Tama U Lehisa Mbilu

I Mpsini Leswi Yesu A Nga Swi Yendla?

VHIDIYO: Yesu A Pfuna Makwavu Wa Yena Hi Ku Lehisa Mbilu

1. Sixtira VHIDIYO, kumbe u lerha Yohani 7:3-5 ni 1 Vakorinto 15:3, 4, 7. U gama u hlamula swivutiso leswi landzelaka:

1. Vamakwavu va Yesu va hlamulise ku yini nkama va nga twa mahungu ya ku tsakisa?

2. I mpsini leswi kombisaka swaku Yesu a nga mu tsukulanga makwavu wa yena Yakobe?

Hi Djondza Yini Ka Leswi Yesu A Nga Swi Yendla?

2. Hi fanele hi lehisa mbilu hikusa vanhu van’wani va hlwela ku yamukela mahungu ya ku tsakisa ku tlula van’wanyani.

Tekelela Xikombiso Xa Yesu

3. Zama ku tirhisa swilo swa ku hambanahambana. Loko munhu a nga swi lavi ku djondza Bibele u nga mu sindzisi. Loko swi fanelile tirhisa mavhidiyo kumbe tinhlokomhaka leti nga ka marevhixta kumbe mabuku, swaku u mu pfuna ku twisisa leswi swi yendlekaka ka djondzo ya Bibele ni leswi swi nga mu pfunisaka xiswona ku djondza Bibele.

4. U nga mu fananisi ni vanhu van’wani. Hina vanhu ha hambana naswona a ku na lweyi a fanaka ni mun’wani. Loko xaka la wena kumbe revhizita la wena swi li karhatela ku pfumela ku djondza Bibele kumbe ku pfumela mhaka yin’wani leyi nga ka Bibele, zama ku vona swaku hi mhaka muni swi mu karhatela. Ku nga va swaku ku ni wukhongeli leli a li rhandzaka hintamu? Ku nga va swaku ku ni maxaka kumbe vanghanu lava va mu xengetelaka? Mu nyiki nkama wa ku pimisa hi leswi u nga mu byela swona ni wa ku vona lisima la leswi Bibele li swi djondzisaka.

5. Khongelela munhu lweyi a tsakelaka mahungu ya ku tsakisa. Kombela Yehovha swaku a ku pfuna ku vulavula hi ndlela yayinene ni ku tlhela u va ni vonelo lalinene. Khongela u kombela wutlharhi la ku tiva nkama wa ku tshika ku lavetela munhu lweyi a kalaka a nga ma tsakeli mahungu ya ku tsakisa. — 1 Ko. 9:26.