Mareferensiya ya Xibukwana xa Minhlangano ya Mahanyelo ni Ntirho
6 KUYA KA 12 KA AGOSTO
XUMA XINGA KA RITO LA XIKWEMBU | LUKA 17-18
“Kombisa Kukhensa”
tinhlamuselo todjondza ha tona ka nwtsty ka Lk 17:12, 14
va nhlokonho va khume: Nkameni wa kutsaliwa ka Bibele, vanhu lava ava li ni nhlokonho ava tshama hi mintlawa, leswo aswiva pfumelela leswaku va pfunana. (2Th 7:3-5) A Nawu wa Xikwembu awu vula leswaku vanhu lava ava li ni nhlokonho ava fanele kutshama kule ni vanhu van’wana. Naswona loko munhu lweyi a ali ni nhlokonho a vona vanhu va tshinela ka yena, a afanele a huwelela aku: “Ni nyamile, ni nyamile!” (Lv 13:45, 46) Hi kulandza Nawu lowu, vavanuna lava ava li ni nhlokonho va nyime kule na Yesu. — Vona nhlamuselo yodjondza ha yona ya Mt 8:2 ni Glossário, “Lepra; Leproso” ka nwt-TPO.
miyatikomba ka vaprista: Loko Yesu aha li laha misaveni, a kombise kuti veka hansi ka Nawu hi kuxixima ntirho lowu vaprista va lixaka la Aroni avawu yendla, hikolaho anga lerhisa lava angava hanyisa ka mavabyi ya nhlokonho leswaku va ya ka muprista. (Mt 8:4; Mr 1:44) Hi kulandza Nawu wa Moxe, muprista a afanele kukambela leswaku hakunene a nhlokonho awu helile. Kutani munhu lweyi a hanyisiweke a afanele kuya a tempeleni ni gandzelo la swinyenyani swimbirhi leswi hanyaka leswi tengeke, ximhandzana xa nsinya wa mukedari, nguvu ya kupshuka ni rhavi la xisinyana xa hisopa. — Lv 14:2-32.
Lavetela Xuma xa Moya
nhlamuselo yodjondza ha yona ka nwtsty ya Lk 17:10
lamangafaneliwiki hi kukhensiwa: Hi kukongoma li vula “kunga pfuni nchumu.” Ka xifanisu lexi, Yesu a angalavi kuvula leswaku mahlonga, kunga valandzeli va yena ava fanele vati vona vanga pfuni nchumu, kumbe vanga li na lisima. Kambe hi marito lamange: “Lamangafaneliwiki hi kukhensiwa” a alava kuvula leswaku mahlonga ama fanele mati tsongohata la ka kuva manga voni swi fanelile leswaku ma tlangeliwa kumbe kubumabumeliwa. Vadjondzi van’wana va vula leswaku xiga lexi tirhisiweke laha xingaha hundzuluxeliwa xi va: “Ho va mahlonga ntsena lamanga faneliwiki hi kutlangeliwa.”
nhlamuselo yodjondza ha yona ka nwtsty ya Lk 18:8
kupfumela: Kumbe “lipfumelo la muxaka lowu.” Lipfumelo leli Yesu a vulavulaka ha lona laha ahi leli tolovelekeke, kambe i muxaka wokarhi wa lipfumelo lofana ni leli kombisiweke hi noni ya le xifanisweni xa yena. (Lk 18:1-8) Leswo swingaha katsa kuva ni lipfumelo ka matimba ya xikhongelo ni ka leswaku Xikwembu xita yendla leswaku wululami li yendleka ka vanhu va xona. Yesu angaxi hlamulanga xivutiso lexi axi yendleke mayelana ni lipfumelo hikuva a alava leswaku valandzeli va yena va kambisisa muxaka wa lipfumelo la vona. Xifaniso lexi Yesu axi hlamuseleke mayelana ni xikhongelo ni lipfumelo xi fike hi nkama hikuva a wahali kuva hlamusela hi miringo leyi avata langutana na yona. — Lk 17:22-37.
13 KUYA KA 19 KA AGOSTO
XUMA XINGA KA RITO LA XIKWEMBU | LUKA 19-20
“Djondza ka Xifaniso xa Khume wa Timina”
jy tl. 232 mapar. 2-4
Ka Xifaniso xa Khume wa Timina
Aku: “Nkulukumba mun’wana atilungisele kuya tikweni ra le kule, ayavekiwa kuva hosi, atatlhela avuya.” (Luka 19:12) Liyendzo lotanu a li teka nkama woleha. Swilo dla leswaku “nkulukumba mun’wana” i Yesu lweyi a yeke “tikweni ra le kule”, kunga matilweni laha Tatana wa yena a atayamunyika wuhosi.
Ka xifaniso, loko “nkulukumba mun’wana” angase famba, a vitane mahlonga ya yena a nyika lin’wana ni lin’wana mina yin’we ya silivhere kutani ama byela leswi: “Bindzulani ha yona nikondza nivuya.” (Luka 19:13) Mina ya silivhere a yini ntikelo lowukulo. Murimi a afanele a tirha tiwheti totlula tinharhu leswaku a kuma male leyo.
Valandzeli va Yesu vanga va vaswi twisisile leswaku mahlonga ya khume ya le xifanisweni ama nyimela vona, hikuva Yesu ake ava fananisa ni vatirhi va le ntshovelweni. (Matewu 9:35-38) I ntiyisu leswaku anga va kombelanga leswaku va katseka ka ntshovelo wa hikakunene. Kambe ka ntshovelo wa kulavetela vadjondzisiwa van’wana lava na vona avata va swirho swa Mfumo wa Xikwembu. Vadjondzisiwa va tirhise switirho ni matimba ya vona leswaku va yengetela vadjandzhaka va Mfumo.
jy tl. 232 par. 7
Ka Xifaniso xa Khume wa Timina
Loko valandzeli va Yesu va twisise leswaku va fana ni mahlonga lama tirhiseke switirho ni matimba ya wona leswaku ma yendla vadjondzisiwa, va fanele va tiyiseke leswaku Yesu wava tsakela naswona ata va katekisa hi kuhiseka loku vaku kombisaka. I ntiyisu leswaku valandzeli va Yesu va ni swiyimu, wuswikoti ni mukhandlu lowu hambaneke. Hambiswilitanu, Yesu lweyi a ‘vekiweke kuva hosi’ wava twisisa naswona atayi katekisa mizamu ya vona yoyendla vadjondzisiwa. — Matewu 28:19, 20.
jy tl. 233 par. 1
Ka Xifaniso xa Khume wa Timina
Tani hi leswi hlonga li loloheke kuyengetela a lifuwo la mfumo wa hosi ya lona, li lahlekeliwe hi swotala. Vapostola va Yesu vaswi langutele hi mahlongati kufuma na yena ka Mfumo wa Xikwembu. Marito ya Yesu mayelana ni hlonga leli la wugamu, ma pfune vapostola va Yesu kutwisisa leswaku loko vanga hiseki avangewu nampsi Mfumo wa Xikwembu.
Lavetela Xuma xa Moya
nhlamuselo yodjondza ha yona ka nwtsty ya Lk 19:43
rihlampfu ra timhandzi to tontswa: Kumbe “timhandzi to tontswa to biyela.” Ka Matsalwa ya Wukreste ya Xigriki a rito la Xigriki khaʹrax, li humelela ntsena ka ndzimana leyi. Li hlamuseliwa tani hi “poxtu la kutontswa; poxtu leli tirhisiwaka kubiyela ndhawu yokarhi ni mhandzi”. Li tlhela li hlamusela “timhandzi leti vatliweke magan’wini ya tona ti tlhela ti hingakanyiwa, leti ati tirhisiwa kubiyela ha tona a nyimpini.” Marito ya Yesu ma hetiseke hi lembe la 70 C.E. loko vuthu la vaRoma leli ali rhangeliwa hi Tito li yake rihlampfu la timhandzi to tontswa li rhendzela doropa la Yerusalema. Xikongomelo xa Tito aku li kuyendla leswaku Vayuda vanga baleki, leswaku vati nyikela ni kuva sindzisa leswaku vaza va veka matlharhi hansi. Leswaku va kuma switirho kuva va yaka rihlampfu leli rhendzeleke Yerusalema, a vuthu la vaRoma li wisetele misinya yale handle ka doropa.
nhlamuselo yodjondza ha yona ka nwtsty ya Lk 20:38
ka xona, hinkwavu vahanya: Kumbe “hinkwavu va hanya hikuya hi langutelo la xona.” Bibele li vula leswaku lava hanyaka kambe vangaxi tirheliki Xikwembu va file hi langutelo la xona. (Ef 2:1; 1Tm 5:6) Hi laha kufanaka, malandza yotshembeka ya Xikwembu loko ma fa, ma hanya hi langutelo la xona hikuva xikongomelo xa xona xopfuxa lava feke xita hetiseka hambi koba lexi dumaka. — Rhm 4:16, 17.
20 KUYA KA 26 KA AGOSTO
XUMA XINGA KA RITO LA XIKWEMBU | LUKA 21-22
“Kuponisiwa ka N’wina Kule Kusuhi”
Lavetela Xuma xa Moya
nhlamuselo yodjondza ha yona ka nwtsty ya Lk 21:33
Tilo ni misava svitahundza: Tindzimana tin’wana ti vula leswaku tilo ni misava swita tshama hilaha kunga heliki. (Gn 9:16; Ps 104:5; Ekl 1:4) Kutani marito ya Yesu manga twisisiwa tani hi marito yofanekisela, na ma kombetela leswaku hambiloko aswo koteka kuva tilo ni misava swi hundza hikakunene, a marito ya Yesu mata hetiseka hambi koba lexi dumaka. (Ringanisa ni Mt 5:18.) Tilo ni misava leswi kuvulavuliwaka ha swona laha, swingaha nyimela tilo ni misava swofanekisela leswi vuliwaka “tilo lerosungula ni misava leyosungula” ka Nhl 21:1.
marito ya mina mangakala mangahundzi: Kumbe “marito ya mina amange tshuki ma hundzile.” Marito ya ndzimana leyi hi Xigriki ma kandzihisa leswaku marito ya Yesu mata tshama hilaha kunga heliki.
27 KA AGOSTO KUYA KA 2 KA SETEMBRO
XUMA XINGA KA RITO LA XIKWEMBU | LUKA 23-24
“Tiyimisele Kurivalela Van’wana”
Lavetela Xuma xa Moya
nhlamuselo yodjondza ha yona ka nwtsty ka Lk 23:31
ka rihunyi [nsinya] lero tsakama . . . leri riwomeke: Switi komba inge Yesu a akombetela ka Vayuda. Ava fanisiwa ni nsinya lowu wuyaka wufa ke waha tsakama nyana hikuva Yesu awaha li kona naswona akaha li ni Vayuda lava ava kholwa ka yena. Kambe aku sale nkama wutsongo kuva Yesu a dlayiwa, naswona Vayuda lava ava li ni lipfumelo ava ta totiwa hi moya wokwetsima ivi va vumba xiphemu xa Israyele wa moya. (Rhm 2:28, 29; Ga 6:16) Hi nkama wolowo a Vaisrayele va ntumbuluko avata va va file hi tlhelo la moya kufana ni nsinya lowu womeke. — Mt 21:43.
vona xifaniso ka nwtsty
Xipikirhi ka Rhambu la Xirhendze
Leli i foto la rhambu la xirhendze xa munhu li tlhaviweke hi xipikirhi xa nsimbi, lexinga ni mpimu wa 11,5 cm hi kuleha ka xona. Xifaniso lexi, xi kumiwe hi 1968 ka vuyembuli a n’walungu wa Yerusalema naswona i xa nkama wa vaRoma. Leswi swi nyika wumboni la leswaku nkameni lowo aku tirhisiwa swipikirhi kugongondzela munhu amhandzeni tani hi xikhatiso. Xipikirhi lexi xingaha fana ni lexinga tirhisiwa hi masonchwa ya le Roma kugongondzela Yesu amhandzeni. Xifaniso lexi, xi kumiwe ka bokisi la ribye, leli vitaniwaka ndhawu yohlayisa marhambu, laha aku vekiwa marhambu ya vanhu lava feke, loko se ma womile ni nyama ya kona yi bolile. Leswi swi kombisa leswaku munhu lweyi a dlayiweke hi kugongondzeliwa mhandzeni aswaha koteka kuva a lahliwa.