“Misava yi ta humesa mihandzu ya yona; Xikwembu, Xikwembu xa hina, xi ta hi katekisa.” — TIPISALEMA 67:6

U Nga Kuma Minkateko Ya Xikwembu Ya Ku Kala Yi Nga Heli

Xikwembu xi tshembise muprofeta Abrahamu swaku mun’we wa vatukulu va yena a a ta yentxa swaku vanhu va “matiko hinkwawu” va katekisiwa. (Genesa 22:18) I mani ntukulu wa kona?

Kolomu ka malembe ya 2.000 la ma nga hundza, Xikwembu xi nyike Yesu lweyi a a li ntukulu wa Abrahamu, matimba ya ku yentxa masingita. Masingita wolawo a ma kombisa swaku Yehovha a ta tirhisa Yesu swaku a hetisisa switshembiso leswi a nga swi tshembisa Abrahamu. — Vagalatiya 3:14.

Masingita lawa Yesu a nga ma yentxa, ma hi pfuna ku vona swaku hi yena lweyi a nga langiwa hi Xikwembu swaku a katekisa vanhu. Naswona a ma kombisa leswi Xikwembu xi nga ta swi yentxaka hi ku tirhisa Yesu. Masingita lawa Yesu a nga ma yentxa a ma kombisa wumunhu la yena.

Wunene li pfune Yesu swaku a hanyisa vanhu va ku vabya.

Siku lin’wana munhu lweyi a a ni lepra a kombele Yesu swaku a mu hanyisa. Yesu a mu khumbile a gama a ku: ‘Naswirhandza’, na ku basisa. Se lepra li nyamalala, a hanya. — Marka 1:40-42.

Ku nyika swi yentxe Yesu a phamela lava a va twa ndlala.

Yesu a a nga lavi swaku vanhu va fa hi ndlala. Makhambi man’wana hi ku tirhisa masingita a phamele xitshungu lexi a xi twa ndlala hi ku tirhisa mapawu ya matsongo ni tihlampfi ta titsongo. (Matewu 14:17-21; 15:32-38) Hinkwavu va dlile va xurha ku tlhela ku sala swakudla swa swinyingi.

Ntwelawusiwana wu yentxe swaku Yesu a pfuxa vanhu va ku fa.

A nkama Yesu a nga vona wansati wa ku feliwa hi nuna na a rila hi leswi a a feliwe hi n’wana wa yena wa mun’we ‘amutwele wusiwana’ hikusa a ku nga ha na munhu lweyi a a ta sala a mu hlayisa. — Luka 7:12-15.

KU TA VA NI MINKATEKO YA KU KALA YI NGA HELI LANI MISAVENI

Yesu a swi kombisile swaku Xikwembu xi ni ntamu wa ku katekisa vanhu. Loko Yesu a ta sungula ku fuma hi laha a nga tshembisa hi kona, Xikwembu xa Matimba Hinkwawu xi ta tirhisa yena swaku a yentxa masingita ya ku tlula lawa a nga tshama a ma yentxa amisaveni!

Wutomi li ta tshamisa ku yini la misaveni loko Xikwembu xi ta hetisisa leswi xi nga tshembisa Abrahamu? Lava rhandzaka Xikwembu va tlhela va xi hlonipha “va ta dla tshomba la misava” naswona “va ta tsaka ngopfu a ku rhuleni kakukulu.” (Tipisalema 37:11) ‘Lifu alingahatava kona; hambi mali mahlomulu kumbe kurila kumbe kuvaviseka aswingahatava kona’. — Nhlavutelo 21:4.

Swi ta tsakisa ku kuma wutomi la ku kala li nga heli hi tlhela hi hanya hi ku rhula lani misaveni! Leswaku u djondza swin’wana hi minkateko leyi Xikwembu xi nga ta hi tisela yona, nghena ka www.jw.org.