Varisi Lava Va Tirhelaka Vanhu Va Yehovha

Ku tala ka vanhu namuntlha a va va tshembi vanhu lava va nga nyikiwa wuhosi. Hi mhaka muni? Hikusa ku tala ka vanhu lava va nga nyikiwa wuhosi namuntlha wa siku a va li tirhisi hi ndlela yayinene, funtshi va tlhela va li tirhisela swaku ku pfuneka vona vinyi ntsena. (Mk 7:3) Se hina ha tsaka hintamu hileswi madoda lawa hi nga na wona amabandleni ma nga djondzisiwa swaku ma wu yendla kahle ntirho lowu ma nga nyikiwa wona swaku ma pfuna vanhu va Yehovha. — Est 10:3; Mt 20:25, 26.

Ku hambana ni vanhu va misava leyi, lava loko va nyikiwa a wuhosinyana va lwelaka ku titsakisa ntsena, madoda ma yendla hinkwaswu leswi ma swi kotaka swaku ma tsakisa Yehovha ma tlhela ma tirhela vanhu va yena. (Yh 21:16; 1Pe 5:1-3) Hi ku kongomisiwa hi Yesu Kreste, ma pfuna muchumayeli mun’wani ni mun’wani abandleni swaku a titwa a li kaya xikarhi ka vanhu lava tirhelaka Yehovha a tlhela a va kusuhi hintamu swinene na yena. Loko Makwerhu a kumana ni xikarhatu, madoda ma hantla ma ya mu tiyisa leswaku a nga godoli. Loko swi lava a ya xibelhela swa kola na kola ma ya ma ya mu pfuna, funtshi loko kuve ni xidzedze lexi nga txintxa wutomi la vamakwerhu, ma yendla hinkwaswu leswi ma nga swi kotaka swaku ma va na yena. Se, loko ku ni xikarhatu lexi u kumanaka na xona u nga pimisi kambirhi, lavetela doda la bandla la wena, u li kombela swaku li ku pfuna. — Yk 5:14.

SIXTIRANI VHIDIYO LELI NGE: VARISI LAVA NGA NI MHAKA NI TINYEPFU, MI GAMA MI HLAMULA SWIVUTISO LESWI:

• Madoda ma mu pfunise ku yini Mariana?

  Nhlamulu

• Madoda ma mu pfunise ku yini Elias?

  Nhlamulu

• Swikombiso leswi swi ku pfuna kuva u wu vonisa ku yini ntirho wa madoda?

  Nhlamulu