Minkateko Leyi Nga Ta Kumiwa Hi Lava Pfunaka Van’wana

Vanhu va vanyingi amisaveni a va na swakudla ni ndhawu ya ku tshama ka yona. Kasi van’wana a va na ntshembo. Se hi nga va pfunisa ku yini swaku va katekisiwa hi Xikwembu?

LESWI BIBELE LI SWI VULAKA

“Lweyi a pfunaka xisiwana a lomba Yehovha; naswona Yehovha a ta mu hakela hi leswi a xi khomisaka xiswona.” — SWIVURISO 19:17.

SWI VULA YINI KU PFUNA VAN’WANA?

Yesu a vulavule hi xitoriya xa wanuna mun’wana lweyi a nga biwa hi swigevenga swi mu siya na a lava ku fa. (Luka 10:29-37) Kambe a pfuniwe hi munhu wa ku kala a nga mu tivi hambileswi a va li va lixaka la ku hambana.

Wanuna lweyi wa timpsalu a mu pfunile hi ku mu bohelela swilondza, a mu hakelela ndhawu ya ku yetlela, a mu tiyisa ni ku mu pfuna ka swikarhatu swa yena.

Hi djondza yini ka xitoriya lexi? Hi djondza swaku hi fanele hi pfuna lava nga ni swikarhatu. (Swivuriso 14:31) Bibele li hi byela swaku Xikwembu xi ta helisa wusiwana ni kuhlupheka. Xikwembu xi ta swi yentxa siku muni leswo naswona xi ta swi yentxisa ku yini? Ka nhlokomhaka leyi landzelaka hi ta vona minkateko leyi Xikwembu xa lirhandzu xi lavaka ku hi nyika yona ka nkama lowu taka.