Yampsisa Ndlela Leyi Uchumayelaka ha Yona — Hi Kutirhisa JW.ORG

HAYINI SWILI SWA LISIMA: Buku lin’wana ni lin’wana ka Switirho swa Hina swo Djondzisa li kombetela ka jw.org. Hakunene, xikongomelo nkulu xa cartão la jw ni xiphephana lexinge: Hingatikuma Kwini Tinhlamulu ta Timhaka Tikulu ta Wutomi? i kukongomisa vanhu ka site ya hina. Unga nyikela lin’we la mabuku ya Switirho swa hina swo Djondzisa hi kukopiyara link a jw.org, kutani ulirhumela munhu hi e-mail. Leswo swinga pfuna, ngopfu-ngopfu loko uchumayela munhu lweyi avulavulaka lirimi lin’wana. Naswona, vanhu vangaha yendla swivutiso leswinga hlamuliwiki ka Switirho swa hina swo Djondzisa. Loko hi swikota kutirhisa site la hina, hinga chumayela hi ndlela leyi humelelaka.

UNGA YENDLISA KUYINI?

• 

  Deketa “TIDYONDZO TA BIBELE”. Ahinge uchamayela xaka la wena leli lavaka kutiva swin’wana mayelana ni kuwundla vana. Yana ka TIDYONDZO TA BIBELE > VUKATI NI NDYANGU.

• Deketa “MINKANDZIYISO”. Ahinge wochumayela hi xichuketa a xikolweni, kutani ulava ku komba kolega wa wena a broxura lelinge: Tinhlamulo Ta Swivutiso Swa Khume Leswi Vantshwa Va Swi Vutisaka. Yana ka MINKANDZIYISO > TIBUKU NI TIBROXARA.

• Deketa “MALUNGHANA NA HINA”. Ahinge wochumayela kolega wa le ntirhweni, lweyi alavaka kulerha nhlamuselo wokoma wa leswi hiswi pfumelaka. Yana ka MALUNGHANA NA HINA > SWIVUTISO LESWI TALAKA KU VUTISIWA.

HLALELANI VHIDIYU LELINGE: TIRHISA JW.ORG, MUGAMA MUBULISANA HI NDLELA YOTIRHISA SITE LA HINA KUPFUNA:

• lweyi angapfumeliki ka Xikwembu

• lweyi aha ku kumanaka ni mhangu

• makwerhu lweyi aholeke

• loko lweyi hi tolovelaka kumu yendzela avutisa swaku yita hi kwihi male ya kupfuneta ntirho wa hina

• munhu wa tiko lin’wana, lweyi alavaka kukhoma minhlangano atikweni la yena