Swikarhatu Hinkwaswu Swi Ta Hela

Loko hi kumana ni swikarhatu hi nga ha hela ntamu, ngopfungopfu loko swi hlwela ku hundza. Davhida a a swi tiva swaku swikarhatu leswi a a kumana na swona hileswi Sawulo a a lava ku mu dlaya a swi ta hela, naswona a a swi tiva swaku a a ta va hosi hilani Yehovha a nga mu tshembisa hi kona. (1Sa 16:13) Lipfumelo la Davhida li mu pfune ku lehisa mbilu a tlhela a nyimela Yehovha.

Loko hi kumana ni swikarhatu, hi nga ha zama ku tirhisa wutivi la hina kumbe leswi hi kotaka ku swi yentxa swaku hi swi lulamisa. (1Sa 21:12-14; Swiv 1:4) Kambe swikarhatu swin’wana swi nga tama swi va kona hambiloko hi zame ku swi lulamisa hi ku tirhisa Bibele. Loko leswo swi yentxeka, hi fanele hi lehisa mbilu hi nyimela Yehovha. Ku nga li khale, Yehovha a ta helisa swikarhatu hinkwaswu a tlhela a “limpa mihloti hinkwayu” ka matihlo ya hina. (Nhl 21:4) Ku nga na mhaka swaku Yehovha a ta hi pfuna hi ku kongoma ka swikarhatu leswi hi kumanaka na swona, kumbe hi ndlela yin’wana, ha tiyiseka swaku swikarhatu hinkwaswu swi ta hela. Phela ku tiva leswo swa hi tiyisa.

SIXTIRA VHIDIYO LELI NGE VANHU LAVA TWANANAKA KA MISAVA LEYINGA TALA HI XIHLAWUHLAWU, U GAMA U HLAMULA SWIVUTISO LESWI:

• Hi swini swikarhatu leswi vamakwerhu van’wana va Estados Unidos va nga kumana na swona?

• Va swi kombisise ku yini swaku a va lehisa mbilu va tlhela va rhandzana?

• Vamakwerhu lava va swi kotise ku yini ku tama va yentxa swilo “swa lisima hintamu”? — Flp 1:10