MAHANYELO YA HINA VAKRESTE
Va Tirha Hi Matimba Swaku Va Hi Pfuna
Vadjikelezi ni vasati va vona va tirha hi matimba va tlhela va komba vamakwerhu swaku va va rhandza. Kambe ku fana na hina, na vona va ni swilaveko, va karhala naswona minkama yin’wani va hela matimba hambi hi ku vilela. (Yk 5:17) Kambe hambileswo, vhiki lin’wani ni lin’wani va lwela ku tiyisa vamakwerhu ka mabandla lawa va ma pfuxelaka. Se impela, vadjikelezi va faneliwa hi ku “hloniphiwa hintamu”. — 1Tm 5:17.
Nkama mupostolo Pawulo a a lava ku pfuxela bandla la le Roma leswaku a tiyisa vamakwerhu, xikongomelo xa yena a ku li swaku ‘va tiyisana.’ (Rm 1:11, 12) Se wena ke? U nga mu tiyisisa ku yini mudjikelezi ni nsati wa yena, loko ku li swaku a chadile?
SIXTIRANI VHIDIYO LELI NGE: WUTOMI LA MUDJIKELEZI LWEYI A TIRHELAKA KULE NI DOROPA, MI GAMA MI HLAMULA SWIVUTISO LESWI:
Mudjikelezi ni nsati wa yena va swi kombisa ku yini swaku va va rhandza vamakwerhu va le bandleni?
U pfunekise ku yini hi ku pfuxeliwa hi mudjikelezi?
Hi nga va tiyisisa ku yini vadjikelezi ni vasati va vona?