Indjhe Ku Hlupheka Ku Ta Hela?

BIBELE LI LI:

“Xikwembu . . . xi ta limpa mihloti hinkwayu ka matihlo ya vona, lifu a li nga ha ta va kona, hambi nkosi, ku rila ni ku twa ku vava a swi nge he vi kona. Swilo swa ku sungula swi hundzile.” — Nhlawutelo 21:3, 4.

SWI KU KHUMBISA KU YINI LESWO?

U ta tiyiseka swaku Xikwembu a hi xona xi hi vangelaka ku hlupheka. — Yakobe 1:13.

U ta tiyisiwa hi ku tiva swaku Xikwembu xa ku twa ku vava kumbe ku karhateka loku u ku twaka. — Zakariya 2:8.

U ta va ni tshembo wa leswaku siku lin’wani a ku nga ta va ni nchumu lexi nga ta hi yendlaka hi hlupheka. — Tipisalema 37:9-11.

HI NGA SWI KHOLWA HIKAKUNENE LESWI BIBELE LI SWI VULAKA?

Ina, vona swivangelo swimbirhi:

• Xikwembu xa ku nyenya ku hlupheka ni ku kala wululami. Pimisa hi leswi Yehovha Xikwembu a nga titwisa xiswona nkama vanhu va yena va nga hluphiwa ka minkama ya Bibele. Bibele li li: Yehovha “a a va twela wusiwana hileswi a va hluphiwa hi valala va vona.” — Vayavanyisi 2:18, Wuhundzuluxeli La Misava Ya Nyuwani.

  Xikwembu xi karhateka hintamu loko xi vona munhu na a hlupha vanhu van’wani. Hi xikombiso, Bibele li vula swaku Yehovha wa li nyenya voko leli “dlayaka vanhu lava kalaka va nga na nandzu.” —  Swivuriso 6:16, 17.

• Xikwembu xi ni mhaka ni mun’wani ni mun’wani wa hina. Yehovha a hi kutxa swaku hi rhula ku vilela ka hina hinkwaku ka yena hikusa a ni mhaka na hina. — 1 Pedru 5:7.

  Ku nga li khale, Yehovha a ta tirhisa Mfumu wa yena swaku a helisa ku hlupheka hinkwaku. (Matewu 6:9, 10) Na ha ha nyimela swaku leswo swi yendleka, na ka ha li swoswi Yehovha wa va tiyisa lava va mu lavaka hi mbilu hinkwayu. — Mintirho 17:27; 2 Vakorinto 1:3, 4.