MAHANYELO YA HINA VAKRESTE

U Ta Va U Lunghekile Loko Male Yi Tshuka Yi Heleliwa Hi Lisima?

Hina a hi hlamali loko minchumu leyi yendlekaka lani misaveni yi yendla swaku wutomi li bindza naswona a ekonomiya yi wa hikusa Bibele se a li vulile swaku minchumu ya ku fana ni leyo a yi ta yendleka ka masiku ya magamu. Hi leswo swi yendlaka hi nga veki ntshembo wa hina ka ‘male ni swilo leswi hi nga na swona’. (1Tm 6:17; 2Tm 3:1) Se xikombiso xa Hosi Yehoxafati xi nga hi pfunisa ku yini ku tiva swa ku swi yendla loko male yi heleliwa hi lisima lakakuva hambi ho va ni male yayinyingi swi nga yeneli ku xava minchumu ya ku fika kwini?

Nkama lowu Yehoxafati a nga dumeliwa hi valala, a tshembe Yehovha. (2Tk 20:9-12) A tlhele a yendla hinkwaswu leswi a nga swi kota swaku a tilunghiselela, a tiyise makhumbi ya doropa a tlhela a lunghiselela masonchwa. (2Tk 17:1, 2, 12, 13) Ku fana na Yehoxafati, na hina loko hi kumana ni swikarhatu hi fanele hi tshemba Yehovha hi tlhela hi yendla hinkwaswu leswi hi nga swi kotaka swaku hi tilunghiselela ka swona.

LESWI U NGA SWI YENDLAKA SWAKU U TILUNGHISELELA

Yendla hinkwaswu swaku u tiyisa wunghanu la wena na Yehovha: Tsaka hi leswi u nga na swona naswona tshemba swaku Yehovha a nga swi kota ku ku nyika leswi u swi lavaka. (Mt 6:26; 1Tm 6:8) Yingisa minawu leyi nga ka Bibele minkama hinkwayu naswona u nga yi tluli hi ku lava ku tihlayisa. (Rm 2:21) Pimisa hi leswi u nga ta swi yendla swaku u tama u lerha Bibele ni mabuku ya nhlengeletanu loko ku tshuka ku nga na interneti kumbe loko ku tsemiwa magezi. Hi xikombiso, swin’wani swa leswi u nga swi yendlaka i kuva ka ha li swoswi u vekisa mabuku ya ku imprimiriwa kumbe u ma baxara na ka ha li nkama se u tshama na u li na wona.

Swin’wani u nga swi yendlaka hi leswi: Pumba swikweneti funtshi u nga gaxtari male hi ku xavetela swilo swa ku kala swi nga laveki. (Swi 22:7) Loko swi koteka, vekisa swakudla swa ku kala swi nga boli kumbe swilo swin’wani leswi lavekaka leswi u nga ha swi lavaka hi nkama wolowo. Van’wani va swi vona swi yampsa ku byalanyana swilo swaswitsongo akaya ka vona swaku va popara male.

SIXTIRANI VHIDIYO LELI NGE: TSHAMA U LUNGHEKILE NA TINGHOZI TINGASE FIKA!, MI GAMA MI HLAMULA SWIVUTISO LESWI:

Mafoto lawa ma fambisanaka ni vhidiyo leli nge: “Tshama U Lunghekile Na Tinghozi Tingase Fika!” Ku kombisiwa Bibele, paxta ni telefoni, ni lava tirhaka ka ku yaka.

Hi nga yendla yini swaku hi tilunghiselela na tinghozi ti nga se fika?

Your answer

Mafoto lawa ma fambisanaka ni vhidiyo leli nge: “Tshama U Lunghekile Na Tinghozi Tingase Fika!” Vamakwerhu na va pfunisa lani ku nga humelela nghozi, va yendla leswo hi ku yaka ni ku xixelela materiyali ka movha.

Hi nga yendla yini swaku hi pfuna van’wani?

Your answer