XIPHEMU 6

I Mpsini Leswi Hi Nga Swi Djondzaka Ka Ndhambi Yayikulu?

Xikwembu xi helise vanhu lava a va ni mahanyelo ya ku biha kambe xi ponise Nowa ni ndjangu wa yena. Genesa 7:11, 12, 23

Ngalava na yi le henhla ka mati, vanhu va ku biha na va helisiwa naswona tintsumi leti nga djikela Xikwembu na ti tlhelela tilweni

Mpfula yi ne 40 wa masiku, ni wusiku la 40 naswona mati ma tate misava hinkwayu. Vanhu hinkwavu lava a va ni mahanyelo ya ku biha va helisiwile.

Tintsumi leti nga djikela Xikwembu ti txintxe muzimbha wa tona ti va madimoni.

Nowa ni ndjangu wa yena ni swiharhi na va huma ka ngalava, naswona ku humelela kwangulatilo atilweni

Lava a va li ka ngalava va ponile. Hambileswi hi ku famba ka nkama Nowa ni ndjangu wa yena va nga gama va fa, Xikwembu xi ta tlhela xi va pfuxa leswaku va hanya hi masiku ni masiku.

Xikwembu xi ta helisa vanhu hinkwavu lava yendlaka swa ku biha kambe xi ta ponisa lava yendlaka swaswinene. Matewu 24:37-39

Sathana ni madimoni ya yena va tirhisa tindlela ta ku hambanahambana leswaku va kanganyisa vanhu

Sathana ni madimoni ya yena va ha tama va kanganyisa vanhu.

Ku fana ni le nkameni wa Nowa, vanhu va vanyingi namuntlha a va wu nyiki lisima nkongomiso wa Xikwembu. Ku nga li khale, Yehovha a ta helisa hinkwavu lava yendlaka swa ku biha. — 2 Pedru 2:5, 6.

Timboni ta Yehovha na ti chumayela wanuna; wanuna na a lerha Bibele

Ku ni vanhu namuntlha lava fanaka na Nowa, va yingisaka Xikwembu naswona va yendlaka leswi xi swi lavaka; vanhu volavo i Timboni ta Yehovha.