U Ta Va U Lunghekile Loko Swiyimu Swa Lomu U Tshamaka Kona Swi Txintxa?

Leswi magamu ma yaka ma tshinela, wugevenga ni tinyimpi swi ya swi yengeteleka. (Nhl 6:4) Se, hi nga tilunghiselelisa ku yini na swilo leswi swi nge se hi yentxekela?

• Tiyisa wunghanu la wena na Yehovha: Djondza matshinya ya minawu ya Bibele ni swikombiso swi nga ka Bibele leswi nga ta ku pfuna ku tshemba Yehovha ni nhlengeletanu ya yena, swi tlhela swi ku pfuna ku kala u nga tinghenisi ka maguwa ya misava leyi. (Swiv 12:5; Yeremiya mapaj. 125-126 mapar. 23-24) Swoswi i nkama wa ku tiyisa wunghanu leli u nga na lona ni vamakwerhu.  — 1Pe 4:7, 8

• Lunghiselela swilo leswi u nga ta swi tirhisa loko tinghozi ti fika: Pimisa hi leswi u nga ta swi yentxa loko swi lava u nga humi kaya. Vana ni swilo swa ku yenela swa ku tihlayisa hi swona. Pimisa hi ndhawu leyi u nga ta balekela ka yona. Tshama na u ni swilo ka paxta la emergência, swa ku fana ni mati, swilo swa ku tivhikela hi swona, máscara, maluvha ni male. Nyika madoda numeru ya wena ya telefoni u tlhela u tshama na u ni numeru ya wona.  — Esa 32:2; Khindlimuka!-TS 05/17 mapaj. 3-7

Loko ku ni tinyimpi, tama u yentxa swilo leswi nga ta tiyisa wunghanu la wena na Yehovha, swa ku fana ni ku khongela, u djondza Bibele ni ku ya mintlhanganwini. (Flp 1:10) Tshika ku fambafamba na swi nga laveki. (Mt 10:16) Pambulela van’wana swakudla ni swilo swin’wana leswi u nga na swona.  — Rm 12:13.

SIXTIRA VHIDIYO LELI NGE TSHAMA U LUNGHEKILE NA TINGHOZI TINGASE FIKA! U GAMA U HLAMULA SWIVUTISO LESWI:

• Yehovha a hi pfunisa ku yini loko ku humelela tinghozi?

• I yini leswi hi nga swi yentxaka swaku hi tilunghiselela na ku nge se humelela tinghozi?

• Hi nga va pfunisa ku yini van’wana loko ku humelela tinghozi?