MAHANYELO YA HINA VAKRESTE
Tivoni Ku Fana Ni Leswi Yehovha A Ku Vonisaka Xiswona
Yehovha wa va rhandza vanhu va yena. (Ps 149:4) Naswona hambileswi hi kalaka hi nga hetisekanga, wa swi vona swilo swaswinene leswi hi nga na swona ni swilo leswi hi nga ta swi kota ku swi yendla ka nkama lowu taka. Kambe minkama yin’wani swi nga hi karhatela ku swi vona swilo swoleswo. Hi nga ha titwa ingi a hi pfuni nchumu hi mhaka leswi van’wani va hi khomisaka xiswona, kumbe hi mhaka swihoxo leswi hi nga swi yendla khale, hi nga ha pimisa swaku Yehovha a nga na xivangelo xa ku hi rhandza. Loko hi titwisa xileswo, i ntxini xi nga hi pfunaka?
U nga khohlwi swaku Yehovha a kota ku vona swilo leswi vanhu va kalaka va nga swi koti ku swi vona. (1Sa 16:7) Leswi vulaka swaku a nga kota ku vona swilo swaku hambi hi wena n’winyi a wu swi koti ku swi vona. Lexi tsakisaka hileswaku a hi nyike Bibele leli hi pfunaka kuva hi tivona ku fana ni leswi Yena a hi vonisaka xiswona. Se, loko hi li djondza, hi ta kuma swilo swaswinyingi leswi kombisaka swaku Yehovha impela wa va rhandza vanhu va yena.
SIXTIRANI VHIDIYO LELI NGE: TIYISEKISA MBILU YA WENA, MI GAMA MI HLAMULA SWIVUTISO LESWI:
Xikombiso xa n’wana lweyi a tsutsumaka ni xa papayi wa kona xi hi djondzisa yini hi leswi Yehovha a hi vonisaka xiswona?
Munhu lweyi a nga tshama a yendla xidjoho xaxikulu a gama a tisola a tlhela a pfuxeta wunghanu la yena na Yehovha, a fanele a tiyiseka hi yini? — 1Yh 3:19, 20
Ku lerha ni ku pimisa hi leswi nga yendleka ka Davhida na Yehoxafati swi mu pfunise ku yini makwerhu lweyi?