Se Uwu Kumile Ntiyiso?

Kuhundze malembe yotala na kunga tiviwi nhlamulu ya xivutiso lexi, naswona mintungu ayi dlayetela vanhu va mamiliyoni. Hi wugamu, vasiyentixta vawu kumile ntiyiso. Va tsumbule swaku minkama ya kutala mavabyi ama vangiwa hi switsongwatsongwani swa kufana ni ma bactéria kumbe ma vírus. Hi kutiva ntiyiso lowu, vanhu va kote kudaha ni kutivhikela ka mavabyi yotala. Leswi swi yendle swaku vanhu va hanya malembe ya manyingi na va ni wutomi la kahle.

Se hi li yini hi swivutiso swin’wana swa lisima? Swingaku pfuna hi yini kukuma ntiyiso hi swivutiso leswi?

• I mani Xikwembu?

• I mani Yesu Kreste?

• I yini Mfumu wa Xikwembu?

• I mpsini swingata yendleka nkama lowu taka?

Mamiliyoni ya vanhu vati kumile tinhlamulu ta swivutiso leswi naswona ti yampsise wutomi la vona. Tinhlamulu toleto tingaku pfuna na wena.

UNGAWU KUMA NTIYISO

Ungaha tivutisa u ku: ‘Swinga kotekisa kuyini kukuma ntiyiso ka minchumu hinkwayu?’ Phela kutiva ntiyiso ka minchumu hinkwayu ingi swo ya swi karhata ngopfu. Hi mhaka muni?

Vanhu va kutala avawu tshembi mfumu, ni vaxavisi, hambi va jornalixta. Swava karhatela kuhambanisa minchumu leyinga yendleka ni mavonelo ya vanhu, kumbe loko munhu a tumbeta ntiyiso ni loko a hemba. Leswi vanhu va kalaka vangaha tshembani ni leswi kunga tala mavunhwa, avaha kholwi nchumu naswona avaha na mhaka ni kutiva ntiyiso.

Hambileswo, swa koteka kukuma tinhlamulu ta tinene ta swivutiso swa lisima hintamu hi wutomi. Ungaswi kotisa kuyini? Hi kuyendla leswi uswi yendlaka loko u lava kutiva nhlamulu ya xivutiso xokarhi.

LAVETELA NTIYISO

Siku ni siku kuni nchumu lexi hi lavaka kutiva ntiyiso ya xona. Hinga vona hi Jéssica. A li: “N’wananga anga katiwi hi timanga. Hi kudla titsongo nyana anga fa.” Na angase xava swakudla, Jéssica a fanele a tiva swaku swakudla leswo switamu kata kumbe aswingatamu kata n’wana wa yena. Jéssica a tlhela a ku: “Ni rhanga hi kulava kutiva swaku swakudla leswi swi hambisiwe kuyini. Ni gama ni ligarela komponi kuva niva vutisa swaku va chele timanga kumbe avati chelanga. Kambe aswi gameli lanu, ni tlhela ni vutisa van’wana lavayi tivaka kahle komponi leyi kuva vani byela leswi vaswi tivaka hi mayendlela ya swakudla swa yona.”

Swinga yendleka swaku leswi u lavetelaka kuswi tiva siku ni siku ahi swa lisima ngopfu lakakuva unga fanisiwa na Jéssica. Kambe na wena unga yendla leswi Jéssica angaswi yendla, kunga leswi:

• Zama kutwisisa ntiyiso wa mhaka.

• Lava kutiva swin’wana hi mhaka.

• Lavetela ntiyiso ka tindhawu ta kutshembeka.

Kulavetelisa xileswi tinhlamulu ta tinene swingaku pfuna hambi ni ka swivutiso swa kutika. Swinga kotekisa kuyini?

I BUKU LIN’WE LINGA NI NTIYISO

A nkama Jéssica anga lava kutiva ntiyiso wa Bibele, a yendle swa kufana ni leswi aswi yendlaka loko a langela n’wana wa yena swakudla. A li: “Kulerha hi wunyaminyami ni kukambela mhaka swini pfunile kukuma ntiyiso wa Bibele.” Kufana na Jéssica, mamiliyoni ya vanhu va djondze leswi Bibele liswi djondzisaka hi swivutiso leswi:

• Hi za hi va kona misaveni hi mhaka muni?

• Vafi va kwini?

• Hi mhaka muni hi hlupheka?

• Xikwembu xi yendla yini kuva xi helisa kuhlupheka?

• Hinga yendla yini kuva hi tsaka andjangwini?

Ungati kuma tinhlamulu ta tinene ta swivutiso leswi ni swin’wana hi kulerha Bibele u tlhela u lavetela tintlhamuselo tin’wana a interneti ka www.jw.org.