Pfuna Lava U Djondzaka Na Vona Bibele Kuva Va Djondza hi Yehovha hi Voxe

Leswaku lava hi djondzaka na vona Bibele va kulisa wunghanu la vona na Yehovha, a swi lavi va djondza ntiyiso wa Bibele ntsena, kambe ku ni swilo swin’wana leswi va faneleke va swi yentxa. (Mt 5:3; Heb 5:12–6:2) Va fanele va djondza hi Yehovha hi voxe.

Tekela ku komba lweyi u djondzaka na yena Bibele leswi a nga yi lunghiselelisaka xiswona djondzo ya yena u tlhela u mu byela swaku a lunghiselela djondzo nkama ni nkama. (Xibukwana Xa Mintlhanganu xa 03/18 paj. 6) Mu byeli hi lisima la ku khongela na a nge se sungula ku djondza. Mu pfuni swaku a tirhisa swilo leswi nga ka jw.org loko a djondza. Mu tlhamuseli leswi a nga swi kumisaka xiswona swilo leswi swa ha ku humesiwaka ka jw.org ni ka JW Broadcasting^®. Mu djondzisi swaku a lerha Bibele siku ni siku, a lunghiselela mintlhanganu ni kuva a yentxa mapexkiza swaku a kuma tinhlamulu ta swivutiso swa yena hi yexe. Tlhela u mu pfuna swaku a pimisa hi leswi a swi djondzaka.

SIXTIRA VHIDIYO LELI NGE PFUNA LAVA U DJONDZAKA NA VONA BIBELE KUVA VA DJONDZA HI YEHOVHA HI VOXE, U GAMA U HLAMULA SWIVUTISO LESWI:

• 

  Neta a mu pfunise ku yini Julia, ku vona swaku djondzo ya Bibele a hi ku kuma tinhlamulu ta swivutiso ntsena?

• 

  I yini lexi nga pfuna Julia ku vona swaku nawu wa Yehovha wa ku a wu fanelanga u famba masangu na u nga chadanga i wunene?

• 

  I yini leswi Julia a nga swi twisisa hi lisima la ku pimisa hi leswi a swi djondzaka?