Tirhisa Swilo Leswi Swa Ha Ku Yentxekaka Loko U Chumayela

Loko a chumayela, Yesu a a djondzisa vanhu hi swilo leswi a swi yentxeka siku ni siku. (Lk 13:1-5) Na wena, u nga tirhisa swilo leswi swa ha ku yentxekaka swaku u yentxa vanhu va tsakela mahungu ya ku tsakisa ya Mfumu wa Xikwembu. Hi xikombiso, u nga ha vulavula hi ku dura ka swilo, swidzedze, tinyimpi, ku dzaha mbangi ni swilo swin’wana. U nga ha vutisa n’winyi wa munti swa ku fana ni leswi: “U pimisa swaku swilo leswi swi ta hela?” Kumbe u ku: “U vona swaku i yini lexi nga helisaka swikarhatu leswi?” Loko se u yentxe leswo, gama u mu komba ndzimana ya Bibele leyi fambisanaka ni mhaka leyi. Loko a tsakela, mu kombi vhidiyo kumbe u mu nyika lin’we la mabuku lawa hi djondzisaka hi wona. Loko hi zama ku khumba timbilu ta lava hi va chumayelaka, hi va hi “yentxa hinkwaswu leswi hi mhaka ya mahungu ya ku tsakisa.” — 1Ko 9:22, 23.

Hi swini swilo leswi swa ha ku humelelaka ka teritoriyu la wena, leswi u nga swi tirhisaka swaku u bula ni vanhu ansin’wini?