Tinhlokomhaka Tin’wani Ta Murindzi

Vachumayeli vavanyingi va tirhisa a aplikativhu la JW Library^® swaku va lunghiselela mintlhanganu. A aplikativhu leli li yendla swaku hi kuma nhlokomhaka ya Murindzi lweyi a djondziwaka hi vhiki lolelo, funtshi leswo swa hi pfuna. Kambe Murindzi mun’wani ni mun’wani a ni tinhlokomhaka tin’wanyani leti ti kalaka ti nga djondziwi bandleni kambe na tona ti hi pfunaka. Se, hi nga ti kumisa ku yini tinhlokomhaka toleto ka JW Library hi tlhela hi pfuneka ka tona?

• Ka nhlokomhaka yin’wani ni yin’wani lani hansi, ku tsaliwe swaku “Matéria Adicional”. Hansi ka marito wolawo ku ni link li nga tsaliwa swaku “Outros artigos neste número”. Se loko u deketa link lolelo, li ta ku humesela tinhlokomhaka hinkwatu ti kumekaka ka Murindzi yelweyo. U ta tsumbula swaku tinhlokomhaka toleto ti ta na ti ni tinumeru. Se leta ku kala ti nga na tinumeru i tinhlokomhaka tin’wanyani ta ku a ti djondziwi bandleni. Se langa nhlokomhaka yin’wani ni yin’wani leyi u yi lavaka se u gama u ti lerhela.

• Mayendlelo man’wani i ku u nghena ka JW Library u ya deketa lani va nge “Início” u gama u ya lani ku taka “Novidades” u ya baxara Murindzi lweyi wa ha ku humesiwaka. Loko se u baxarile Murindzi yelweyo, vona tinhlokomhaka hinkwatu leti a nga na tona. Loko u yendla leswo, u ta kuma tinhlokomhaka hinkwatu ta Murindzi.