5. Kuhlupheka Kuta Hela Hikakunene?

Hi Mhaka Muni Xivutiso lexi Xi Li xa Lisima?

Loko hi kholwa swaku kuhlupheka kuta hela hikakunene, leswo swinga yendla swaku wutomi la hina li tsakisa hi tlhela hi lava kugandzela Xikwembu.

Pimisa hi Leswi

Vanhu vavanyingi vaswi lava kuhelisa kuhlupheka kambe avaswi koti. Hi xikombiso:

Hambileswi vadotori va dahaka mavabyi ya kutala kambe . . .

• Mavabyi ya mbilu maha tama ma dlaya vanhu va vanyingi.

• A kankru li dlaya ma milhões ya vanhu lembe ni lembe.

• Dotori David Bloom a vula swaku “mavabyi ya kukala manga daheki maha tama ma dlaya vanhu naswona kaha humelela mavabyi man’wana ya nyuwani.”

Hambileswi matiko man’wanyana manga ganya kambe . . .

• Ma milhões ya swivanana swa fa lembe ni lembe. Leswo swi yendleka ngopfungopfu ka tindhawu leti kunga ni wusiwana.

• Ma bilhões ya vanhu va hanya ka tindhawu ta kukala tinga tshamisekanga naswona ava na swikoti swa xilungu.

• Ma milhões ya vanhu ava na mati ya kubasa.

Hambileswi vanhu vanyingi vaswi tivaka swaku va fanele va hanyisana kahle ni vanhu van’wana kambe . . .

• Ka matiko ya manyingi, vanhu va xavisiwa. Naswona lava xavisaka vanhu van’wanyana ava pfaleliwi djele. Hikuya hi relatoriyu lin’wanyana la Organização das Nações Unidas “leswo swi yendleka hikusa maphoyisa amaswi tivi swaku mhaka leyi ya humelela kumbe amaswi koti kukhoma vanhu lava.”

  DJONDZA SWIN’WANA

  Sixtira vhidiyo lelinge: Xana Mfumu wa Xikwembu I yini? ka jw.org.

Bibele Li Li

Xikwembu xi ni mhaka na hina.

Xahi twela loko hi hlupheka.

“[Yehovha] angaku vonelanga hansi kuhlupheka ka lweyi a tikeliwaka; Angamu fihlelanga nghohe ya yena. Naswona amu twile loko a kombela kupfuniwa.” — TIPISALEMA 22:24.

“Rhulani kukarhateka hinkwaku ka n’wina ka xona, hikuva xitikarhatela n’wina.” — 1 PETRO 5:7.

Kuhlupheka kuta hela.

Switshembiso swa Xikwembu leswinga ka Bibele swita yendleka.

‘Xikwembu xita sula minhloti hinkwayu matihlweni ya vona, ni lifu alingahatava kona; hambi mali mahlomulu kumbe kurila kumbe kuvaviseka aswingahatava kona.’ — NHLAVUTELO 21:3, 4.

Xikwembu xita helisa leswi yendlaka vanhu va hlupheka.

Xita yendla leswo hi kutirhisa Mfumu wa xona wa le tilweni.

“Xikwembu xa le tilweni xita veka mfumu lowungata kala wunga helisiwi. Nakambe mfumu lowu awungata nyikiwa vanhu van’wana . . . wona woxe wuta tshama na wuli kona minkama hinkwayu.” — DANIYELE 2:44.