‘Pawulo Akhensa Xikwembu, Atiyisa Mbilu’

Loko bandla la le Roma li twa leswaku Pawulo wa fika, ntlawa wa vamakwavo wu fambe mpfhuka wa kolomu ka 64 km leswaku wumu tlhangaveta. Xana Pawulo a titwise kuyini loko a vona lirhandzu la vamakwavo la kukala wutiyanakanyi? “Kuteloko Pawulo avavona, akhensa Xikwembu, atiyisa mbilu.” (Min 28:15) Hambileswi a ativiwa hi kukhutaza mabandla, ka xiyimo lexi tani hi mubohiwa, hi yena Pawulo a alava kukhutaziwa. — 2Ko 13:10.

Namuntlha, a valanguteli va swifundza va yendzela mabandla leswaku va khutaza ni kutiyisa vamakwerhu. Kufana ni malandza hinkwawo ya Xikwembu, minkama yin’wana valanguteli lava va swifundza na vona va lava kukhutaziwa hikolaho ka minkarhalo, swivilelo ni kuhetiwa ntamu. Loko mulanguteli wa xifundza ni nsati wa yena vami yendzela bandleni ka n’wina i yini leswi ungaswi yendlaka leswaku uva khutaza ‘leswaku mitiyisana’? — Rhm 1:11, 12.

• 

  Hi kuva kona ka minhlangano ya ntirho wochumayela. Mulanguteli wa xifundza wa khutaziwa loko vachumayeli va yendla hinkwaswo leswi vangaswi kotaka leswaku va vuyeliwa hi vhiki la kuhlawuleka. (1Te 1:2, 3; 2:20) Pimisa hi kuteka wuphayona la kupfunisa hi wheti leyi mi yendzeliwaka hi mulanguteli wa xifundza. Xana ungaswi tsakela kuchumayela na yena ni nsati wa yena kumbe kuva rhamba leswaku vaya na wena ka xidjondzo xa wena xa Bibele? Swi tivi leswaku vaswi rhandza swinene kutirha ni vachumayeli vohambanahambana, kupatsa ni lavaha kusungulaka kuchumayela kumbe lava titwaka vanga na wuswikoti lochumayela.

• 

  Hi kuva kombisa malwandla. Unga va nyika ndhawu ya kuyetlela kona kumbe swakudla? Loko u yendla leswo uva komba leswaku wava rhandza. Phela a mulanguteli wa xifundza ni nsati wa yena ava langutelanga swotala ka wena. — Lk 10:38-42.

• 

  Hi kutirhisa nkongomiso ni kuyingisa swilayo swa yena. Hi lirhandzu, mulanguteli wa xifundza ahi pfuna kuvona lomu hinga yampsisaka kona antirhweni wa Yehovha. Minkama yin’wana, angahi laya hi ndlela yovava. (1Ko 5:1-5) Wa tsaka loko himu yingisa hambiloko swi karhata minkama yin’wana. — Hv 13:17.

• 

  Kombisa Kutlangela. Byela mulangueli wa xifundza ni nsati wa yena ndlela leyi minzamu leyi vayi yendlaka yiku pfunaka ha yona. Unga yendla leswo hi kuvulavula na vona hi kukongoma kumbe hi kuva tsalela papila. — Ko 3:15.