Ntiyiso hi Mfumu wa Xikwembu
Yesu a djondzise valandzeli va yena kukhongela va ku: ‘Tatana wa hina lweyi anga matilweni, vito ra wena arihlawuleke. Akute kufuma kumbe Mfumu wa wena; kurhandza ka wena akuyendliwe misaveni, tani hi loko kuyendliwa tilweni.’ (Matewu 6:9, 10) Kasi i yini Mfumu wa Xikwembu? Wu yendla yini? Naswona hi mhaka muni hi fanele hi khongela hi Mfumu?
Yesu i Hosi ya Mfumu wa Xikwembu.
Luka 1:31-33: ‘Utamuchula vito ra Yesu. Yena atava nkulu, avuliwa N’wana wa Lweyi anga henhlahenhla; Yehovha Xikwembu atamunyika xiluvelo xa Davhida tatana wa yena. Atafuma rixaka ra Yakobe hilaha kungaheliki; vuhosi bya yena byingakala byingaheli.’
Yesu a avulavula ngopfu hi Mfumu wa Xikwembu loko a chumayela.
Matewu 9:35: ‘Yesu arhendzeleka hi madoropa ni swidoropana hinkwaswu, ali karhi adjondzisa masinagogeni ya vona, achumayela Evhangeli ya Mfumu, ahanyisa hinkwavu lava vaxanisiwaka hi mavabyi ya tinxakaxaka.’
Yesu a byele vadjondzisiwa va yena leswi aswita yendleka loko Mfumu wu li kusuhi ni kuta.
Matewu 24:7: “Tiko rin’wana ritapfukela tiko rin’wanyana, mfumu wun’wanyana wutalwa ni mfumu wun’wanyana; kutava ni tindlala, ni kutsekatseka ka misava matlhelweni lawa yotala.”
Namuntlha valandzeli va Yesu va byela vanhu hi Mfumu amisaveni hinkwayu.
Matewu 24:14: ‘Kutani evhangeli kumbe mahungu yotsakisa ya Mfumu matachumayeliwa misaveni hinkwayu, tani hi vumboni ka vanhu va matiko hinkwawu; kutani hi kona makumu mangatafika.’