DJONDZO 01

Bibele Li Nga Ku Pfunisa Ku Yini?

La Ku Imprimiriwa

Hinkwerhu hi ni swivutiso leswi yelanaka ni wutomi, ku hlupheka, lifu ni leswi nga ta yendleka ka nkama lowu taka. Naswona hi tlhela hi karhateka hi swilo swa siku ni siku, swa ku fana ni ku kuma swakudla swa siku ni swaku hi nga yendla yini swaku ndjangu wa hina wu tsaka. Vanhu va vanyingi va tsumbule swaku Bibele li ni tinhlamulu ta swivutiso swa lisima swa wutomi la hina. Handle ka leswo, li tlhela li hi byela leswi hi nga swi yendlaka swaku hi tsaka ka wutomi la hina. U tiva munhu lweyi Bibele li nga mu pfunaka?

1. Hi swini swivutiso leswi Bibele li swi hlamulaka?

A Bibele li hlamula swivutiso swa lisima swa ku fana ni leswi: A wutomi li sungulise ku yini? Hi hanyela yini? Hi mhaka muni vanhu va hlupheka? I yini swi yendlekaka loko munhu a fa? Hi mhaka muni ku tale tinyimpi kuve vanhu hinkwavu va lava ku rhula? Ku ta yendleka yini hi misava? A swi bihanga ku maha swivutiso leswi. Vanhu va vanyingi va tsumbule swaku tinhlamulu leti kumekaka ka Bibele ta twala.

2. Bibele li nga hi pfunisa ku yini swaku hi tshama na hi tsakile siku ni siku?

Bibele li ni minawu leyi nga hi pfunaka ka wutomi la hina. Hi xikombiso, Bibele li pfuna mindjangu swaku yi tsaka hikakunene. Li hi byela swaku hi nga yendla yini leswaku hi hlula xitresi ni leswi hi nga swi yendlaka swaku hi tsakela ntirho wa hina. Buku leli li ta ku pfuna ku djondza hi leswi Bibele li swi vulaka hi timhaka leti ni tin’wani. Hi wugamu swi nga yendleka u ma kholwa marito lawa ma nge: ‘Matsalwa hinkwawu [kumbe hinkwaswu swi nga ka Bibele] swa pfuna.’ — 2 Timotiya 3:16.

Broxura leli a hi Bibele. Kambe li yendleliwe ku ku pfuna swaku u li tiva kahle Bibele. Hi mhaka leyo, djondza tindzimana ta Bibele leti kumekaka ka djondzo yin’wani ni yin’wani u tlhela u vona ku yelana loku nga kona ka leswi Bibele li swi vulaka ni leswi u swi djondzaka.

DJONDZA SWIN’WANI

Vona swaku Bibele li va pfunisa ku yini vanhu van’wani; u nga yendla yini swaku u tsakela ku li lerha ni swaku hi mhaka muni swi li swa lisima swaku u kuma munhu lweyi a nga ta ku pfuna swaku u li twisisa.

3. Bibele li nga hi kongomisa

Bibele li fana ni gezi la ku vona hintamu. Li nga hi pfuna ku yendla minchumu yayinene ka wutomi la hina li tlhela li hi byela leswi nga ta yendleka ka nkama lowu taka.

Lerhani Tipisalema 119:105, mi gama mi bula hi swivutiso leswi landzelaka:

Mutsali wa buku leli la Tipisalema a a li vonisa ku yini Bibele?
Wena u li vonisa ku yini Bibele?

Wanuna lweyi a fambaka niwusiku kusuhi ni nambu ka ndhawu leyi nga ni maribye, a tlhavika lanterna leswaku a kota ku vona ndlela.

4. Bibele li nga hlamula swivutiso swa hina

Profesora mun’wani a a ni swivutiso leswi ku nga hundza malembe ya manyingi na a lavetela tinhlamulu ta swona. Vona swaku Bibele li mu pfunise ku yini. Sixtirani VHIDIYO, mi gama mi bula hi swivutiso leswi landzelaka.

VHIDIYO: U Nga Heleliwi Hi Ntshembo! (1:48)

Hi ku ya hi vhidiyo, hi swini swivutiso leswi profesora lweyi a a li na swona?
Ku djondza Bibele swi mu pfunise ku yini?

Bibele li hi byela swaku hi nga tshiki ku lavetela tinhlamulu ta swivutiso swa hina. Lerhani Matewu 7:7, mi gama mi bula hi xivutiso lexi landzelaka:

Hi swini swivutiso leswi u navelaka swaku Bibele li ku hlamula swona?

5. U nga swi tsakela ku lerha Bibele

Vanhu va vanyingi va swi rhandza ku lerha Bibele naswona leswo swi va pfuna hintamu. Sixtirani VHIDIYO, mi gama mi bula hi swivutiso leswi landzelaka.

VHIDIYO: Ku Lerha Bibele (2:05)

Hi mhaka muni majovhem lawa ma nga kombisiwa ka vhidiyo a ma nga swi rhandzi ku lerha mabuku?
Hambileswi ma kalaka ma nga swi rhandzi ku lerha mabuku, hi mhaka muni ma swi rhandza ku lerha Bibele?

Leswi Bibele li swi vulaka swi nga hi tiyisa swi tlhela swi hi nyika ntshembo. Lerhani Varoma 15:4, mi gama mi bula hi xivutiso lexi landzelaka:

Wa swi lava ku tiva ntshembo lowu Bibele li vulavulaka hi wona ni swaku wu nga ku pfunisa ku yini?

6. Vanhu van’wani va nga hi pfuna ku twisisa Bibele

Vanhu van’wani va tsumbule swaku handle ka ku va lerha Bibele va li voxe, va pfuneka hintamu loko va bula hi lona ni vanhu van’wani. Lerhani Mintirho 8:26-31 mi gama mi bula hi xivutiso lexi landzelaka:

I mpsini swi nga hi pfunaka ku twisisa Bibele? — Vona tindzimana 30 ni 31.

Mafoto: 1. Filipi na a pfuna Muetiyopiya swaku a twisisa Matsalwa. 2. Mboni ya Yehovha na yi djondza Bibele ni wansati ni vana va yena vambirhi. — Wanuna wa Muetiyopiya a a lava ku pfuniwa leswaku a kota ku twisisa Matsalwa. Ni vanhu va vanyingi namuntlha va tsaka loko va pfuniwa ku twisisa Bibele

VAN’WANI VA LI: “Ku lerha Bibele i ku tlanga hi nkama.”

Wena u swi vonisa ku yini naswona hi mhaka muni?

LESWI HI NGA SWI DJONDZA

Bibele li hi nyika minawu leyi nga hi pfunaka siku ni siku, li hlamula swivutiso swa lisima swa wutomi la hina, la hi tiyisa li tlhela li hi nyika ntshembo.