va yendla gandzelo la xidjoho, kasi leyin’wani va ta yendla gandzelo la ku hisiwa swaku va ta rivaleliwa swidjoho.+ 13 Kutani u ta yendla swaku Valevhi va nyima phambheni ka Aroni ni vana va yena, u va nyikela ka Yehovha swaku va va gandzelo leli fambisiwaka. 14 U fanele u ni langela Valevhi xikarhi ka Vayisrayele, Valevhi va ta va va mina.+ 15 Se Valevhi va ta gama va tirha ka tende la ntlhanganu. U fanele u yendla leswo swaku u va basisa ni ku va nyikela swaku va va gandzelo leli fambisiwaka. 16 Hikusa va nyikeliwe ka mina, i nyiko leyi nga susiwa ka Vayisrayele. Ka ndhawu ya hinkwavu lava nga matevula ya Vayisrayele,+ ni ta teka vona swaku va va va mina. 17 Hikusa matevula hinkwawu ya Vayisrayele i ya mina, ya vanhu ni ya swiharhi.+ Ni ma basise hi siku leli ni nga ba matevula hinkwawu ka tiko la Gibita.+ 18 Ka ndhawu ya matevula hinkwawu xikarhi ka Vayisrayele, ni ta teka Valevhi. 19 Ni ta nyikela Valevhi lava nga susiwa ka Vayisrayele swaku va va nyiko ka Aroni ni vana va yena, swaku va ta yendlela Vayisrayele ntirho ka tende la ntlhanganu+ ni ku va kombelela ku rivaleliwa, leswaku Vayisrayele+ va nga humeleliwi hi khombo hi mhaka ya ku tshinela ka ndhawu ya ku kwetsima.”

20 Moxe na Aroni ni Vayisrayele hinkwavu va yendle swoleswo ka Valevhi. Vayisrayele va yendle hinkwaswu leswi Yehovha a nga byela Moxe swaku swi fanele swi yendliwa ka Valevhi. 21 Se Valevhi va tibasisa va tlhela va hlampsa mpahla ya vona,+ Aroni a gama a va nyikela ka Yehovha swaku va va gandzelo leli fambisiwaka.+ Kutani Aroni a yendla gandzelo swaku va ta rivaleliwa swidjoho kuva va basisiwa.+ 22 Se Valevhi va game va ya ka tende la ntlhanganu swaku va ya yendla ntirho, na va rhangeliwa hi Aroni ni vana va yena. Va yendle leswo ka vona hi ku landza leswi Yehovha a nga swi rhuma Moxe swaku a swi yendla ka Valevhi.

23 Yehovha a byela Moxe a ku: 24 “Mhaka yin’wani leyi khumbaka Valevhi hi leyi: Wanuna lweyi a nga ni ku sukela ka 25 wa malembe ku ya henhla, a ta sungula ku tirha ka tende la ntlhanganu. 25 Kambe nkama a nga ta tlhanganisa 50 wa malembe, a ta tshika ku tirha. 26 A nga va pfuna vamakwavu lava tirhaka ka tende la ntlhanganu, kambe a nga fanelanga a tirhela kolanu. Leswi, hi leswi u faneleke u swi yendla ka Valevhi ni mintirho ya vona.”+

9 Hi wheti ya ku sungula+ ka lembe la wumbirhi loko se va hume ka tiko la Gibita, Yehovha a vulavule na Moxe na a li mananga ya Sinayi a ku: 2 “Vayisrayele va fanele va lulamisela swifuyu swa ku tlangela Paxkwa+ hi nkama lowu wu nga vekiwa.+ 3 Hi diya 14 ka wheti leyi nimadlambu mi fanele mi yi lulamisela hi nkama lowu wu nga vekiwa. Mi ta yi lulamisela hi ku landza minawu ni mayendlelo hinkwawu ya yona.”+

4 Se Moxe a byela Vayisrayele swaku va lulamisela swifuyu swa ku tlangela Paxkwa. 5 Kutani va lulamisela swifuyu swa ku tlangela Paxkwa hi diya 14 ka wheti ya ku sungula nimadlambu, amananga ya Sinayi. Vayisrayele va yendle hi ku landza hinkwaswu leswi Yehovha a nga swi rhuma Moxe.

6 A ku ni vanhu lava a va nga tenganga hi mhaka ya leswi va nga khumba ntsumbu,+ a va swi kotanga ku lulamisela swifuyu swa ku tlangela Paxkwa hi siku lolelo. Se vanhu volavo va ya ka Moxe na Aroni hi siku lolelo,+ 7 va fika va ku: “A hi tenganga hi mhaka ya leswi hi nga khumba ntsumbu. Se hi mhaka muni hi fanele hi tsimbisiwa ku nyikela gandzelo ni Vayisrayele ka Yehovha hi nkama lowu nga vekiwa ke?”+ 8 Moxe a ku: “Nyimani kolanu ni ya twa leswi Yehovha a nga ta ni byela swona hi n’wina.”+

9 Kutani Yehovha a byela Moxe a ku: 10 “Byela Vayisrayele u ku: ‘Hambiloko munhu mun’wani ka n’wina kumbe vatukulu va n’wina o tichakisa hi mhaka ya ku khumba ntsumbu,+ kumbe a yendzile a ya kule, a fanele a lulamisela xifuyu xa ku yendlela Yehovha fexta* la Paxkwa. 11 Va fanele va xi lulamisela hi diya 14 ka wheti ya wumbirhi+ nimadlambu. Va fanele va xi dla ni mapawu ya ku kala fermentu ku patsa ni matsavu ya ku bava.+ 12 Va fanele va xi dla xi hela va nga xi siyi anze mundzuku,+ naswona a va fanelanga va tshova marhambu ya xona.+ Va fanele va tlangela Paxkwa hi ku landza minawu hinkwayu leyi nga vekiwa. 13 Loko munhu a tengile naswona a nga yendzanga a ya kule kambe a nga na mhaka ni ku lulamisela Paxkwa, a fanele a dlayiwa,+ hikusa a nga mu yendlelanga Yehovha gandzelo hi nkama lowu nga vekiwa. Munhu wa kona a ta tihlamulela hi mhaka ya xidjoho xa yena.

14 “‘Munhu wa tiko lin’wani lweyi a tshamaka na n’wina, na yena a fanele a lulamisela xifuyu xa ku yendlela Yehovha fexta la Paxkwa.+ A fanele a yendla hi ku landza nawu wa Paxkwa ni mayendlelo ya kona.+ Ku ta tirha nawu wun’we ka n’wina ni ka munhu wa tiko lin’wani lweyi a tshamaka na n’wina.’”+

15 Hi siku la ku nyimisiwa ka tabernakela,+ rhefu a li funengeta tabernakela ku nga tende la Wumboni, kambe nimadlambu a li tikomba li fana ni ndzilu henhla ka tabernakela anze li xa.+ 16 A ku yendleka leswi nkama ni nkama: Rhefu a li funengeta tabernakela ninhlikanhi kasi nimadlambu a li tikomba li fana ni ndzilu.+ 17 Loko rhefu li suka henhla ka tende, Vayisrayele a va suka hi ku hantlisa+ naswona lomu rhefu a li ta fika li nyima kona, Vayisrayele a va ta fika va gwimba matende kolanu.+ 18 Vayisrayele a va suka loko Yehovha a va byela, naswona a va gwimba matende hi ku landza leswi Yehovha a a va byela swona.+ Loko rhefu li tshama henhla ka tabernakela, na vona a va nga suki. 19 Loko rhefu li tshama masiku ya manyingi henhla ka tabernakela, Vayisrayele na vona a va yingisa Yehovha va nga fambi.+ 20 Minkama yin’wani rhefu a li tshama masikunyana henhla ka tabernakela. A va tshama ka matende hi ku landza leswi Yehovha a nga va byela swona, naswona a va suka hi ku landza leswi Yehovha a va byelaka swona. 21 Minkama yin’wani rhefu a li tshama ku sukela nimadlambu anze nimixo ntsena, naswona loko rhefu li suka nimixo, na vona a va suka. Loko rhefu li suka, na vona a va suka ku nga na mhaka swaku i nhlikanhi kumbe i wusiku.+ 22 Hambiloko rhefu li tshama masiku mambirhi, wheti kumbe masiku ya manyingi henhla ka tabernakela, Vayisrayele a va tshama na va gwimbe matende naswona a va nga suki. Kambe loko li suka, na vona a va suka. 23 A va gwimba matende hi ku landza leswi Yehovha a a va byela swona, naswona a va suka hi ku landza leswi Yehovha a a va byela swona. Va yingise Yehovha hi ku yendla leswi Yehovha a nga swi byela Moxe.

10 Se Yehovha a byela Moxe a ku: 2 “Tiyendlele timhalamhala*+ timbirhi hi prata; u ta ti yendla hi hamela, naswona u ta ti tirhisa swaku u vitana vanhu ni ku va byela swaku va hahlula matende. 3 Loko ti chayiwa hi nkama wun’we, vanhu hinkwavu va fanele va tlhangana na wena ka nyanghwa wa tende la ntlhanganu.+ 4 Loko ku chayiwa yin’we ntsena, ku fanele ku ta varhangeli ntsena lava rhangelaka mintlawa* ya Vayisrayele, va ta tlhangana na wena.+

5 “Loko mi chaya guwa leli txintxatxintxaka, lava va nga wuxeni+ va fanele va suka. 6 Loko mi chaya ka wumbirhi guwa leli li txintxatxintxaka, ku fanele ku suka lava nga ka tlhelo la sul.*+ A mhalamhala yi fanele yi chayisiwa xileswo loko ntlawa wun’wani ni wun’wani wu suka.

7 “Loko mi vitana vanhu hinkwavu mi fanele mi chaya timhalamhala,+ kambe guwa la kona a li fanelanga li txintxatxintxa. 8 Vaprista ku nga vana va Aroni, hi vona va faneleke va chaya timhalamhala;+ ku tirhisa timhalamhala swi ta va nawu wa ku kala wu nga heli ka n’wina ni vatukulu va n’wina.

9 “Loko swi lava mi lwa ni lweyi a mi xanisaka ka tiko la n’wina, mi fanele mi chaya guwa la nyimpi hi ku tirhisa timhalamhala,+ kutani Yehovha Xikwembu xa n’wina a ta mi khumbuka a gama a mi ponisa ka valala va n’wina.

10 “Leswo mi ta swi yendla ni hi minkama ya n’wina ya ku tsaka,+ hi minkama ya mafexta+ ya n’wina ni le ku sunguleni ka tiwheti ta n’wina, mi ta chaya timhalamhala loko mi yendla magandzelo ya ku hisiwa+ ni magandzelo ya ku kombela ku rhula;+ leswi swi ta yendla swaku Xikwembu xi mi khumbuka. Hi mina Yehovha Xikwembu xa n’wina.”+

11 Hi diya 20 ka wheti ya wumbirhi,+ ka lembe la wumbirhi, rhefu li suka henhla ka tabernakela+ ya Wumboni. 12 Se Vayisrayele va suka amananga ya Sinayi, va famba hi ku landza leswi va nga byeliwa swaku va sukisa xiswona.+ Kutani rhefu li fika li tshama amananga ya Parani.+ 13 A vo sungula ku suka hi ndlela leyo, hi ku landza leswi Yehovha a nga swi byela Moxe.+

14 Ntlawa wa tinxaka tinharhu lowu rhangeliwaka hi vana va Yuda, hi wona wu nga rhanga wu suka hi ku ya hi mintlawa ya wona;* murhangeli wa wona a ku li Nasoni+ n’wana wa Aminadabi. 15 Lweyi a a rhangela ntlawa wa lixaka la Isakara a ku li Nataneli+ n’wana wa Suwari. 16 Lweyi a a rhangela ntlawa wa lixaka la vana va Zebuloni a ku li Eliyabi+ n’wana wa Eloni.

17 Loko tabernakela yi hahluliwa,+ vana va Jersoni+ ni vana va Merari+ lava rhwalaka tabernakela a va suka.

18 Se ntlawa wa tinxaka tinharhu lowu rhangeliwaka hi vana va Rubeni wu suka hi mintlawa ya wona, a wu rhangeliwa hi Elizuri+ n’wana wa Xedewuri. 19 Lweyi a a rhangela ntlawa wa lixaka la vana va Simiyoni a ku li Xelumiyeli+ n’wana wa Zurixadayi. 20 Lweyi a a rhangela ntlawa wa lixaka la vana va Gadi, a ku li Eliyazafi+ n’wana wa Deweli.

21 Ku gama ku suka Vakohata lava a va rhwala swibya swa ndhawu leyi kwetsimaka.+ Tabernakela a yi fanele se yi gwimbiwile loko va fika.

22 Ntlawa wa tinxaka tinharhu lowu rhangeliwaka hi vana va Efrayimi wu gama wu suka hi ku ya hi mintlawa ya wona, a wu rhangeliwa hi Elixama+ n’wana wa Amiyudi. 23 Lweyi a a rhangela ntlawa wa lixaka la vana va Manasi a ku li Gamaliyele+ n’wana wa Pedazuri. 24 Lweyi a a rhangela ntlawa wa lixaka la vana va Benjamini, a ku li Abidani+ n’wana wa Gidiyoni.

25 Kutani ntlawa wa tinxaka tinharhu lowu rhangeliwaka hi vana va Dani wu suka hi ku ya hi mintlawa ya wona, a wu li varindzi hikusa hi wona a wu sala ndzhaku, a wu rhangeliwa hi Ayiyezeri+ n’wana wa Amixadayi. 26 Lweyi a a rhangela ntlawa wa lixaka la vana va Aseri a ku li Pagiyeli+ n’wana wa Okirani. 27 Lweyi a a rhangela ntlawa wa lixaka la vana va Naftali a ku li Ahira+ n’wana wa Enani. 28 Vayisrayele ni mintlawa ya vona a va suka hi ndlela yoleyo.+

29 Kutani Moxe a byela Obabi n’wana wa Reweli*+ wa le Midiyani, papayi wa nsati wa Moxe a ku: “Hi ya ka ndhawu leyi Yehovha a nga hi byela a ku: ‘Ni ta mi nyika yona.’+ Famba na hina,+ hi ta ku khoma kahle hikusa Yehovha a tshembise Vayisrayele swilo swaswinene.”+ 30 Kambe yena a ku: “A ni nge fambi na n’wina. Ni ta tlhelela ka tiko la mina ni ka maxaka ya mina.” 31 Se Moxe a ku: “Ni kombela swaku u nga hi siyi, hikusa u ku tiva kahle lomu hi faneleke hi gwimba kona matende amananga, u nga hi komba ndlela. 32 Naswona loko wo famba na hina,+ hinkwaswu swaswinene leswi Yehovha a nga ta hi nyika swona, hi ta pambulelana na wena.”

33 Se va suka ka ntshava ya Yehovha+ va famba ku ringana masiku manharhu, na areka+ ya ntwananu wa Yehovha yi rhwaliwile phambheni ka vona masiku manharhu, anze va ya kuma ndhawu ya ku humula ka yona.+ 34 Rhefu la Yehovha+ a li li henhla ka vona ninhlikanhi loko va suka lomu a va gwimbe kona matende.

35 Nkama ni nkama loko Areka yi suka, Moxe a a ku: “Humelela Yehovha+ Xikwembu xa mina, u hangalasa valala va wena, lava ku nyenyaka a va baleke phambheni ka wena.” 36 Kutani loko yi fika lomu a va ya kona, a a ku: “Vuya, Yehovha, ka vanhu va wena va Israyele lava kalaka va nga konteki hi ku tala ka vona.”+

11 Se vanhu va sungula ku ngurangura swinene, va ngurangurela Yehovha. Nkama Yehovha a nga swi twa, a va kwatela ngopfu, kutani ndzilu lowu taka hi ka Yehovha wu va hisa wu dlaya van’wani va vona ka magamu ya matende. 2 Vanhu va sungula ku rilela Moxe, kutani a khongela ka Yehovha,+ se ndzilu wu timeka. 3 Ndhawu yoleyo yi chuliwe swaku i Tabera,* hikusa va hisiwe hi ndzilu lowu taka hi ka Yehovha.+

4 Vanhu+ lava taka hi ka matiko man’wani* lava a va tshama na vona, va sungule ku navela swakudla swa ku yampsa,+ se Vayisrayele na vona va tlhela va sungula ku rila va ku: “I mani lweyi a nga ta hi nyika nyama swaku hi dla ke?+ 5 Hi khumbuka tihlampfi leti a hi ti dla hi mahala aGibita, mapipinu, makhalavatla, tinyala ni swinyalani!+ 6 Kambe swoswi ha fa hi ndlala. A ku na swin’wani leswi hi nga dlaka swona, ko va ni mana leyi ntsena.”+

7 Mana+ a yi fana ni mbewu ya kowentru,*+ naswona a yi fana ni wurimba* la bedeliyamu. 8 Vanhu a va hangalaka va yi rholela, va yi sila kumbe va yi kandza ka churhi. Kutani va yi sweka ka tipanela kumbe va yendla mapawu ya redondu;+ a yi nandziha ku fana ni bolu la ku lombela leli nga cheliwa mafurha. 9 Loko ku va ni mberha* ka matende niwusiku, mana na yona a yi wela kolanu.+

10 Se Moxe a twa vanhu na va rila ka mindjangu ya vona, na va nyime ka tinyanghwa ta matende ya vona. Yehovha a kwata swinene,+ Moxe na yena a swi zanga swi mu tsakisa. 11 Kutani Moxe a ku ka Yehovha: “Hi mhaka muni u ni vangele maxangu lawa? Hi mhaka muni u nga ni tweli wusiwana, leswi u ni rhwexaka ndzhwalu wa vanhu hinkwavu lava?+ 12 O va mina ni nga psala vanhu hinkwavu lava? O va mina ni nga va psala u zaka u ni byela u ku: ‘Va tlakule ku fana ni xitirhi lexi tlakulaka n’wana lweyi a yan’waka’, u va yisa ka tiko leli u nga funga swaku u ta li nyika vavhovho va vona?+ 13 Ni ta yi kuma kwini nyama ya ku nyika vanhu lava hinkwavu? Hikusa va tshamela ku ni rilela va ku: ‘Hi nyiki nyama swaku hi dla!’ 14 A ni nge swi koti ku rhwala vanhu lava na ni li noxe; swa ni tikela ngopfu.+ 15 Loko ku li swaku u ta ni khomisa xileswi, ni kombela u ni dlaya swoswi.+ Kambe loko u ni rhandza, ni vhikeleli swaku ni nga ha voni maxangu.”

16 Se Yehovha a byela Moxe a ku: “Ni langeli 70 wa vavanuna ka madoda ya Israyele, lawa u tivaka swaku i madoda ni varhangeli va vanhu;+ va yise ka tende la ntlhanganu, mi fika mi nyima kolanu. 17 Ni ta xika+ ni ta vulavula na wena kolanu,+ ni ta pambula moya wun’wani wa ku kwetsima+ lowu nga ka wena ni va nyika wona, kutani va ta ku pfuna ku rhangela vanhu lava swaku u nga tirhi wexe.+ 18 U fanele u byela vanhu u ku: ‘Lunghekani* hikusa mundzuku+ mi ta dla nyama, mi rilele Yehovha+ mi ku: “I mani lweyi a nga ta hi nyika nyama swaku hi dla? Hikusa a hi tikhorisa Gibita.”+ Vhela, Yehovha a ta mi nyika nyama mi dla.+ 19 A mi nga ta yi dla siku lin’we, kumbe masiku mambirhi kumbe 5 wa masiku kumbe 10 wa masiku kumbe 20 wa masiku, 20 kambe ku ringana wheti, anze yi huma hi tinhompfu, yi mi kolwa,+ hikusa mi tshike Yehovha lweyi a nga xikarhi ka n’wina naswona mi mu rilelile mi ku: “Kasi hi sukele yini Gibita?”’”+

21 Se Moxe a ku: “Ni ni 600.000 wa vavanuna+ lava nga masonchwa, kambe wena u li: ‘Ni ta va nyika nyama, va ta yi dla ku ringana wheti!’ 22 Loko vo dlayeliwa mintlhambi hinkwayu ya tinyempfu ni ya tihomu, indjhe va nga yenela? Kumbe loko vo phaseliwa tihlampfi hinkwatu ta lwandle, indjhe ti nga va yeneta?”

23 Se Yehovha a byela Moxe a ku: “Voko la Yehovha li yo koma ke?+ Swoswi u ta swi vona kumbe leswi ni nga swi vula swi ta yendleka kumbe a swi nga ta yendleka.”

24 Moxe a famba a ya byela vanhu leswi Yehovha a nga swi hlaya. A hlengeleta 70 wa vavanuna lava nga susiwa ka madoda ya tiko, a va nyimisa matlhelweni ka tende.+ 25 Kutani Yehovha a xika na a li ka rhefu,+ a vulavula na Moxe,+ se a teka moya wun’wani wa ku kwetsima+ lowu a a mu nyike wona a wu nyika 70 wa madoda. Nkama va nga nyikiwa moya wa ku kwetsima, va yo vhela va sungula ku profeta,+ kambe a va ha tlhelanga va swi yendla.

26 A ku ni vavanuna vambirhi lava a va salile ka matende. Mavito ya vona a ku li Eldadi na Medadi. Se moya wa ku kwetsima wu va ka vona, hikusa mavito ya vona a ma tsaliwile, kambe a va nga yanga ka tende la ntlhanganu. Kutani va sungula ku profeta amatendeni. 27 Kutani djaha lin’wani li tsutsuma li ya byela Moxe li ku: “Eldadi na Medadi va le ku profeteni ka matende!” 28 Se Yoxuwa+ n’wana wa Nuni, lweyi a a li mupfunisi wa Moxe ku sukela a ha li djaha, a ku: “Moxe hosi ya mina, va tshikisi!”+ 29 Kambe Moxe a mu byela a ku: “U ni wukwele la vanhu lavayani hi mhaka ya mina ke? A ni navela swaku vanhu hinkwavu va Yehovha va va vaprofeta naswona Yehovha a va nyika moya wa yena!” 30 Hi ku famba ka nkama Moxe ni madoda ya Vayisrayele va tlhelele ka matende.

31 Kutani Yehovha a yendla swaku xidzedze xi tisa tin’hwarhi,* ti ta hi ka tlhelo la lwandle, ti wa ka matende,+ ka tlhelo lin’we a ti tate ndhawu ya kolomuyani ka mpfhuka wa ku ringana siku lin’we, ni ka tlhelo lelin’wani a ti tate ndhawu ya kolomuyani ka mpfhuka wa ku ringana siku lin’we, a ti li ka matlhelo hinkwawu ya matende, a ti tlhatakanyane kolomuyani ka metru* lin’we ku suka hansi. 32 Se vanhu va hlengeleta tin’hwarhi siku lelo hinkwalu ni wusiku la kona hinkwalu ni siku leli landzelaka hinkwalu. Hinkwavu va hlengelete swa ku tata kolomuyani ka 10 wa swibya* swaswikulu naswona va ti yaneke ka matlhelo hinkwawu ya matende. 33 Loko nyama ya ha li ka nomo wa vona, na va nga se sungula ku yi txakunha, Yehovha a kwatela vanhu, kutani Yehovha a dlaya vanhu va vanyingi swinene.+

34 Se va chula ndhawu yoleyo va ku i Kibroti-Atavha,*+ hikusa hi kolanu va nga lahla vanhu lava va nga navela swakudla swa ku yampsa.+ 35 Nkama va nga suka aKibroti-Atavha va ye Hazeroti+ va fika va tshama kolanu.

12 Se Miriyamu na Aroni va terekela Moxe hi mhaka ya leswi a nga teka wansati wa Mukuxi.+ 2 A va ku: “Indjhe Yehovha o khuluma ni vanhu hi ku tirhisa Moxe ntsena? Na hina a nga hi tirhisanga ke?”+ Yehovha a a swi yingisela.+ 3 Moxe a a rhule swinene ku tlula vanhu hinkwavu*+ amisaveni.

4 Yehovha a yo vhela a byela Moxe na Aroni na Miriyamu a ku: “N’wina vanharhu humani mi ya ka tende la ntlhanganu.” Se va huma hi wunharhu ka vona. 5 Kutani Yehovha a xika na a li ka rhefu lalikulu,+ a fika a nyima ka nyanghwa wa tende a vitana Aroni na Miriyamu. Se va tshinela hi wumbirhi ka vona. 6 Kutani a ku: “Ni kombela mi yingisa. Loko a ku ni muprofeta wa Yehovha xikarhi ka n’wina, a ni ta titivisa ka yena hi ndlela ya singita*+ naswona a ni ta khuluma na yena ka milorho.+ 7 Kambe a ni swi yendlanga leswo ka mutirheli wa mina Moxe! A vonelela vanhu va mina hinkwavu.*+ 8 Ni khuluma na yena hi ku kongoma,+ a ni tirhisi marito ya ku kala ma nga twisiseki;* naswona a vona ku phatima ka mina Yehovha. Se hi mhaka muni mi nga chavanga ku terekela mutirheli wa mina Moxe ke?”

9 Se Yehovha a va kwatela hintamu, a gama a suka ka vona. 10 Rhefu li suka henhla ka tende se hi nkama wolowo, Miriyamu a biwa hi mavabyi ya nhlokonho,* a basa a ku baa, ku fana ni gamboko.*+ Nkama Aroni a nga txuvuka Miriyamu, a vona swaku a biwile hi mavabyi ya nhlokonho.+ 11 Hi ku hantlisa Aroni a byela Moxe a ku: “Hosi ya mina na ku kombela! Ni kombela swaku u nga hi khatisi hi mhaka ya xidjoho lexi hi nga xi yendla! Leswi hi nga swi yendla i wuphunta. 12 Na ku kombela, u nga mu tshiki a fana ni n’wana lweyi a nga psaliwa na a file, lweyi a nga bola hafu ya muzimbha wa yena!” 13 Kutani Moxe a sungula ku huwelela ka Yehovha a ku: “Xikwembu xa mina, ni kombela u mu hanyisa! No kombela!”+

14 Yehovha a hlamula Moxe a ku: “Loko papayi wa yena o mu pshitela marhi ka nghohe,* indjhe a a nga ta xixiwa anze ku hela 7 wa masiku? A a humesiwe a ya tshama yexe handle ka matende anze ku hela 7 wa masiku,+ se hi kona a nga ta gama a vuya.” 15 Se Miriyamu a humesiwa a ya tshama yexe handle ka matende anze ku hela 7 wa masiku,+ naswona vanhu a va rhurhanga anze Miriyamu a vuyisiwa. 16 Kutani vanhu va suka aHazeroti+ va ya gwimba matende amananga ya Parani.+

13 Yehovha a byela Moxe a ku: 2 “Rhuma vavanuna va ya kambela tiko la Kanana, leli ni li nyikaka Vayisrayele. U ta rhuma wanuna mun’we ka lixaka ha lin’we, lweyi a nga murhangeli+ xikarhi ka vona.”+

3 Kutani Moxe a va rhuma va sukela mananga ya Parani+ hi ku landza leswi Yehovha a nga swi vula. Vavanuna lava hinkwavu a va li varhangeli va Vayisrayele. 4 Mavito ya vona hi lawa: Ka lixaka la Rubeni, Xamuwa n’wana wa Zakuri; 5 ka lixaka la Simiyoni, Xafati n’wana wa Ori; 6 ka lixaka la Yuda, Kalebe+ n’wana wa Yefune; 7 ka lixaka la Isakara, Igali n’wana wa Yosefa; 8 ka lixaka la Efrayimi, Oxeya+ n’wana wa Nuni; 9 ka lixaka la Benjamini, Paliti n’wana wa Rafu; 10 ka lixaka la Zebuloni, Gadiyeli n’wana wa Sodi; 11 ka lixaka la Yosefa,+ ku nga lixaka la Manasi,+ Gadayi n’wana wa Susi; 12 ka lixaka la Dani, Amiyeli n’wana wa Gemali; 13 ka lixaka la Aseri, Seturi n’wana wa Mikayele; 14 ka lixaka la Naftali, Nahibi n’wana wa Vhofisi; 15 ka lixaka la Gadi, Gewele n’wana wa Maki. 16 Lawa i mavito ya vavanuna lava Moxe a nga va rhuma swaku va ya kambela tiko. Kutani Moxe a chula Oxeya n’wana wa Nuni swaku i Yoxuwa.*+

17 Nkama Moxe a nga va rhuma swaku va ya kambela tiko la Kanana a va byele leswi: “Fambani mi ya Negebi, kutani mi khwela ka ndhawu leyi yi nga ni tintshava.+ 18 Mi fanele mi vona swaku tiko li tshamise ku yini,+ mi vona swaku vanhu va kona va ni matimba kumbe a va na wona, i vatsongo kumbe i vanyingi, 19 mi vona swaku tiko i linene kumbe li tale hi swa ku biha, ni swaku madoropa lawa va tshamaka ka wona ma ni matende kumbe ma ni mimuru. 20 Mi tlhela mi kamba swaku tiko li nonile kumbe a li nonanga,+ ni swaku ku ni minsinya kumbe a yi kona. Mi fanele mi tiya nhlana+ naswona mi khaya mihandzu yin’wani ya tiko.” A ku li nkama wa ku tshovela mawuvha lawa ma rhangaka ma wupfa.+

21 Se va famba va ya kambela tiko, va sukela mananga ya Zini+ anze va ya fika Reyobo+ akusuhi ni Lebo-Amati.*+ 22 Nkama va nga ya Negebi, va fike Hebroni,+ lomu a ku tshama Ayimani, Xexayi na Talmayi+ vana va Anaki.+ Phela doropa la Hebroni li rhange li yakiwa ka 7 wa malembe na ku nge se yakiwa doropa la Zowani la le Gibita. 23 Nkama va nga fika ka Nkova wa Exikoli,+ va tseme ligadja leli a li ni xitxatxa xin’we xa mawuvha, lexi nga rhwaliwa hi vavanuna vambirhi hi nhonga, ku patsa ni ma romã ni makuwa.+ 24 Va chule ndhawu yoleyo swaku i Nkova wa Exikoli*+ hi mhaka ya leswi Vayisrayele va nga tsema xitxatxa xa mawuvha kolanu.

25 Nkama ku nga hela 40 wa masiku,+ va game va vuya hi ku kambeleni ka tiko. 26 Va tlhelele ka Moxe na Aroni ni ka Vayisrayele hinkwavu amananga ya Parani, le Kadexi.+ Va fike va byela vanhu leswi va nga swi vona ni ku va komba mihandzu ya tiko. 27 Kutani va byela Moxe va ku: “Hi nghenile ka tiko leli u nga hi rhuma ka lona, vhela li tale hi leiti ni wulombe+ naswona mihandzu ya kona hi leyi.+ 28 Kambe vanhu lava tshamaka ka tiko leliyani va ni matimba naswona ni madoropa ya kona ma ni mimuru yayikulu hintamu. Hi tlhele hi vona ni vana va Anaki kolanu.+ 29 Vaamaleki+ va tshama ka tiko la Negebi,+ se Vaheti, Vayebusi+ ni Vaamori+ va tshama ka ndhawu ya tintshava, kasi Vakanana+ va tshama kusuhi ni lwandle+ atlhelweni ka Yordani.”

30 Se Kalebe a zama ku rhulisa vanhu lava a va nyime phambheni ka Moxe, a ku: “A hi fambeni swoswi, phela hi ta li teka li va la hina, hi ta hlula.”+ 31 Kambe vavanuna lava a va fambe na yena va ku: “A hi nge swi koti ku lwa ni vanhu lavayani hikusa va ni matimba ku hi tlula.”+ 32 Se va tama va byeletela Vayisrayele swilo swa ku biha+ hi tiko leli va nga li kambela va ku: “Tiko leli hi nga li kambela, i tiko la ku chavisa, a hi nge poni naswona vanhu hinkwavu lava hi nga va vona va ni matimba naswona va lehe hintamu.+ 33 Hi vone ni Manefilimi, vana va Anaki+ vatukulu va Manefilimi, phela a hi tivona hi fana ni mintete ka vona, na vona a va hi vonisa swoleswo.”

14 Kutani vanhu hinkwavu va sungula ku ba nkosi, va rila wusiku lolelo hinkwalu.+ 2 Vayisrayele hinkwavu va sungula ku ngurangurela Moxe na Aroni,+ se vanhu hinkwavu va sungula ku va djikela va ku: “Loko a hi yo fa ka tiko la Gibita kumbe loko a hi yo fa kola mananga! 3 Hi mhaka muni Yehovha a hi tisa ka tiko leli swaku hi ta dlayiwa hi xipada?+ Valala va ta teka vasati va hina ni vana va hina.+ A swi yampsi hi tlhelela Gibita?”+ 4 Va ze va byelana va ku: “A hi langeni murhangeli hi tlhelela Gibita!”+

5 Se Moxe na Aroni va khizama va txuvuka hansi na va li phambheni ka Vayisrayele hinkwavu. 6 Yoxuwa+ n’wana wa Nuni na Kalebe+ n’wana wa Yefune, lava a va li van’wani ka lava nga ya kambela tiko va handzula mpahla ya vona, 7 va byela Vayisrayele hinkwavu va ku: “Phela tiko leli hi nga ya li kambela i tiko lalinene ngopfu.+ 8 Loko ho tsakisa Yehovha, a ta hi yisa ka tiko leli, a hi nyika lona, tiko leli nga tala hi leiti ni wulombe.+ 9 Kambe a mi fanelanga mi terekela Yehovha naswona mi nga va chavi vanhu va tiko leliyani,+ hikusa hi ta va hlula.* Lexi a xi va vhikela xi sukile ka vona naswona Yehovha a na hina.+ Mi nga va chavi.”

10 Kambe vanhu hinkwavu a va vulavula hi ku va ba hi maribye.+ Se ku phatima ka Yehovha ku humelela ka tende la ntlhanganu ku voniwa hi Vayisrayele hinkwavu.+

11 Kutani Yehovha a byela Moxe a ku: “Kasi vanhu lava va ta tama va ni delela+ anze siku muni naswona a va nga ta va ni lipfumelo anze siku muni hambileswi ni nga va yendlela masingita hinkwawu lawa?+ 12 Ni tshiki ni va ba hi ntungu ni va helisa, se ni yendla swaku wena u va tiko lalikulu ni leli nga ni matimba ku va tlula.”+

13 Kambe Moxe a byela Yehovha a ku: “Vagibita lava u nga humesa vanhu lava ka tiko la vona hi matimba ya wena va ta yi twa mhaka leyi,+ 14 se va ta gama va byela vanhu lava tshamaka ka tiko leli. Phela vanhu lava, na vona va swi twile swaku wena Yehovha u le xikarhi ka vanhu lava,+ naswona u humelelile phambheni ka vona.+ Hi wena Yehovha, naswona rhefu la wena li nyime henhla ka vona, kutani u famba phambheni ka vona na u li ka rhefu lalikulu ninhlikanhi ni le ka ndzilu wawukulu niwusiku.+ 15 Loko wo dlaya vanhu lava hi nkama wun’we, matiko lawa ma nga twa ndhuma ya wena ma ta ku: 16 ‘Yehovha a tsandzeke ku nghenisa vanhu lava ka tiko leli a nga funga swaku a ta va nyika, a gama a va dlaya amananga.’+ 17 Yehovha, no kombela, va kombi matimba ya wena hilani u nga tshembisa hi kona u ku: 18 ‘Yehovha a hlwela ku kwata, a ni lirhandzu,+ a rivalela xidjoho ni ku kala ku yingisa nawu, kambe a nge tshuki a tshika ku khatisa lweyi a nga djoha, a ta khatisa vana hi mhaka ya swidjoho swa vapapayi va vona, a ta tlhela a yendla leswo ka lixaka la wunharhu ni ka lixaka la wu 4.’+ 19 Leswi u nga ni lirhandzu ni kombela u rivalela xidjoho xa vanhu lava, ku fana ni leswi u nga va rivalela ku sukela Gibita ku ta fikela swoswi.”+

20 Kutani Yehovha a ku: “Na va rivalela hi mhaka ya leswi u nga kombela.+ 21 Kambe ni funga hi mina swaku misava hinkwayu, yi ta tala hi ku phatima ka Yehovha.+ 22 Phela hinkwavu lava nga vona ku phatima ka mina ni masingita ya mina,+ leswi ni nga swi yendla Gibita ni le mananga kambe va nga tama va ni ringa+ ka 10, va tlhela va nga ni yingisi,+ 23 a va nga ta ku nghena ka tiko leli ni nga funga ku li nyika vapapayi va vona. Hinkwavu lava ni delelaka a va nga ta li vona.+ 24 Kambe leswi mutirheli wa mina Kalebe,+ a nga kombisa swaku a hambanile ni lavan’wani ni leswi a nga ni yingisa hi mbilu hinkwayu, impela ni ta mu yisa ka tiko leli a nga ya ka lona naswona li ta va tshomba la vana va yena.+ 25 Leswi Vaamaleki ni Vakanana+ va tshamaka ka nkova, mundzuku mi fanele mi tlhela mi ya mananga hi ndlela leyi yaka ka Lwandle la Ku Pshuka.”+

26 Se Yehovha a byela Moxe na Aroni a ku: 27 “Kasi vanhu lava va ku biha va ta ni ngurangurela anze siku muni ke?+ Ni swi twile swikhalu leswi Vayisrayele va ni ngurangurelaka hi swona.+ 28 Va byeli u ku: ‘“Na funga hi mina”, ku vula Yehovha, “ni ta swi yendla leswi ni nga mi twa na mi swi vula!+ 29 Mi ta fela kola mananga,+ n’wina hinkwenu lava nga ni ngurangurela, hinkwenu mi nga tsalisiwa na mi ni 20 wa malembe ku ya henhla.+ 30 Hinkwenu a mi nga ta nghena ka tiko leli ni nga funga swaku mi ta tshama ka lona,+ ku to nghena ntsena Kalebe n’wana wa Yefune na Yoxuwa n’wana wa Nuni.+

31 “‘“Ni ta nghenisa vana va n’wina lava mi nga hlaya swaku va ta tekiwa hi valala,+ va ta li tiva tiko leli mi nga li nyenya.+ 32 Kambe mintsumbu ya n’wina yi ta wetetela kola mananga. 33 Vana va n’wina va ta va valusi amananga ku ringana 40 wa malembe,+ va ta hlupheka hi mhaka ya leswi mi kalaka mi nga tshembekanga,* anze hinkwenu mi fa mi hela mi ku jii amananga.+ 34 Hi ku landza numeru ya masiku lawa mi nga ya kambela tiko, ku nga 40 wa masiku,+ siku lin’we li ta nyimela lembe lin’we, mi ta hlupheka hi mhaka ya swidjoho swa n’wina anze ku hela 40 wa malembe,+ mi ta vona mihandzu ya leswi mi nga ni terekela.*

35 “‘“Mina Yehovha ni swi vulile. Ni ta yendla leswi ka vanhu lava hinkwavu va ku biha lava nga hlengeletana swaku va lwa na mina: Va ta hela kola mananga, naswona va ta fela kona.+ 36 Vavanuna lava Moxe a nga va rhuma swaku va ya kambela tiko, naswona va nga hlohlotela vanhu swaku va mu ngurangurela nkama va nga vuya ni mahungu ya ku biha hi tiko lolelo;+ 37 phela vavanuna volavo va nga vuya ni mahungu ya ku biha hi tiko lolelo, va ta khatisiwa va dlayiwa phambheni ka Yehovha.+ 38 Kambe Yoxuwa n’wana wa Nuni na Kalebe n’wana wa Yefune, lava a va li kona ka lava nga ya kambela tiko, a va nga ta fa.”’”+

39 Nkama Moxe a nga byela Vayisrayele hinkwavu marito wolawo, va sungula ku rila swinene. 40 Kutani va pfuka nimpundzu, va zama ku ya henhla ka ntshava, na va ku: “Hi lunghekile ku ya ka ndhawu leyi Yehovha a nga yi hlaya, hikusa hi djohile.”+ 41 Kambe Moxe a ku: “Hi mhaka muni mi tlula nawu wa Yehovha? Leswo a swi nga ta mi pfuna hi nchumu. 42 Mi nga yi hikusa Yehovha a nga na n’wina; valala va n’wina va ta mi hlula.+ 43 Hikusa Vaamaleki ni Vakanana va ta mi hlasela+ naswona mi ta dlayiwa hi xipada. Leswi mi nga tshika Yehovha, Yehovha a nge vi na n’wina.”+

44 Kambe va tiwomise tinhloko ti ku roo, va khwela ka tintshava;+ kambe areka ya ntwananu wa Yehovha ku patsa na Moxe a swi sukanga ka matende.+ 45 Se Vaamaleki ni Vakanana lava a va tshama ka ntshava yoleyo va xika va va hlasela va tlhela va va txatxa anze va ya fika Orma.+

15 Yehovha a tama a vulavula na Moxe a ku: 2 “Byela Vayisrayele u ku: ‘Nkama mi nga ta fika ka tiko leli ni mi nyikaka lona swaku mi tshama ka lona,+ 3 kutani mi yendlela Yehovha gandzelo la ndzilu hi homu kumbe hi nyempfu, hambi hi gandzelo la ku hisiwa+ kumbe i gandzelo la xitshembiso xa ku hlawuleka kumbe i gandzelo la ku tirhandzela+ kumbe i gandzelo leli mi li yendlaka hi minkama ya mafexta ya n’wina+ swaku li nun’hwela kahle ka Yehovha,+ 4 lweyi a nyikelaka gandzelo la yena a fanele a tlhela a nyika Yehovha gandzelo la swakudla la mpupu wa ku siliwa kahle,+ lowu ringanaka kolomuyani ka kilu lin’we* lowu nga patsiwa ni litru lin’we* la mafurha. 5 U fanele u nyikela hi litru lin’we la vhinyu swaku li va gandzelo la vhinyu, ku patsa ni gandzelo la ku hisiwa+ kumbe xinyempfani xin’wani ni xin’wani xa xinuna. 6 Ka xinyempfani xa xinuna u fanele u yendla gandzelo la swakudla hi mpupu wa ku siliwa kahle lowu ringanaka kolomuyani ka makilu mambirhi* na wu patsiwe ni mafurha lama hundzakanyana litru lin’we. 7 U fanele u tlhela u nyikela hi vhinyu leli hundzakanyana litru lin’we swaku li va gandzelo la vhinyu, swaku li nun’hwela kahle ka Yehovha.

8 “‘Kambe loko wo nyikela hi homu ya xinuna swaku yi va gandzelo la ku hisiwa+ kumbe gandzelo la xitshembiso xa ku hlawuleka+ kumbe gandzelo la ku kombela ku rhula ka Yehovha,+ 9 u fanele u tlhela u nyikela homu ya xinuna ni gandzelo la swakudla+ la mpupu wa ku siliwa kahle lowu ringanaka kolomuyani ka makilu manharhu ni hafu* na wu patsiwe ni mafurha lama ringanaka kolomuyani ka malitru mambirhi.* 10 U fanele u tlhela u nyikela kolomuyani ka malitru mambirhi* ya vhinyu swaku li va gandzelo la vhinyu,+ gandzelo leli nga yendliwa hi ndzilu, swaku li nun’hwela kahle ka Yehovha. 11 Leswi, hi leswi mi faneleke mi swi yendla ka homu yin’wani ni yin’wani ya xinuna kumbe nyempfu yin’wani ni yin’wani ya xinuna kumbe swinyempfani swa xinuna kumbe timbuti. 12 Mi fanele mi yendla leswo hi ku ya hi numeru ya leswi mi swi nyikelaka. 13 Muyisrayele mun’wani ni mun’wani a fanele a yendla leswo loko a yendla gandzelo hi ndzilu, swaku li nun’hwela kahle ka Yehovha.

14 “‘Loko ku li ni munhu wa tiko lin’wani lweyi a tshamaka na n’wina kumbe lweyi i nga khale na a tshama na n’wina, kutani a yendla gandzelo hi ndzilu, swaku li nun’hwela kahle ka Yehovha, a fanele a li yendlisa leswi mi li yendlisaka swona.+ 15 Ku ta tirha nawu wun’we ka n’wina hinkwenu ni le ka vanhu va tiko lin’wani lava tshamaka na n’wina. Nawu lowu, wu ta tirha ni ka vatukulu va n’wina hi masiku ni masiku. N’wina ni vanhu va tiko lin’wani lava tshamaka na n’wina ma fana ka Yehovha.+ 16 Ku ta tirha nawu wun’we ni xiboho xin’we xa ku yavanyisa, ka n’wina ni ka vanhu va tiko lin’wani lava tshamaka na n’wina.’”

17 Yehovha a tlhela a byela Moxe a ku: 18 “Byela Vayisrayele u ku: ‘Loko mi fika ka tiko leli ni mi yisaka ka lona, 19 se mi dla swakudla* swa tiko lolelo,+ mi fanele mi humesa minyikelo ka Yehovha. 20 Mi fanele mi nyikela hi mpupu wa leswi nga rhanga swi tshoveliwa,+ mi hamba ni mapawu ya redondu. Mi fanele mi swi nyikela ku fana ni minyikelo leyi taka hi le xihulelweni.* 21 N’wina ni vatukulu va n’wina mi fanele mi nyikela ka Yehovha hi mpupu wa swin’wani swa leswi nga rhanga swi tshoveliwa, mi fanele mi yendla leswo hi masiku ni masiku.

22 “‘Loko mo tshuka mi yendla xihoxo, mi tsandzeka ku landza minawu leyi hinkwayu, leyi Yehovha a nga yi byela Moxe, 23 ku nga hinkwaswu leswi Yehovha a nga mi rhuma swona hi ku tirhisa Moxe ku sukela siku leli Yehovha a nga mi byela hi lona anze ka vatukulu va n’wina, 24 loko mi yendle xihoxo hi ku phazama kambe vanhu va nga swi tivi, vanhu hinkwavu va fanele va nyikela xihon’wani xin’we xa xinuna swaku xi va gandzelo la ku hisiwa, leswaku xi nun’hwela kahle ka Yehovha ni gandzelo la xona la swakudla ni gandzelo la xona la vhinyu, hi ku ya hi mayendlelo ya kona+ ni ximbutani xin’we swaku xi va gandzelo la xidjoho.+ 25 Muprista a ta kombela swaku Vayisrayele hinkwavu va rivaleliwa, kutani va ta rivaleliwa,+ hikusa va yo phazama naswona va yendlele Yehovha gandzelo hi ndzilu va tlhela va tisa gandzelo la xidjoho phambheni ka Yehovha hi mhaka ya xihoxo xa vona. 26 Vayisrayele hinkwavu ni vanhu va tiko lin’wani lava tshamaka na vona va ta rivaleliwa hikusa a ku li xihoxo xa vanhu hinkwavu.

27 “‘Loko munhu o tshuka a djoha hi ku phazama, a fanele a nyikela mbuti ya xisati leyi nga ni lembe lin’we swaku yi va gandzelo la xidjoho.+ 28 Muprista a ta kombelela munhu lweyi a nga djoha hi ku phazama swaku a rivaleliwa hi Yehovha, kutani a ta rivaleliwa.+ 29 Ku fanele ku tirha nawu wun’we ka Vayisrayele ni ka vanhu va tiko lin’wani lava tshamaka na n’wina, loko munhu a nga djohanga hi maxivomu.+

30 “‘Kambe munhu lweyi a djohaka hi maxivomu,+ kumbe i Muyisrayele kumbe i munhu wa tiko lin’wani lweyi a tshamaka na n’wina, o rhuka Yehovha, a fanele a dlayiwa. 31 A fanele a dlayiwa hi mhaka ya leswi a nga delela Yehovha a tlhela a nga landzi nawu wa Yena.+ A ta fela xidjoho xa yena.’”+

32 Na va ha li mananga, Vayisrayele va kume munhu na a rholela tihunyi hi siku la Savata.+ 33 Lava nga mu kuma na a rholela tihunyi va mu yise ka Moxe na Aroni ni ka vanhu hinkwavu. 34 Se va mu pfalela+ hikusa a va nga se swi tiva swaku va ta yendla yini hi yena.

35 Kutani Yehovha a byela Moxe a ku: “Munhu yelweyo a fanele a dlayiwa,+ vanhu hinkwavu va fanele va mu ba hi maribye ahandle ka matende.”+ 36 Se vanhu hinkwavu va mu humesa handle ka matende, va mu ba hi maribye a za a fa, hi ku landza leswi Yehovha a nga byela Moxe.

37 Yehovha a tlhela a byela Moxe a ku: 38 “Byela Vayisrayele swaku vona ni vatukulu va vona va fanele va tiyendlela mafundzu* amagamu ka mpahla ya vona naswona va fanele va rhunga ngoti ya azuli ahenhlanyana ka mafundzu.+ 39 ‘Mi fanele mi yendla mafundzu amagamu ka mpahla ya n’wina swaku loko mi ma vona mi ta khumbuka minawu hinkwayu ya Yehovha kutani mi yi yingisa.+ A mi fanelanga mi landzela timbilu ta n’wina ni matihlo ya n’wina, hikusa leswo swi ta yendla swaku mi gandzela swikwembu swin’wani.*+ 40 Leswo swi ta mi pfuna ku khumbuka ni ku yingisa minawu ya mina hinkwayu naswona mi ta kwetsima phambheni ka Xikwembu xa n’wina.+ 41 Hi mina Yehovha Xikwembu xa n’wina lweyi a nga mi humesa ka tiko la Gibita swaku mi ta swi tiva swaku ni Xikwembu xa n’wina.+ Hi mina Yehovha Xikwembu xa n’wina.’”+

16 Kutani Kora+ n’wana wa Izari,+ n’wana wa Kohata,+ n’wana wa Levhi+ a tipatsa ni vana va Eliyabi+ ku nga Datani na Abirami na Oni n’wana wa Pelethi wa vana va Rubeni.+ 2 Se vona, ku patsa ni 250 wa vavanuna van’wani va Vayisrayele, varhangeli lava nga langiwa, lava a va li vavanuna lava nga ni ndhuma, va djikela Moxe. 3 Kutani va hlengeletana va djikela+ Moxe na Aroni, va ku: “Hi karhalile hi n’wina! Vanhu* hinkwavu va kwetsima+ naswona Yehovha a le xikarhi ka vona.+ Se hi mhaka muni n’wina mi titlakusa henhla ka vanhu va Yehovha ke?”

4 Nkama Moxe a nga twa leswo, a khizama a txuvuka hansi. 5 Moxe a byela Kora ni hinkwavu lava a va nyima na yena a ku: “Nimixo Yehovha a ta hi byela lweyi a nga wa yena,+ a ta hi byela swaku i mani lweyi a kwetsimaka ni lweyi a faneleke a tshinela ka yena,+ lweyi a nga ta mu langa,+ hi yena a nga ta tshinela ka yena. 6 Yendlani leswi: Wena Kora ni lava nyimaka na wena+ tekani swa ku chela ndzilu,+ 7 mi chela ndzilu ni swinun’hwelisu* ka swona, mi ya nyima phambheni ka Yehovha mundzuku, lweyi Yehovha a nga ta mu langa,+ hi yena lweyi a kwetsimaka. Se mi delele ku tlula mpimu n’wina vana va Levhi!”+

8 Kutani Moxe a byela Kora a ku: “Ni kombela mi ni yingisa n’wina vana va Levhi. 9 A swi mi xegi, leswi Xikwembu xa Israyele xi nga mi langa ka Vayisrayele,+ xi mi pfumelela ku xi tirhela ka tabernakela la Yehovha ni ku nyima phambheni ka vanhu mi va tirhela?+ 10 A swi mi xegi leswi xi nga yendla swaku mi va kusuhi na xona ku patsa ni vamakwenu hinkwavu, ku nga vana va Levhi? Mi lava ku teka ni wuprista?+ 11 Hi mhaka ya leswo, wena ni hinkwavu lava nyimaka na wena mi lwa na Yehovha. Se Aroni ke, o va yini swaku mi mu ngurangurela?”+

12 Se Moxe a gama a rhuma vanhu swaku va ya vitana Datani na Abirami+ vana va Eliyabi, kambe va ku: “A hi nge ti! 13 Kasi a swi ku xegi leswi u nga hi humesa ka tiko leli nga tala hi leiti ni wulombe swaku u ta hi dlaya lani mananga?+ Swoswi u lava ku tiyendla hosi ya hina ke? 14 A wu se hi fikisa ka tiko leli nga tala hi leiti ni wulombe+ kumbe u hi nyika tshomba la tiko ni nsimu ya mawuvha. Se u pimisa swaku u nga va pfala matihlo vanhu lavo? A hi nge ti!”

15 Se Moxe a kwata swinene a za a byela Yehovha a ku: “U nga li txuvuki gandzelo la vona la swakudla. Phela a ni se tshama ni va tekela hambi mbongolo ya vona, kumbe ku vavisa mun’we wa vona.”+

16 Kutani Moxe a byela Kora a ku: “Tanani phambheni ka Yehovha mundzuku, wena ni lava nyimaka na wena na Aroni. 17 Mun’wani ni mun’wani wa n’wina a a teki xa ku chela ndzilu a chela swinun’hwelisu ka xona, mi nyima phambheni ka Yehovha, lava nyimaka na wena va ta tamela 250 wa swa ku chela ndzilu, ku patsa na wena na Aroni.” 18 Se hinkwavu va teka swa ku chela ndzilu, va swi chela ndzilu ni swinun’hwelisu, va ya nyima ka nyanghwa wa tende la ntlhanganu na va na Moxe na Aroni. 19 Nkama Kora a nga hlengeleta lava nyimaka na yena,+ lava terekelaka Moxe na Aroni ka nyanghwa wa tende la ntlhanganu, ku phatima ka Yehovha ku humelele ka vanhu hinkwavu.+

20 Kutani Yehovha a byela Moxe na Aroni a ku: 21 “Sukani xikarhi ka vanhu lava, swaku ni ta va helisa hi nkamanyana.”+ 22 Se va khizama va txuvuka hansi, va ku: “Xikwembu xa hina, Xikwembu lexi nga tumbuluxa vanhu hinkwavu,+ impela xidjoho xa munhu mun’we xi nga yendla swaku u kwatela vanhu hinkwavu ke?”+

23 Yehovha a byela Moxe a ku: 24 “Byela vanhu u ku: ‘Sukani kusuhi ni matende ya Kora na Datani na Abirami!’”+

25 Kutani Moxe a ya ka Datani na Abirami na a ni madoda+ ya Israyele. 26 A byela vanhu a ku: “Ni kombela mi ya nyima kule ni matende ya vavanuna lava va ku biha, mi nga tshuki mi khumba nchumu xa vona, swaku mi nga dlayiwi hi mhaka ya xidjoho xa vona.” 27 Se va suka hi ku hantlisa va ya kule ni matende ya Kora, Datani na Abirami; kutani Datani na Abirami va huma va ya nyima ka nyanghwa wa matende ya vona na va ni vasati vona, vana ku patsa ni swivanani.

28 Se Moxe a ku: “Leswi mi nga ta swi vona namuntlha swi ta mi komba swaku ni rhumiwe hi Yehovha, a no swi sukela: 29 Loko vanhu lava vo fisa leswi vanhu hinkwavu va fisaka swona, ni loko vo khatisiwa ku fana ni vanhu hinkwavu, swi ta vula swaku a ni rhumiwanga hi Yehovha.+ 30 Kambe loko Yehovha o yendla nchumu xa ku kala xi nga tolovelekanga ka vona, se misava yi pfuleka yi va minta ni hinkwaswu leswi va nga na swona, va nghena Sirheni* na va ha hanya, mi ta swi tiva swaku vanhu lava va delele Yehovha.”

31 Nkama a nga gama ku vulavula, misava yi pandzeka.+ 32 Kutani misava yi pfuleka yi va minta ni mindjangu ya vona, ku patsa ni ndjangu wa Kora+ ni hinkwaswu leswi a va li na swona. 33 Vona ni mindjangu ya vona va mintiwa hi misava, va nghena Sirheni* na va ha hanya, misava yi tlhela yi va mbhonya, va helisiwa va ku jii.+ 34 Nkama Vayisrayele lava a va li kusuhi na vona va nga va twa na va ba tinyandha, va balekile na va ku: “Hi chava swaku misava yi nga hi minta na hina!” 35 Kutani ku ta ndzilu hi ka Yehovha+ wu fika wu helisa 250 wa vavanuna lava a va nyikela swinun’hwelisu.+

36 Se Yehovha a byela Moxe a ku: 37 “Byela Eliyazari n’wana wa muprista Aroni swaku a susa swa ku chela ndzilu+ leswi nga ka ndzilu, hikusa swa kwetsima. Tlhela u mu byela swaku a teka makhala ya kona a ya ma hangalasela le ka kule. 38 A swa ku chela ndzilu swa vavanuna lava nga fa hi mhaka ya swidjoho swa vona, swi fanele swi yendliwa swixapani swi gama swi namarhetiwa ka altari,+ hikusa va swi nyikele ka Yehovha kutani swi ve swa ku kwetsima. Swi ta va xikombiso ka Vayisrayele.”+ 39 Se muprista Eliyazari a teka swa ku chela ndzilu swa kobre leswi nga nyikeliwa hi lava nga dlayiwa hi ndzilu, kutani a yendla swixapani a swi namarheta ka altari 40 hi ku landza leswi Yehovha a nga mu byela swona hi ku tirhisa Moxe. Swi ve xitsundzuxu ka Vayisrayele swaku a ku na munhu wa ku kala a nga li muprista* lweyi a pfumeleliwaka ku hisela Yehovha+ swinun’hwelisu loko a nga li n’wana wa Aroni, ni leswaku a nga kona lweyi a faneleke a tekelela Kora ni lava a va nyima na yena.+

41 Hi mundzuku ka kona, Vayisrayele va sungula ku ngurangurela Moxe na Aroni+ va ku: “N’wina va vambirhi mi dlaye vanhu va Yehovha.” 42 Loko vanhu va ha hlengeletanile na va ngurangurela Moxe na Aroni, nkama va nga txuvuka ka tende la ntlhanganu, va vone rhefu na li li mbhonyile ku gama ku humelela ku phatima ka Yehovha.+

43 Se Moxe na Aroni va ya ka tende la ntlhanganu,+ 44 Yehovha a byela Moxe a ku: 45 “Sukani xikarhi ka vanhu lava, swaku ni ta va helisa.”+ Nkama Moxe na Aroni va nga twa leswo, va khizama va txuvuka hansi.+ 46 Se Moxe a byela Aroni a ku: “Teka xa ku chela ndzilu u ya woka ndzilu ka altari,+ u chela ni swinun’hwelisu, u hantlisa u ya lomu vanhu va nga kona u ya va kombelela ku rivaleliwa,+ hikusa Yehovha a va kwatelile. Ntungu wu sungulile!” 47 Kutani Aroni a yendla leswi Moxe a nga mu byela swona, a teka xa ku chela ndzilu hi ku hantlisa, a tsutsuma a ya xikarhi ka vanhu, nkama a nga fika a kuma swaku ntungu se a wu sungulile. A gama a chela swinun’hwelisu ka xa ku chela ndzilu kutani a sungula ku kombelela vanhu ku rivaleliwa. 48 A nyima xikarhi ka vanhu va ku fa ni va ku hanya, a nga suki anze ntungu wu hela. 49 Lava nga dlayiwa hi ntungu a va li 14.700, na ku nga kontiwi lava nga fa hi mhaka ya Kora. 50 Nkama Aroni a nga tlhelela ka Moxe ka nyanghwa wa tende la ntlhanganu, ntungu se a wu nyimile.

17 Kutani Yehovha a byela Moxe a ku: 2 “Byela Vayisrayele va ku tisela nhonga yin’we leyi humaka ka lixaka lin’wani ni lin’wani, ka murhangeli wa lixaka lolelo,+ hinkwatu ti ta va 12. U ta tsala vito la murhangeli wa lixaka lin’wani ni lin’wani ka nhonga ya yena. 3 U ta tsala vito la Aroni ka nhonga ya Levhi, hikusa murhangeli wa lixaka lin’wani ni lin’wani a ni nhonga ya yena. 4 Veka tinhonga toleto ka tende la ntlhanganu aphambheni ka areka ya Wumboni,+ lomu ni humelelaka kona ka wena nkama ni nkama.+ 5 Nhonga ya munhu lweyi ni nga ta mu langa+ yi ta hluka, se Vayisrayele va ta tshika ku ni ngurangurela,+ ku fana ni leswi na wena va ku ngurangurelaka.”+

6 Kutani Moxe a byela Vayisrayele ni varhangeli va vona hinkwavu swaku va mu nyika tinhonga; murhangeli mun’wani ni mun’wani a a tisa nhonga yin’we, se hinkwatu ti va 12. Nhonga ya Aroni na yona a yi li xikarhi ka tinhonga toleto. 7 Kutani Moxe a veka tinhonga phambheni ka Yehovha ka tende la Wumboni.

8 Hi mundzuku ka kona, nkama Moxe a nga nghena ka tende la Wumboni, nhonga ya Aroni lweyi a a li wa lixaka la Levhi a yi hlukile, a yi ni swiluva ni mamendwa ya ku wupfa. 9 Kutani Moxe a teka tinhonga hinkwatu leti a ti li phambheni ka Yehovha a ti yisa ka Vayisrayele. Se va ti txuvuka; murhangeli mun’wani ni mun’wani a teka nhonga ya yena.

10 Se Yehovha a byela Moxe a ku: “Tlhelisa nhonga ya Aroni+ phambheni ka areka ya Wumboni swaku yi ta va xitsundzuxu+ ka lava terekaka,+ va ta tshika ku ni ngurangurela swaku va nga fi.” 11 Kutani Moxe a yendla leswi Yehovha a nga mu byela swona hi xihantla. A swi yendlise swoleswo.

12 Se Vayisrayele va byela Moxe va ku: “Phela swoswi hi ta fa, hi ta hela, hi ta helisiwa hinkwerhu! 13 Mun’wani ni mun’wani lweyi a nga ta tshinela kusuhi ni tabernakela ya Yehovha a ta fa!+ Se impela hinkwerhu hi fanele hi helisa leswi?”+

18 Yehovha a tlhela a byela Aroni a ku: “Wena ni vana va wena, ni vandjangu wa wena mi ta hlamula hi mhaka ya xihoxo lexi nga ta yendleka ka ndhawu leyi kwetsimaka,+ naswona wena ni vana va wena mi ta hlamula hi mhaka ya xihoxo lexi nga ta yendleka ka ntirho wa n’wina wa wuprista.+ 2 Teka ni vamakwenu va lixaka la Levhi, ku nga lixaka la vavhovho va wena, swaku va ta pfuna+ wena ni vana va wena phambheni ka tende la Wumboni.+ 3 Va ta yendla ntirho lowu u nga ta va nyika wona ni ntirho hinkwawu lowu va faneleke va wu yendla ka tende.+ Kambe a va fanelanga va tshinela kusuhi ni swibya swa ndhawu ya ku kwetsima ni ka altari swaku wena na vona mi nga fi.+ 4 Va ta tirha na wena va yendla mintirho hinkwayu leyi lavekaka ka tende la ntlhanganu naswona munhu mun’wani ni mun’wani wa ku kala a nga li muprista* a nga fanelanga a tshinela kusuhi na wena.+ 5 Mi fanele mi yendla mintirho ya n’wina ka ndhawu ya ku kwetsima+ ni ka altari,+ swaku ni nga ha va kwateli+ Vayisrayele. 6 Se mina ni teke vamakwenu, ku nga Valevhi xikarhi ka Vayisrayele ni mi nyika vona.+ Va nyikiwe Yehovha swaku va yendla mintirho leyi nga kona ka tende la ntlhanganu.+ 7 Wena ni vana va wena mi ta yendla mintirho ya wuprista ka altari ni ka leswi nga ndzhaku ka kortina,+ mi fanele mi yendla ntirho lowu.+ Phela ni yo mi nyika ntirho wa wuprista swaku wu va wa n’wina naswona mun’wani ni mun’wani lweyi a kalaka a nga li muprista* lweyi a nga ta tshinela, a fanele a dlayiwa.”+

8 Yehovha a tlhela a byela Aroni a ku: “Se mina ni ku veka swaku u vonelela minyikelo leyi yi nyikeliwaka ka mina.+ Wena ni vana va wena ni ta mi pambulela swin’wani ka swilo hinkwaswu swa ku kwetsima leswi nyikeliwaka hi Vayisrayele hi masiku ni masiku.+ 9 Swilo swa ku kwetsima swinene leswi nyikeliwaka leswi faneleke swi va swa wena ka magandzelo lawa ma nga yendliwa hi ndzilu hi leswi: Gandzelo lin’wani ni lin’wani leli va li yendlaka ku patsa ni magandzelo ya swakudla,+ magandzelo ya vona ya xidjoho,+ magandzelo ya vona ya nandzu+ lawa va ni yendlelaka wona. Hinkwawu ma kwetsima swinene ka wena ni vana va wena. 10 U fanele u swi dla ka ndhawu ya ku kwetsima hintamu. Vavanuna hinkwavu va nga swi dla.+ Swi ta va swa ku kwetsima ka wena.+ 11 Swin’wani leswi nga ta va swa wena hi leswi: Tinyiko hinkwatu leti Vayisrayele va ti nyikelaka+ ku patsa ni magandzelo hinkwawu lawa ma fambisiwaka.+ Ni swi nyika wena ni vana va wena, hi masiku ni masiku.+ Mun’wani ni mun’wani lweyi a nga tenga ka ndjangu wa wena a nga swi dla.+

12 “Ni ku nyika+ mafurha hinkwawu yamanene ni vhinyu hinkwalu la nyuwani lalinene ni trigu,* ka leswi va swi nyikaka Yehovha, leswi va nga rhanga va swi tshovela.+ 13 Mihandzu hinkwayu leyi rhangaka yi wupfa ka tiko la vona, leyi va nga ta yi tisa ka Yehovha, yi ta va ya wena.+ Mun’wani ni mun’wani lweyi a nga tenga ka ndjangu wa wena a nga swi dla.

14 “Xin’wani ni xin’wani lexi nga nyikeliwa ka Xikwembu aIsrayele xi ta va xa wena.+

15 “Matevula ya swilo hinkwaswu leswi hanyaka,+ leswi va nga ta swi nyikela ka Yehovha, kumbe i munhu kumbe i xiharhi, swi fanele swi va swa wena. Kambe u fanele u kutsula matevula ya vanhu+ ni matevula ya swifuyu leswi kalaka swi nga tenganga.+ 16 U fanele u xi kutsula hi male leyi xi kutsuliwaka hi yona ku sukela loko xi ni wheti ku ya henhla, hi ku ya hi male leyi nga gemiwa ya kolomuyani ka 57 wa magrama*+ ya prata hi ku ya hi mapezela ya ndhawu ya ku kwetsima.* I 12 wa magrama.* 17 Kambe a wu fanelanga u kutsula homu ya xinuna ya matevula kumbe xinyempfani xa xinuna xa matevula, kumbe mbuti ya matevula.+ Swa kwetsima. U fanele u n’wan’wasela ngati ya swona ka altari,+ u hisa mafurha ya swona swaku ma va gandzelo leli yendliwaka hi ndzilu li nun’hwela kahle ka Yehovha.+ 18 Nyama ya swona yi ta va ya wena. Ku fana ni xifuva xa gandzelo leli fambisiwaka ni nenge wa xinene, swi fanele swi va swa wena.+ 19 Minyikelo hinkwayu ya ku kwetsima leyi Vayisrayele va nga ta yi nyikela ka Yehovha,+ ni ku nyika yona swaku yi va ya wena ni vana va wena va madjaha ni va tintombhi hi masiku ni masiku.+ I ntwananu wa munyu lowu nga ta tirha hi masiku ni masiku xikarhi ka Yehovha na wena ku patsa ni vana va wena.”

20 Yehovha a tlhela a byela Aroni a ku: “A wu nga ta va ni tshomba ka tiko la vona naswona a wu nge nyikiwi hambi ndhawunyana ka tiko xikarhi ka vona.+ Mina ni tshomba la wena xikarhi ka Vayisrayele.+

21 “Se vana va Levhi, ni va nyika swa wukhume*+ aIsrayele swi ta va tshomba la vona hi mhaka ya ntirho lowu va wu yendlaka ka tende la ntlhanganu. 22 Vayisrayele va nga ha tshineli ka tende la ntlhanganu, hikusa va ta tivangela xidjoho va gama va fa. 23 I Valevhi ntsena lava nga ta tirha ka tende la ntlhanganu naswona hi vona va nga ta tihlamulela ka xihoxo xa vona.+ Nawu lowu wu fanele wu tirha hi masiku ni masiku ka vatukulu va n’wina hinkwavu, wa leswaku a va fanelanga va va ni tshomba xikarhi ka Vayisrayele.+ 24 Hikusa Valevhi ni va nyika swa wukhume la leswi Vayisrayele va swi nyikelaka ka Yehovha swaku swi va tshomba la vona. Hi leswo swi nga yendla ni va byela ni ku: ‘A va fanelanga va va ni tshomba xikarhi ka Vayisrayele.’”+

25 Se Yehovha a byela Moxe a ku: 26 “U fanele u byela Valevhi u ku: ‘Mi ta yamukela swa wukhume leswi ni nga mi nyika swona swi huma ka Vayisrayele, swi ta va tshomba la n’wina,+ kutani na n’wina mi fanele mi humesa swa wukhume ka wukhume leli mi nga li yamukela swaku swi va minyikelo ka Yehovha.+ 27 Swi ta tekiwa swi li minyikelo ya n’wina, swi fanisiwa ni minyikelo ya trigu leli taka hi le xihulelweni,*+ vhinyu la linyingi kumbe mafurha ya n’wina. 28 Leswo swi ta mi pfuna na n’wina swaku mi nyikela ka Yehovha, mi pambula ka wukhume la swilo hinkwaswu leswi humaka ka Vayisrayele kutani ka swona mi ta nyikela ka Yehovha hi ku swi nyika muprista Aroni. 29 Mi ta nyikela minyikelo ya ku kwetsima ka Yehovha hi ku tirhisa swilo swa ku hambanahambana leswi mi nga ta swi pambula ka swilo swaswinene ngopfu leswi mi nga nyikiwa swona.’+

30 “U fanele u va byela u ku: ‘Loko mi nyikela hi swilo swaswinene ngopfu, swi ta tekiwa swi li ntshovelo wa le xihulelweni naswona swi li vhinyu kumbe mafurha ya Valevhi. 31 N’wina ni mindjangu ya n’wina mi nga swi dla ka ndhawu yin’wani ni yin’wani, hikusa i muholo wa n’wina hi mhaka leswi mi tirhaka ka tende la ntlhanganu.+ 32 Loko mi nyikela swilo swaswinene ngopfu ka swona a mi nge tivangeli xidjoho ka mhaka leyi, a mi fanelanga mi chakisa swilo swa ku kwetsima swa Vayisrayele hikusa mi ta fa.’”+

19 Yehovha a tlhela a khuluma na Moxe na Aroni a ku: 2 “Nawu lowu Yehovha a nga wu vula hi lowu: ‘Byela Vayisrayele swaku va ku tisela homu ya ku pshuka ya xisati leyi nga hanya kahle, yi kalaka yi nga na xivati+ naswona yi kalaka yi nge se tshama yi rhwexiwa kange.* 3 Mi fanele mi yi nyika muprista Eliyazari, se yena a ta famba na yona handle ka matende yi ya dlayiwa na a yi vona. 4 Muprista Eliyazari a ta tsakamisa litiho la yena hi ngati yin’wani ya yona, a gama a n’wan’wasela ka 7 phambheni ka tende la ntlhanganu.+ 5 Homu yi ta hisiwa na a yi vona. Xikhumba xa yona ni nyama ya yona ni ngati ya yona ni chaka la yona swi ta hisiwa.+ 6 Kutani muprista a ta teka pulangu la mukedari, xinsinyani xa hisopa*+ ni nguvu ya ku pshuka a swi hoxa ka ndzilu lowu hisaka homu. 7 Muprista a ta gama a hlampsa mpahla ya yena a tlhela a hlamba hi mati, se hi kona a nga nghenaka ka matende; kambe muprista a ta tshama na a nga tenganga anze nimadlambu.

8 “‘Lweyi a nga hisa homu a ta hlampsa mpahla ya yena hi mati a tlhela a hlamba hi mati, a ta tshama na a nga tenganga anze nimadlambu.

9 “‘Se munhu lweyi a nga tenga a ta hlengeleta nkuma wa homu+ a wu veka ka ndhawu leyi nga basa handle ka matende, wu fanele wu hlayisiwa swaku Vayisrayele va ta wu tirhisa ka mati ya ku basisa leswi kalaka swi nga basanga.+ I gandzelo la xidjoho. 10 Lweyi a hlengeletaka nkuma wa homu a ta hlampsa mpahla ya yena naswona a ta tshama na a nga tenganga anze nimadlambu.

“‘Lowu i nawu wa ku kala wu nga heli lowu nga ta tirha ka Vayisrayele ni ka vanhu va tiko lin’wani lava tshamaka na vona.+ 11 Mun’wani ni mun’wani lweyi a nga ta khumba ntsumbu, a ta va a nga tenganga ku ringana 7 wa masiku.+ 12 Munhu yelweyo a fanele a tibasisa hi mati hi siku la wunharhu kutani hi siku la wu 7 a ta va a tengile. Kambe loko o tshuka a nga tibasisi hi siku la wunharhu, a ta va a nga tenganga hi siku la wu 7. 13 Mun’wani ni mun’wani lweyi a khumbaka ntsumbu kutani a nga tibasisi, a chakisa tabernakela+ ya Yehovha, munhu yelweyo a fanele a dlayiwa aIsrayele.+ A ta tshama na a nga tenganga hi mhaka ya leswi a kalaka a nga n’wan’waseliwanga mati ya ku mu basisa.+ A ta tshama na a nga tenganga.

14 “‘Loko ko tshuka ku fa munhu ka tende, ku ta tirha nawu lowu: Lweyi a nga ta nghena ka tende ni lweyi se a a li kolanu, a ta tshama na a nga tenganga ku ringana 7 wa masiku. 15 Swibya leswi nga pfuleka leswi kalaka swi nga na titampa na swona swi ta va swi nga basanga.+ 16 Lweyi a nga ta tshuka a khumba munhu akhwatini lweyi a nga dlayiwa hi xipada, kumbe ntsumbu kumbe rhambu la munhu kumbe sirha, a ta tshama na a nga tenganga ku ringana 7 wa masiku.+ 17 Va fanele va nusa nkuma wa gandzelo la xidjoho leli nga hisiwa va wu chela ka xibya, va gama va wu patsa ni mati lama nga basa, swaku va ta basisa lweyi a kalaka a nga tenganga. 18 Kutani munhu lweyi a nga tenga+ a ta teka xinsinyani xa hisopa+ a xi peta ka mati, a gama a n’wan’wasela ka tende, ka swibya hinkwaswu, ka vanhu lava a va li kolanu ni ka munhu lweyi a nga khumba rhambu kumbe lweyi a nga dlayiwa kumbe ntsumbu kumbe sirha. 19 Munhu lweyi a nga tenga a ta n’wan’wasela lweyi a kalaka a nga tenganga hi siku la wunharhu ni hi siku la wu 7, a ta mu basisa ka xidjoho xa yena hi siku la wu 7;+ se a fanele a gama a hlampsa mpahla ya yena a tlhela a hlamba hi mati kutani a ta va a tengile nimadlambu.

20 “‘Kambe munhu lweyi a kalaka a nga tenganga a tlhela a nga tibasisi, a fanele a dlayiwa,+ hikusa a chakise ndhawu ya Yehovha leyi kwetsimaka. A nga tenganga hi mhaka ya leswi a kalaka a nga n’wan’waseliwanga mati ya ku mu basisa.

21 “‘Hi lowu nawu lowu nga ta tirha ka vona hi masiku ni masiku: Lweyi a n’wan’waselaka mun’wani mati ya ku basisa+ a fanele a hlampsa mpahla ya yena ni lweyi a nga khumba mati ya ku basisa a ta tshama na a nga tenganga anze nimadlambu. 22 Hinkwaswu leswi munhu lweyi a kalaka a nga tenganga a nga ta swi khumba, swi ta va swi nga basanga, funtshi lweyi a nga ta swi khumba a ta va a nga tenganga anze nimadlambu.’”+

20 Hi wheti ya ku sungula, Vayisrayele va fike amananga ya Zini, va fika va tshama Kadexi.+ Hi kolanu Miriyamu+ a nga fela kona a gama a lahliwa.

2 Vanhu a va nga ha na mati kutani va sungula ku djikela Moxe na Aroni.+ 3 Va holovisa Moxe+ va ku: “Ni loko a hi file xikan’we ni vamakwerhu nkama va nga fa phambheni ka Yehovha! 4 Hi mhaka muni mi tise vanhu va Yehovha ka mananga lawa swaku hina ni swifuyu swa hina hi ta fela lani ke?+ 5 Naswona hi mhaka muni mi hi humesile Gibita mi hi tisa ka ndhawu leyi ya ku biha?+ Phela ka ndhawu leyi a hi nge byali mbewu, makuwa ni minsinya ya mawuvha ni ma romã naswona a ku na mati ya ku phuza.”+ 6 Se Moxe na Aroni va suka phambheni ka vanhu va ya ka nyanghwa wa tende la ntlhanganu, va fika va khizama va txuvuka hansi, kutani ku phatima ka Yehovha ku sungula ku humelela ka vona.+

7 Se Yehovha a byela Moxe a ku: 8 “Teka nhonga, se wena ni makwenu wa wena Aroni mi vitana vanhu, kutani mi vulavula ni ribye na va mi txuvukile swaku li humesa mati, mi ta va humesela mati ka ribye mi va nyika va phuza, vona ni swifuyu swa vona.”+

9 Kutani Moxe a teka nhonga phambheni ka Yehovha+ hi ku landza leswi a nga mu byela swona. 10 Moxe na Aroni va gama va vitana vanhu va fika va nyima phambheni ka ribye, kutani Moxe a va byela a ku: “Yingisani, n’wina swipandza nhloko!* Mi lava swaku hi mi humesela mati ka ribye leli ke?”+ 11 Se Moxe a tlakusa voko a ba ribye kambirhi hi nhonga ya yena, kutani ku huma mati ya manyingi, vanhu ni swifuyu swa vona va sungula ku phuza.+

12 Yehovha a gama a byela Moxe na Aroni a ku: “A mi nge va nghenisi vanhu lava ka tiko leli ni nga ta va nyika lona, hikusa a mi kombisanga lipfumelo ka mina naswona a mi ni kwetsimisanga phambheni ka Vayisrayele.”+ 13 Lawa i mati ya Meriba,*+ lani Vayisrayele va nga holova na Yehovha, a za a va komba swaku wa kwetsima.

14 Moxe a gama a rhuma vanhu va suka Kadexi va ya ka hosi ya le Edomu,+ va fika va ku: “Makwenu Israyele+ a li: ‘U swi tiva kahle swikarhatu hinkwaswu leswi hi nga kumana na swona. 15 Vapapayi va hina va ye Gibita,+ kutani hi tshame Gibita malembe* ya manyingi,+ Vagibita va hi xanisile, hina ni vapapayi va hina.+ 16 Hi game hi rilela Yehovha,+ se yena a hi twile a rhumela ntsumi+ yi hi humesa Gibita, swoswi hi lani Kadexi, doropa leli nga kusuhi* ni tiko la wena. 17 Hi kombela u hi pfumelela hi hundza ka tiko la wena. A hi nge psanyi masimu kumbe minsinya ya mawuvha naswona a hi nga ta phuza mati ya swihlovo swa wena. Hi ta famba hi ndlela leyi vitaniwaka Ndlela ya Hosi, a hi nge djiki hi ya ka tlhelo la xinene kumbe la ximatsi, anze hi hundza ka tiko la wena.’”+

18 Kambe Edomu a va byela a ku: “Mi nga tsemakanyi ka tiko la mina. Loko mo ta, ni ta mi tlhangaveta hi xipada.” 19 Vayisrayele va mu hlamula va ku: “Hi ta tifambela hi ndlela, loko hina ni swifuyu swa hina ho tshuka hi phuza mati ya wena, hi ta ku hakela.+ Ho lava ntsena ku tsemakanya ka tiko la wena.”+ 20 Kambe Edomu a ku: “U nga tsemakanyi.”+ Se Edomu a huma swaku a ya tlhangana na vona na a ni vanhu va vanyingi ni masonchwa ya matimba. 21 Edomu a nga zanga a pfumela swaku Vayisrayele va tsemakanya ka tiko la yena; kutani Vayisrayele va famba hi ndlela yin’wani.+

22 Vayisrayele va suka Kadexi va ya fika ka Ntshava ya Ori.+ 23 Kutani Yehovha a byela Moxe na Aroni ka Ntshava ya Ori kusuhi* ni tiko la Edomu a ku: 24 “Aroni a ta fa a lahliwa ka maxaka ya yena.+ A nge ngheni ka tiko leli ni nga ta li nyika Vayisrayele, hikusa wena na yena a mi ni hloniphanga ka mati ya Meriba.+ 25 Teka Aroni ni n’wana wa yena Eliyazari mi ya khwela ka Ntshava ya Ori. 26 U fika u hlivila Aroni mpahla,+ u yi yambexa n’wana wa yena Eliyazari,+ kutani Aroni a ta fela kolanu.”

27 Kutani Moxe a yendla leswi Yehovha a nga mu byela swona, kutani va khwela ka Ntshava ya Ori na va voniwa hi vanhu hinkwavu. 28 Se Moxe a hlivila Aroni mpahla, a yi yambexa n’wana wa yena Eliyazari; Aroni a gama a fa kolanu henhla ka ntshava.+ Kutani Moxe na Eliyazari va xika hi ka ntshava. 29 Nkama vanhu hinkwavu va nga swi vona swaku Aroni a file, tiko* hinkwalu la Israyele li hete 30 wa masiku na li mu rila.+

21 Nkama hosi ya Mukanana ya le Aradi+ leyi a yi tshama Negebi yi nga twa swaku Vayisrayele va ta hi ndlela ya le Atarimi, yi va hlaselile yi tlhela yi khoma van’wani yi va yendla swib’ochwa. 2 Se Vayisrayele va funga ka Yehovha va ku: “Loko wo hi pfuna swaku hi hlula vanhu lava, hi ta tlhela hi helisa ni madoropa ya vona.” 3 Yehovha a yingisa Vayisrayele, a va pfuna swaku va hlula Vakanana kutani va helisa ni madoropa ya vona. Se va chula ndhawu yoleyo swaku i Orma.*+

4 Nkama na va ha yendza na va suka hi ka Ntshava ya Ori+ va famba hi ndlela leyi yaka ka Lwandle la Ku Pshuka swaku va nga hundzi hi ka tiko la Edomu,+ vanhu va sungule ku karhala. 5 Vanhu a va tshamela ku ngurangurela Xikwembu na Moxe,+ va ku: “Hi mhaka muni mi hi humese Gibita swaku hi ta fela lani mananga? Phela a ku na swakudla ni mati+ naswona se hi karhalile hi pawu leli la ku nyenyentsa.”+ 6 Kutani Yehovha a rhumela tinyoka leti nga ni vhenenu xikarhi ka vanhu, swaku ti va lumetela naswona ku fa Vayisrayele va vanyingi hi mhaka ya tona.+

7 Se vanhu va ya ka Moxe va fika va ku: “Hi djohile hi ku ngurangurela Yehovha na wena.+ Hi kombelele ka Yehovha swaku a hi susela tinyoka leti.” Kutani Moxe a kombelela vanhu.+ 8 Se Yehovha a byela Moxe a ku: “Yendla xifaniso xa nyoka leyi nga ni vhenenu u xi hayeka ka mhandzi. Loko munhu a tshuka a lumiwa, a ta xi txuvuka swaku a nga fi.” 9 Moxe a yo vhela a yendla nyoka hi kobre,+ a yi hayeka ka mhandzi,+ se loko munhu a tshuka a lumiwa hi nyoka a a txuvuka nyoka ya kobre se a hanya.+

10 Kutani Vayisrayele va gama va suka va ya gwimba matende aOboti.+ 11 Se va suka aOboti va ya gwimba matende aIye-Abarimi,+ ku nga mananga lawa ma nga kusuhi ni Mowabu awuxeni. 12 Nkama va nga suka lanu va ye va ya gwimba matende ka nkova wa Zeredi.+ 13 Nkama va nga suka Zeredi, va ye va ya gwimba matende ya vona aArinoni,+ amananga lawa ma sukelaka lomu ndhawu ya Vaamori yi tsemaka hi kona, hikusa Arinoni i ndhawu* leyi hambanisaka Vamowabu ni Vaamori. 14 Hi leswo swi yendlaka swaku buku ya Tinyimpi ta Yehovha yi vulavula hi doropa la “Vahebi leli nga Sufa ni minkova ya Arinoni, 15 ni swinkovani leswi fambaka anze ka swidoropani swa Ara, swi gama swi ya fika ni lomu tiko la Mowabu li tsemaka hi kona.”

16 Nkama va nga suka lanu, va ye Beyere. Lexi i xihlovo lexi Yehovha a nga byela Moxe ka xona a ku: “Hlengeleta vanhu leswaku ni ta va nyika mati.”

17 Hi nkama wolowo, Vayisrayele va yimbelele lisimu leli:

“Hi humeseli mati, wena xihlovo! Yimbelelani!

Se va gama va suka mananga va ya Matana, 19 nkama va nga suka Matana va ye Nahaliyeli, nkama va nga suka aNahaliyeli va ye Bamoti.+ 20 Nkama va nga suka Bamoti va ye ka nkova lowu nga ka tiko la Mowabu,+ ahenhla ka Pisiga,+ leyi nga kusuhi na Yeximoni.*+

21 Se Vayisrayele va rhuma vanhu swaku va ya ka Sihoni hosi ya Vaamori va fika va ku:+ 22 “Hi pfumeleli hi tsemakanya hi ka tiko la wena. A hi nga ta nghena ka masimu kumbe ka masimu ya wena ya mawuvha. A hi nga ta phuza mati ka swihlovo swa wena. Hi ta famba hi ndlela leyi vitaniwaka Ndlela ya Hosi anze hi tsemakanya ka tiko la wena.”+ 23 Kambe Sihoni a nga zanga a pfumela swaku Vayisrayele va tsemakanya hi ka tiko la yena. Lexi Sihoni a nga xi yendla, a yo hlengeleta vanhu va yena hinkwavu leswaku va ya hlasela Vayisrayele amananga kutani a fika aYahazi a sungula ku lwa ni Vayisrayele.+ 24 Kambe Vayisrayele va mu hlula hi xipada+ kutani va teka tiko la yena,+ ku sukela aArinoni+ ku ya fika aYaboki,+ akusuhi ni Vaamoni hikusa doropa la Yazeri+ li kusuhi ni tiko la Vaamoni.+

25 Kutani Vayisrayele va teka madoropa lawo hinkwawu, va sungula ku tshama ka madoropa hinkwawu ya Vaamori,+ aExiboni ni le ka swidoropani hinkwaswu leswi a swi li kusuhi. 26 Hikusa Exiboni a ku li doropa la Sihoni, hosi ya Vaamori lweyi a nga lwa ni hosi ya Mowabu a gama a teka tiko la yena hinkwalu anze Arinoni. 27 Hi leswo swi yendlaka ku va ni xihlayahlaya xa ku poyila lexi nge:

“Tanani aExiboni.

Doropa la Sihoni a li yakiwe li tiya.

28 Hikusa ndzilu wu hume aExiboni, xindzilwani* xi hume ka doropa la Sihoni.

Wu helise doropa la Ara leli nga Mowabu, vinyi va tindhawu leti nga tlakuka ta Arinoni.

29 Khombo ka wena Mowabu! Mi ta helisiwa n’wina vanhu va Kemoxi!+

A tshike vana va yena va madjaha va baleka; vana va yena va tintombhi a va tshike va va swikarawa swa Sihoni hosi ya Vaamori.

31 Se Vayisrayele va sungulise swoleswo ku tshama ka tiko la Vaamori. 32 Kutani Moxe a rhuma vavanuna swaku va ya kambela doropa la Yazeri.+ Va fike va teka swidoropani leswi nga kusuhi na lona, va hlongola Vaamori lava a va tshama kolanu. 33 Se va gama va famba hi Ndlela ya Baxani. Kutani Ogi+ hosi ya Baxani a ta ni vanhu va yena hinkwavu leswaku a ta lwa na vona aEdreyi.+ 34 Yehovha a byela Moxe a ku: “U nga mu chavi,+ hikusa ni ta ku pfuna swaku u mu hlula,+ yena ni vanhu va yena hinkwavu ni tiko la yena, u ta mu yendla swa ku fana ni leswi u nga swi yendla ka Sihoni hosi ya Vaamori, lweyi a a tshama aExiboni.”+ 35 Se va mu dlaya, yena ni vana va yena ni vanhu va yena hinkwavu, a ku ponanga munhu ni mun’we,+ kutani va teka tiko la yena.+

22 Kutani Vayisrayele va suka va ya gwimba matende amananga ya Mowabu, phambheni ka Yeriko+ ka tlhelo lelin’wani la Yordani. 2 Balaki+ n’wana wa Zipori a vona hinkwaswu leswi Vayisrayele va nga swi yendla ka Vaamori. 3 Se Vamowabu va sungula ku va chava hintamu Vayisrayele hikusa a va li vanyingi; phela Vamowabu a vo rhurhumela loko va pimisa hi Vayisrayele.+ 4 Kutani Vamowabu va byela madoda ya le Midiyani+ va ku: “Vanhu lava va ta hi heta hinkwerhu, ku fana ni homu leyi dlaka byanyi akhwatini yi li heta.”

Hi nkama wolowo, Balaki n’wana wa Zipori a a li hosi ya Vamowabu. 5 Se a rhumela vanhu ka Balamu n’wana wa Beyori lweyi a a tshama ni maxaka ya yena ka doropa la Petori,+ leli nga tlhelweni ka Nambu.* A mu kombela a ku: “Yingisa! Ku ni vanhu lava taka hi Gibita. I vanyingi hintamu+ naswona va tshama kusuhi ni tiko la mina. 6 Ni kombela u ta ni pfuna hi ku rhuka vanhu lava,+ hikusa va ni matimba ku ni tlula. Devhi ni nga swi kota ku va hlula ni va hlongola tikweni, hikusa ni swi tiva kahle swaku lweyi u mu katekisaka wa kateka naswona lweyi u mu rhukaka wa rhukiwa.”

7 Kutani madoda ya Vamowabu ni ya Vamidiyani ma famba xikan’we, na ma khome male ya ku hlahluva, ma ya ka Balamu+ ku ya mu byela leswi Balaki a nga ma rhuma swona. 8 Balamu a va hlamula a ku: “Yetlelani lani namuntlha, ni ta mi byela leswi Yehovha a nga ta ni byela swona.” Se varhangeli* va Mowabu va tshama na Balamu.

9 Kutani Xikwembu xi humelela ka Balamu xi ku:+ “I vamani vavanuna lava u nga na vona ke?” 10 Se Balamu a byela Xikwembu xa ntiyiso a ku: “Balaki n’wana wa Zipori, hosi ya Vamowabu a rhumele rito ka mina a ku: 11 ‘Yingisa! Ku ni vanhu va vanyingi lava taka hi Gibita. Tani u ta ni rhukela vona.+ Devhi ni nga swi kota ku lwa na vona ni va hlongola.’” 12 Kambe Xikwembu xi byela Balamu xi ku: “U nga fambi na vona. U nga tshuki u rhuka vanhu volavo, hikusa va katekisiwile.”+

13 Balamu a pfuka nimixo a byela varhangeli va Balaki a ku: “Mukani hikusa Yehovha a yalile swaku ni famba na n’wina.” 14 Se varhangeli va Mowabu va suka, kutani va fika ka Balaki va ku: “Balamu a yalile ku ta na hina.”

15 Kambe Balaki a tlhele a rhumela varhangeli van’wani va vanyingi, lava a va hlonipheka ku tlula va ku sungula. 16 Va fika ka Balamu va ku: “Balaki n’wana wa Zipori a li: ‘Ni kombela u ta, u nga pfumeleli nchumu xi ku sivela, 17 ni ta ku hakela swinene naswona ni ta yendla xin’wani ni xin’wani lexi u nga ta ni byela xona. Ni kombela u ta, u ta ni rhukela vanhu lava.’” 18 Kambe Balamu a hlamula vatirhi va Balaki a ku: “Hambiloko Balaki o ni nyika yindlo ya yena na yi tale hi prata ni woru, a ni nge swi koti ku tlula nawu wa Yehovha Xikwembu xa mina, a swi na mhaka swaku i wukulu kumbe i wutsongo.+ 19 Kambe ni kombela swaku na n’wina mi yetlela kola namuntlha, ni ta twa swaku Yehovha a li yini hi mhaka leyi.”+

20 Kutani Xikwembu xi humelela ka Balamu niwusiku xi ku: “Loko vavanuna lava va tele ku ta ku vitana, famba na vona. Kambe u ta vulavula ntsena leswi ni ku byelaka swona.”+ 21 Se Balamu a pfuka nimixo a famba hi mbongolo* ya yena, a famba ni varhangeli va Mowabu.+

22 Kutani Xikwembu xi kwata hintamu hileswi Balamu a a famba na vona, se ntsumi ya Yehovha yi nyima ndleleni yi mu pfalela. Balamu a a famba hi mbongolo ya yena, na a ni vatirhi va yena vambirhi. 23 Nkama mbongolo yi nga vona ntsumi ya Yehovha na yi nyime ndleleni yi khome xipada, yi zame ku hambuka yi ya nhoveni. Kambe Balamu a sungula ku yi ba swaku yi tlhelela ndleleni. 24 Kutani ntsumi ya Yehovha yi nyima ka xindlelani lexi nga xikarhi ka masimu ya mawuvha, lexi nga ni makhumbi lawa a ma yakiwe hi maribye hala ni hala. 25 Nkama mbongolo yi nga vona ntsumi ya Yehovha, yi sungula ku famba na yi timanya ni khumbi, yi manya ni nenge wa Balamu hi khumbi, se Balamu a tlhela a sungula ku yi ba.

26 Kutani ntsumi ya Yehovha yi tlhela yi hundza yi ya nyima ka ndhawu ya ku manyeka, lani a swi nga koteki ku djika ka xinene kumbe ka ximatsi. 27 Nkama mbongolo yi nga vona ntsumi ya Yehovha, yi tshama hansi na Balamu a tshame henhla ka yona, se Balamu a kwata hintamu a tlhela a himetela mbongolo hi nhonga. 28 Hi wugamu Yehovha a yendla swaku mbongolo yi vulavula,+ kutani yi vutisa Balamu yi ku: “Kasi ni yo ku wonhela yini leswi u ni baka ka wunharhu?”+ 29 Balamu a hlamula mbongolo a ku: “Hi mhaka ya leswi u nga ni yendla xiphunta. Loko a ni khome xipada, a ni ta ku dlaya!” 30 Kutani mbongolo yi vutisa Balamu yi ku: “Kasi a ni mbongolo ya wena leyi u nga famba hi yona wutomi la wena hinkwalu anze namuntlha ke? Indjhe ni tshama ni ku yendla swa ku fana ni leswi ke?” Balamu a ku: “Ihim!” 31 Yehovha a pfula matihlo ya Balamu,+ se a vona ntsumi ya Yehovha na yi nyime ndleleni na yi khome xipada. Balamu a khizama hi ku hantlisa, a txuvuka hansi.

32 Kutani ntsumi ya Yehovha yi mu byela yi ku: “Hi mhaka muni u be mbongolo ya wena kanharhu? Yingisa! Mina ni tele ku ta ku pfalela, hikusa liyendzo la wena li lwisana ni ku rhandza ka mina.+ 33 Mbongolo yi ni vonile kutani yi zama ku hambuka kanharhu.+ Phela loko a yi nga hambukanga phambheni ka mina, swoswi a ni ta va ni ku dlayile, ku sala yona.” 34 Balamu a byela ntsumi ya Yehovha a ku: “Ni djohile hikusa a ni nga swi tivi swaku a wu nyime ndleleni swaku u ta tlhangana na mina. Swoswi loko leswi swi bihile matihlweni ya wena, ni ta tlhela.” 35 Kambe ntsumi ya Yehovha yi byela Balamu yi ku: “Famba ni vavanuna lava, kambe u ta vulavula ntsena leswi ni nga ta ku byela swona.” Kutani Balamu a famba ni varhangeli va Balaki.

36 Nkama Balaki a nga twa swaku Balamu a fikile, a huma hi ku hantlisa a ya tlhangana na yena ka doropa la Mowabu leli nga kusuhi ni Arinoni, ku nga ndhawu* leyi nga kusuhi ni tiko la Mowabu. 37 Balaki a byela Balamu a ku: “Kasi a ni ku vitananga? Hi mhaka muni u nga tanga? U pimisa swaku ni nga tsandzeka ku ku hakela ngopfu?”+ 38 Balamu a hlamula Balaki a ku: “Se ni fikile. Kambe ni nga pfumeleliwa ku vula xanchumu? Ni ta vulavula ntsena leswi Xikwembu xi nga ta ni byela swona.”+

39 Balamu na Balaki va famba xikan’we va ya fika aKiriyati-Uzoti. 40 Se Balaki a yendla magandzelo hi tihomu ni tinyempfu, a rhumela tin’wani ka Balamu ni ka varhangeli lava a va li na yena. 41 Nimixo Balaki a teka Balamu a mu yisa aBamoti-Bali lani a a kota ku vona Vayisrayele hinkwavu.+

23 Se Balamu a byela Balaki a ku: “Ni yakeli 7 wa maaltari,+ u tlhela u ni lulamisela 7 wa tihomu ta xinuna ni 7 wa tinyempfu ta xinuna ka ndhawu leyi.” 2 Balaki a yo vhela a yendla leswi Balamu a nga swi vula. Se Balaki na Balamu va nyikela homu ni nyempfu ka altari ha lin’we.+ 3 Balamu a byela Balaki a ku: “Nyima lani kusuhi ni gandzelo la wena la ku hisiwa, u ni tshika ni famba. Kumbexana Yehovha a ta khuluma na mina. Ni ta ku byela hinkwaswu leswi a nga ta ni byela swona.” Kutani a khwela gangeni.

4 Se Xikwembu xi khuluma na Balamu,+ kutani a xi byela a ku: “Ni folise 7 wa maaltari naswona ni nyikele homu ni nyempfu ka altari ha lin’we.” 5 Yehovha a byela Balamu+ leswi a faneleke a swi vula, a ku: “Tlhelela ka Balaki u ya mu byela leswi.” 6 Se a tlhela; kutani a vona Balaki ni varhangeli hinkwavu va le Mowabu na va nyime kusuhi ni lomu a nga yendlela kona gandzelo la ku hisiwa. 7 Se a sungula ku vula xihlayahlaya a ku:+

‘Tani u ta ni rhukela Yakobe.

Tani u ta poyila* Israyele.’+

 8 Ni ta va rhukisa ku yini vanhu lava Xikwembu xi kalaka xi nga va rhukanga?

Ni ta va poyilisa ku yini vanhu lava Yehovha a kalaka a nga va poyilanga?+

11 Se Balaki a byela Balamu a ku: “Hi mhaka muni u ni yendle leswi? Ni ku vitane swaku u ta ni rhukela valala va mina kambe wena a wu va rhukanga, u yo va katekisa.”+ 12 A hlamula a ku: “Kasi a ni fanelanga ni hlaya hinkwaswu leswi Yehovha a nga ni byela swona?”+

13 Balaki a ku: “Ni kombela hi famba xikan’we hi ya ka ndhawu leyi u nga ta kota ku va vona. U ta vona van’wani va vona; a wu nga ta vona hinkwavu. Kutani u ta ni rhukela vona na u li kolanu.”+ 14 Se a mu yisa ka nsimu ya Zofimi, henhla ka Pisiga,+ kutani a yaka 7 wa maaltari a nyikela homu ni nyempfu ka altari ha lin’we.+ 15 Kutani Balamu a byela Balaki a ku: “Nyima lani kusuhi ni gandzelo la wena la ku hisiwa, mina ni ta ya khuluma na Yena lee.” 16 Se Yehovha a khuluma na Balamu a ku:+ “Tlhelela ka Balaki u ya mu byela leswi.” 17 Kutani a tlhelela ka yena, a mu kuma na a nyime kusuhi ni gandzelo la yena la ku hisiwa naswona a a ni varhangeli va Mowabu. Balaki a mu vutisa a ku: “Yehovha a te yini?” 18 Se a sungula ku vula xihlayahlaya a ku:+

“Suka u nyima, wena Balaki u yingisela.

Ni yingisi, wena n’wana wa Zipori.

Loko xi hlaya nchumu, a xi nge xi yendli?

Loko xi vula nchumu, a xi nge xi hetisisi?+

22 Xikwembu xi va humesa Gibita.+

Ka vona xi fana ni timhondzo ta homu ya khwati.+

Ka nkama lowu, vanhu va ta vula leswi hi Yakobe na Israyele:

‘Vona leswi Xikwembu xi nga swi yendla!’

25 Se Balaki a byela Balamu a ku: “Loko u nga swi koti ku mu rhuka, u nga mu katekisi.” 26 Balamu a hlamula Balaki a ku: “Kasi a ni ku byelanga ni ku: ‘Ni ta yendla hinkwaswu leswi Yehovha a nga ta swi vula ke’?”+

27 Balaki a byela Balamu a ku: “Ni kombela hi famba xikan’we hi ya ka ndhawu yin’wani. Devhi Xikwembu xa ntiyiso xi ta swi vona na swi li swinene swaku u ni rhukela vona kolanu.”+ 28 Kutani Balaki a teka Balamu a mu yisa henhla ka ntshava ya Peyori, leyi nga txuvukana ni Yeximoni.*+ 29 Se Balamu a byela Balaki a ku: “Ni yakeli 7 wa maaltari, u tlhela u ni lulamisela 7 wa tihomu ni 7 wa tinyempfu ka ndhawu leyi.”+ 30 Kutani Balaki a yendla leswi Balamu a nga mu byela swona, se a nyikela homu ni nyempfu ka altari ha lin’we.

24 Nkama Balamu a nga vona swaku Yehovha a a katekisa Vayisrayele, a nga ha zamanga ku lava ndlela ya ku va rhuka,+ kambe a txuvuke mananga. 2 Nkama Balamu a nga vona Vayisrayele na va tshame hi ku ya hi tinxaka ta vona,+ moya wa ku kwetsima wa Xikwembu wu ve henhla ka yena.+ 3 A sungula ku vula xihlayahlaya a ku:+

10 Se Balaki a mu kwatela hintamu Balamu. A mu holovisa na a ba mavoko hi ndlela ya ku mu phuntisa, a ku: “Ni ku vitane swaku u ta rhuka valala va mina,+ kambe wena se u va katekise kanharhu. 11 Wo vhela u muka. A ni lava ku ku tlakusa,+ kambe Yehovha a ku tsonise minkateko.”

12 Balamu a hlamula Balaki a ku: “Kasi a ni va byelanga lava u nga va rhuma ni ku: 13 ‘Hambiloko Balaki o ni nyika yindlo ya yena na yi tale hi prata ni woru, a ni nge yendli ku rhandza ka mina, ni tlula nawu wa Yehovha, hambi mhaka ya kona yi li yinene kumbe yi nga li yinene ke? Naswona ni ta vula ntsena leswi Yehovha a nga ta ni byela swona’?+ 14 Swoswi ni ya ka vanhu va tiko la mina. Tani ni ta ku byela leswi vanhu lava va nga ta swi yendla ka vanhu va wena ka nkama lowu taka.”* 15 Kutani a sungula ku vula xihlayahlaya a ku:+

20 Nkama a nga vona Amaleki, a tame a vula xihlayahlaya a ku:

21 Nkama a nga vona Vakena,+ a tame a vula xihlayahlaya a ku:

“Ndhawu ya wena yi hlayisekile, yi le henhla ka ribye.

22 Kambe ku ni lweyi a nga ta hisa Kayini.

Ku sale nkama wa ku kota kwini swaku Asiriya a ku yendla xib’ochwa?”

23 A tama a vula xihlayahlaya a ku:

“Yowee! I mani lweyi a nga ta pona nkama Xikwembu xi nga ta yendla leswi?

Kambe hi wugamu na yena a ta helisiwa.”

25 Se Balamu+ a gama a muka. Balaki na yena a tifambela.

25 Nkama Vayisrayele na va ha tshama Xitimi,+ vavanuna va sungule ku yendla wuntunga la swa masangu ni tintombhi ta le Mowabu.+ 2 Vavasati a va rhamba vavanuna lava swaku va ya yendlela swikwembu swa vona magandzelo,+ se vavanuna lava va sungula ku dla ni ku khizamela swikwembu swa vona.+ 3 Kutani Vayisrayele va sungula ku gandzela Bali wa Peyori,+ se Yehovha a va kwatela hintamu. 4 Yehovha a byela Moxe a ku: “Teka varhangeli hinkwavu va vanhu lava u va dlaya, u va hayeka ka mumu phambheni ka Yehovha, swaku Yehovha a ta tshika ku kwatela Vayisrayele.” 5 Kutani Moxe a byela vayavanyisi va Vayisrayele a ku:+ “Mun’wani ni mun’wani wa n’wina a fanele a dlaya vavanuna lava rhangeliwaka hi yena* lava nga gandzela Bali wa Peyori.”+

6 Hi nkama wolowo, wanuna mun’wani wa Muyisrayele a te ni wansati wa le Midiyani,+ na a voniwa hi Moxe ni Vayisrayele hinkwavu, a yendle leswo nkama na va li ku rileni ka nyanghwa wa tende la ntlhanganu. 7 Nkama Feniyasi+ n’wana wa Eliyazari, ntukulu wa muprista Aroni a nga swi vona, a yo vhela a suka a nyima xikarhi ka vanhu a teka tlharhi la yena. 8 Kutani a landza Muyisrayele yelweyo ka tende a fika a va tlhava hiwumbirhi ka vona, a tlhava wansati ka xirho xa yena xa wunsati. Se ntungu wu nyimisiwa ka Vayisrayele.+ 9 Lava nga dlayiwa hi ntungu a va li 24.000.+

10 Se Yehovha a byela Moxe a ku: 11 “Feniyasi+ n’wana wa Eliyazari, ntukulu wa muprista Aroni a b’ohlise ku kwata ka mina ka Vayisrayele hikusa a lwisane ni lava kalaka va nga tshembeki ka mina.+ Kutani a na ha va helisanga Vayisrayele hi ku kwata ka mina hi mhaka ya leswi ni kalaka ni nga swi lavi ku gandzeliwa ni swikwembu swin’wani.+ 12 Se mu byeli swaku: ‘Ni yendla ntwananu wa ku rhula na yena. 13 Ntwananu lowu wu ta yendla swaku wuprista la yena ni vana va yena li nga heli,+ hikusa a lwele Xikwembu xa yena+ naswona a kombelele Vayisrayele ku rivaleliwa.’”

14 Vito la wanuna wa Muyisrayele lweyi a nga dlayiwa ni wansati wa le Midiyani a ku li Zimiri n’wana wa Salu, murhangeli wa lixaka la Simiyoni. 15 Vito la wansati wa le Midiyani lweyi a nga dlayiwa a ku li Kozibi n’wana wa Zuri;+ lweyi a a li murhangeli wa lixaka la le Midiyani.+

16 Yehovha a gama a byela Moxe a ku: 17 “Hlaselani Vamidiyani, mi va dlaya,+ 18 hikusa a va mi xanisa hi ku mi kanganyisa swaku mi djoha mi gandzela Peyori+ ni hi ku tirhisa Kozibi n’wana wa murhangeli wa le Midiyani, makwavu wa vona wa xisati lweyi a nga dlayiwa+ hi siku la ntungu.”+

26 Nkama ntungu wu nga hela,+ Yehovha a byela Moxe na Eliyazari n’wana wa muprista Aroni a ku: 2 “Kontani Vayisrayele hinkwavu va ku sukela ka 20 wa malembe ku ya henhla, hi ku ya hi mindjangu ya vona, mi konta hinkwavu lava va nga vaka masonchwa aIsrayele.”+ 3 Se Moxe na muprista Eliyazari+ va vulavula ni Vayisrayele amananga ya Mowabu+ aYeriko+ kusuhi ni Yordani, va ku: 4 “Kontani vanhu va ku sukela ka 20 wa malembe ku ya henhla, hi ku landza leswi Yehovha a nga swi byela Moxe.”+

Vayisrayele lava va nga huma ka tiko la Gibita a ku li: 5 Rubeni+ matevula ya Israyele; vana va Rubeni+ a ku li: Ka Anoki, ndjangu wa va ka Anoki; ka Palu, ndjangu wa va ka Palu; 6 ka Hezroni, ndjangu wa va ka Hezroni; ka Karimi, ndjangu wa va ka Karimi. 7 Leyi a ku li mindjangu ya va ka Rubeni; ku tsalisiwe 43.730.+

8 N’wana wa Palu a ku li Eliyabi. 9 Vana va Eliyabi a ku li Nemuwele, Datani na Abirami. Datani na Abirami a va li varhangeli lava va nga langiwa, lava va nga terekela Moxe+ na Aroni na va li ni lava nyimaka na Kora,+ hi nkama lowu va nga lwa na Yehovha.+

10 Se misava yi pfuleka, yi va minta. Kora a fe ni lava a va nyima na yena nkama ndzilu wu nga hisa 250 wa vanhu.+ Leswi nga va humelela swi ve xitsundzuxu.+ 11 Kambe vana va Kora a va fanga.+

12 Vana va Simiyoni+ hi ku ya hi mindjangu ya vona a ku li: Ka Nemuwele, ndjangu wa va ka Nemuwele; ka Yamini, ndjangu wa va ka Yamini; ka Yakini, ndjangu wa va ka Yakini; 13 ka Zera, ndjangu wa va ka Zera; ka Xawuli, ndjangu wa va ka Xawuli. 14 Leyi a ku li mindjangu ya va ka Simiyoni: 22.200.+

15 Vana va Gadi+ hi ku ya hi mindjangu ya vona a ku li: Ka Zefoni, ndjangu wa va ka Zefoni; ka Agi, ndjangu wa va ka Agi; ka Xuni, ndjangu wa va ka Xuni; 16 ka Ozini, ndjangu wa va ka Ozini; ka Eri, ndjangu wa va ka Eri; 17 ka Arodi, ndjangu wa va ka Arodi; ka Areli, ndjangu wa va ka Areli. 18 Leyi a ku li mindjangu ya vana va Gadi; ku tsalisiwe 40.500.+

19 Vana va Yuda+ a ku li Ere na Onani.+ Kambe Ere na Onani va file ka tiko la Kanana.+ 20 Vana va Yuda hi ku ya hi mindjangu ya vona a ku li: Ka Xela,+ ndjangu wa va ka Xela; ka Farezi,+ ndjangu wa va ka Farezi; ka Zera,+ ndjangu wa va ka Zera. 21 Vana va Farezi a ku li: Ka Hezroni,+ ndjangu wa va ka Hezroni; ka Hamuli,+ ndjangu wa va ka Hamuli. 22 Leyi a ku li mindjangu ya va ka Yuda; ku tsalisiwe 76.500.+

23 Vana va Isakara+ hi ku ya hi mindjangu ya vona a ku li: Ka Tola,+ ndjangu wa va ka Tola; ka Puvha, ndjangu wa va ka Puvha; 24 ka Yaxubi, ndjangu wa va ka Yaxubi; ka Ximironi, ndjangu wa va ka Ximironi. 25 Leyi a ku li mindjangu ya va ka Isakara; ku tsalisiwe 64.300.+

26 Vana va Zebuloni+ hi ku ya hi mindjangu ya vona a ku li: Ka Seredi, ndjangu wa va ka Seredi; ka Eloni, ndjangu wa va ka Eloni; ka Yahaliyele, ndjangu wa va ka Yahaliyele. 27 Leyi a ku li mindjangu ya va ka Zebuloni, ku tsalisiwe 60.500.+

28 Vana va Yosefa+ hi ku ya hi mindjangu ya vona a ku li: Manasi na Efrayimi.+ 29 Vana va Manasi+ a ku li: Ka Makiri,+ ndjangu wa va ka Makiri; Makiri a a li papayi wa Jiliyadi;+ ka Jiliyadi, ndjangu wa va ka Jiliyadi. 30 Vana va Jiliyadi a ku li: Ka Iyezere, ndjangu wa va ka Iyezere; ka Eleki, ndjangu wa va ka Eleki; 31 ka Asiriyeli, ndjangu wa va ka Asiriyeli; ka Xikemi, ndjangu wa va ka Xikemi; 32 ka Xemida, ndjangu wa va ka Xemida; ka Eferi, ndjangu wa va ka Eferi. 33 Zelofeyadi+ n’wana wa Eferi a nga zanga a va ni vana va madjaha, a wo va ni vana va tintombhi ntsena,+ mavito ya vona a ku li Mala, Nowa, Ogla, Milka na Tiraza. 34 Leyi a ku li mindjangu ya va ka Manasi; ku tsalisiwe 52.700.+

35 Lava a ku li vana va Efrayimi+ hi ku ya hi mindjangu ya vona: Ka Xutela,+ ndjangu wa va ka Xutela; ka Bekeri, ndjangu wa va ka Bekeri; ka Tahani, ndjangu wa va ka Tahani. 36 Lava a ku li vana va Xutela: Ka Erani, ndjangu wa va ka Erani. 37 Leyi a ku li mindjangu ya vana va Efrayimi; ku tsalisiwe 32.500.+ Lava a ku li vana va Yosefa hi ku ya hi mindjangu ya vona.

38 Vana va Benjamini+ hi ku ya hi mindjangu ya vona a ku li: Ka Bela,+ ndjangu wa va ka Bela; ka Axibeli, ndjangu wa va ka Axibeli; ka Ahirami, ndjangu wa va ka Ahirami; 39 ka Xefufami, ndjangu wa va ka Xupimi; ka Ufami, ndjangu wa va ka Ufami. 40 Vana va Bela a ku li Ardi na Namani:+ Ka Ardi, ndjangu wa va ka Ardi; ka Namani, ndjangu wa va ka Namani. 41 Lava a ku li vana va Benjamini hi ku ya hi mindjangu ya vona; ku tsalisiwe 45.600.+

42 Lava a ku li vana va Dani+ hi ku ya hi mindjangu ya vona: Ka Xuhami, ndjangu wa va ka Xuhami. Leyi a ku li mindjangu ya Dani hi ku ya hi mindjangu ya yona. 43 Hinkwavu lava va nga tsalisiwa ka mindjangu ya va ka Xuhami, a va li 64.400.+

44 Vana va Aseri+ hi ku ya hi mindjangu ya vona a ku li: Ka Iminaya, ndjangu wa va ka Iminaya; ka Ixivhi, ndjangu wa va ka Ixivhi; ka Beriya, ndjangu wa va ka Beriya; 45 ka vana va Beriya: Ka Eberi, ndjangu wa va ka Eberi; ka Malikiyele, ndjangu wa va ka Malikiyele. 46 N’wana wa xisati wa Aseri a ku li Sera. 47 Leyi a ku li mindjangu ya vana va Aseri; ku tsalisiwe 53.400.+

48 Vana va Naftali+ hi ku ya hi mindjangu ya vona a ku li: Ka Yahaziyeli, ndjangu wa va ka Yahaziyeli; ka Guni, ndjangu wa va ka Guni; 49 ka Yezeri, ndjangu wa va ka Yezeri; ka Xilemi, ndjangu wa va ka Xilemi. 50 Leyi a ku li mindjangu ya Naftali hi ku ya hi mindjangu ya yona; ku tsalisiwe 45.400.+

51 Vayisrayele hinkwavu lava va nga tsalisiwa a va li: 601.730.+

52 Se Yehovha a gama a byela Moxe a ku: 53 “Lava hi vona lava faneleke va yaveliwa tiko, swaku li va tshomba la vona hi ku ya hi lixta la mavito.+ 54 Lava va nga vanyingi va nyiki tshomba la linyingi, lava va nga vatsongo va nyiki tshomba lalitsongo.+ Tshomba li fanele li yaviwa hi ku ya hi numeru ya lava va nga tsalisiwa. 55 Kambe ku ta hoxiwa swiribyani* swaku ku yaviwa tiko.+ Va fanele va yaveliwa tshomba hi ku ya hi mavito ya tinxaka ta vapapayi va vona. 56 Ku ta hoxiwa swiribyani swaku ku yaviwa tshomba la lixaka ha lin’we; li ta yaveliwa tinxaka tatikulu ni tatitsongo.”

57 Lava va nga tsalisiwa ka lixaka la Valevhi+ hi ku ya hi mindjangu ya vona hi lava: Ka Jersoni, ndjangu wa va ka Jersoni; ka Kohata,+ ndjangu wa va ka Kohata; ka Merari, ndjangu wa va ka Merari. 58 Leyi a ku li mindjangu ya Valevhi: Ndjangu wa va ka Libni,+ ndjangu wa va ka Hebroni,+ ndjangu wa va ka Mahili,+ ndjangu wa va ka Muxi+ ni ndjangu wa va ka Kora.+

Kohata a ve papayi wa Amirami.+ 59 Vito la nsati wa Amirami a ku li Yokebedi,+ n’wana wa Levhi lweyi nsati wa yena a nga mu psalela yena aGibita. Yokebedi na Amirami va psale Aroni, Moxe na Miriyamu makwavu wa vona wa xisati.+ 60 Vana va Aroni a ku li Nadabi, Abiyu, Eliyazari na Itamari.+ 61 Kambe Nadabi na Abiyu va file phambheni ka Yehovha hi mhaka ya leswi va nga yendla gandzelo* la ku kala li nga yamukeleki.+

62 Vavanuna hinkwavu lava va nga tsalisiwa va ku sukela ka wheti yin’we ku ya henhla+ a va li 23.000. A va nga tsalisiwanga xikarhi ka Vayisrayele+ hikusa a va nga ta nyikiwa tshomba ni Vayisrayele.+

63 Lava hi lava va nga tsalisiwa hi Moxe na muprista Eliyazari nkama va nga tsalisa Vayisrayele amananga ya Mowabu aYeriko kusuhi ni Yordani. 64 Kambe xikarhi ka vona a ku nga na lweyi a nga tsalisiwa hi Moxe na muprista Aroni, nkama va nga konta Vayisrayele amananga ya Sinayi.+ 65 Hikusa Yehovha a a hlaye leswi hi vona: “Phela va ta fa mananga.”+ Hi mhaka leyo a ku nga na wanuna ni mun’we lweyi a nga sala ka vona, a ku yo sala ntsena Kalebe n’wana wa Yefune na Yoxuwa n’wana wa Nuni.+

27 Kutani vana va tintombhi va Zelofeyadi,+ n’wana wa Eferi, n’wana wa Jiliyadi, n’wana wa Makiri, n’wana wa Manasi, va mindjangu ya Manasi n’wana wa Yosefa va ta. Mavito ya vana va Zelofeyadi va tintombhi a ku li Mala, Nowa, Ogla, Milka na Tiraza. 2 Va fika va nyima phambheni ka Moxe, muprista Eliyazari, varhangeli+ ni vanhu hinkwavu ka nyanghwa wa tende la ntlhanganu, va ku: 3 “Papayi a file mananga, kambe a a nga li mun’wani wa lava a va nyima na Kora+ lava va nga terekela Yehovha, yena a fe hi mhaka ya xidjoho xa yena naswona a fe na a nga na vana va madjaha. 4 Hi mhaka muni xib’ongo xa papayi xi fanele xi fa hileswi a a nga na n’wana wa djaha? Hi nyikeni tshomba xikarhi ka vamakwavu va papayi.” 5 Se Moxe a teka mhaka ya vona a ya yi byela Yehovha.+

6 Kutani Yehovha a byela Moxe a ku: 7 “Leswi vana va Zelofeyadi va nga swi vula, swa twala. U fanele u va nyika ndhawu xikarhi ka vamakwavu va papayi wa vona swaku yi va tshomba la vona, u hundzisa tshomba la papayi wa vona ka vona.+ 8 Byela Vayisrayele u ku: ‘Loko munhu o fa na a nga na n’wana wa djaha, tshomba la yena li fanele li nyikiwa vana va yena va tintombhi. 9 Loko a nga na n’wana wa ntombhi, tshomba la yena li ta nyikiwa vamakwavu va yena va xinuna. 10 Loko a nga na vamakwavu va xinuna, li ta nyikiwa vamakwavu va papayi wa yena. 11 Loko papayi wa yena a nga na vamakwavu, mi ta li nyika xaka la yena la le kusuhi* kutani a ta li teka li va la yena. Xiboho lexi xi ta va nawu ka Vayisrayele, hi ku landza leswi Yehovha a nga byela Moxe.’”

12 Se Yehovha a gama a byela Moxe a ku: “Khwela ka ntshava leyi ya Abarimi+ u txuvuka tiko leli ni nga ta li nyika Vayisrayele.+ 13 Loko se u li vonile, u ta fa+ ku fana ni makwenu Aroni,+ 14 hikusa nkama vanhu va nga ni ngurangurela amananga ya Zini, a mi wu yingisanga nawu wa mina wa leswaku ni dzunisiwa phambheni ka vona hi ku va nyika mati.+ Ni vulavula hi mati ya le Meriba+ aKadexi+ ka mananga ya Zini.”+

15 Kutani Moxe a byela Yehovha a ku: 16 “Yehovha Xikwembu lexi nga yendla vanhu hinkwavu langa wanuna xikarhi ka vanhu 17 lweyi a nga ta va rhangela ka swilo hinkwaswu ni lweyi va nga ta mu yingisa ka swilo hinkwaswu, leswaku vanhu va Yehovha va nga fani ni tinyempfu ta ku kala ti nga na mulusi.” 18 Kutani Yehovha a byela Moxe a ku: “Teka Yoxuwa n’wana wa Nuni, wanuna lweyi a fanelekaka kahle,* u mu tlhateka mavoko.+ 19 U mu nyimisa phambheni ka muprista Eliyazari ni le phambheni ka vanhu hinkwavu, naswona u fanele u mu veka swaku a va murhangeli, hinkwavu na va swi vona.+ 20 Mu pambuleli ku hlonipheka* ka wena+ swaku Vayisrayele hinkwavu va ta mu yingisa.+ 21 Yoxuwa a ta nyima phambheni ka muprista Eliyazari, lweyi a nga ta ya mu vutisela ka Yehovha hi ku tirhisa Urimi+ leswaku a mu kongomisa. Loko a va byela nawu wa leswaku va huma va ta huma, loko a va byela nawu wa leswaku va vuya va ta vuya, yena ni Vayisrayele hinkwavu lava va nga na yena ni vanhu hinkwavu.”

22 Se Moxe a yendla leswi Yehovha a nga mu byela swona. A teka Yoxuwa a mu nyimisa phambheni ka muprista Eliyazari ni phambheni ka vanhu hinkwavu, 23 a mu tlhateka mavoko, a mu langa swaku a va murhangeli,+ hi ku landza leswi Yehovha a nga byela Moxe.+

28 Yehovha a tlhela a byela Moxe a ku: 2 “Byela Vayisrayele u ku: ‘Mi fanele mi tiyiseka leswaku mi nyikela gandzelo la mina ku nga pawu la mina. Magandzelo ya mina lawa ma ngo yendla hi ku hisiwa swaku ma nun’hwela kahle ka mina, ma fanele ma yendliwa hi minkama ya wona leyi nga vekiwa.’+

3 “Va byeli leswi: ‘Hi leli gandzelo leli ngo yendla hi ku hisiwa leli mi nga ta li nyikela ka Yehovha: Swinyempfani swimbirhi swa xinuna leswi nga hanya kahle leswi nga ni lembe lin’we, leswi mi nga ta swi nyikela siku ni siku swaku swi va gandzelo la ku hisiwa la nkama ni nkama.+ 4 Xinyempfani xin’we xa xinuna u ta xi nyikela nimixo, kasi lexin’wani u ta xi nyikela nimadlambu,+ 5 u ta swi nyikela ni kilu lin’we* la mpupu wa ku siliwa kahle lowu nga patsiwa ni litru lin’we* la mafurha ya lisima hintamu, swaku swi va gandzelo la swakudla.+ 6 I gandzelo la ku hisiwa la siku ni siku+ leli nga sungula ku nyikeliwa ka Ntshava ya Sinayi swaku li nun’hwela kahle, gandzelo la ku hisiwa leli a li yendleliwa Yehovha, 7 ni gandzelo la kona la vhinyu ku nga litru lin’we* ka xinyempfani ha xin’we xa xinuna.+ Chulula byala ka ndhawu ya ku kwetsima, u chululela Yehovha swaku li va gandzelo la vhinyu. 8 U ta nyikela xinyempfani lexin’wani xa xinuna nimadlambu. U ta xi nyikela ni gandzelo la swakudla ni la vhinyu swa ku fana ni leswi nga yendliwa nimixo, swi ta va gandzelo la ku hisiwa leli nga ta nun’hwela kahle ka Yehovha.+

9 “‘Kambe hi siku la Savata+ gandzelo la kona ku ta va swinyempfani swimbirhi swa xinuna leswi nga hanya kahle leswi nga ni lembe lin’we ni makilu mambirhi* ya mpupu wa ku siliwa kahle, lowu nga patsiwa ni mafurha ya lisima hintamu swaku swi va gandzelo la swakudla ku patsa ni gandzelo la swona la vhinyu. 10 Leli i gandzelo la ku hisiwa la Savata ni gandzelo la ku hisiwa la siku ni siku ni gandzelo la swona la vhinyu.+

11 “‘Loko wheti yin’wani ni yin’wani yi sungula, mi fanele mi nyikela swihon’wani swimbirhi swa xinuna, nyempfu yin’we ya xinuna ni 7 wa swinyempfani swa xinuna leswi nga hanya kahle leswi nga ni lembe lin’we,+ swaku swi va gandzelo la ku hisiwa ka Yehovha, 12 ni makilu manharhu* ni hafu ya mpupu wa ku siliwa kahle, lowu nga patsiwa ni mafurha swaku swi va gandzelo la swakudla+ ka homu ha yin’we ya xinuna, ni makilu mambirhi ya mpupu wa ku siliwa kahle, lowu nga patsiwa ni mafurha swaku swi va gandzelo la swakudla ka nyempfu ha yin’we ya xinuna,+ 13 ni kilu lin’we* la mpupu wa ku siliwa kahle lowu nga patsiwa ni mafurha swaku swi va gandzelo la swakudla ka xinyempfani ha xin’we xa xinuna, swi hisiwa swaku swi nun’hwela kahle ka Yehovha.+ 14 Magandzelo ya vona ya vhinyu ma ta va vhinyu ya kolomuyani ka malitru mambirhi* ka homu ha yin’we ya xinuna+ ni vhinyu leyi nga henhlanyana ka litru lin’we ka nyempfu ha yin’we ya xinuna+ ni litru lin’we* la vhinyu ka xinyempfani xin’we xa xinuna.+ Leli i gandzelo la ku hisiwa la wheti ni wheti lembe hinkwalu. 15 Naswona ku fanele ku nyikeliwa ximbutani xin’we swaku xi va gandzelo la xidjoho ka Yehovha ku yengetela ka gandzelo la ku hisiwa la siku ni siku ni gandzelo la kona la vhinyu.

16 “‘Hi diya 14 ka wheti ya ku sungula, ku ta va Paxkwa la Yehovha.+ 17 Hi diya 15 ka wheti leyi, ku ta va ni fexta. Ku ta dliwa mapawu ya ku kala fermentu ku ringana 7 wa masiku.+ 18 Hi siku la ku sungula ku ta va ni kongresu ya ku kwetsima. Mi nga yendli mintirho ya ku tika. 19 Mi ta nyikela gandzelo la ku hisiwa ka Yehovha hi swihon’wani swimbirhi swa xinuna, nyempfu yin’we ya xinuna ni 7 wa swinyempfani swa xinuna, leswi nga ni lembe lin’we. Mi fanele mi nyikela hi swifuyu swa ku hanya kahle.+ 20 Mi fanele mi swi nyikela ni magandzelo ya swona ya swakudla ya mpupu wa ku siliwa kahle lowu nga patsiwa ni mafurha,+ makilu manharhu ni hafu ka homu ya xinuna ni makilu mambirhi ka nyempfu. 21 Mi ta nyikela kilu lin’we ka 7 wa swinyempfani swa xinuna ha xin’we ha xin’we, 22 ni mbuti yin’we ya gandzelo la xidjoho leswaku mi ta kombeleliwa ku rivaleliwa. 23 Leswi swi ta nyikeliwa ku yengetela ka gandzelo la ku hisiwa la nimixo, leli yendliwaka siku ni siku. 24 Mi ta swi nyikela hi ndlela ya ku fana siku ni siku ku ringana 7 wa masiku swaku swi va gandzelo la swakudla,* swi ta hisiwa swi nun’hwela kahle ka Yehovha. Swi fanele swi nyikeliwa ni gandzelo la ku hisiwa la siku ni siku leli fambisanaka ni gandzelo la kona la vhinyu. 25 Hi siku la wu 7 mi fanele mi va ni kongresu ya ku kwetsima.+ A mi fanelanga mi yendla mintirho ya ku tika.+

26 “‘Hi siku la mihandzu leyi nga rhanga yi wupfa,+ loko mi nyikela gandzelo la swakudla ka Yehovha la leswi swa ha ku tshoveliwaka,+ mi fanele mi va ni kongresu ya ku kwetsima hi nkama wa fexta la ntshovelo.+ A mi fanelanga mi yendla mintirho ya ku tika.+ 27 Mi ta nyikela gandzelo la ku hisiwa leli tsakisaka ka Yehovha hi swihon’wani swimbirhi swa xinuna, nyempfu yin’we ya xinuna ni 7 wa swinyempfani swa xinuna leswi nga ni lembe lin’we,+ 28 ni gandzelo la swona la swakudla la mpupu wa ku siliwa kahle lowu nga patsiwa ni mafurha, makilu manharhu ni hafu ka homu ha yin’we ya xinuna, makilu mambirhi ka nyempfu ha yin’we ya xinuna, 29 mi ta nyikela hi kilu lin’we ka 7 wa swinyempfani swa xinuna ha xin’we xin’we, 30 ni ximbutani xin’we leswaku mi kombela ku rivaleliwa.+ 31 Mi ta swi nyikela ku yengetela ka gandzelo la ku hisiwa ni gandzelo la kona la swakudla la siku ni siku. Swi fanele swi va swifuyu swa ku hanya kahle,+ mi swi nyikela ni magandzelo ya swona ya vhinyu.

29 “‘Kutani hi siku la ku sungula la wheti ya wu 7, mi fanele mi va ni kongresu ya ku kwetsima. A mi fanelanga mi yendla mintirho ya ku tika.+ I siku leli mi faneleke mi chaya timhalamhala.*+ 2 Mi fanele mi nyikela xihon’wani xin’we xa xinuna, nyempfu yin’we ya xinuna, 7 wa swinyempfani swa xinuna leswi nga ni lembe lin’we na swi psaliwile, swaku swi va gandzelo la ku hisiwa li nun’hwela kahle ka Yehovha, hinkwaswu na swi hanye kahle, 3 ni gandzelo la swona la swakudla la mpupu wa ku siliwa kahle lowu nga patsiwa ni mafurha, makilu manharhu ni hafu* ka homu ya xinuna, makilu mambirhi* ka nyempfu, 4 ni kilu lin’we* ka 7 wa swinyempfani swa xinuna ha xin’we xin’we 5 ni xiphongo xaxitsongo swaku xi va gandzelo la xidjoho leswaku mi kombeleliwa ku rivaleliwa. 6 Leswi mi ta swi nyikela ku yengetela ka gandzelo la ku hisiwa la wheti ni wheti ni gandzelo la kona la swakudla+ ni gandzelo la ku hisiwa la siku ni siku ni gandzelo la kona la swakudla,+ ku patsa ni magandzelo ya swona ya vhinyu,+ hi ku ya hi leswi swi yendlisiwaka swona siku ni siku, swaku swi nun’hwela kahle; i gandzelo leli hiseliwaka Yehovha.

7 “‘Hi diya 10 ka wheti leyi ya wu 7, mi fanele mi va ni kongresu ya ku kwetsima,+ mi fanele mi tisola hi mhaka ya swidjoho swa n’wina. A mi fanelanga mi yendla mintirho ya ku tika.+ 8 Mi fanele mi nyikela xihon’wani xin’we xa xinuna, nyempfu yin’we ya xinuna, 7 wa swinyempfani swa xinuna ha xin’we na xi ni lembe lin’we, swaku swi va gandzelo la ku hisiwa li nun’hwela kahle ka Yehovha; hinkwaswu swi fanele swi hanye kahle.+ 9 Naswona ka gandzelo la swona la swakudla la mpupu wa ku siliwa kahle lowu nga patsiwa ni mafurha, makilu manharhu ni hafu ka homu ya xinuna, makilu mambirhi ka nyempfu ha yin’we ya xinuna, 10 kilu lin’we ka 7 wa swinyempfani swa xinuna ha xin’we xin’we 11 ku patsa ni ximbutani xin’we xa gandzelo la xidjoho, na ku nga kontiwi gandzelo la xidjoho la ku kombela ku rivaleliwa,+ ni gandzelo la ku hisiwa la siku ni siku ni gandzelo la kona la swakudla ku patsa ni magandzelo ya swona ya vhinyu.

12 “‘Hi diya 15 ka wheti ya wu 7, mi fanele mi va ni kongresu ya ku kwetsima. A mi fanelanga mi yendla mintirho ya ku tika naswona mi fanele mi yendlela Yehovha fexta* ku ringana 7 wa masiku.+ 13 Mi ta nyikela 13 wa swihon’wani swa xinuna, tinyempfu timbirhi, 14 wa swinyempfani swa xinuna, ha xin’we xi li ni lembe lin’we, swaku swi va gandzelo la ku hisiwa,+ gandzelo leli nga yendliwa hi ndzilu li nun’hwela kahle ka Yehovha; hinkwaswu swi fanele swi hanye kahle.+ 14 Naswona ka gandzelo la swona la swakudla la mpupu wa ku siliwa kahle lowu nga patsiwa ni mafurha, makilu manharhu ni hafu* ka homu yin’wani ni yin’wani ya xinuna ka hinkwatu ta 13, ni makilu mambirhi* ka nyempfu ha yin’we ya xinuna ka hinkwatu ta timbirhi, 15 ni kilu lin’we ka xinyempfani xin’wani ni xin’wani xa xinuna ka hinkwaswu swa 14, 16 ku patsa ni ximbutani xin’we swaku xi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la xona la swakudla ni gandzelo la xona la vhinyu.+

17 “‘Hi siku la wumbirhi, mi fanele mi nyikela 12 wa swihon’wani swa xinuna, tinyempfu timbirhi ta xinuna, 14 wa swinyempfani swa xinuna ha xin’we na xi ni lembe lin’we, hinkwaswu na swi hanye kahle,+ 18 ni magandzelo ya swona ya swakudla ni magandzelo ya swona ya vhinyu ka tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka xiswona siku ni siku, 19 ku patsa ni ximbutani xin’we swaku xi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la xona la swakudla ni magandzelo ya swona ya vhinyu.+

20 “‘Hi siku la wunharhu mi fanele mi nyikela 11 wa tihomu ta xinuna, tinyempfu timbirhi ta xinuna, 14 wa swinyempfani swa xinuna ha xin’we na xi ni lembe lin’we, hinkwaswu na swi hanye kahle,+ 21 ni gandzelo la swona la swakudla ni magandzelo ya swona ya vhinyu ka tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka swona siku ni siku, 22 ku patsa ni mbuti yin’we swaku yi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la yona la swakudla ni gandzelo la yona la vhinyu.+

23 “‘Hi siku la wu 4, mi fanele mi nyikela 10 wa tihomu ta xinuna, tinyempfu timbirhi ta xinuna, 14 wa swinyempfani swa xinuna ha xin’we na xi ni lembe lin’we, hinkwaswu na swi hanye kahle,+ 24 gandzelo la swona la swakudla ni magandzelo ya swona ya vhinyu ka tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka swona siku ni siku, 25 ku patsa ni ximbutani xin’we swaku xi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la xona la swakudla ni gandzelo la xona la vhinyu.+

26 “‘Hi siku la wu 5, mi fanele mi nyikela 9 wa tihomu ta xinuna, tinyempfu timbirhi ta xinuna, 14 wa swinyempfani swa xinuna ha xin’we na xi ni lembe lin’we, hinkwaswu na swi hanye kahle,+ 27 ni gandzelo la swona la swakudla ni magandzelo ya swona ya vhinyu ka tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka swona siku ni siku, 28 ku patsa ni mbuti yin’we swaku yi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la yona la swakudla ni gandzelo la yona la vhinyu.+

29 “‘Hi siku la wu 6, mi fanele mi nyikela 8 wa tihomu ta xinuna, tinyempfu timbirhi ta xinuna, 14 wa swinyempfani swa xinuna, ha xin’we na xi ni lembe lin’we, hinkwaswu na swi hanye kahle,+ 30 ni gandzelo la swona la swakudla ni magandzelo ya swona ya vhinyu ya tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka swona siku ni siku, 31 ku patsa ni mbuti yin’we swaku yi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la yona la swakudla ni gandzelo la yona la vhinyu.+

32 “‘Hi siku la wu 7, mi fanele mi nyikela 7 wa tihomu ta xinuna, tinyempfu timbirhi ta xinuna, 14 wa swinyempfani swa xinuna, ha xin’we na xi ni lembe lin’we, hinkwaswu na swi hanye kahle,+ 33 ni gandzelo la swona la swakudla, ni magandzelo ya swona ya vhinyu ka tihomu ta xinuna, tinyempfu ta xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka swona siku ni siku, 34 ku patsa ni mbuti yin’we swaku yi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la yona la swakudla ni gandzelo la yona la vhinyu.+

35 “‘Hi siku la wu 8, mi fanele mi yendla ntlhanganu wa ku hlawuleka. A mi fanelanga mi yendla mintirho ya ku tika.+ 36 Mi ta nyikela homu yin’we ya xinuna, nyempfu yin’we ya xinuna ni 7 wa swinyempfani swa xinuna, ha xin’we na xi ni lembe lin’we, swaku swi va gandzelo la ku hisiwa, li nun’hwela kahle ka Yehovha, hinkwaswu na swi hanye kahle,+ 37 ni gandzelo la swona la swakudla ni magandzelo ya swona ya vhinyu ya homu ya xinuna, nyempfu ya xinuna ni swinyempfani swa xinuna hi ku ya hi numeru ya swona, hi ku landza leswi swi yendlisiwaka xiswona siku ni siku, 38 ku patsa ni mbuti yin’we swaku yi va gandzelo la xidjoho, na ku nga kontiwi gandzelo la ku hisiwa la siku ni siku, gandzelo la yona la swakudla ni gandzelo la yona la vhinyu.+

39 “‘Leswi mi ta swi nyikela ka Yehovha ka mafexta ya n’wina ya nkama ni nkama,+ ku yengetela ka magandzelo lawa mi nga tshembisa ku ma yendla+ ni magandzelo ya n’wina ya ku tirhandzela,+ ku fana ni magandzelo ya n’wina ya ku hisiwa,+ ni magandzelo ya n’wina ya swakudla,+ ni magandzelo ya n’wina ya vhinyu+ ni magandzelo ya n’wina ya ku kombela ku rhula.’”+ 40 Moxe a byela Vayisrayele hinkwaswu leswi Yehovha a nga mu byela swona.

30 Se Moxe a byela varhangeli+ va tinxaka ta Israyele a ku: “Yehovha a hlaye leswi: 2 Loko wanuna o yendla xitshembiso+ ka Yehovha kumbe a funga+ ku titsona xanchumu, a fanele a yendla leswi a nga swi hlaya.+ A fanele a hetisisa hinkwaswu leswi a nga swi tshembisa.+

3 “Loko wansati o yendla xitshembiso ka Yehovha kumbe a funga swaku a ta titsona xanchumu na a ha li mutsongo naswona na a ha tshama kaya ka papayi wa yena, 4 kutani papayi wa yena a twa xitshembiso xolexo kumbe leswi a nga funga swaku a ta titsona swona naswona papayi wa yena a nga mu yaleli, switshembiso swa yena hinkwaswu leswi a nga swi tshembisa a fanele a swi hetisisa, ku patsa ni leswi a nga funga swaku a ta titsona swona. 5 Kambe loko papayi wa yena o mu tsimbisa loko a twa swaku a yendle switshembiso kumbe a funge ku titsona xanchumu, a swi bohi ku swi hetisisa. Yehovha a ta mu rivalela hikusa papayi wa yena a mu tsimbisile.+

6 “Kambe loko o chadiwa na a ha yendle xitshembiso kumbe a fungile hi magugu, 7 kambe nuna wa yena a nga mu yaleli hi siku leli a swi twaka hi lona, switshembiso swa yena kumbe leswi a nga funga ku titsona swona a fanele a swi yendla. 8 Kambe loko nuna wa yena o mu tsimbisa hi siku leli a swi twaka hi lona, a nga xi helisa xitshembiso lexo kumbe leswi a nga swi funga hi magugu,+ naswona Yehovha a ta mu rivalela.

9 “Kambe loko wansati lweyi a nga feliwa hi nuna kumbe wansati lweyi a nga heleliwa hi wukati o yendla xitshembiso, swo boha a hetisisa hinkwaswu leswi a nga swi tshembisa.

10 “Kambe loko wansati o yendla xitshembiso kumbe a funga ku titsona xanchumu na a ha li kaya ka nuna wa yena 11 kutani nuna wa yena a swi twa naswona a nga mu yaleli, switshembiso swa yena hinkwaswu kumbe leswi a nga funga ku titsona swona a fanele a swi hetisisa hikusa a tibohelile. 12 Kambe loko nuna wa yena o swi helisa swa wugamu switshembiso hinkwaswu kumbe leswi a nga funga ku titsona swona hi siku leli a nga swi twa hi lona, a swi bohi swaku a swi hetisisa.+ Nuna wa yena a swi helisile naswona Yehovha a ta mu rivalela wansati yelweyo. 13 Wanuna a ni mfanelo ya ku helisa kumbe ku pfumelela switshembiso hinkwaswu swa nsati wa yena kumbe hinkwaswu leswi a nga funga ku titsona swona. 14 Kambe loko ko hundza masiku na nuna wa yena a nga hlayi nchumu, leswi swi ta vula swaku wa pfumelelana ni switshembiso swa yena hinkwaswu kumbe leswi a nga funga ku titsona swona. A swi tiyisile hikusa a nga yalanga hi siku leli a nga mu twa na a swi yendla. 15 Kambe loko o swi helisa na se ku hundze masiku na a swi twile, a ta rhwala nandzu wa nsati wa yena.+

16 “Leyi i minawu leyi Yehovha a nga yi byela Moxe leyi tirhaka ka wanuna ni nsati wa yena, ka papayi ni n’wana wa yena wa ntombhi wamutsongo lweyi a ha tshamaka na yena kaya.”

31 Kutani Yehovha a byela Moxe a ku: 2 “Khatisa+ Vamidiyani+ hi mhaka ya leswi va nga swi yendla ka Vayisrayele. Se u ta gama u fa.”+

3 Se Moxe a byela vanhu a ku: “Lulamiselani vavanuna xikarhi ka n’wina leswaku va ta ya lwa ni Vamidiyani va yendla leswi Yehovha a swi lavaka, va va khatisa.* 4 U fanele u rhumela 1.000 wa vanhu anyimpini va lixaka lin’wani ni lin’wani ka tinxaka hinkwatu ta Israyele.” 5 Se ka mindjangu* ya Vayisrayele,+ ku langiwe 1.000 wa vanhu ka lixaka ha lin’we, 12.000 wa vanhu lava nga lulamiseliwa nyimpi.

6 Kutani Moxe a rhuma 1.000 wa vanhu va lixaka lin’wani ni lin’wani swaku va ya nyimpini, ku patsa na Feniyasi+ n’wana wa muprista Eliyazari lweyi a a rhwale swibya swa ku kwetsima, na a khome ni timhalamhala*+ leti nga ta chayiwa nyimpini. 7 Se va lwa ni Vamidiyani hi ku landza leswi Yehovha a nga swi byela Moxe, va dlaya vavanuna hinkwavu. 8 Ka lava nga dlayiwa, a ku ni 5 wa tihosi ta Vamidiyani, ku nga Evhi, Rekemi, Zuri, Huri na Reba. Va tlhele va dlaya na Balamu+ n’wana wa Beyori hi xipada. 9 Vayisrayele va teka vavasati ni vana va Vamidiyani va va yendla swikarawa. Va tlhela va teketela ni tihomu ta vona hinkwatu, tinyempfu ta vona hinkwatu ni minchumu ya vona hinkwayu. 10 Madoropa ya vona hinkwawu lawa a va tshama ka wona ni miminti* ya vona hinkwayu leyi nga ni mimuru va swi hise hi ndzilu. 11 Va teka swilo hinkwaswu ni tshomba hinkwalu, vanhu ni swifuyu. 12 Va gama va tisa swikarawa, tshomba ni swilo hinkwaswu ka Moxe na muprista Eliyazari ni ka Vayisrayele, amananga ya Mowabu+ akusuhi ni Yordani, aYeriko.

13 Se Moxe na muprista Eliyazari ni varhangeli hinkwavu va huma swaku va ya tlhangana na vona ahandle ka matende. 14 Kambe Moxe a kwatela varhangeli va masonchwa ya nyimpi, varhangeli va mintlawa ya 1.000 wa masonchwa ni varhangeli va mintlawa ya 100 wa masonchwa lava a va vuya hi nyimpini. 15 Moxe a va byela leswi: “Mi va tshikele yini vavasati hinkwavu va hanya? 16 Phela hi vona va nga byeliwa hi Balamu swaku va xengetela Vayisrayele leswaku va nga tshembeki+ ka Yehovha hi ku gandzela Peyori,+ lakakuva vanhu va Yehovha va za va weliwa hi ntungu.+ 17 Swoswi mi fanele mi dlaya vana hinkwavu va madjaha mi tlhela mi dlaya ni vavasati hinkwavu lava nga tshama va famba masangu ni wanuna. 18 Kambe swintombhani leswi kalaka swi nga se tshama swi famba masangu ni wanuna,+ swi tshikeni, mi nga swi dlayi. 19 Kutani mi fanele mi ya tshama handle ka matende anze ku hela 7 wa masiku. Mun’wani ni mun’wani wa n’wina lweyi a nga dlaya munhu ni mun’wani ni mun’wani lweyi a nga khumba ntsumbu+ a fanele a tibasisa+ hi siku la wunharhu ni hi siku la wu 7, n’wina ni swikarawa swa n’wina. 20 Mi fanele mi basisa mpahla, nchumu xin’wani ni xin’wani lexi nga yendliwa hi xikhumba, xin’wani ni xin’wani lexi nga yendliwa hi mavoya ya mbuti ni xin’wani ni xin’wani lexi nga yendliwa hi mapulangu.”

21 Se muprista Eliyazari a byela masonchwa lawa a ma ye nyimpini a ku: “Lowu i nawu lowu Yehovha a nga wu byela Moxe a ku: 22 ‘Woru, prata, kobre, nsimbi, xitanyu ni muthofu, 23 hinkwaswu leswi kalaka swi nga pshi loko swi hundzisiwa hi ka ndzilu, mi fanele mi swi basisa hi ndzilu, kutani swi ta va leswi nga basa. Kambe swi fanele swi tlhela swi basisiwa hi mati ya ku basisa hi wona.+ Hinkwaswu leswi pshaka loko swi hundzisiwa hi ka ndzilu, swi fanele swi basisiwa hi mati. 24 Hi siku la wu 7 mi fanele mi hlampsa mpahla ya n’wina, mi va lava nga tenga, se hi kona mi nga nghenaka ka matende.’”+

25 Kutani Yehovha a byela Moxe a ku: 26 “Konta swilo hinkwaswu leswi va nga vuya na swona hi nyimpini, u konta swikarawa ni swifuyu; swi konti na u na muprista Eliyazari ni varhangeli va mindjangu ya vanhu. 27 Swi yave hi xikarhi leswi va nga swi teka nyimpini, swi ta nyikiwa masonchwa lawa ma nga ya nyimpini ni vanhu hinkwavu.+ 28 Ka masonchwa lawa ma nga ya nyimpini u fanele u teka munhu mun’we ka 500 wa vona, homu yin’we ka 500 wa tihomu, ka timbongolo, ka tinyempfu ni timbuti, swaku swi va rhesa ka Yehovha. 29 U fanele u swi teka ka hafu leyi va nga yaveliwa yona, u swi nyika muprista Eliyazari swaku swi va munyikelo wa Yehovha.+ 30 Ka hafu leyi nga nyikiwa Vayisrayele, u fanele u teka xin’we ka 50 wa swona, ka vanhu, tihomu, timbongolo, tinyempfu ni timbuti u swi nyika Valevhi,+ lava tirhaka ka tabernakela ya Yehovha.”+

31 Moxe na muprista Eliyazari va yendla leswi Yehovha a nga swi byela Moxe. 32 Tshomba ni hinkwaswu leswi masonchwa ma nga swi teketela, a swi li 675.000 wa tinyempfu ni timbuti, 33 72.000 wa tihomu 34 ni 61.000 wa timbongolo. 35 32.000 wa vavasati lava kalaka va nga se tshama va famba masangu ni vavanuna.+ 36 Hafu leyi nga yaveliwa lava nga ya nyimpini a ku li 337.500 wa tinyempfu ni timbuti. 37 Rhesa la Yehovha leli nga susiwa ka tinyempfu ni timbuti toleto a li li la 675 wa tona. 38 A ku ni 36.000 wa tihomu naswona rhesa la tona ka Yehovha a ku li 72 wa tihomu. 39 A ku ni 30.500 wa timbongolo naswona rhesa la tona ka Yehovha a ku li 61 wa timbongolo. 40 A ku ni 16.000 wa vanhu naswona rhesa la vona ka Yehovha a ku li 32 wa vanhu. 41 Kutani Moxe a nyika muprista Eliyazari+ rhesa swaku li va munyikelo wa Yehovha, hi ku landza leswi Yehovha a nga mu byela swona.

42 Ka hafu leyi nga yaveliwa Vayisrayele, leyi Moxe a nga yi yava ka leswi nga nyikiwa masonchwa a ku ni leswi: 43 337.500 wa tinyempfu ni timbuti, 44 36.000 wa tihomu, 45 30.500 wa timbongolo 46 ni 16.000 wa vanhu. 47 Se ka hafu leyi nga yaveliwa Vayisrayele, Moxe a teke munhu mun’we ka 50 wa vanhu, ni xifuyu xin’we ka 50 wa swona a swi nyika Valevhi,+ lava a va tirha ka tabernakela ya Yehovha,+ hi ku landza leswi Yehovha a nga mu byela swona.

48 Kutani varhangeli va mintlawa ya masonchwa ya nyimpi,+ lava a va li varhangeli va mintlawa ya 1.000 wa masonchwa ni varhangeli va mintlawa ya 100 wa masonchwa va ya ka Moxe, 49 va fika va ku: “Vatirhi va wena va kontile masonchwa lawa ma rhangeliwaka hi hina naswona a ku choti munhu.+ 50 Kutani pfumelela mun’wani ni mun’wani wa hina a nyikela leswi a nga swi kuma swaku swi va gandzelo la Yehovha, swilo swa woru, mapulsera* ya minenge, mapulsera, ma aneli ya ku karimbara hi wona, switlan’wani swa tindleve ni swiphatiphati swin’wani leswaku hi ta kombela ku rivaleliwa ka Yehovha.”

51 Se Moxe na muprista Eliyazari va yamukela woru leli va nga li nyikela ni swiphatiphati hinkwaswu. 52 Woru hinkwalu leli va nga li nyikela ka Yehovha, leli nga nyikeliwa hi varhangeli va mintlawa ya 1.000 wa masonchwa ni varhangeli va mintlawa ya 100 wa masonchwa a li peza 190.950 wa makilu.* 53 Sonchwa lin’wani ni lin’wani li tipambulele swilo ka leswi nga tekiwa nyimpini. 54 Moxe na muprista Eliyazari va yamukele woru leli nga humesiwa hi varhangeli va mintlawa ya 1.000 wa masonchwa ni varhangeli va mintlawa ya 100 wa masonchwa, va li yisa ka tende la ntlhanganu swaku li va xitsundzuxu ka Vayisrayele aphambheni ka Yehovha.

32 Vana va Rubeni+ ni vana va Gadi+ a va ni swifuyu swa swinyingi, se va vona swaku tiko la Yazeri+ ni la Jiliyadi a ku li ndhawu yayinene ya swifuyu. 2 Va gama va ya ka Moxe na muprista Eliyazari ni varhangeli, va fika va ku: 3 “Madoropa ya Ataroti, Diboni, Yazeri, Nimira, Exiboni,+ Elele, Sebami, Nebo+ ni Beyoni,+ 4 ndhawu leyi Yehovha a nga yi hlulela Vayisrayele+ i ndhawu yayinene ya swifuyu naswona hina vatirhi va wena hi ni swifuyu swa swinyingi.”+ 5 Va tlhela va ku: “Loko u swi pfumelela, ndhawu leyi a yi nyikiwe vatirhi va wena swaku yi va tshomba la vona. U nga hi tlulelisi Nambu wa Yordani.”

6 Se Moxe a vutisa vana va Gadi ni vana va Rubeni a ku: “Indjhe vamakwenu va ta ya nyimpini kuve n’wina mo tshama lani? 7 Hi mhaka muni mi lava ku heta Vayisrayele matimba swaku va nga ngheni ka tiko leli Yehovha a nga ta va nyika lona ke? 8 Phela hi leswo vapapayi va n’wina va nga swi yendla nkama ni nga va rhuma va suka Kadexi-Barneya swaku va ya kambela tiko.+ 9 Nkama va nga fika ka Nkova wa Exikoli+ va vona tiko, va hete Vayisrayele matimba swaku va nga yi ka tiko leli Yehovha a a ta va nyika lona.+ 10 Yehovha a a kwate ngopfu hi siku lelo a za a funga a ku:+ 11 ‘Vavanuna lava va nga huma ka tiko la Gibita va ku sukela ka 20 wa malembe ku ya henhla, a va nga ta li vona tiko+ leli ni nga li fungela Abrahamu, Izaki na Yakobe,+ hikusa a va ni landzelanga hi mbilu ya vona hinkwayu, 12 ku to nghena ntsena Kalebe+ n’wana wa Yefune wa Mukenizi na Yoxuwa+ n’wana wa Nuni, hikusa va landzele Yehovha hi timbilu ta vona hinkwatu.’+ 13 Se Yehovha a kwatela Vayisrayele kutani a va rhendzelekisela mananga ku ringana 40 wa malembe,+ anze vanhu hinkwavu lava a va yendla swilo swa ku biha ka Yehovha va hela va ku jii.+ 14 Na n’wina mi tekelele vapapayi va n’wina, mi vadjohi lava va yendlaka swaku Yehovha a va kwatela hintamu Vayisrayele. 15 Loko mi nga mu landzeli, a ta tlhela a va tshika mananga, mi ta yendla swaku vanhu lava hinkwavu va weliwa hi khombo.”

16 Va game va tlhelela ka yena va fika va ku: “Hi pfumeleli hi yakela swifuyu swa hina swib’ala hi maribye, hi tlhela hi yakela vana va hina madoropa. 17 Kambe hi ta tshama hi lunghekile ku lwa nyimpi+ naswona hi ta famba ni Vayisrayele anze hi va fikisa lomu va yaka kona, kasi vana va hina va ta sala ka madoropa lawa ma nga ni mimuru, va hlayisekile ka vanhu lava tshamaka ka tiko leli. 18 A hi nge tlheleli makaya ka hina anze Vayisrayele hinkwavu va kuma ndhawu leyi nga tshomba la vona.+ 19 Hikusa a hi nga ta kuma tshomba na vona ka tlhelo lelin’wani la Nambu wa Yordani, hikusa hi kume tshomba la hina awuxeni ka Yordani.”+

20 Moxe a va hlamula a ku: “Loko mo yendla leswi: Mi khoma matlharhi mi ya lwa+ hi ku landza leswi Yehovha a nga swi hlaya; 21 naswona loko hinkwenu mo khoma matlharhi, mi tlulela nambu wa Yordani na Yehovha a swi vona, naswona na a li ku hlongoleni ka valala va yena lava va nga phambheni ka yena+ 22 anze tiko li hluliwa phambheni ka Yehovha,+ se hi kona mi nga ta vuya+ naswona mi ta va mi nga ha li na nandzu phambheni ka Yehovha ni ka Vayisrayele. Kutani tiko leli li ta va tshomba la n’wina phambheni ka Yehovha.+ 23 Kambe loko mo kala mi nga swi yendli leswi, mi ta va mi djohele Yehovha. Se mi ta khatisiwa hi mhaka ya xidjoho xa n’wina. 24 Kutani mi nga va yakela madoropa vana va n’wina, mi tlhela mi yakela mintlhambi ya n’wina swib’ala,+ kambe mi fanele mi yendla leswi mi nga swi tshembisa.”

25 Vana va Gadi ni vana va Rubeni va byela Moxe va ku: “Vatirhi va wena va ta yendla leswi hosi ya hina yi nga swi hlaya. 26 Vana va hina, vasati va hina, mintlhambi ni swifuyu swa hina hinkwaswu swi ta tshama ka madoropa ya Jiliyadi,+ 27 kambe vatirhi va wena va ta tlulela nambu, wanuna mun’wani ni mun’wani na a khomile matlharhi swaku a ya lwela Yehovha,+ hi ku landza leswi hosi ya hina yi nga swi hlaya.”

28 Se Moxe a nyika minawu muprista Eliyazari, Yoxuwa n’wana wa Nuni ni varhangeli va mindjangu ya tinxaka ta Israyele. 29 Moxe a va byela a ku: “Loko vana va Gadi ni vana va Rubeni vo tlulela na n’wina Nambu wa Yordani, na vavanuna hinkwavu va lunghekile ku lwa nyimpi phambheni ka Yehovha, se tiko li hluliwa phambheni ka n’wina, mi ta gama mi va nyika tiko la Jiliyadi swaku li va tshomba la vona.+ 30 Kambe loko vo kala va nga khomi matlharhi va tlulela na n’wina nambu, va ta tshama na n’wina ka tiko la Kanana.”

31 Se vana va Gadi ni vana va Rubeni va hlamula va ku: “Hi ta yendla leswi Yehovha a nga swi byela vatirhi va wena. 32 Hi ta khoma matlharhi hi tlulela nambu hi ya lwela Yehovha ka tiko la Kanana,+ kambe tshomba la hina li le ka tlhelo leli la Yordani.” 33 Kutani Moxe a nyika vana va Gadi, vana va Rubeni+ ni hafu ya lixaka la Manasi+ n’wana wa Yosefa mfumu wa Sihoni+ hosi ya Vaamori ni mfumu wa Ogi+ hosi ya Baxani, ku nga tiko leli nga ni madoropa lawa ma lumbaka ndhawu yoleyo ni madoropa lawa ma nga yakiwa kusuhi na lona.

34 Se vana va Gadi va yaka* doropa la Diboni,+ Ataroti,+ Arowa,+ 35 Atroti-Xofani, Yazeri,+ Yogibeya,+ 36 Beti-Nimira+ ni Beti-Harani,+ ku nga madoropa lawa a ma ni mimuru, va tlhela va yakela swifuyu swa vona swib’ala hi maribye. 37 Vana va Rubeni va yake doropa la Exiboni,+ Elele,+ Kiriyatayimi,+ 38 Nebo+ ni Bali-Meyoni,+ mavito ya wona ma txintxiwile, va yaka ni Xibima; kutani va gama va sungula ku txintxa mavito ya madoropa lawa va nga ma yaka.*

39 Vana va Makiri+ n’wana wa Manasi va hlasela doropa la Jiliyadi va li teka kutani va hlongola Vaamori lava a va tshama kolanu. 40 Se Moxe a nyika Makiri n’wana wa Manasi doropa la Jiliyadi, a gama a sungula ku tshama ka lona.+ 41 Yayiri n’wana wa Manasi a hlasela swidoropani swa Jiliyadi, a swi teka a gama a swi chula vito a ku i Avhoti-Yayiri.*+ 42 Noba a hlasela doropa la Kenati ni swidoropani leswi nga kusuhi na lona kutani a swi chula vito la yena la Noba.

33 Vayisrayele va fambise xileswi, nkama va nga huma ka tiko la Gibita+ hi ku ya hi mintlawa*+ ya vona, na va rhangeliwa hi Moxe na Aroni.+ 2 Moxe a a tsala tindhawu leti a va sukela ka tona nkama na va famba hi ku landza leswi Yehovha a nga mu byela swona, se va fambise leswi:+ 3 Va suke Ramisesi+ hi diya 15 ka wheti ya ku sungula.+ Hi siku leli landzelaka siku la Paxkwa,+ Vayisrayele va hume Gibita na va nga chavi nchumu na va voniwa hi Vagibita hinkwavu. 4 Ka nkama wolowo Vagibita a va li ku lahleni ka matevula hinkwawu lawa ma nga dlayiwa hi Yehovha,+ hikusa Yehovha a a yavanyise swikwembu swa vona.+

5 Vayisrayele va suke Ramisesi va ya gwimba matende aSukoti.+ 6 Va suke Sukoti va ya gwimba matende aEtamu+ ka tlhelo la mananga. 7 Va suka aEtamu va tlhelela aPiyayiroti lomu ku nga txuvukana ni Bali-Zefoni,+ va fika va gwimba matende phambheni ka Migidoli.+ 8 Va game va suka Piyayiroti va hundza hi xikarhi ka lwandle+ va ya mananga;+ va fambe masiku manharhu amananga ya Etamu,+ se va fika va gwimba matende aMara.+

9 Se va suka Mara va ya Elimi. Le Elimi a ku ni 12 wa swihlovo swa mati ni 70 wa minsinya ya mintxindzu, va fika va gwimba matende kolanu.+ 10 Va suka Elimi va ya gwimba matende kusuhi ni Lwandle la Ku Pshuka. 11 Va gama va suka ka Lwandle la Ku Pshuka va ya gwimba matende amananga ya Sini.+ 12 Va suka mananga ya Sini va ya gwimba matende aDofika. 13 Va gama va suka aDofika va ya gwimba matende Aluxi. 14 Se va suka Aluxi va ya gwimba matende aRefidimi,+ lomu a ku nga na mati ya ku phuza. 15 Va gama va suka aRefidimi va ya gwimba matende amananga ya Sinayi.+

16 Va suka mananga ya Sinayi va ya gwimba matende aKibroti-Atavha.+ 17 Kutani va suka aKibroti-Atavha va ya gwimba matende aHazeroti.+ 18 Se va gama va suka aHazeroti va ya gwimba matende aRitima. 19 Va gama va suka aRitima va ya gwimba matende aRimoni-Perezi. 20 Se va suka aRimoni-Perezi va ya gwimba matende aLibina. 21 Va suka aLibina va ya gwimba matende aRisa. 22 Va gama va suka aRisa va ya gwimba matende aKehelatani. 23 Kutani va suka aKehelatani va ya gwimba matende ka Ntshava ya Xeferi.

24 Va gama va suka ka Ntshava ya Xeferi va ya gwimba matende aArada. 25 Kutani va suka aArada va ya gwimba matende aMakheloti. 26 Va suka+ aMakheloti va ya gwimba matende aTahati. 27 Va gama va suka aTahati va ya gwimba matende aTera. 28 Va suka aTera va ya gwimba matende aMitika. 29 Va gama va suka aMitika va ya gwimba matende aAximona. 30 Va suka aAximona va ya gwimba matende aMosera. 31 Kutani va suka aMosera va ya gwimba a matende aBene-Yakani.+ 32 Va gama va suka aBene-Yakani va ya gwimba matende aOri-Ajidadi. 33 Va gama va suka aOri-Ajidadi va ya gwimba matende aYotibata.+ 34 Va gama va suka aYotibata va ya gwimba matende aAbirona. 35 Kutani va suka aAbirona va ya gwimba matende aEziyoni-Yeberi.+ 36 Va gama va suka aEziyoni-Yeberi va ya gwimba matende amananga ya Zini,+ ku nga Kadexi.

37 Va gama va suka aKadexi va ya gwimba matende ka Ntshava ya Ori,+ lomu tiko la Edomu li sukelaka kona. 38 Kutani muprista Aroni a khwela ka Ntshava ya Ori hi ku landza leswi Yehovha a nga swi hlaya a gama a fela kolanu, hi lembe la wu 40 la ku huma ka Vayisrayele ka tiko la Gibita, hi siku la ku sungula la wheti ya wu 5.+ 39 Aroni a a ni 123 wa malembe nkama a nga fa ka Ntshava ya Ori.

40 Se hosi ya le Aradi+ leyi a yi li Mukanana naswona a yi tshama aNegebi ka tiko la Kanana, yi twe swaku Vayisrayele va le ku teni.

41 Hi ku famba ka nkama Vayisrayele va suka ka Ntshava ya Ori+ va ya gwimba matende aZalimona. 42 Va gama va suka aZalimona va ya gwimba matende aPunoni. 43 Kutani va suka aPunoni va ya gwimba matende aOboti.+ 44 Va suka aOboti va ya gwimba matende aIye-Abarimi, kusuhi* ni Mowabu.+ 45 Va gama va suka aIyimi va ya gwimba matende aDiboni-Gadi.+ 46 Va gama va suka aDiboni-Gadi va ya gwimba matende aAlimoni-Diblatayimi. 47 Se va suka aAlimoni-Diblatayimi va ya gwimba matende ka tintshava ta Abarimi,+ phambheni ka Nebo.+ 48 Hi wugamu va suka ka tintshava ta Abarimi va ya gwimba matende amananga ya le Mowabu, kusuhi ni Yordani aYeriko.+ 49 Va tshame kusuhi ni Nambu wa Yordani swa nkamanyana ku sukela aBeti-Yeximoti anze Abel-Xitimi+ amananga ya Mowabu.

50 Yehovha a khuluma na Moxe amananga ya Mowabu aYordani kusuhi ni Yeriko a ku: 51 “Byela Vayisrayele u ku: ‘Mi ta tlulela Nambu wa Yordani mi ya ka tiko la Kanana.+ 52 Mi fanele mi hlongola vanhu hinkwavu lava va tshamaka ka tiko leli, mi fayetela swikwembu swa vona hinkwaswu swa maribye+ ni leswi nga yendliwa hi nsimbi,+ mi fanele mi diliza ni tindhawu ta vona hinkwatu leti va phahlaka ka tona.+ 53 Mi ta teka tiko mi tshama ka lona, hikusa ni ta mi nyika lona li va tshomba la n’wina.+ 54 Mi fanele mi yavelana tiko*+ swaku li va tshomba la mindjangu ya n’wina. Lava va nga vanyingi mi ta va yavela ndhawu yayikulu, kasi lava va nga vatsongo mi ta va yavela ndhawu yayitsongo.+ Hinkwavu va ta nyikiwa ndhawu hi ku ya hi lani swiribyani* swi nga ta wela kona. Mi ta nyikiwa tiko swaku li va tshomba la n’wina hi ku ya hi tinxaka ta vapapayi va n’wina.+

55 “‘Kambe loko mi nga va hlongoli hinkwavu vanhu lava va tshamaka ka tiko leli,+ lava mi nga ta va tshika va sala, va ta fana ni xilavi ka matihlo ya n’wina ni mimintwa ka muzimbha wa n’wina. Va ta mi karhata ti nga teki ka tiko leli mi nga ta va mi tshama ka lona.+ 56 Kutani leswi a ni ta swi yendla ka vona, ni ta swi yendla ka n’wina.’”+

34 Yehovha a tlhela a byela Moxe a ku: 2 “Byela Vayisrayele u ku: ‘Loko mi nghena ka tiko la Kanana,+ mi ta yamukela tiko leli swaku li va tshomba la n’wina, tiko la Kanana hi ku ya hi lomu li tsemaka hi kona.*+

3 “‘Ka tlhelo la sul* li ta tsema ku sukela ka mananga ya Zini lama nga kusuhi ni Edomu, kasi ka tlhelo la le wuxeni li ta sukela ka Lwandle la Munyu.*+ 4 Magamu ya ndhawu ya n’wina ma ta djika ma ya hundza hi le sul wa Akrabimi+ ma ya Zini, ma ya helela a sul wa Kadexi-Barneya.+ Kutani ma ta tlhela ma ya Azari-Adari+ anze ma ya fika aAzimoni. 5 Magamu ya ndhawu ya n’wina ma ta djika ma ya Azimoni ma kongoma Nkova wa Gibita, ma ya helela aLwandle.*+

6 “‘Magamu ya ndhawu ya n’wina awupeladlambu, ma ta va Lwandle Lalikulu* ni ndhawu leyi nga kusuhi ni lwandle. Lawa ma ta va magamu ya ndhawu ya n’wina awupelandlambu.+

7 “‘Magamu ya ndhawu ya n’wina ka tlhelo la norte* hi lawa: Mi ta markara ku sukela ka Lwandle Lalikulu anze ka Ntshava ya Ori.+ 8 Mi ta markara magamu ya ndhawu ya n’wina ku sukela ka Ntshava ya Ori ku ya aLebo-Amati*+ anze ma ya helela aZedadi.+ 9 Magamu ya ndhawu ya n’wina ma ta ya Zifroni naswona ma ta helela aAzari-Enani.+ Lawa ma ta va magamu ya ndhawu ya n’wina ka tlhelo la norte.

10 “‘Mi fanele mi markara magamu ya ndhawu ya n’wina awuxeni ku sukela aAzari-Enani anze Xefami. 11 Magamu ya ndhawu ya n’wina ma ta sukela aXefami ma ya aRibala awuxeni ka Ayini, ma ta xika ma hundza tlhelweni ka xinkovani xa le wuxeni ka Lwandle la Kinereti.*+ 12 Magamu ya ndhawu ya n’wina ma ta kongoma Yordani ma ya helela ka Lwandle la Munyu.+ Leli li ta va tiko la n’wina+ ni lomu li tsemaka hi kona.’”

13 Se Moxe a byela Vayisrayele a ku: “Leli i tiko leli mi nga ta hoxa swiribyani swaku mi yavelana lona,*+ hi ku landza leswi Yehovha a nga swi hlaya swaku li nyikiwa 9 wa tinxaka ni hafu. 14 Hikusa lixaka la vana va Rubeni hi ku ya hi mindjangu ya vona, lixaka la vana va Gadi hi ku ya hi mindjangu ya vona ni hafu ya lixaka la Manasi, se va li kumile tshomba la vona.+ 15 Tinxaka letimbirhi ni hafu, se ti langile tshomba la tona awuxeni ka Yordani kusuhi ni Yeriko hi ka tlhelo la wuxeni.”+

16 Yehovha a tlhela a byela Moxe a ku: 17 “Lawa i mavito ya vavanuna lava va nga ta mi yavela tiko: Muprista Eliyazari+ na Yoxuwa+ n’wana wa Nuni. 18 Mi ta teka murhangeli mun’we ka lixaka ha lin’we swaku a mi yavela tiko.+ 19 Mavito ya varhangeli va kona hi lawa: Ka lixaka la Yuda+ ku ta va Kalebe+ n’wana wa Yefune; 20 ka lixaka la vana va Simiyoni,+ ku ta va Xemuwele n’wana wa Amiyudi; 21 ka lixaka la Benjamini,+ ku ta va Elidadi n’wana wa Kisiloni; 22 ka lixaka la vana va Dani,+ ku ta va murhangeli Buki, n’wana wa Yogili; 23 ka vana va Yosefa,+ ka lixaka la vana va Manasi+ ku ta va murhangeli Aniyeli, n’wana wa Efodi; 24 ka lixaka la vana va Efrayimi,+ ku ta va murhangeli Kemuwele, n’wana wa Xifitani; 25 ka lixaka la vana va Zebuloni,+ ku ta va murhangeli Elizafani, n’wana wa Parinaki; 26 ka lixaka la vana va Isakara,+ ku ta va murhangeli Palitiyele, n’wana wa Azani; 27 ka lixaka la vana va Aseri,+ ku ta va murhangeli Ayiyudi, n’wana wa Xelomi; 28 ka lixaka la vana va Naftali,+ ku ta va murhangeli Pedaheli, n’wana wa Amiyudi.” 29 Lava hi vona lava Yehovha a nga hlaya swaku va yavela Vayisrayele tiko la Kanana.+

35 Yehovha a tama a khuluma na Moxe ka mananga ya le Mowabu aYordani+ le Yeriko a ku: 2 “Rhuma Vayisrayele swaku va nyika Valevhi madoropa ya ku tshama ka wona ka tshomba leli va nga ta li kuma,+ va fanele va va nyika ndhawu ya ku lusela ka yona leyi nga kusuhi ni madoropa wolawo.+ 3 Va ta tshama ka madoropa wolawo, kasi tindhawu ta ku lusela ka tona ti ta va ta mintlhambi ya vona, swilo swa vona ni swifuyu leswin’wani hinkwaswu swa vona. 4 Tindhawu ta ku lusela ka tona leti nga ka madoropa leti nga ta nyikiwa Valevhi, ti fanele ti sukela ka khumbi la doropa, ti yanama 445* wa mametru ka matlhelo hinkwawu. 5 Ahandle ka doropa mi fanele mi pima 890* wa mametru ku ya awuxeni, 890 wa mametru ku ya sul,* 890 wa mametru ku ya awupeladlambu ni 890 ku ya norte,* se doropa li fanele li va xikarhi. Leti ti ta va tindhawu ta ku lusela ka tona ta madoropa ya vona.

6 “Mi ta nyika Valevhi 6 wa madoropa ya ku tumbela ka wona,+ swaku munhu lweyi a kalaka a nga dlayanga hi maxivomu a balekela ka wona,+ ku patsa ni 42 wa madoropa man’wani. 7 Mi ta nyika Valevhi 48 wa madoropa ni tindhawu ta kona ta ku lusela ka tona.+ 8 Madoropa lawa mi nga ta va nyika wona ma ta susiwa ka tshomba la Vayisrayele.+ Ka lava nga vanyingi mi ta teka ya manyingi, ka lava nga vatsongo mi ta teka yamatsongo.+ Ntlawa wun’wani ni wun’wani wu ta nyika Valevhi madoropa man’wani ya wona, hi ku ya hi mpimu wa tshomba leli wu nga ta li kuma.”

9 Yehovha a tlhela a byela Moxe a ku: 10 “Byela Vayisrayele u ku: ‘Leswi mi tlulelaka Nambu wa Yordani mi ya ka tiko la Kanana,+ 11 mi fanele mi langa madoropa ya ku tumbela ka wona, lawa swi nga ta mi vevukela ku fika ka wona, leswaku lweyi a nga ta tshuka a phazama a dlaya munhu a balekela kona.+ 12 Madoropa lawa, ma ta va ndhawu ya n’wina ya ku tumbela ka yona loko mi baleka xaka la lweyi a nga dlayiwa,+ leswaku lweyi a nga dlaya a nga dlayiwi anze mhaka ya yena yi ya thethiwa phambheni ka xitshungu.+ 13 A 6 wa madoropa ya ku tumbela ka wona lawa mi nga ta ma langa ma ta tirhela ku yendla leswo. 14 Mi ta langa madoropa manharhu ka tlhelo leli la Yordani+ ni madoropa manharhu ka tiko la Kanana,+ ma ta va madoropa ya ku tumbela ka wona. 15 A 6 wa madoropa lawa ya ku tumbela ka wona ma ta tirhisiwa hi Vayisrayele, munhu wa tiko lin’wani+ ni munhu lweyi a tshamaka na vona, leswaku lweyi a nga ta tshuka a phazama a dlaya munhu a ta balekela kona.+

16 “‘Kambe loko o mu ba hi nsimbi a fa, i mudlayi. Mudlayi a fanele a dlayiwa.+ 17 Loko o mu ba hi ribye leli nga dlayaka munhu a gama a fa, i mudlayi. Mudlayi a fanele a dlayiwa. 18 Loko o mu ba hi mhandzi leyi nga dlayaka munhu a gama a fa, i mudlayi. Mudlayi a fanele a dlayiwa.

19 “‘Xaka* la lweyi a nga dlayiwa hi lona li nga ta dlaya mudlayi yelweyo. Loko li tlhangana na yena, li ta mu dlaya. 20 Loko munhu o fa hileswi a nga mu susumeta hi mhaka ya leswi a mu nyenyaka kumbe a mu ba hi nchumu hi ku lava ku mu vavisa,+ 21 kumbe a mu ba a za a fa hi mhaka ya leswi a mu nyenyaka, lweyi a nga mu ba a fanele a dlayiwa. I mudlayi. Loko xaka la lweyi a nga dlayiwa li tlhangana na yena, li ta mu dlaya.

22 “‘Kambe loko o mu susumeta hi ku phazama kuve a a nga mu nyenyi kumbe a mu djikidjela hi nchumu na a nga lavi ku mu vavisa,+ 23 kumbe a tshuka a wisa ribye li mu wela na a nga mu voni naswona na a nga li nala wa yena kumbe na a nga swi lavi ku mu vavisa a gama a fa, 24 vayavanyisi va fanele va yavanyisa xikarhi ka lweyi a nga mu ba ni xaka la lweyi a nga dlayiwa, hi ku landza minawu leyi.+ 25 Kutani vayavanyisi va fanele va ponisa* mudlayi ka xaka la lweyi a nga dlayiwa, va mu tlhelisela ka doropa la ku tumbela ka lona leli a nga balekela ka lona; a fanele a tshama kona anze muprista wamukulu lweyi a nga langiwa hi ku cheliwa mafurha ya ku kwetsima+ a fa.

26 “‘Kambe loko mudlayi o huma ka doropa la ku tumbela ka lona leli a nga balekela ka lona, 27 se xaka la lweyi a nga dlayiwa li mu kuma handle ka doropa la ku tumbela ka lona, li gama li mu dlaya, a li nga ta va ni nandzu. 28 Hikusa mudlayi a fanele a tshama ka doropa la ku tumbela ka lona anze muprista wamukulu a fa. Kambe a nga tlhelela ka tiko la yena+ loko muprista wamukulu se a file. 29 Leyi i minawu leyi mi nga ta yi landzela loko mi yavanyisa vanhu naswona yi ta tlhela yi tirha ni ka vatukulu lava nga ta landzela, hinkwaku lomu mi tshamaka kona.

30 “‘Mun’wani ni mun’wani lweyi a dlayaka munhu,+ a fanele a dlayiwa loko ku ni wufakazi la timboni;+ kambe a ku na munhu lweyi a nga ta dlayiwa hi mhaka ya wufakazi la mboni yin’we ntsena. 31 Mi nga tshuki mi yamukela male ya ku ponisa mudlayi lweyi a faneliwaka hi ku fa, hikusa a fanele a dlayiwa.+ 32 Mi nga tshuki mi yamukela male ya ku chunsa munhu lweyi a nga baleka a ya ka tiko la ku tumbela ka lona, leswaku a kota ku tlhelela ka tiko la yena na muprista wamukulu a nga se fa.

33 “‘Mi nga tshuki mi chakisa tiko leli mi tshamaka ka lona, hikusa ngati yi chakisa tiko,+ naswona a ku na ku rivaleliwa ka ngati leyi nga halatiwa atikweni, ku to rivaleliwa ntsena loko ngati ya lweyi a nga yi halata a dlayiwa.+ 34 Mi nga tshuki mi chakisa tiko leli mi tshamaka ka lona, leli na mina ni tshamaka ka lona; hikusa mina Yehovha, ni tshama xikarhi ka Vayisrayele.’”+

36 Varhangeli va lixaka la Jiliyadi n’wana wa Makiri,+ n’wana wa Manasi va mindjangu ya vana va Yosefa, va ye ka Moxe ni ka varhangeli va tiko, ku nga Varhangeli va mindjangu ya Vayisrayele. 2 Va fika va ku: “Yehovha a byele hosi ya mina swaku yi yavela Vayisrayele tiko hi ku tirhisa swiribyani*+ naswona Yehovha a byele hosi ya mina swaku yi teka tshomba la makwerhu wa hina Zelofeyadi yi li nyika vana va yena va tintombhi.+ 3 Loko vo chadiwa hi vavanuna va lixaka lin’wani la Israyele, tshomba la vavasati lava li ta tekiwa ka tshomba la vapapayi va hina, li patsiwa ni tshomba la lixaka leli va nga chadiwa ka lona; leswo swi vula swaku li ta susiwa ka tshomba la hina leli ku nga hoxiwa swiribyani* swaku hi yaveliwa. 4 Kutani loko ku fika Lembe la Chunseko*+ la Vayisrayele, tshomba la vavasati lava li ta patsiwa ni tshomba la lixaka leli va nga chadiwa ka lona, lakakuva tshomba la vona li ta susiwa ka tshomba la lixaka la vapapayi va hina.”

5 Se Moxe a byela Vayisrayele leswi Yehovha a nga mu byela swona a ku: “Leswi lixaka la vana va Yosefa li swi vulaka i ntiyiso. 6 Leswi hi leswi Yehovha a nga swi vula hi vana va tintombhi va Zelofeyadi: ‘Va nga tekiwa hi lweyi va mu lavaka. Kambe va fanele va tekiwa hi wanuna wa lixaka la papayi wa vona. 7 Tshomba la Vayisrayele a li fanelanga li suka ka lixaka lin’wani li ya ka lixaka lin’wani, li fanele li tshama ka lixaka la vavhovho va vona. 8 Ntombhi yin’wani ni yin’wani leyi yi nga ni tshomba xikarhi ka tinxaka ta Israyele, yi fanele yi tekiwa hi wanuna wa lixaka la papayi wa yona,+ leswaku Vayisrayele va ta tshama ni tshomba la vavhovho va vona. 9 Tshomba la lixaka lin’wani ni lin’wani a li fanelanga li tekiwa hi lixaka lin’wani, hikusa tinxaka ta Israyele ti fanele ti tshama ni tshomba la tona.’”

10 Vana va tintombhi va Zelofeyadi va yendla leswi Yehovha a nga swi byela Moxe.+ 11 Kutani Mala, Tiraza, Ogla, Milka na Nowa, ku nga vana va tintombhi va Zelofeyadi+ va chade ni vana va vamakwavu va papayi wa vona. 12 Va chadiwe hi vavanuna va mindjangu ya Manasi n’wana wa Yosefa, leswaku tshomba la vona li ta tshama ka lixaka la ndjangu wa papayi wa vona.

13 Leyi i minawu ni swiboho leswi Yehovha a nga swi nyika Vayisrayele hi ku tirhisa Moxe nkama a va li mananga ya le Mowabu aYordani le Yeriko.+