Yampsisa Ndlela Leyi U Chumayelaka Ha Yona — Kutitwananisa ni Xiyimu

HI MHAKA MUNI SWI LI SWA LISIMA: Vatotiwa ni va tinyempfu letin’wani va rhamba vanhu va tindhawu hinkwatu swaku vata ‘nwa mati ya wutomi mahala’. (Nhl 22:17) Mati lawa ya kufanekisela ma nyimela leswi Yehovha angataswi yendlela vanhu lava yingisaka, swaku vangaha vi ni xidjoho ni lifu. Kuva hi pfuna vanhu lavanga ni mikhuva ni tidjondzo leti va kholwaka ka tona, hi fanele hi chumayela mahungu ya kutsakisa hi ndlela leyingata va khumba. — Nhl 14:6.

UNGASWI KOTISA KUYINI:

• Kheta tsalwa kumbe mhaka leyingata khumba vanhu lava u va chumayelaka ka teritoriyu la wena. Ungaha langa kutirhisa xikombiso xa mabulo kumbe nchumu lowu unga tshama uwu tirhisa ivi u humelela. Hi wahi mabulu kumbe tsalwa leli vangatali yamukela? Hi yihi mhaka leyinga humelela swoswi nyana leyi vanhu va talisaka kubula hi yona? Hi wahi mabulu lawa manga vaka manene ka vaxinuna kumbe vaxisati?

• Ungaha tirhisa mavulavulelo kumbe mikhuva leyinga toloveleka ka muganga wa wena. — 2Ko 6:3, 4

• Ma tive kahle mabuku ni mavhidiyo lawa manga ka switirho swa hina swodjondzisa akuva u chumayela lava vangata kombisa kutsakela

• Baxara mabuku ni mavhidiyo hi lirimi la vanhu lava u tolovelaka kuva kuma ka teritoriyu la wena

• Twananisa bulu la wena hi kuya hi xiyimo xa n’winyi wa munti. (1Ko 9:19-23) Hi xikombiso, ungaku yini loko n’winyi wa munti a kubyela swaku waha kufeliwa hi xaka la yena?

SIXTIRA VHIDIYO, U GAMA U HLAMULA SWIVUTISO LESWI:

• Hi wahi mabulu lawa muchumayeli angama tirhisa swaku a sungula bulu?

• I yini leswi n’winyi wa munti swingamu yendlekela awuton’wini?

• Hi lihi tsalwa leli alitava linene ka xiyimo lexi naswona hi mhaka muni?

• Unga yendla yini swaku u twananisa mabulu ya wena ni xiyimu xa vanhu va teritoriyu la wena?