Yampsisa Ndlela Leyi U Chumayelaka ha Yona — Sungula Bulu Lelingata Pfula Mukhandlu Wochumayela

Yesu aswi kotile kuchumayela wansati wa Musamariya hi xitshuketa hikusa a sungule bulu na yena. Xana hingali yampsisa njhani wuswikoti la hina la kusungula mabulu ni lava hingava tiviki?

• Vana ni xinghanu. Hambileswi a akarhalile, Yesu a sungule bulu hi kukombela mati ya kunwa. Na wena unga sungula bulu hi kulosa munhu hi xinghanu ivi ndzhaku u bula hi maxela kumbe xiyendlakalo xa swoswinyana. Khumbuka leswaku xikongomelo xosungula i kusungula bulu. Hikolaho bula hi mhaka yokarhi leyi munhu lweyi u bulaka na yena angatayi tsakela. Loko anga yanguli, unga heli mbilu. Ringeta ka munhu mun’wana. Kombela Yehovha aku nyika xivindzi. — Neh 2:4; Min 4:29.

• Londzovota mukhandlu wun’wana ni wun’wana lowu ungaha vaka na wona wa kubula hi mahungu lamanene, kambe ungavi ni magugu. Unga sindzisi mabulu. Loko u sindzisa swilo, swinga yendla munhu lweyo angaswi rhandzi ivi a tsema bulu. Unga heli matimba loko bulu li hela na ungasemu chumayela. Loko swiku karhatela kutekela kuchumayela hi rungula la Mfumu, ti toloveti kusungula mabulu na unga na xikongomelo xochumayela. [Kombisa vhidiyu 1 mu gama mu bulisana hi lona.]

• Lavetela mukhandlu wa kuchumayela hi kuvulavula hi leswi uswi kholwaka, leswingata yendla muyingiseli wa wena aku yendla swivutiso. Marito ya Yesu ma susumetele wansati wa Musamariya kuyendla swivutiso. Hi wugamu, Yesu amu byele mahungu lamanene hi kuhlamula swivutiso swa yena. [Kombisa vhidiyu 2 mu gama mu bulisana hi lona; kombisa vhidiyu 3 mu gama mu bulisana hi lona.]