Majovhem, Bulani Ni Vapsali Va N’wina Hi Leswi Swi Mi Karhataka

Hi mhaka muni u fanele u byela vapsali va wena leswi u titwisaka xiswona? (Swiv 23:26) Hikusa hi vona lava Yehovha a nga va nyika ntirho wa ku ku hlayisa va tlhela va ku pfuna. (Ps 127:3, 4) Phela swi nga va karhatela vapsali va wena swaku va ku pfuna loko u nga va byeli leswi ku karhataka. Swi nga yentxeka vapsali va wena va tshame va kumana ni swikarhatu leswi u kumanaka na swona, funtshi u nga pfuneka hi leswi nga va humelela. Ku nga va swaku swi bihile ku va ni xihundla? A swi bihanga. Kambe u fanele u tivonela swaku u nga fihleli vapsali va wena leswi va nga ni mfanelo ya ku swi tiva. — Swiv 3:32.

U nga bula hi yini ni vapsali va wena? Zama ku bula na vona hi nkama wa wunene lowu va nga ta ku yingisela kahle. Loko leswo swi ku karhatela, tsalela mun’we wa vona u mu byela leswi u titwisaka xiswona. Se u nga yentxa yini loko va lava ku bula na wena hi mhaka leyi kalaka yi nga ku tsakisi? Khumbuka swaku va lava ku ku pfuna naswona va ku navelela swa swinene. Ku byela vapsali va wena leswi u titwisaka xiswona, swi nga ku pfuna ku va ni wutomi la ku tsakisa swoswi ni ka nkama lowu taka. — Swiv 4:10-12.

SIXTIRA VHIDIYO LELI NGE WUTOMI LA MINA LA WU JOVHEM — NINGA VULAVULISA KU YINI NI VAPSALI VA MINA? U GAMA U HLAMULA SWIVUTISO LESWI:

• 

  I yini leswi Esther na Partik va nga swi tsumbula hi wumunhu la vona?

• 

  U nga djondza yini ka xikombiso xa Yesu?

• 

  Vapsali va wena va swi kombisise ku yini swaku va ni mhaka na wena?

• 

  Hi tini tindzimana ta Bibele leti u nga ti vona ka vhidiyo leti nga ku pfunaka ku bulisana ni vapsali va wena?