Vona Tipontu Ta Lisima

Ku nga va leswaku na wena wa khohlwa leswi u swi lerhaka? Loko leswo swi ku yendlekela a wu wexe, phela hinkwerhu minkama yin’wani swa hi yendlekela. Se i yini xi nga ku pfunaka ka mhaka leyi? I ku vona tipontu ta lisima.

Nkama lowu u djondzaka Bibele swi nga va kahle u nyimanyana u tsala tipontu ta lisima leti u nga ti kuma. Phela Pawulo na yena a a yendla leswo ka makarta ya yena; loko a tsala a a ta a ku: “Leswi hi zamaka ku swi vula hi leswi.” (Heb. 8:1) Se leswo a swi pfuna lava va li djondzaka karta leliyani swaku va twisisa leswi Pawulo a a vula swona.

Loko u hete ku djondza Bibele, tinyiki nkamanyana wa ku pimisa hi tipontu ta lisima leti u nga djondza hi tona. U nga ha tinyika kolomuya ka ma 10 minutu swaku u yendla leswo. Loko u nga ha khumbuki leswi u nga djondza hi swona, zama ku txuvuka swinhlokwanamhaka kumbe marito ya ku sungula ya maparagrafu. Loko u yendla leswo swi ta ku vevukela ku khumbuka leswi u nga swi lerha. Loko ku ni swilo swa nyuwani leswi u nga djondza hi swona zama ku swi vula hi marito ya wena kuva u tiyiseka swaku hikakunene u swi twisisile. Ku vona tipontu ta lisima leti u nga djondza hi tona swi ta ku pfuna ku yi twisisa kahle mhaka u tlhela u vona swaku u nga swi tirhisisa ku yini.