MAHANYELO YA HINA VAKRESTE

Pfuna Vanhu Lava Kalaka Va Nga Khongeli Swaku Va Tiva Muvumbi Wa Vona

U tshama u godola ku chumayela munhu lweyi a kalaka a nga khongeli hi ku pimisa swaku a nga ta ku yingisa? Loko u tshame u godola, khumbuka swaku ku ni vanhu va vanyingi lava a va nga khongeli kumbe a va nga kholwi swaku Xikwembu xi kona, lava va nga gama va va Timboni ta Yehovha. Phela vo lava ku pfuniwa ku kambisisa swaku Xikwembu xi kona hikakunene. — Rm 1:20; 10:14.

SIXTIRANI VHIDIYO LELI NGE: KHUMBUKA — VANHU VA KU KALA VA NGA NA LIPFUMELO, VA NGA VA NI LIPFUMELO! — VA KU KALA VA NGA KHONGELI, MI GAMA MI HLAMULA XIVUTISO LEXI:

Leswi nga yendlekela Tommaso swi ku pfunisa ku yini kuva u navela ku chumayela vanhu lava kalaka va nga khongeli?

Nhlamulu

U nga swi yendlisa ku yini?

Loko u bula ni munhu lweyi a kalaka a nga kholwi swaku Xikwembu xi kona, mu hloniphi, u mu yingisela kahle u tlhela u mu komba swaku u ni mhaka ni leswi a swi pimisaka ni leswi a titwisaka xiswona. (2Tm 2:24) Bula na yena hi swilo leswi a nga swi tsakelaka. Loko a swi lava ku bula hi leswi swi hi yendlaka hi kholwa swaku Xikwembu xi kona hikakunene, tirhisa mabuku ni mavhidiyo lawa ma nga yendleliwa leswo. Broxura leli nge Xana Swilo Leswi Hanyaka Swi Lo Tumbuluxiwa? ni leli nge A Origem da Vida — Cinco Perguntas Que Merecem Resposta ma patsiwe ni mabuku man’wani lawa hi ma tirhisaka swaku hi djondzisa ni ku chumayela vanhu kuva swi hi vevukela ku ma kuma.

A ku sunguleni u nga ha chava ku chumayela vanhu lava kalaka va nga kholwi swaku Xikwembu xi kona. Se loko u titwisa xileswo, u nga ha bula ni makwerhu lweyi a nga tshama a chumayela vanhu va ku hambanahambana. Xin’wanyani i ku khumbuka swaku Yehovha a nga ku pfuna ku fikelela timbilu ta vanhu lava tsakelaka, hambi hi vanhu lava va kalaka va nga kholwi swaku yena a kona. — Min 13:48.