Hi Nga Va Kombisa Ku Yini Van’wana Swaku Ha Va Rhandza

Leswi hi nga vana va Adamu, hinkwerhu hi maxaka. Hambi leswi ku nyimeliwaka swaku hi rhandzana hi tlhela hi hloniphana, kambe ka misava leyi swa karhata. Leswi a hi swona leswi Xikwembu a xi swi lava.

BIBELE LI LI YINI HI KURHANDZA VAN’WANA

‘Rhandza van’wana kukota loko utirhandza.’ — MATEWU 22:39.

“Rhandzani valala va n’wina”. — MATEWU 5:44.

SWI VULA YINI KU RHANDZA VAN’WANA?

Vona leswi Xikwembu xi swi vulaka ka Bibele ka buku la 1 Vakorinto 13:4-7. Xi li:

‘Lirhandzu latiyisela, naswona li ni timpsalu’.

Pimisa hi leswi: U ti twisa ku yini loko van’wana va ku lehisela mbilu ni ku ku komba timpsalu ni loko va nga ku kwateli loko u va wonhelile?

‘Lirhandzu ali na wukwele’.

Pimisa hi leswi: U ti twisa ku yini loko van’wana va nga tsaki hi leswi u nga na swona?

Lirhandzu ‘alitilaveli leswi swinga swa lona ntsena’.

Pimisa hi leswi: U ti twisa ku yini loko van’wana va hlonipha mavolelo ya wena naswona va nga tshameli ku ku sindzisa swaku u pfumela mavonelo ya vona?

‘Lirhandzu ali veketeli swa kubiha’.

Pimisa hi leswi: Loko vanhu va djoha Yehovha wa va rivalela loko va ti sola. “A nga tshameli ku lavetela swihoxo nkama ni nkama, naswona a nga tshami na a kwatile”. (Tipisalema 103:9) Hinkwerhu ha tsaka loko van’wana va hi rivalela. Se na hina hi fanele hi rivalela van’wana loko va hi kwatisa. — Tipisalema 86:5.

‘Lirhandzu alitsakeli swa kubiha’.

Pimisa hi leswi: Loko hi humeleliwa hi minchumu ya ku biha a hi tsaki loko van’wana va hi hleka. Se na hina a hi tsaki loko van’wana va humeleliwa hi minchumu ya ku biha, hambi lava nga tshama va hi hlupha.

Leswaku hi tsakisa Xikwembu hi fanele hi rhandza vanhu hinkwavu. Swin’wana leswi hi nga swi yentxaka i ku pfuna vanhu van’wana.