Tirhisa Mareferensiya Ya Tindzimana

Mareferensiya ya tindzimana lawa ma nga ka Wuhundzuluxeli La Misava Ya Nyuwani La Matsalwa Ya Ku Kwetsima ma kombisa swaku Bibele hinkwalu la twanana, hikusa ma hi komba tindzimana tin’wani leti vulavulaka hi mhaka yoleyi ya yin’we. Tindzimana toleto ti kombisiwa hi letra lalitsongo leli kumekaka henhlanyana ka rito. Ka Bibele la ku imprimiriwa letra la kona li kumeka ka kwadru li nga xikarhi ka pajina, kasi ka jw.org kumbe JW Library^® swo lava u deketa letra lalitsongo leli kumekaka ka rito leswaku ku humelela tindzimana tin’wani leti fambisanaka na yona.

A letra li nga ha ku kongomisa ka leswi landzelaka kumbe swin’wani:

Mhaka yoleyi ya yin’we: Letra lalitsongo li nga ku kongomisa ka tindzimana tin’wani leti vulavulaka hi mhaka yoleyi ya yin’we. Hi xikombiso, vona 2 Samuwele 24:1 ni 1 Tikronika 21:1.

Lomu marito ma nga tekiwa kona: Letra lalitsongo li nga tlhela li ku kongomisa ka ndzimana leyi marito lawa u ma lerhaka ma nga tekiwa ka yona. Hi xikombiso, vona Matewu 4:4 na Deteronoma 8:3.

Ku hetiseka ka wuprofeta: Letra lalitsongo li nga ha ku yisa ka wuprofeta kumbe ka ku hetiseka ka lona. Hi xikombiso, vona Matewu 21:5 na Zakariya 9:9.