Leswi Hi Nga Djondzaka Hi Swona

Swilo Leswi Vapsali Va Nga Swi Tirhisaka Swaku Va Djondzisa Vana Va Vona

Vapsali va ni ntirho wa ku djondzisa vana va vona hi Yehovha. (Efe. 6:4) Naswona nhlengeletanu ya va pfuna hi ku humesa tinhlokomhaka ta tinyingi ni mavhidiyo. Loko u li mupsali, u nga swi tirhisisa ku yini swilo hinkwaswu leswi nhlengeletanu yi swi humesaka swaku u djondzisa vana va wena?

• Nghena ka JW.ORG leswaku u kuma tinhlokomhaka, mavhidiyo ni swilo swin’wani leswi nga yendleliwa vatsongwani.a Yana lani ku nge “Vatsongwana” kumbe lani ku nge “Vampsha” swaku u kuma swilo leswi.

• Langa leswi u vonaka swaku swi ta va pfuna vana va wena. Nghena lani ku nge “Vatsongwana” u gama u lavetela lani ku nga tsaliwa swaku “Vana Munghanu Wa Yehovha,” se u langa vhidiyo leli u li lavaka swaku u djondzisa vana va wena.

• Tinyiki nkama wa ku bula ni vana va wena. U nga tirhisi mavhidiyo kumbe swilo swin’wani leswi u nga ha vaka u swi baxarile leswaku u yendla swaku n’wana wa wena a tshama a khomekile kumbe u yendla swaku a nga humahumi. Kambe swi tirhisi leswaku u mu pfuna swaku a va munghanu wa Yehovha.