Indjhe Timboni Ta Yehovha Ti Fambela Kule Ni Vanhu Lava Va Nga Tshama Va Va Timboni Ta Yehovha?

Hina a hi fambeli kule ni Timboni ta Yehovha leti nga tsakamisiwa leti ti nga tshika ku chumayela ni ku tipsatsa na hina. Ku vula ntiyiso hi zama ku ti pfuna swaku ti tlhela ti va ni wuxaka lalinene ni Xikwembu.

Loko munhu a yendle xidjoho xaxikulu a nga tekeli ku hlongoliwa abandleni. Kambe loko Mboni ya Yehovha leyi nga tsakamisiwa yi tshamela ku tlula minawu ya Bibele yi tlhela yi nga tisoli ya susiwa abandleni kumbe hi fambela kule na yona. Bibele li vula leswi: “Susani munhu wa ku biha xikarhi ka n’wina.” — 1 Vakorinto 5:13.

Ku humelela yini loko wanuna lweyi a nga ni nsati ni vana lava nga Timboni ta Yehovha a susiwa bandleni? Hambileswi a kalaka a nga yendli na vona mintirho ya wukhongeli, kambe wa ha tama a lumba ndjangu wa yena. Wa ha tama a li nuna kumbe papayi.

Vanhu lava nga susiwa bandleni va nga ha tama va ta ka mintlhanganu ya hina. Loko va swi lava, va nga ha tlhela va nyikiwa switsundzuxu hi madoda ya bandla. Xikongomelo i ku pfuna mun’wani ni mun’wani lweyi a nga ka xiyimu lexi fanaka leswaku a tlhela a faneleka ku va Mboni ya Yehovha. Loko vanhu lava nga susiwa bandleni vo tshika mahanyelo ya vona ya khale ya ku biha, va tlhela va tinyimisela ku hanya hi minawu ya Bibele va yamukeleka leswaku va tlhela va lumba bandla.