Ntiyiso hi Nkama Lowu Taka
Kunga va leswaku u tshama u tivutisa swaku kuta humelela yini ka nkama lowu taka? Bibele lihi byela swilo swa lisima leswingata yendleka kungali khale, leswingata khumba vanhu hinkwavu lani misaveni.
Yesu a tlhamusele leswi ahitaswi tivisa xiswona “leswaku Mfumu wa Xikwembu wu le kusuhi.” (Luka 21:31) Ka swilo swa kutala leswi anga profeta hi swona, a vule leswaku akuta va ni tinyimpi, kutsekatseka ka misava, tindlala ni mavabyi. Swilo swoleswo swa humelela namuntlha. — Luka 21:10-17.
Bibele li tlhela li kombisa swaku ka “masiku ya makumu” ya kufuma ka vanhu, vanhu avata va ni mahanyelo ya kubiha. Mahanyelo ya kona ma tlhamuseliwe ka 2 Timotiya 3:1-5. Loko u vona mahanyelo lawa namuntlha, swi vula leswaku wuprofeta lelinga ka Bibele se la yendleka hikakunene.
Se swi vula yini leswo? Swi vula leswaku nkama wa kuva Mfumu wa Xikwembu wu cinca misava wule kusuhi naswona Mfumu lowu wuta yendla leswaku vanhu vava ni wutomi la kahle. (Luka 21:36) Ka Bibele Xikwembu xi tshembisa swilo swa swinene hi misava ni vanhu lavangata hanya ka yona. Hi leswi swin’wana swa swona.
MFUMU LOWUNENE
“Kutani a nyikiwa kufuma, xindzhuti ni mfumu, leswaku vanhu, matiku ni tirimi hinkwatu vatamu tirhela. Kufuma ka yena i kufuma lokunga heliki, akunge gami, nakambe mfumu wa yena awunge helisiwi.” — DANIYELE 7:14.
Leswi vulaka swona: Unga hanya wutomi la kutsakisa ka Mfumu wa misava hinkwayu lowu Xikwembu xinga veka N’wana wa xona leswaku a va Hosi.
KUHELISIWA KA MAVABYI
“Akungata va ni munhu lweyi a tshamaka kona angata ku: ‘Na vabya.’” — ESAYA 33:24.
Leswi vulaka swona: Awungehe tshuki u vabya kumbe u limala, uta hanya ungaha fi.
KURHULA LOKUKULU
“Yena ahelisa tinyimpi amisaveni hinkwayu.” — TIPISALEMA 46:9.
Leswi vulaka swona: Akungahata va ni tinyimpi kumbe kuhlupheka loku vangiwaka hi tona.
MISAVA YITA TALA HI VANHU LAVANENE
“La vobiha avangehe vi kona . . . La vorhula vata dla tshomba la misava”. — TIPISALEMA 37:10, 11.
Leswi vulaka swona: Akungahata va ni vanhu va kubiha, vanhu hinkwavu vata yingisa Xikwembu.
MISAVA HINKWAYU YITA VA PARADEYISI
“Vata yaka tiyindlo va tlhela va tshama ka tona, naswona vata byala masimu ya mawuvha va tlhela va dla mihandzu ya kona.” — ESAYA 65:21, 22.
Leswi vulaka swona: Misava hinkwayu yita sasekisiwa. Xikwembu xita hlamula xikhongelo xa hina xa kuva kurhandza ka xona kuyendleka laha “misaveni”. — Matewu 6:10