Wutomi Li Ta Tshamisa Ku Yini Ka Nkama Lowu Taka?

BIBELE LI LI:

“Xikwembu . . . xi ta limpa mihloti hinkwayu ka matihlo ya vona, lifu a li nga ha ta va kona, hambi nkosi, ku rila ni ku twa ku vava a swi nge he vi kona. Swilo swa ku sungula swi hundzile.” — Nhlawutelo 21:3, 4, Wuhundzuluxeli La Misava Ya Nyuwani.

SWI KU KHUMBISA KU YINI LESWO?

U ta va ni ntirho wa kahle wu tlhela wu tsakisa. — Esaya 65:21-23.

U ta hanya ka misava leyi kalaka yi nga na mavabyi kumbe ku hlupheka. — Esaya 25:8; 33:24.

U ta hanya wutomi la ku tsakisa la ku kala li nga heli ni maxaka ni vanghanu va wena. — Tipisalema 37:11, 29.

HI NGA SWI KHOLWA HIKAKUNENE LESWI BIBELE LI SWI VULAKA?

Ina, vona swivangelo swimbirhi:

• Xikwembu xi ni matimba ya ku hetisisa xitshembiso lexo. Ka Bibele, ko va Yehovha ntsena lweyi a vitaniwaka “Xikwembu xa Matimba Hinkwawu,” hikusa hi yena ntsena a nga ni matimba ya ku kala ma nga heli. (Nhlawutelo 15:3) Hi mhaka leyo, hi nga tiyiseka swaku a nga swi kota ku hetisisa xitshembiso lexi a nga xi yendla xa ku txintxa misava yi va ndhawu ya ku yampsa. Hilani Bibele li vulaka hikona, “ka Xikwembu minchumu hinkwayu ya koteka.” — Matewu 19:26.

• Xikwembu xi swi lava hintamu ku hetisisa xitshembiso xa xona. Hi xikombiso, Yehovha “a swi navela hintamu” ku pfuxa vanhu lava va nga fa a tlhela a va nyika wutomi. — Yobo 14:14, 15.

  Bibele li tlhela li kombisa leswaku N’wana wa xona Yesu a hanyise vanhu va ku vabya. Hi mhaka muni a yendle leswo? A yendle leswo hikusa a a swi navela hintamu ku pfuna vanhu. (Marka 1:40, 41) Phela Yesu a tekelele wumunhu la Yehovha hi ku helela. Hi mhaka leyo, a a swi lava hintamu naswona a a swi navela ku pfuna vanhu. — Yohani 14:9.

  Hinkwaswu leswo swi hi yendla hi tiyiseka swaku Yehovha na Yesu va swi lava hintamu ku hi pfuna leswaku hi va ni wutomi la ku tsakisa ka nkama lowu taka! — Tipisalema 72:12-14; 145:16; 2 Pedru 3:9.