Leswi Hi Nga swi Djondzaka

I Yini Leswi U Nga Rhangaka U Djondza Hi Swona?

Hinkwerhu hi ni nkama wawutsongo swaku hi yendla djondzo ya hina hoxe, kambe hi nga wu tirhisisa ku yini nkama wolowo hi nga na wona? Xa ku sungula, u nga djondzi hi ku kahlula. Swa yampsa ku djondza swilo switsongo kambe u swi djondza kahle, ku tlula ku va u djondza swilo swa swinyingi hi ku hantlisa.

Langa swaku u ta sungula ku djondza hi yini. (Efe. 5:15, 16) Vona leswi u nga ha swi yendlaka:

• Lerha Bibele siku ni siku. (Pis. 1:2) U nga ha sungula ku lerha Bibele hi ku tirhisa programa leli nga ka Xibukwana xa Mintlhanganu.

• Lunghiselela Murindzi ni mintlhanganu ya xikarhi ka vhiki. Tlhela u lunghiselela kahle a tinhlamulu ta wena. — Pis. 22:22.

• Loko u saleliwe hi nkama, u nga ha djondza swilo swa nyuwani leswi nhlengeletanu yi swi humesaka, swa ku fana ni marevhixta lawa ma yaka ka vanhu hinkwavu, mavhidiyo ni tinhlokomhaka leti kumekaka ka site la jw.org.

• Hamba projetu la leswi u lavaka ku swi djondza. Loko ku li swaku u kumana ni xikarhatu, u nga ha pexkizara hi xikarhatu xolexo, kumbe ku pexkizara hi mhaka yin’wani ya le Bibeleni leyi u kalaka u nga yi twisisi kahle kumbe hi mhaka yin’wani leyi u kanakanaka hi yona. Swaku u kuma timhaka tin’wani leti u nga djondzaka hi tona u nga nghena ka site la jw.org ka ndhawu leyi nge “Exercícios Bíblicos” (hi Xiputukezi).