Kutirhisana ka Teritoriyu la Vanhu Lava Vulavulaka Tirimi ta Ku Hambanahambana

Hakanyingi vanhu va hantlisa kuyamukela mahungu yotsakisa loko vama twa hi lirimi la vona . Kumbexana hi xivangelo xexo, hi Pentekosta ya 33 E.C., Yehovha a yendle lunghiselelo la leswaku ‘Vayuda lava chavaka Xikwembu lavahumaka matikweni hinkwawu ya laha misaveni’ va twa mahungu ya kutsakisa ‘hi ririmi leringa ra vona’. Yehovha ayendle leswo, hambileswi swinga yendlekaka leswaku ava vulavula lirimi leli ali vulavuliwa hi vanhu hinkwawo hi nkama wolowo, lotani hi Xihevheru kumbe Xigrika. (Min 2:5, 8) Ka tindhawu leti kuvulavuliwaka tirimi ta ku hambanahambana, mabandla ya tirimi ta kuhambana manga tirha ka teritoriyu lin’we. Xana vachumayeli va mabandla wolawo vanga tirhisana hi ndlela yihi leyi humelelaka loko va chumayela mun’wana ni mun’wana kambe hi nkama wuli wun’we vanga khunguvanyisi vinyi va minti hi kuva yendzela nkama ni nkama?

• 

  Kuvulavulisana (Swiv 15:22): Valanguteli va ntirho va mabandla lama katsekaka va fanele va bulisana mayelana ni ndlela yochumayela leyingata vuyelisa mabandla hinkwawo. Loko teritoriyu linga li likulu, mabandla lama chumayelaka hi tirimi tin’wana mangaha kombela leswaku bandla la wena linga ngheni ka minti leyi vulavulaka lirimi la wona. Kambe, loko ma tsandzeka kutirha ka teritoriyo la wona hinkwalo hileswi linga likulu, mangaha pfumelela bandla la wena leswaku li nghena ka minti hinkwayo. Hambileswo, loko u kuma munhu lweyi a kombisaka kutsakela, lweyi a vulavulaka lirimi la mabandla wolawo, u fanele uma tivisa. (od-TS tl. 93 par. 37) Kumbe mangahaku kombela leswaku uma pfuna kulavetela vanhu lava vulavulaka lirimi la wona ni kurhumela mayendereso ya laha va tshamaka kona. (km-TS 1/13 tl. 3 par. 5, ni kwadru) Unga khohlwi leswaku ka munti wun’we unga kuma vanhu lava vulavulaka tirimi ta kuhambana. Loko mi li karhi mi yendla malunghiselelo yohlanganisa teritoriyu la n’wina hloniphani minawu ya tiko loko swita mhakeni ya kuvutisela wuxokoxoko la tirimi ta vanhu ni swin’wana.

• 

  Kutirhisana (Ef 4:16): Landzela kongomiso wun’wana ni wun’wana wa mulanguteli wa ntirho. Xana u djondzisa Bibele munhu lweyi a twisisaka kahle lirimi leli hambaneke ni leli tirhisiwaka abandleni la wena? Munhu yelweyo anga yendla nhluvuko hi kuhatlisa loko umu kongomisa ka bandla lelinga kusuhi kumbe ka ntlawa lowu tirhisaka lirimi la yena.

• 

  Tilunghiselele (Swiv 15:28; 16:1): Loko n’winyi wa munti a vulavula lirimi leli hambaneke ni la bandla la wena, yendla hinkwaswo leswaku umu chumayela. Unga tilunghiselela hi kukambisisa tirimi leti vulavuliwaka ka ndhawu ya n’wina kutani u baxara vuhundzuluxeli la Bibele ni mavhidiyo ka telefoni la wena hi tirimi toleto. Nakona a unga tirhisa xitirhisiwa xa JW Language leswaku u djondza kuxewetana hi tirimi tin’wana.