MAHANYELO YA HINA VAKRESTE
Yehovha Wa Hi Pfuna Ku Tiyisela Swikarhatu
Ka masiku lawa ya wugamu hi kumana ni swikarhatu swa swinyingi. Minkama yin’wani hi nga ha vona ingi swikarhatu swoleswo i swikulu hintamu lakaku a ha ha ghwenti ku swi tiyisela. Hambileswo, loko hi tshinela ka Yehovha, yena a ta hi pfuna ku tiyisela hambiloko timbilu ta hina ti tshovekile. (Esa 43:2, 4) Se, hi nga swi kotisa ku yini ku tshinela ka Yehovha loko hi kumana ni swikarhatu?
Xikhongelo. Loko hi chululela Yehovha leswi nga ka mbilu ya hina, a ta hi nyika ku rhula a tlhela a hi pfuna ku tiyisela swikarhatu na hi tsakile. — Flp 4:6, 7; 1Te 5:17.
Mintlhanganu. Loko hi li mintlhanganwini hi djondzisiwa hi Yehovha hi ku tirhisa vamakwerhu hi tlhela hi tiyisiwa hi vamakwerhu. (Heb 10:24, 25) Loko hi lunghiselela mintlhanganu, hi va kona mintlhanganwini hi tlhela hi hlamula, hi va hi pfumelela moya wa ku kwetsima wa Yehovha swaku wu hi pfuna. — Nhl 2:29.
Ku chumayela. Swi ta hi vevukela ku tshamela ku pimisa hi minchumu ya kahle loko minkama hinkwayu hi tshama hi khomekile. Loko hi yendla leswo, hi ta kulisa wunghanu la hina na Yehovha ni vamakwerhu. — 1Ko 3:5-10.
SIXTIRANI VHIDIYO LELI NGE: YEHOVHA A TA VA NA WENA, MI GAMA MI HLAMULA SWIVUTISO LESWI:
I mpsini swi nga pfuna Malu swaku a tiyisa wunghanu la yena na Yehovha nkama na a kumana ni swikarhatu?
Ku fana na Malu, marito lawa ma nga ka Tipisalema 34:18 ma nga hi tiyisisa ku yini nkama hi kumanaka ni swikarhatu?
Xikombiso xa Malu xi swi kombisisa ku yini swaku Yehovha a hi nyika “matimba ya makulu lama tlulaka hinkwaswu”? — 2Ko 4:7